༨. ས་ལླ་སུ་ཏྟཾ
༥༧༩. ཨ་ནི་མི་ཏྟ་མ་ན་ཉྙཱ་ཏཾ, མ་ཙྩཱ་ནཾ ཨི་དྷ ཛཱི་ཝི་ཏཾ;
ཀ་སི་ར་ཉྩ པ་རི་ཏྟ་ཉྩ, ཏ་ཉྩ དུ་ཀྑེ་ན སཾ་ཡུ་ཏཾ.
༥༨༠. ན ཧི སོ ཨུ་པ་ཀྐ་མོ ཨ་ཏྠི, ཡེ་ན ཛཱ་ཏཱ ན མི་ཡྻ་རེ;
ཛ་ར་མྤི པ་ཏྭཱ མ་ར་ཎཾ, ཨེ་ཝཾ་དྷ་མྨཱ ཧི པཱ་ཎི་ནོ.
༥༨༡. ཕ་ལཱ་ན་མི་ཝ པ་ཀྐཱ་ནཾ, པཱ་ཏོ པ་ཏ་ན་ཏོ [པ་པ་ཏ་ཏོ (སཱི. པཱི. ཨ་ཊྛ.)] བྷ་ཡཾ;
ཨེ་ཝཾ ཛཱ་ཏཱ་ན མ་ཙྩཱ་ནཾ, ནི་ཙྩཾ མ་ར་ཎ་ཏོ བྷ་ཡཾ.
༥༨༢. ཡ་ཐཱ་པི ཀུ་མྦྷ་ཀཱ་ར་སྶ, ཀ་ཏཱ མ་ཏྟི་ཀ་བྷཱ་ཛ་ནཱ;
ས་བྦེ བྷེ་ད་ན་པ་རི་ཡ་ནྟཱ [བྷེ་ད་པ་རི་ཡ་ནྟཱ (སྱཱ.)], ཨེ་ཝཾ མ་ཙྩཱ་ན ཛཱི་ཝི་ཏཾ.
༥༨༣. ད་ཧ་རཱ ཙ མ་ཧ་ནྟཱ ཙ, ཡེ བཱ་ལཱ ཡེ ཙ པ་ཎྜི་ཏཱ;
ས་བྦེ མ་ཙྩུ་ཝ་སཾ ཡ་ནྟི, ས་བྦེ མ་ཙྩུ་པ་རཱ་ཡ་ཎཱ.
༥༨༤. ཏེ་སཾ མ་ཙྩུ་པ་རེ་ཏཱ་ནཾ, ག་ཙྪ་ཏཾ པ་ར་ལོ་ཀ་ཏོ;
ན པི་ཏཱ ཏཱ་ཡ་ཏེ པུ་ཏྟཾ, ཉཱ་ཏཱི ཝཱ པ་ན ཉཱ་ཏ་ཀེ.
༥༨༥. པེ་ཀྑ་ཏཾ ཡེ་ཝ ཉཱ་ཏཱི་ནཾ, པ་སྶ ལཱ་ལ་པ་ཏཾ པུ་ཐུ;
ཨེ་ཀ་མེ་ཀོ་ཝ མ་ཙྩཱ་ནཾ, གོ་ཝ་ཛ྄ཛྷོ ཝི་ཡ ནཱི་ཡ་ཏི [ནི་ཡྻ་ཏི (བ་ཧཱུ་སུ)].
༥༨༦. ཨེ་ཝ་མ་བྦྷཱ་ཧ་ཏོ ལོ་ཀོ, མ་ཙྩུ་ནཱ ཙ ཛ་རཱ་ཡ ཙ;
ཏ་སྨཱ དྷཱི་རཱ ན སོ་ཙ་ནྟི, ཝི་དི་ཏྭཱ ལོ་ཀ་པ་རི་ཡཱ་ཡཾ.
༥༨༧. ཡ་སྶ མ་གྒཾ ན ཛཱ་ནཱ་སི, ཨཱ་ག་ཏ་སྶ ག་ཏ་སྶ ཝཱ;
ཨུ་བྷོ ཨ་ནྟེ ཨ་ས་མྤ་སྶཾ, ནི་ར་ཏྠཾ པ་རི་དེ་ཝ་སི.
༥༨༨. པ་རི་དེ་ཝ་ཡ་མཱ་ནོ ཙེ, ཀི་ཉྩི་ད་ཏྠཾ ཨུ་ད་བྦ་ཧེ;
ས་མྨཱུ་ལ༹ྷོ ཧིཾ་ས་མ་ཏྟཱ་ནཾ, ཀ་ཡི་རཱ ཙེ ནཾ ཝི་ཙ་ཀྑ་ཎོ.
༥༨༩. ན ཧི རུ་ཎྞེ་ན སོ་ཀེ་ན, ས་ནྟིཾ པ་པྤོ་ཏི ཙེ་ཏ་སོ;
བྷི་ཡྻ་སྶུ་པྤ་ཛྫ་ཏེ དུ་ཀྑཾ, ས་རཱི་རཾ ཙུ་པ་ཧ་ཉྙ་ཏི.
༥༩༠. ཀི་སོ ཝི་ཝ་ཎྞོ བྷ་ཝ་ཏི, ཧིཾ་ས་མ་ཏྟཱ་ན་མ་ཏྟ་ནཱ;
ན ཏེ་ན པེ་ཏཱ པཱ་ལེ་ནྟི, ནི་ར་ཏྠཱ པ་རི་དེ་ཝ་ནཱ.
༥༩༡. སོ་ཀ་མ་པྤ་ཛ་ཧཾ ཛ་ནྟུ, བྷི་ཡྻོ དུ་ཀྑཾ ནི་ག་ཙྪ་ཏི;
ཨ་ནུ་ཏྠུ་ན་ནྟོ ཀཱ་ལ་ངྐ་ཏཾ [ཀཱ་ལ་ཀ་ཏཾ (སཱི. སྱཱ.)], སོ་ཀ་སྶ ཝ་ས་མ་ནྭ་གཱུ.
༥༩༢. ཨ་ཉྙེ་པི པ་སྶ ག་མི་ནེ, ཡ་ཐཱ་ཀ་མྨཱུ་པ་གེ ན་རེ;
མ་ཙྩུ་ནོ ཝ་ས་མཱ་ག་མྨ, ཕ་ནྡ་ནྟེ་ཝི་དྷ པཱ་ཎི་ནོ.
༥༩༣. ཡེ་ན ཡེ་ན ཧི མ་ཉྙ་ནྟི, ཏ་ཏོ ཏཾ ཧོ་ཏི ཨ་ཉྙ་ཐཱ;
ཨེ་ཏཱ་དི་སོ ཝི་ནཱ་བྷཱ་ཝོ, པ་སྶ ལོ་ཀ་སྶ པ་རི་ཡཱ་ཡཾ.
༥༩༤. ཨ་པི ཝ་སྶ་ས་ཏཾ ཛཱི་ཝེ, བྷི་ཡྻོ ཝཱ པ་ན མཱ་ཎ་ཝོ;
ཉཱ་ཏི་ས་ངྒྷཱ ཝི་ནཱ ཧོ་ཏི, ཛ་ཧཱ་ཏི ཨི་དྷ ཛཱི་ཝི་ཏཾ.
༥༩༥. ཏ་སྨཱ ཨ་ར་ཧ་ཏོ སུ་ཏྭཱ, ཝི་ནེ་ཡྻ པ་རི་དེ་ཝི་ཏཾ;
པེ་ཏཾ ཀཱ་ལ་ངྐ་ཏཾ དི་སྭཱ, ནེ་སོ ལ་བྦྷཱ མ་ཡཱ ཨི་ཏི.
༥༩༦. ཡ་ཐཱ ས་ར་ཎ་མཱ་དི་ཏྟཾ, ཝཱ་རི་ནཱ པ་རི་ནི་བྦ་ཡེ [པ་རི་ནི་བྦུ་ཏོ (སཱི. ཀ.)];
ཨེ་ཝ་མྤི དྷཱི་རོ ས་པ་ཉྙོ, པ་ཎྜི་ཏོ ཀུ་ས་ལོ ན་རོ;
ཁི་པྤ་མུ་པྤ་ཏི་ཏཾ སོ་ཀཾ, ཝཱ་ཏོ ཏཱུ་ལཾ་ཝ དྷཾ་ས་ཡེ.
༥༩༧. པ་རི་དེ་ཝཾ པ་ཛ་པྤ་ཉྩ, དོ་མ་ན་སྶ་ཉྩ ཨ་ཏྟ་ནོ;
ཨ་ཏྟ་ནོ སུ་ཁ་མེ་སཱ་ནོ, ཨ་བྦ་ཧེ ས་ལླ་མ་ཏྟ་ནོ.
༥༩༨. ཨ་བྦུ་ལ༹ྷ་ས་ལློ ཨ་སི་ཏོ, ས་ནྟིཾ པ་པྤུ་ཡྻ ཙེ་ཏ་སོ;
ས་བྦ་སོ་ཀཾ ཨ་ཏི་ཀྐ་ནྟོ, ཨ་སོ་ཀོ ཧོ་ཏི ནི་བྦུ་ཏོ་ཏི.
ས་ལླ་སུ་ཏྟཾ ཨ་ཊྛ་མཾ ནི་ཊྛི་ཏཾ.