༢༥-༢༨. པ་ཊི་ས་མྦྷི་དཱ་ཉཱ་ཎ་ནི་དྡེ་སོ

༧༦. ཀ་ཐཾ ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ, དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ, ནི་རུ་ཏྟི་ནཱ་ན་ཏྟེ པ་ཉྙཱ ནི་རུ་ཏྟི་པ་ཊི་ས་མྦྷི་དེ ཉཱ་ཎཾ, པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ? ས་དྡྷི་ནྡྲི་ཡཾ དྷ་མྨོ, ཝཱི་རི་ཡི་ནྡྲི་ཡཾ དྷ་མྨོ, ས་ཏི་ནྡྲི་ཡཾ དྷ་མྨོ, ས་མཱ་དྷི་ནྡྲི་ཡཾ དྷ་མྨོ, པ་ཉྙི་ནྡྲི་ཡཾ དྷ་མྨོ. ཨ་ཉྙོ ས་དྡྷི་ནྡྲི་ཡཾ དྷ་མྨོ, ཨ་ཉྙོ ཝཱི་རི་ཡི་ནྡྲི་ཡཾ དྷ་མྨོ, ཨ་ཉྙོ ས་ཏི་ནྡྲི་ཡཾ དྷ་མྨོ, ཨ་ཉྙོ ས་མཱ་དྷི་ནྡྲི་ཡཾ དྷ་མྨོ, ཨ་ཉྙོ པ་ཉྙི་ནྡྲི་ཡཾ དྷ་མྨོ. ཡེ་ན ཉཱ་ཎེ་ན ཨི་མེ ནཱ་ནཱ དྷ་མྨཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ དྷ་མྨཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ’’.

ཨ་དྷི་མོ་ཀྑ་ཊྛོ ཨ་ཏྠོ, པ་གྒ་ཧ་ཊྛོ ཨ་ཏྠོ, ཨུ་པ་ཊྛཱ་ན་ཊྛོ ཨ་ཏྠོ, ཨ་ཝི་ཀྑེ་པ་ཊྛོ ཨ་ཏྠོ, ད་སྶ་ན་ཊྛོ ཨ་ཏྠོ. ཨ་ཉྙོ ཨ་དྷི་མོ་ཀྑ་ཊྛོ ཨ་ཏྠོ, ཨ་ཉྙོ པ་གྒ་ཧ་ཊྛོ ཨ་ཏྠོ, ཨ་ཉྙོ ཨུ་པ་ཊྛཱ་ན་ཊྛོ ཨ་ཏྠོ, ཨ་ཉྙོ ཨ་ཝི་ཀྑེ་པ་ཊྛོ ཨ་ཏྠོ, ཨ་ཉྙོ ད་སྶ་ན་ཊྛོ ཨ་ཏྠོ. ཡེ་ན ཉཱ་ཎེ་ན ཨི་མེ ནཱ་ནཱ ཨ་ཏྠཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཨ་ཏྠཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི ‘‘ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ’’.

པ་ཉྩ དྷ་མྨེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ, པ་ཉྩ ཨ་ཏྠེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ. ཨ་ཉྙཱ དྷ་མྨ་ནི་རུ་ཏྟི་ཡོ, ཨ་ཉྙཱ ཨ་ཏྠ་ནི་རུ་ཏྟི་ཡོ. ཡེ་ན ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ནི་རུ་ཏྟི་ནཱ་ན་ཏྟེ པ་ཉྙཱ ནི་རུ་ཏྟི་པ་ཊི་ས་མྦྷི་དེ ཉཱ་ཎཾ’’.

པ་ཉྩ་སུ དྷ་མྨེ་སུ ཉཱ་ཎཱ་ནི, པ་ཉྩ་སུ ཨ་ཏྠེ་སུ ཉཱ་ཎཱ་ནི, ད་ས་སུ ནི་རུ་ཏྟཱི་སུ ཉཱ་ཎཱ་ནི. ཨ་ཉྙཱ་ནི དྷ་མྨེ་སུ ཉཱ་ཎཱ་ནི, ཨ་ཉྙཱ་ནི ཨ་ཏྠེ་སུ ཉཱ་ཎཱ་ནི, ཨ་ཉྙཱ་ནི ནི་རུ་ཏྟཱི་སུ ཉཱ་ཎཱ་ནི. ཡེ་ན ཉཱ་ཎེ་ན ཨི་མེ ནཱ་ནཱ ཉཱ་ཎཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཉཱ་ཎཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ’’.

༧༧. ས་དྡྷཱ་བ་ལཾ དྷ་མྨོ, ཝཱི་རི་ཡ་བ་ལཾ དྷ་མྨོ, ས་ཏི་བ་ལཾ དྷ་མྨོ, ས་མཱ་དྷི་བ་ལཾ དྷ་མྨོ, པ་ཉྙཱ་བ་ལཾ དྷ་མྨོ. ཨ་ཉྙོ ས་དྡྷཱ་བ་ལཾ དྷ་མྨོ, ཨ་ཉྙོ ཝཱི་རི་ཡ་བ་ལཾ དྷ་མྨོ, ཨ་ཉྙོ ས་ཏི་བ་ལཾ དྷ་མྨོ, ཨ་ཉྙོ ས་མཱ་དྷི་བ་ལཾ དྷ་མྨོ, ཨ་ཉྙོ པ་ཉྙཱ་བ་ལཾ དྷ་མྨོ. ཡེ་ན ཉཱ་ཎེ་ན ཨི་མེ ནཱ་ནཱ དྷ་མྨཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ དྷ་མྨཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ’’.

ཨ་སྶ་དྡྷི་ཡེ ཨ་ཀ་མྤི་ཡ་ཊྛོ ཨ་ཏྠོ. ཀོ་ས་ཛྫེ ཨ་ཀ་མྤི་ཡ་ཊྛོ ཨ་ཏྠོ. པ་མཱ་དེ ཨ་ཀ་མྤི་ཡ་ཊྛོ ཨ་ཏྠོ. ཨུ་དྡྷ་ཙྩེ ཨ་ཀ་མྤི་ཡ་ཊྛོ ཨ་ཏྠོ. ཨ་ཝི་ཛྫཱ་ཡ ཨ་ཀ་མྤི་ཡ་ཊྛོ ཨ་ཏྠོ. ཨ་ཉྙོ ཨ་སྶ་དྡྷི་ཡེ ཨ་ཀ་མྤི་ཡ་ཊྛོ ཨ་ཏྠོ, ཨ་ཉྙོ ཀོ་ས་ཛྫེ ཨ་ཀ་མྤི་ཡ་ཊྛོ ཨ་ཏྠོ, ཨ་ཉྙོ པ་མཱ་དེ ཨ་ཀ་མྤི་ཡ་ཊྛོ ཨ་ཏྠོ, ཨ་ཉྙོ ཨུ་དྡྷ་ཙྩེ ཨ་ཀ་མྤི་ཡ་ཊྛོ ཨ་ཏྠོ, ཨ་ཉྙོ ཨ་ཝི་ཛྫཱ་ཡ ཨ་ཀ་མྤི་ཡ་ཊྛོ ཨ་ཏྠོ. ཡེ་ན ཉཱ་ཎེ་ན ཨི་མེ ནཱ་ནཱ ཨ་ཏྠཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཨ་ཏྠཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ’’.

པ་ཉྩ་སུ [པ་ཉྩ (?)] དྷ་མྨེ་སུ ཉཱ་ཎཱ་ནི, པ་ཉྩ་སུ [པ་ཉྩ (?)] ཨ་ཏྠེ་སུ ཉཱ་ཎཱ་ནི, ད་ས་སུ [ད་ས (?)] ནི་རུ་ཏྟཱི་སུ ཉཱ་ཎཱ་ནི. ཨ་ཉྙཱ་ནི དྷ་མྨེ་སུ ཉཱ་ཎཱ་ནི, ཨ་ཉྙཱ་ནི ཨ་ཏྠེ་སུ ཉཱ་ཎཱ་ནི, ཨ་ཉྙཱ་ནི ནི་རུ་ཏྟཱི་སུ ཉཱ་ཎཱ་ནི. ཡེ་ན ཉཱ་ཎེ་ན ཨི་མེ ནཱ་ནཱ ཉཱ་ཎཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཉཱ་ཎཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ’’.

ས་ཏི་ས་མྦོ་ཛ྄ཛྷ་ངྒོ དྷ་མྨོ, དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ དྷ་མྨོ, ཝཱི་རི་ཡ་ས་མྦོ་ཛ྄ཛྷ་ངྒོ དྷ་མྨོ, པཱི་ཏི་ས་མྦོ་ཛ྄ཛྷ་ངྒོ དྷ་མྨོ, པ་སྶ་དྡྷི་ས་མྦོ་ཛ྄ཛྷ་ངྒོ དྷ་མྨོ, ས་མཱ་དྷི་ས་མྦོ་ཛ྄ཛྷ་ངྒོ དྷ་མྨོ, ཨུ་པེ་ཀྑཱ་ས་མྦོ་ཛ྄ཛྷ་ངྒོ དྷ་མྨོ. ཨ་ཉྙོ ས་ཏི་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ ཝཱི་རི་ཡ་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ པཱི་ཏི་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ པ་སྶ་དྡྷི་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ ས་མཱ་དྷི་ས་མྦོ་ཛ྄ཛྷ་ངྒོ དྷ་མྨོ, ཨ་ཉྙོ ཨུ་པེ་ཀྑཱ་ས་མྦོ་ཛ྄ཛྷ་ངྒོ དྷ་མྨོ. ཡེ་ན ཉཱ་ཎེ་ན ཨི་མེ ནཱ་ནཱ དྷ་མྨཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ དྷ་མྨཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ’’.

ཨུ་པ་ཊྛཱ་ན་ཊྛོ ཨ་ཏྠོ, པ་ཝི་ཙ་ཡ་ཊྛོ ཨ་ཏྠོ, པ་གྒ་ཧ་ཊྛོ ཨ་ཏྠོ, ཕ་ར་ཎ་ཊྛོ ཨ་ཏྠོ, ཨུ་པ་ས་མ་ཊྛོ ཨ་ཏྠོ, ཨ་ཝི་ཀྑེ་པ་ཊྛོ ཨ་ཏྠོ, པ་ཊི་ས་ངྑཱ་ན་ཊྛོ ཨ་ཏྠོ. ཨ་ཉྙོ ཨུ་པ་ཊྛཱ་ན་ཊྛོ ཨ་ཏྠོ, ཨ་ཉྙོ པ་ཝི་ཙ་ཡ་ཊྛོ ཨ་ཏྠོ, ཨ་ཉྙོ པ་གྒ་ཧ་ཊྛོ ཨ་ཏྠོ, ཨ་ཉྙོ ཕ་ར་ཎ་ཊྛོ ཨ་ཏྠོ, ཨ་ཉྙོ ཨུ་པ་ས་མ་ཊྛོ ཨ་ཏྠོ, ཨ་ཉྙོ ཨ་ཝི་ཀྑེ་པ་ཊྛོ ཨ་ཏྠོ, ཨ་ཉྙོ པ་ཊི་ས་ངྑཱ་ན་ཊྛོ ཨ་ཏྠོ. ཡེ་ན ཉཱ་ཎེ་ན ཨི་མེ ནཱ་ནཱ ཨ་ཏྠཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཨ་ཏྠཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ’’.

ས་ཏྟ དྷ་མྨེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ, ས་ཏྟ ཨ་ཏྠེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ. ཨ་ཉྙཱ དྷ་མྨ་ནི་རུ་ཏྟི་ཡོ, ཨ་ཉྙཱ ཨ་ཏྠ་ནི་རུ་ཏྟི་ཡོ. ཡེ་ན ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ནི་རུ་ཏྟི་ནཱ་ན་ཏྟེ པ་ཉྙཱ ནི་རུ་ཏྟི་པ་ཊི་ས་མྦྷི་དེ ཉཱ་ཎཾ’’.

ས་ཏྟ་སུ དྷ་མྨེ་སུ ཉཱ་ཎཱ་ནི, ས་ཏྟ་སུ ཨ་ཏྠེ་སུ ཉཱ་ཎཱ་ནི, ཙུ་དྡ་ས་སུ ནི་རུ་ཏྟཱི་སུ ཉཱ་ཎཱ་ནི. ཨ་ཉྙཱ་ནི དྷ་མྨེ་སུ ཉཱ་ཎཱ་ནི, ཨ་ཉྙཱ་ནི ཨ་ཏྠེ་སུ ཉཱ་ཎཱ་ནི, ཨ་ཉྙཱ་ནི ནི་རུ་ཏྟཱི་སུ ཉཱ་ཎཱ་ནི. ཡེ་ན ཉཱ་ཎེ་ན ཨི་མེ ནཱ་ནཱ ཉཱ་ཎཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཉཱ་ཎཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ’’.

ས་མྨཱ་དི་ཊྛི དྷ་མྨོ, ས་མྨཱ་ས་ངྐ་པྤོ དྷ་མྨོ, ས་མྨཱ་ཝཱ་ཙཱ དྷ་མྨོ, ས་མྨཱ་ཀ་མྨ་ནྟོ དྷ་མྨོ, ས་མྨཱ་ཨཱ་ཛཱི་ཝོ དྷ་མྨོ, ས་མྨཱ་ཝཱ་ཡཱ་མོ དྷ་མྨོ, ས་མྨཱ་ས་ཏི དྷ་མྨོ, ས་མྨཱ་ས་མཱ་དྷི དྷ་མྨོ. ཨ་ཉྙོ ས་མྨཱ་དི་ཊྛི དྷ་མྨོ, ཨ་ཉྙོ ས་མྨཱ་ས་ངྐ་པྤོ དྷ་མྨོ, ཨ་ཉྙོ ས་མྨཱ་ཝཱ་ཙཱ དྷ་མྨོ, ཨ་ཉྙོ ས་མྨཱ་ཀ་མྨ་ནྟོ དྷ་མྨོ, ཨ་ཉྙོ ས་མྨཱ་ཨཱ་ཛཱི་ཝོ དྷ་མྨོ, ཨ་ཉྙོ ས་མྨཱ་ཝཱ་ཡཱ་མོ དྷ་མྨོ, ཨ་ཉྙོ ས་མྨཱ་ས་ཏི དྷ་མྨོ, ཨ་ཉྙོ ས་མྨཱ་ས་མཱ་དྷི དྷ་མྨོ. ཡེ་ན ཉཱ་ཎེ་ན ཨི་མེ ནཱ་ནཱ དྷ་མྨཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ དྷ་མྨཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ’’.

ད་སྶ་ན་ཊྛོ ཨ་ཏྠོ, ཨ་བྷི་ནི་རོ་པ་ན་ཊྛོ ཨ་ཏྠོ, པ་རི་གྒ་ཧ་ཊྛོ ཨ་ཏྠོ, ས་མུ་ཊྛཱ་ན་ཊྛོ ཨ་ཏྠོ, ཝོ་དཱ་ན་ཊྛོ ཨ་ཏྠོ, པ་གྒ་ཧ་ཊྛོ ཨ་ཏྠོ, ཨུ་པ་ཊྛཱ་ན་ཊྛོ ཨ་ཏྠོ, ཨ་ཝི་ཀྑེ་པ་ཊྛོ ཨ་ཏྠོ. ཨ་ཉྙོ ད་སྶ་ན་ཊྛོ ཨ་ཏྠོ, ཨ་ཉྙོ ཨ་བྷི་ནི་རོ་པ་ན་ཊྛོ ཨ་ཏྠོ, ཨ་ཉྙོ པ་རི་གྒ་ཧ་ཊྛོ ཨ་ཏྠོ, ཨ་ཉྙོ ས་མུ་ཊྛཱ་ན་ཊྛོ ཨ་ཏྠོ, ཨ་ཉྙོ ཝོ་དཱ་ན་ཊྛོ ཨ་ཏྠོ, ཨ་ཉྙོ པ་གྒ་ཧ་ཊྛོ ཨ་ཏྠོ, ཨ་ཉྙོ ཨུ་པ་ཊྛཱ་ན་ཊྛོ ཨ་ཏྠོ, ཨ་ཉྙོ ཨ་ཝི་ཀྑེ་པ་ཊྛོ ཨ་ཏྠོ. ཡེ་ན ཉཱ་ཎེ་ན ཨི་མེ ནཱ་ནཱ ཨ་ཏྠཱ ཉཱ་ཏཱ ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཨ་ཏྠཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ’’.

ཨ་ཊྛ དྷ་མྨེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ, ཨ་ཊྛ ཨ་ཏྠེ ས་ནྡ་སྶེ་ཏུཾ བྱ་ཉྫ་ན་ནི་རུ་ཏྟཱ་བྷི་ལཱ་པཱ. ཨ་ཉྙཱ དྷ་མྨ་ནི་རུ་ཏྟི་ཡོ, ཨ་ཉྙཱ ཨ་ཏྠ་ནི་རུ་ཏྟི་ཡོ. ཡེ་ན ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མཱ ནཱ་ནཱ ནི་རུ་ཏྟི་ཡོ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘ནི་རུ་ཏྟི་ནཱ་ན་ཏྟེ པ་ཉྙཱ ནི་རུ་ཏྟི་པ་ཊི་ས་མྦྷི་དེ ཉཱ་ཎཾ’’.

ཨ་ཊྛ་སུ དྷ་མྨེ་སུ ཉཱ་ཎཱ་ནི, ཨ་ཊྛ་སུ ཨ་ཏྠེ་སུ ཉཱ་ཎཱ་ནི སོ་ལ༹་ས་སུ ནི་རུ་ཏྟཱི་སུ ཉཱ་ཎཱ་ནི. ཨ་ཉྙཱ་ནི དྷ་མྨེ་སུ ཉཱ་ཎཱ་ནི, ཨ་ཉྙཱ་ནི ཨ་ཏྠེ་སུ ཉཱ་ཎཱ་ནི, ཨ་ཉྙཱ་ནི ནི་རུ་ཏྟཱི་སུ ཉཱ་ཎཱ་ནི. ཡེ་ན ཉཱ་ཎེ་ན ཨི་མེ ནཱ་ནཱ ཉཱ་ཎཱ ཉཱ་ཏཱ, ཏེ་ནེ་ཝ ཉཱ་ཎེ་ན ཨི་མེ ནཱ་ནཱ ཉཱ་ཎཱ པ་ཊི་ཝི་དི་ཏཱ་ཏི. ཏེ་ན ཝུ་ཙྩ་ཏི – ‘‘པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ’’. ཏཾ ཉཱ་ཏ་ཊྛེ་ན ཉཱ་ཎཾ, པ་ཛཱ་ན་ན་ཊྛེ་ན པ་ཉྙཱ. ཏེ་ན ཝུ་ཙྩ་ཏི – ‘‘ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎཾ. དྷ་མྨ་ནཱ་ན་ཏྟེ པ་ཉྙཱ དྷ་མྨ་པ་ཊི་ས་མྦྷི་དེ ཉཱ་ཎཾ. ནི་རུ་ཏྟི་ནཱ་ན་ཏྟེ པ་ཉྙཱ ནི་རུ་ཏྟི་པ་ཊི་ས་མྦྷི་དེ ཉཱ་ཎཾ. པ་ཊི་བྷཱ་ན་ནཱ་ན་ཏྟེ པ་ཉྙཱ པ་ཊི་བྷཱ་ན་པ་ཊི་ས་མྦྷི་དེ ཉཱ་ཎཾ’’.

པ་ཊི་ས་མྦྷི་དཱ་ཉཱ་ཎ་ནི་དྡེ་སོ ཨ་ཊྛ་ཝཱི་ས་ཏི་མོ.