༣. ཧི་རི་སུ་ཏྟཾ
༢༥༦. ཧི་རིཾ ཏ་ར་ནྟཾ ཝི་ཛི་གུ་ཙྪ་མཱ་ནཾ, ཏ་ཝཱ་ཧ་མ་སྨི [ས་ཁཱ་ཧ་མ་སྨི (སཱི. སྱཱ. ཀཾ. པཱི.)] ཨི་ཏི བྷཱ་ས་མཱ་ནཾ;
ས་ཡ྄ཧཱ་ནི ཀ་མྨཱ་ནི ཨ་ནཱ་དི་ཡ་ནྟཾ, ནེ་སོ མ་མ་ནྟི ཨི་ཏི ནཾ ཝི་ཛ་ཉྙཱ.
༢༥༧. ཨ་ན་ནྭ་ཡཾ [ཨ་ཏྠ་ནྭ་ཡཾ (ཀ.)] པི་ཡཾ ཝཱ་ཙཾ, ཡོ མི་ཏྟེ་སུ པ་ཀུ་བྦ་ཏི;
ཨ་ཀ་རོ་ནྟཾ བྷཱ་ས་མཱ་ནཾ, པ་རི་ཛཱ་ན་ནྟི པ་ཎྜི་ཏཱ.
༢༥༨. ན སོ མི་ཏྟོ ཡོ ས་དཱ ཨ་པྤ་མ་ཏྟོ, བྷེ་དཱ་ས་ངྐཱི ར་ནྡྷ་མེ་ཝཱ་ནུ་པ་སྶཱི;
ཡ་སྨི་ཉྩ སེ་ཏི ཨུ་ར་སཱི་ཝ པུ་ཏྟོ, ས ཝེ མི་ཏྟོ ཡོ པ་རེ་ཧི ཨ་བྷེ་ཛྫོ.
༢༥༩. པཱ་མུ་ཛྫ་ཀ་ར་ཎཾ ཋཱ་ནཾ, པ་སཾ་སཱ་ཝ་ཧ་ནཾ སུ་ཁཾ;
ཕ་ལཱ་ནི་སཾ་སོ བྷཱ་ཝེ་ཏི, ཝ་ཧ་ནྟོ པོ་རི་སཾ དྷུ་རཾ.
༢༦༠. པ་ཝི་ཝེ་ཀ་ར་སཾ པི་ཏྭཱ, ར་སཾ ཨུ་པ་ས་མ་སྶ ཙ;
ནི་དྡ་རོ ཧོ་ཏི ནི་པྤཱ་པོ, དྷ་མྨ་པཱི་ཏི་ར་སཾ པི་ཝ་ནྟི.
ཧི་རི་སུ་ཏྟཾ ཏ་ཏི་ཡཾ ནི་ཊྛི་ཏཾ.