༢༠-༢༤. ཉཱ་ཎ་པ་ཉྩ་ཀ་ནི་དྡེ་སོ

༧༥. ཀ་ཐཾ ཨ་བྷི་ཉྙཱ་པ་ཉྙཱ ཉཱ་ཏ་ཊྛེ ཉཱ་ཎཾ, པ་རི་ཉྙཱ་པ་ཉྙཱ ཏཱི་ར་ཎ་ཊྛེ ཉཱ་ཎཾ, པ་ཧཱ་ནེ་པ་ཉྙཱ པ་རི་ཙྩཱ་ག་ཊྛེ ཉཱ་ཎཾ, བྷཱ་ཝ་ནཱ པ་ཉྙཱ ཨེ་ཀ་ར་ས་ཊྛེ ཉཱ་ཎཾ, ས་ཙྪི་ཀི་རི་ཡཱ་པ་ཉྙཱ ཕ་སྶ་ན་ཊྛེ ཉཱ་ཎཾ? ཡེ ཡེ དྷ་མྨཱ ཨ་བྷི་ཉྙཱ་ཏཱ ཧོ་ནྟི, ཏེ ཏེ དྷ་མྨཱ ཉཱ་ཏཱ ཧོ་ནྟི. ཡེ ཡེ དྷ་མྨཱ པ་རི་ཉྙཱ་ཏཱ ཧོ་ནྟི, ཏེ ཏེ དྷ་མྨཱ ཏཱི་རི་ཏཱ ཧོ་ནྟི. ཡེ ཡེ དྷ་མྨཱ པ་ཧཱི་ནཱ ཧོ་ནྟི, ཏེ ཏེ དྷ་མྨཱ པ་རི་ཙྩ་ཏྟཱ ཧོ་ནྟི. ཡེ ཡེ དྷ་མྨཱ བྷཱ་ཝི་ཏཱ ཧོ་ནྟི, ཏེ ཏེ དྷ་མྨཱ ཨེ་ཀ་ར་སཱ ཧོ་ནྟི. ཡེ ཡེ དྷ་མྨཱ ས་ཙྪི་ཀ་ཏཱ ཧོ་ནྟི, ཏེ ཏེ དྷ་མྨཱ ཕ་སྶི་ཏཱ ཧོ་ནྟི. ཏཾ ཉཱ་ཏ་ཊྛེ་ན ཉཱ་ཎཾ, པ་ཛཱ་ན་ན་ཊྛེ་ན པ་ཉྙཱ. ཏེ་ན ཝུ་ཙྩ་ཏི – ‘‘ཨ་བྷི་ཉྙཱ པ་ཉྙཱ ཉཱ་ཏ་ཊྛེ ཉཱ་ཎཾ, པ་རི་ཉྙཱ པ་ཉྙཱ ཏཱི་ར་ཎ་ཊྛེ ཉཱ་ཎཾ, པ་ཧཱ་ནེ པ་ཉྙཱ པ་རི་ཙྩཱ་ག་ཊྛེ ཉཱ་ཎཾ, བྷཱ་ཝ་ནཱ པ་ཉྙཱ ཨེ་ཀ་ར་ས་ཊྛེ ཉཱ་ཎཾ, ས་ཙྪི་ཀི་རི་ཡཱ པ་ཉྙཱ ཕུ་ས་ན་ཊྛེ ཉཱ་ཎཾ’’.

ཉཱ་ཎ་པ་ཉྩ་ཀ་ནི་དྡེ་སོ ཙ་ཏུ་ཝཱི་ས་ཏི་མོ.