༤. ས་ཀྐཱ་ཡ་དི་ཊྛི་ནི་དྡེ་སོ

༡༣༧. ས་ཀྐཱ་ཡ་དི་ཊྛི་ཡཱ ཀ་ཏ་མེ་ཧི ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ, ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི རཱུ་པ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ རཱུ་པཾ རཱུ་པ་སྨིཾ ཝཱ ཨ་ཏྟཱ་ནཾ. ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི ཝི་ཉྙཱ་ཎ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ ཝི་ཉྙཱ་ཎཾ ཝི་ཉྙཱ་ཎ་སྨིཾ ཝཱ ཨ་ཏྟཱ་ནཾ.

ཀ་ཐཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི? ཨི་དྷེ་ཀ་ཙྩོ པ་ཐ་ཝཱི་ཀ་སི་ཎཾ…པེ… ཨོ་དཱ་ཏ་ཀ་སི་ཎཾ ཨ་ཏྟ་ཏོ ས་མ་ནུ་པ་སྶ་ཏི. ‘‘ཡཾ ཨོ་དཱ་ཏ་ཀ་སི་ཎཾ, སོ ཨ་ཧཾ; ཡོ ཨ་ཧཾ, ཏཾ ཨོ་དཱ་ཏ་ཀ་སི་ཎ’’ནྟི – ཨོ་དཱ་ཏ་ཀ་སི་ཎ་ཉྩ ཨ་ཏྟ་ཉྩ ཨ་དྭ་ཡཾ ས་མ་ནུ་པ་སྶ་ཏི. སེ་ཡྻ་ཐཱ་པི ཏེ་ལ་པྤ་དཱི་པ་སྶ ཛྷཱ་ཡ་ཏོ…པེ… ཨེ་ཝ་མེ་ཝཾ ཨི་དྷེ་ཀ་ཙྩོ ཨོ་དཱ་ཏ་ཀ་སི་ཎཾ ཨ་ཏྟ་ཏོ ས་མ་ནུ་པ་སྶ་ཏི. ཨ་བྷི་ནི་ཝེ་ས་པ་རཱ་མཱ་སོ དི་ཊྛི…པེ… ཨ་ཡཾ པ་ཋ་མཱ རཱུ་པ་ཝ་ཏྠུ་ཀཱ ས་ཀྐཱ་ཡ་དི་ཊྛི. ས་ཀྐཱ་ཡ་དི་ཊྛི མི་ཙྪཱ་དི་ཊྛི…པེ… ཨི་མཱ་ནི ས་ཉྙོ་ཛ་ནཱ་ནི, ན ཙ དི་ཊྛི་ཡོ. ཨེ་ཝཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི…པེ… ས་ཀྐཱ་ཡ་དི་ཊྛི་ཡཱ ཨི་མེ་ཧི ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི.

ས་ཀྐཱ་ཡ་དི་ཊྛི་ནི་དྡེ་སོ ཙ་ཏུ་ཏྠོ.