ཏ་ཏྠ ཨི་མཱ ཨུ་དྡཱ་ན་གཱ་ཐཱ

ཏ་ཎྷཱ ཙ ཨ་ཝི་ཛྫཱ ལོ་བྷོ, དོ་སོ ཏ་ཐེ་ཝ མོ་ཧོ ཙ;

ཙ་ཏྟཱ་རོ ཙ ཝི་པ་ལླཱ་སཱ, ཀི་ལེ་ས་བྷཱུ་མི ན་ཝ པ་དཱ་ནི.

ཡེ ཙ ས་ཏི་པ་ཊྛཱ་ནཱ ས་མ་ཐོ, ཝི་པ་སྶ་ནཱ ཀུ་ས་ལ་མཱུ་ལཾ;

ཨེ་ཏཾ ས་བྦཾ ཀུ་ས་ལཾ, ཨི་ནྡྲི་ཡ་བྷཱུ་མི ན་ཝ་པ་དཱ་ནི.

ས་བྦཾ ཀུ་ས་ལཾ ན་ཝ་ཧི པ་དེ་ཧི ཡུ་ཛྫ་ཏི, ན་ཝ་ཧི ཙེ་ཝ ཨ་ཀུ་ས་ལཾ;

ཨེ་ཀ་ཀེ ན་ཝ མཱུ་ལ་པ་དཱ་ནི, ཨུ་བྷ་ཡ་ཏོ ཨ་ཊྛཱ་ར་ས མཱུ་ལ་པ་དཱ་ནི.

ཨི་མེ་སཾ ཨ་ཊྛཱ་ར་ས་ནྣཾ མཱུ་ལ་པ་དཱ་ནཾ ཡཱ་ནི ན་ཝ པ་དཱ་ནི ཨ་ཀུ་ས་ལཱ་ནི, ཨ་ཡཾ དུ་ཀྑ་ས་མུ་ད་ཡོ; ཡཱ་ནི ན་ཝ པ་དཱ་ནི ཀུ་ས་ལཱ་ནི, ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ. ཨི་ཏི ས་མུ་ད་ཡ་སྶ དུ་ཀྑཾ ཕ་ལཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ནི་རོ་དྷཾ ཕ་ལཾ. ཨི་མཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི བྷ་ག་ཝ་ཏཱ བཱ་རཱ་ཎ་སི་ཡཾ དེ་སི་ཏཱ་ནི.

༧. ཏ་ཏྠ དུ་ཀྑ་སྶ ཨ་རི་ཡ་ས་ཙྩ་སྶ ཨ་པ་རི་མཱ་ཎཱ་ནི ཨ་ཀྑ་རཱ་ནི པ་དཱ་ནི བྱ་ཉྫ་ནཱ་ནི ཨཱ་ཀཱ་རཱ་ནི ནི་རུ་ཏྟི་ཡོ ནི་དྡེ་སཱ དེ་སི་ཏཱ ཨེ་ཏ་སྶེ་ཝ་ཏྠ་སྶ ས་ངྐཱ་ས་ནཱ་ཡ པ་ཀཱ་ས་ནཱ་ཡ ཝི་ཝ་ར་ཎཱ་ཡ ཝི་བྷ་ཛ་ནཱ་ཡ ཨུ་ཏྟཱ་ནཱི་ཀ་མྨ་ཏཱ་ཡ པ་ཉྙཱ་པ་ནཱ་ཡཱ་ཏི ཡཱ ཨེ་ཝཾ ས་བྦེ་སཾ ས་ཙྩཱ་ནཾ. ཨི་ཏི ཨེ་ཀ་མེ་ཀཾ ས་ཙྩཾ ཨ་པ་རི་མཱ་ཎེ་ཧི ཨ་ཀྑ་ར་པ་ད་བྱ་ཉྫ་ན་ཨཱ་ཀཱ་ར་ནི་རུ་ཏྟི་ནི་དྡེ་སེ་ཧི པ་རི་ཡེ་སི་ཏ་བྦཾ, ཏ་ཉྩ བྱ་ཉྫ་ནཾ ཨ་ཏྠ་པུ་ཐུ་ཏྟེ་ན པ་ན ཨ་ཏྠེ་ཝ བྱ་ཉྫ་ན་པུ་ཐུ་ཏྟེ་ན.

ཡོ ཧི ཀོ་ཙི ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ ཝ་དེ་ཡྻ ‘‘ཨ་ཧཾ ཨི་དཾ དུ་ཀྑཾ པ་ཙྩ་ཀྑཱ་ཡ ཨ་ཉྙཾ དུ་ཀྑཾ པ་ཉྙ་པེ་སྶཱ་མཱི’’ཏི ཏ་སྶ ཏཾ ཝཱ་ཙཱ་ཝ་ཏྠུ་ཀ་མེ་ཝ་སྶ པུ་ཙྪི་ཏོ ཙ ན ས་མྤཱ་ཡི་སྶ་ཏི. ཨེ་ཝཾ ས་ཙྩཱ་ནི. ཡ་ཉྩ ར་ཏྟིཾ བྷ་ག་ཝཱ ཨ་བྷི་ས་མྦུ་དྡྷོ, ཡ་ཉྩ ར་ཏྟིཾ ཨ་ནུ་པཱ་དཱ་ཡ པ་རི་ནི་བྦུ་ཏོ, ཨེ་ཏྠ་ནྟ་རེ ཡཾ ཀི་ཉྩི བྷ་ག་ཝ་ཏཱ བྷཱ་སི་ཏཾ སུ་ཏྟཾ གེ་ཡྻཾ ཝེ་ཡྻཱ་ཀ་ར་ཎཾ གཱ་ཐཱ ཨུ་དཱ་ནཾ ཨི་ཏི་ཝུ་ཏྟ་ཀཾ ཛཱ་ཏ་ཀཾ ཨ་བྦྷུ་ཏ་དྷ་མྨཾ ཝེ་ད་ལླཾ, ས་བྦཾ ཏཾ དྷ་མྨ་ཙ་ཀྐཾ པ་ཝ་ཏྟི་ཏཾ. ན ཀི་ཉྩི བུ་དྡྷཱ་ནཾ བྷ་ག་ཝ་ནྟཱ་ནཾ དྷ་མྨ་དེ་ས་ནཱ་ཡ དྷ་མྨ་ཙ་ཀྐ་ཏོ བ་ཧི་དྡྷཱ, ཏ་སྶ ས་བྦཾ སུ་ཏྟཾ ཨ་རི་ཡ་དྷ་མྨེ་སུ པ་རི་ཡེ་སི་ཏ་བྦཾ. ཏ་ཏྠ པ་རི་གྒ་ཎྷ་ནཱ་ཡ ཨཱ་ལོ་ཀ་ས་བྷཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི ཐཱ་ཝ་རཱ་ནི ཨི་མཱ་ནི.

ཏ་ཏྠ ཀ་ཏ་མཾ དུ་ཀྑཾ? ཛཱ་ཏི ཛ་རཱ བྱཱ་དྷི མ་ར་ཎཾ སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ. ཏ་ཏྠཱ་ཡཾ ལ་ཀྑ་ཎ་ནི་དྡེ་སོ, པཱ་ཏུ་བྷཱ་ཝ་ལ་ཀྑ་ཎཱ ཛཱ་ཏི, པ་རི་པཱ་ཀ་ལ་ཀྑ་ཎཱ ཛ་རཱ, དུ་ཀྑ་དུ་ཀྑ་ཏཱ་ལ་ཀྑ་ཎོ བྱཱ་དྷི, ཙུ་ཏི་ལ་ཀྑ་ཎཾ མ་ར་ཎཾ, པི་ཡ་ཝི་པྤ་ཡོ་ག་ཝི་པ་རི་ཎཱ་མ་པ་རི་ཏཱ་པ་ན་ལ་ཀྑ་ཎོ སོ་ཀོ, ལཱ་ལ་པྤ་ན་ལ་ཀྑ་ཎོ པ་རི་དེ་ཝོ, ཀཱ་ཡ་ས་མྤཱི་ལ༹་ན་ལ་ཀྑ་ཎཾ དུ་ཀྑཾ, ཙི་ཏྟ་ས་མྤཱི་ལ༹་ན་ལ་ཀྑ་ཎཾ དོ་མ་ན་སྶཾ, ཀི་ལེ་ས་པ་རི་ད་ཧ་ན་ལ་ཀྑ་ཎོ ཨུ་པཱ་ཡཱ་སོ, ཨ་མ་ནཱ་པ་ས་མོ་དྷཱ་ན་ལ་ཀྑ་ཎོ ཨ་པྤི་ཡ་ས་མྤ་ཡོ་གོ, མ་ནཱ་པ་ཝི་ནཱ་བྷཱ་ཝ་ལ་ཀྑ་ཎོ པི་ཡ་ཝི་པྤ་ཡོ་གོ, ཨ་དྷི་པྤཱ་ཡ་ཝི་ཝ་ཏྟ་ན་ལ་ཀྑ་ཎོ ཨ་ལཱ་བྷོ, ཨ་པ་རི་ཉྙཱ་ལ་ཀྑ་ཎཱ པ་ཉྩུ་པཱ་དཱ་ན་ཀྑ་ནྡྷཱ, པ་རི་པཱ་ཀ་ཙུ་ཏི་ལ་ཀྑ་ཎཾ ཛ་རཱ་མ་ར་ཎཾ, པཱ་ཏུ་བྷཱ་ཝ་ཙུ་ཏི་ལ་ཀྑ་ཎཾ ཙུ་ཏོ་པ་པ་ཏྟི, པ་ཊི་ས་ནྡྷི་ནི་བྦ་ཏྟ་ན་ལ་ཀྑ་ཎོ ས་མུ་ད་ཡོ, ས་མུ་ད་ཡ་པ་རི་ཛ་ཧ་ན་ལ་ཀྑ་ཎོ ནི་རོ་དྷོ, ཨ་ནུ་ས་ཡ་ས་མུ་ཙྪེ་ད་ལ་ཀྑ་ཎོ མ་གྒོ. བྱཱ་དྷི་ལ་ཀྑ་ཎཾ དུ་ཀྑཾ, ས་ཉྫཱ་ན་ན་ལ་ཀྑ་ཎོ ས་མུ་ད་ཡོ, ནི་ཡྻཱ་ནི་ཀ་ལ་ཀྑ་ཎོ མ་གྒོ, ས་ནྟི་ལ་ཀྑ་ཎོ ནི་རོ་དྷོ. ཨ་པྤ་ཊི་ས་ནྡྷི་བྷཱ་ཝ་ནི་རོ་དྷ་ལ་ཀྑ་ཎཱ ཨ་ནུ་པཱ་དི་སེ་སཱ ནི་བྦཱ་ན་དྷཱ་ཏུ, དུ་ཀྑ་ཉྩ ས་མུ་ད་ཡོ ཙ, དུ་ཀྑ་ཉྩ ནི་རོ་དྷོ ཙ, དུ་ཀྑ་ཉྩ མ་གྒོ ཙ, ས་མུ་ད་ཡོ ཙ དུ་ཀྑ་ཉྩ, ས་མུ་ད་ཡོ ཙ ནི་རོ་དྷོ ཙ, ས་མུ་ད་ཡོ ཙ མ་གྒོ ཙ, ནི་རོ་དྷོ ཙ ས་མུ་ད་ཡོ ཙ, ནི་རོ་དྷོ ཙ དུ་ཀྑ་ཉྩ, ནི་རོ་དྷོ ཙ མ་གྒོ ཙ, མ་གྒོ ཙ ནི་རོ་དྷོ ཙ, མ་གྒོ ཙ ས་མུ་ད་ཡོ ཙ, མ་གྒོ ཙ དུ་ཀྑ་ཉྩ.

༨. ཏ་ཏྠི་མཱ་ནི སུ་ཏྟཱ་ནི.

‘‘ཡ་མེ་ཀ་ར་ཏྟིཾ [ཛཱ་ཏ་ཀ ༡ ཝཱི་ས་ཏི་ནི་པཱ་ཏེ ཨ་ཡོ་གྷ་ར་ཛཱ་ཏ་ཀེ] པ་ཋ་མཾ, ག་བྦྷེ ཝ་ས་ཏི མཱ་ཎ་ཝོ;

ཨ་བྦྷུ་ཊྛི་ཏོ་ཝ སོ ཡཱ་ཏི, ས ག་ཙྪཾ ན ནི་ཝ་ཏྟ་ཏཱི’’ཏི.

ཨ་ཊྛི་མཱ, ཨཱ་ན་ནྡ, དཱ་ནུ་པ་པ་ཏྟི་ཡོ ཨེ་ཀུ་ཏྟ་རི་ཀེ སུ་ཏྟཾ – ཨ་ཡཾ ཛཱ་ཏི.

ཏ་ཏྠ ཀ་ཏ་མཱ ཛ་རཱ?

ཨ་ཙ་རི་ཏྭཱ [དྷ. པ. ༡༥༥] བྲ་ཧྨ་ཙ་རི་ཡཾ, ཨ་ལ་དྡྷཱ ཡོ་བྦ་ནེ དྷ་ནཾ;

ཛི་ཎྞ་ཀོ་ཉྩཱ་ཝ ཛྷཱ་ཡ་ནྟི, ཁཱི་ཎ་མ་ཙྪེ་ཝ པ་ལླ་ལེ.

པ་ཉྩ པུ་བྦ་ནི་མི་ཏྟཱ་ནི དེ་ཝེ་སུ – ཨ་ཡཾ ཛ་རཱ.

ཏ་ཏྠ ཀ་ཏ་མོ བྱཱ་དྷི?

སཱ་མཾ ཏེ་ན ཀུ་ཏོ རཱ་ཛ, ཏུ་ཝ་མྤི ཛ་རཱ་ཡ་ནྟི ཝེ་དེ་སི;

ཁ་ཏྟི་ཡ ཀ་མྨ་སྶ ཕ་ལོ, ལོ་ཀོ ན ཧི ཀ་མྨཾ པ་ན་ཡ་ཏི.

ཏ་ཡོ གི་ལཱ་ནཱ – ཨ་ཡཾ བྱཱ་དྷི.

ཏ་ཏྠ ཀ་ཏ་མཾ མ་ར་ཎཾ?

ཡ་ཐཱ་པི [དཱི་གྷ་ནི་ཀཱ་ཡེ ཨ་དྷོ་ལི་ཁི་ཏ་གཱ་ཐཱ] ཀུ་མྦྷ་ཀཱ་ར་སྶ, ཀ་ཏཾ མ་ཏྟི་ཀ་བྷཱ་ཛ་ནཾ;

ཁུ་དྡ་ཀ་ཉྩ མ་ཧ་ནྟ་ཉྩ, ཡཾ པ་ཀྐཾ ཡ་ཉྩ ཨཱ་མ་ཀཾ;

ས་བྦཾ བྷེ་ད་ན་པ་རི་ཡ་ནྟཾ, ཨེ་ཝཾ མ་ཙྩཱ་ན ཛཱི་ཝི་ཏཾ.

མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ [ཧ་ཉྙ་མཱ་ནེ (པཱི) པ་སྶ སུ. ནི. ༧༨༣], མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེ;

ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ, བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ.

ཨུ་ད་ཀ་པྤ་ན་སུ་ཏྟཾ – ཨི་དཾ མ་ར་ཎཾ.

ཏ་ཏྠ ཀ་ཏ་མོ སོ་ཀོ?

ཨི་དྷ སོ་ཙ་ཏི པེ་ཙྩ སོ་ཙ་ཏི, པཱ་པ་ཀཱ་རཱི ཨུ་བྷ་ཡ་ཏྠ སོ་ཙ་ཏི;

སོ སོ་ཙ་ཏི སོ ཝི་ཧ་ཉྙ་ཏི, དི་སྭཱ ཀ་མྨ་ཀི་ལི་ཊྛ་མ་ཏྟ་ནོ [ཀ་མྨ་ཀི་ལི་ཊྛཾ ཨ་ཏྠ་ནོ (པཱི.) པ་སྶ དྷ. པ. ༡༥].

ཏཱི་ཎི དུ་ཙྩ་རི་ཏཱ་ནི – ཨ་ཡཾ སོ་ཀོ.

ཏ་ཏྠ ཀ་ཏ་མོ པ་རི་དེ་ཝོ?

ཀཱ་མེ་སུ [སུ. ནི. ༧༨༠] གི་དྡྷཱ པ་སུ་ཏཱ པ་མཱུ་ལ༹ྷཱ, ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ;

དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི, ཀིཾ་སུ བྷ་ཝི་སྶཱ་མ ཨི་ཏོ ཙུ་ཏཱ་སེ.

ཏི་སྶོ ཝི་པ་ཏྟི་ཡོ – ཨ་ཡཾ པ་རི་དེ་ཝོ.

ཏ་ཏྠ ཀ་ཏ་མཾ དུ་ཀྑཾ?

ས་ཏཾ ཨཱ་སི ཨ་ཡོ་ས་ངྐཱུ [ཨ་ཡོ་ས་ངྐུ (པཱི. ཀ.) པ་སྶ ཐེ་ར་གཱ. ༡༡༩༧], ས་བྦེ པ་ཙྩ་ཏྟ་ཝེ་ད་ནཱ;

ཛ་ལི་ཏཱ ཛཱ་ཏ་ཝེ་དཱ་ཝ, ཨ་ཙྩི་ས་ངྒྷ་ས་མཱ་ཀུ་ལཱ.

མ་ཧཱ ཝ་ཏ སོ པ་རི་ལཱ༹་ཧོ [པ་རི་དཱ་གྷོ (པཱི. ཀ.) པ་སྶ སཾ. ནི. ༥.༡༡༡༣] སཾ་ཡུ་ཏྟ་ཀེ སུ་ཏྟཾ ས་ཙྩ་སཾ་ཡུ་ཏྟེ་སུ – ཨི་དཾ དུ་ཀྑཾ.

ཏ་ཏྠ ཀ་ཏ་མཾ དོ་མ་ན་སྶཾ?

ས་ངྐ་པྤེ་ཧི པ་རེ་ཏོ [པ་ར་ཏོ (ཀ.) པ་སྶ སུ. ནི. ༨༢༤] སོ, ཀ་པ་ཎོ ཝི་ཡ ཛྷཱ་ཡ་ཏི;

སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོ.

དྭེ་མེ ཏ་པ་ནཱི་ཡཱ དྷ་མྨཱ – ཨི་དཾ དོ་མ་ན་སྶཾ.

ཏ་ཏྠ ཀ་ཏ་མོ ཨུ་པཱ་ཡཱ་སོ?

ཀ་མྨཱ་རཱ་ནཾ ཡ་ཐཱ ཨུ་ཀྐཱ, ཨ་ནྟོ ཌ་ཡ྄ཧ་ཏི ནོ བ་ཧི;

ཨེ་ཝཾ ཌ་ཡ྄ཧ་ཏི མེ ཧ་ད་ཡཾ, སུ་ཏྭཱ ནི་བྦ་ཏྟ་མ་མྦུ་ཛཾ.

ཏ་ཡོ ཨ་གྒཱི – ཨ་ཡཾ ཨུ་པཱ་ཡཱ་སོ.

ཏ་ཏྠ ཀ་ཏ་མོ ཨ་པྤི་ཡ་ས་མྤ་ཡོ་གོ?

ཨ་ཡ་སཱ་ཝ [དྷ. པ. ༢༤༠] མ་ལཾ ས་མུ་ཊྛི་ཏཾ, ཏ་ཏུ་ཊྛཱ་ཡ ཏ་མེ་ཝ ཁཱ་ད་ཏི;

ཨེ་ཝཾ ཨ་ཏི་དྷོ་ན་ཙཱ་རི་ནཾ, སཱ་ནི ཀ་མྨཱ་ནི ན་ཡ་ནྟི དུ་གྒ་ཏིཾ.

དྭེ་མེ ཏ་ཐཱ་ག་ཏཾ ཨ་བྦྷཱ་ཙི་ཀྑ་ནྟི, ཨེ་ཀུ་ཏྟ་རི་ཀེ སུ་ཏྟཾ དུ་ཀེ་སུ – ཨ་ཡཾ ཨ་པྤི་ཡ་ས་མྤ་ཡོ་གོ.

ཏ་ཏྠ ཀ་ཏ་མོ པི་ཡ་ཝི་པྤ་ཡོ་གོ?

སུ་པི་ནེ་ན ཡ་ཐཱ་པི ས་ངྒ་ཏཾ, པ་ཊི་བུ་དྡྷོ པུ་རི་སོ ན པ་སྶ་ཏི;

ཨེ་ཝ་མྤི པི་ཡཱ་ཡི་ཏཾ [མ་མཱ་ཡི་ཏཾ (པཱི. ཀ.) པ་སྶ སུ. ནི. ༨༡༣] ཛ་ནཾ, པེ་ཏཾ ཀཱ་ལ་ངྐ་ཏཾ [ཀཱ་ལ་ཀ་ཏཾ (པཱི.)] ན པ་སྶ་ཏི.

ཏེ དེ་ཝཱ ཙ་ཝ་ན་དྷ་མྨཾ ཝི་དི་ཏྭཱ ཏཱི་ཧི ཝཱ་ཙཱ་ཧི ཨ་ནུ་སཱ་ས་ནྟི. ཨ་ཡཾ པི་ཡ་ཝི་པྤ་ཡོ་གོ.

ཡ་མྤི་ཙྪཾ ན ལ་བྷ་ཏི, ཏི་སྶོ མཱ་ར་དྷཱི་ཏ་རོ;

ཏ་སྶ ཙེ ཀཱ་མ་ཡཱ་ན་སྶ [ཀཱ་མ་ཡ་མཱ་ན་སྶ (ཀ.) པ་སྶ སུ. ནི. ༧༧༣], ཚ་ནྡ་ཛཱ་ཏ་སྶ ཛ་ནྟུ་ནོ;

ཏེ ཀཱ་མཱ པ་རི་ཧཱ་ཡ་ནྟི, ས་ལླ་ཝི་དྡྷོ་ཝ རུ་པྤ་ཏི.

སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ.

ཙ་ཀྑུ སོ་ཏ་ཉྩ གྷཱ་ན་ཉྩ, ཛི་ཝ྄ཧཱ ཀཱ་ཡོ ཏ་ཏོ མ་ནཾ;

ཨེ་ཏེ ལོ་ཀཱ་མི་སཱ གྷོ་རཱ, ཡ་ཏྠ ས་ཏྟཱ པུ་ཐུ་ཛྫ་ནཱ.

པ་ཉྩི་མེ བྷི་ཀྑ་ཝེ ཁ་ནྡྷཱ – ཨི་དཾ དུ་ཀྑཾ.

ཏ་ཏྠ ཀ་ཏ་མཱ ཛ་རཱ ཙ མ་ར་ཎ་ཉྩ?

ཨ་པྤཾ ཝ་ཏ ཛཱི་ཝི་ཏཾ ཨི་དཾ, ཨོ་རཾ ཝ་སྶ་ས་ཏཱ་པི མཱི་ཡ་ཏེ [མཱི་ཡ་ཏི (སུ. ནི. ༨༡༠)];

ཨ་ཐ ཝཱ་པི ཨ་ཀི་ཙྪཾ ཛཱི་ཝི་ཏཾ, ཨ་ཐ ཁོ སོ ཛ་ར་སཱ་པི མཱི་ཡ་ཏེ.

སཾ་ཡུ་ཏྟ་ཀེ པ་སེ་ན་དི་སཾ་ཡུ་ཏྟ་ཀེ སུ་ཏྟཾ ཨ་ཡྻི་ཀཱ མེ ཀཱ་ལ་ངྐ་ཏཱ – ཨ་ཡཾ ཛ་རཱ ཙ མ་ར་ཎ་ཉྩ.

ཏ་ཏྠ ཀ་ཏ་མཱ ཙུ་ཏི ཙ ཨུ་པ་པ་ཏྟི ཙ?

‘‘ས་བྦེ ས་ཏྟཱ མ་རི་སྶ་ནྟི, མ་ར་ཎ་ནྟཾ ཧི ཛཱི་ཝི་ཏཾ;

ཡ་ཐཱ་ཀ་མྨཾ ག་མི་སྶ་ནྟི, ཨ་ཏྟ་ཀ་མྨ་ཕ་ལཱུ་པ་གཱ’’ཏི [པུ་ཉྙ་པཱ་པ་ཕ་ལཱུ་པ་གཱ་ཏི (སཾ. ནི. ༡.༡༣༣)]. –

ཨ་ཡཾ ཙུ་ཏི ཙ ཨུ་པ་པ་ཏྟི ཙ.

ཨི་མེ་ཧི སུ་ཏྟེ་ཧི ཨེ་ཀ་ས་དི་སེ་ཧི ཙ ཨ་ཉྙེ་ཧི ན་ཝ་ཝི་དྷཾ སུ་ཏྟཾ ཏཾ ཨ་ནུ་པ་ཝི་ཊྛེ་ཧི ལ་ཀྑ་ཎ་ཏོ དུ་ཀྑཾ ཉ་ཏྭཱ སཱ་དྷཱ་ར་ཎ་ཉྩ ཨ་སཱ་དྷཱ་ར་ཎ་ཉྩ དུ་ཀྑཾ ཨ་རི་ཡ་ས་ཙྩཾ ནི་དྡི་སི་ཏ་བྦཾ. གཱ་ཐཱ་ཧི གཱ་ཐཱ ཨ་ནུ་མི་ནི་ཏ་བྦཱ, བྱཱ་ཀ་ར་ཎེ་ཧི ཝཱ བྱཱ་ཀ་ར་ཎཾ – ཨི་དཾ དུ་ཀྑཾ.

༩. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ?

ཀཱ་མེ་སུ ས་ཏྟཱ ཀཱ་མ་ས་ངྒ་ས་ཏྟཱ [ཀཱ་མ་པ་ས་ངྒ་ས་ཏྟཱ (པཱི.) པ་སྶ ཨུ་དཱ. ༦༣], སཾ་ཡོ་ཛ་ནེ ཝ་ཛྫ་མ་པ་སྶ་མཱ་ནཱ;

ན ཧི ཛཱ་ཏུ སཾ་ཡོ་ཛ་ན་ས་ངྒ་ས་ཏྟཱ, ཨོ་གྷཾ ཏ་རེ་ཡྻུཾ ཝི་པུ་ལཾ མ་ཧ་ནྟཾ.

ཙ་ཏྟཱ་རོ ཨཱ་ས་ཝཱ སུ་ཏྟཾ – ཨ་ཡཾ དུ་ཀྑ་ས་མུ་ད་ཡོ.

ཏ་ཏྠ ཀ་ཏ་མོ དུ་ཀྑ་ནི་རོ་དྷོ?

ཡ་མྷི ན མཱ་ཡཱ ཝ་ས་ཏཱི ན མཱ་ནོ,

ཡོ ཝཱི་ཏ་ལོ་བྷོ ཨ་མ་མོ ནི་རཱ་སོ,

པ་ནུ་ཎྞ་ཀོ་དྷོ [པ་ནུ་ནྣ་ཀོ་དྷོ (པཱི.) པ་སྶ ཨུ་དཱ. ༢༦] ཨ་བྷི་ནི་བྦུ་ཏ་ཏྟོ;

སོ བྲཱ་ཧྨ་ཎོ སོ ས་མ་ཎོ ས བྷི་ཀྑུ.

དྭེ་མཱ ཝི་མུ་ཏྟི་ཡོ, རཱ་ག་ཝི་རཱ་གཱ ཙ ཙེ་ཏོ་ཝི་མུ་ཏྟི; ཨ་ཝི་ཛྫཱ་ཝི་རཱ་གཱ ཙ པ་ཉྙཱ་ཝི་མུ་ཏྟི – ཨ་ཡཾ ནི་རོ་དྷོ.

ཏ་ཏྠ ཀ་ཏ་མོ མ་གྒོ?

ཨེ་སེ་ཝ མ་གྒོ ན་ཏྠ་ཉྙོ, ད་སྶ་ན་སྶ ཝི་སུ་དྡྷི་ཡཱ;

ཨ་རི་ཡོ ཨ་ཊྛ་ངྒི་ཀོ མ་གྒོ, མཱ་ར་སྶེ་ཏཾ པ་མོ་ཧ་ནཾ.

ས་ཏྟི་མེ, བྷི་ཀྑ་ཝེ, བོ་ཛ྄ཛྷ་ངྒཱ – ཨ་ཡཾ མ་གྒོ.

ཏ་ཏྠ ཀ་ཏ་མཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི?

‘‘ཡེ དྷ་མྨཱ [མ་ཧཱ་ཝ. ༦༠] ཧེ་ཏུ་པྤ་བྷ་ཝཱ, ཏེ་སཾ ཧེ་ཏུཾ ཏ་ཐཱ་ག་ཏོ ཨཱ་ཧ;

ཏེ་ས་ཉྩ ཡོ ནི་རོ་དྷོ, ཨེ་ཝཾ་ཝཱ་དཱི མ་ཧཱ་ས་མ་ཎོ’’ཏི.

ཧེ་ཏུ་པྤ་བྷ་ཝཱ དྷ་མྨཱ དུ་ཀྑཾ, ཧེ་ཏུ་ས་མུ་ད་ཡོ, ཡཾ བྷ་ག་ཝ་ཏོ ཝ་ཙ་ནཾ. ཨ་ཡཾ དྷ་མྨོ ཡོ ནི་རོ་དྷོ, ཡེ ཧི ཀེ་ཙི སཾ་ཡོ་ཛ་ནི་ཡེ་སུ དྷ་མྨེ་སུ ཨ་སྶ་དཱ་ནུ་པ་སྶི་ནོ ཝི་ཧ་ར་ནྟི. ཀི་ལེ་སཱ ཏ་ཎྷཱ པ་ཝ་ཌྜྷ་ཏི, ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཏ་ཏྠ ཡཾ སཾ་ཡོ་ཛ་ནཾ – ཨ་ཡཾ ས་མུ་ད་ཡོ. ཡེ སཾ་ཡོ་ཛ་ནི་ཡཱ དྷ་མྨཱ ཡེ ཙ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི – ཨི་དཾ དུ་ཀྑཾ. ཡཱ སཾ་ཡོ་ཛ་ནི་ཡེ་སུ དྷ་མྨེ་སུ ཨཱ་དཱི་ན་ཝཱ་ནུ་པ་སྶ་ནཱ – ཨ་ཡཾ མ་གྒོ. པ་རི་མུ་ཙྩ་ཏི ཛཱ་ཏི་ཡཱ ཛ་རཱ་ཡ བྱཱ་དྷཱི་ཧི མ་ར་ཎེ་ཧི སོ་ཀེ་ཧི པ་རི་དེ་ཝེ་ཧི ཡཱ་ཝ ཨུ་པཱ་ཡཱ་སེ་ཧི – ཨི་དཾ ནི་བྦཱ་ནཾ. ཨི་མཱ་ནི ཙ་ཏྟཱ་རི ས་ཙྩཱ་ནི.

ཏ་ཏྠ ཀ་ཏ་མཱ ཨ་ནུ་པཱ་དི་སེ་སཱ ནི་བྦཱ་ན་དྷཱ་ཏུ?

ཨ་ཏྠ་ངྒ་ཏ་སྶ ན པ་མཱ་ཎ་མ་ཏྠི, ཏཾ ཧི ཝཱ ན་ཏྠི ཡེ་ན ནཾ པ་ཉྙ་པེ་ཡྻ;

ས་བྦ་ས་ངྒཱ་ནཾ ས་མཱུ་ཧ་ཏ་ཏྟཱ ཝི་དཱུ, སི་ཏཱ ཝཱ་ད་ས་ཏ་སྶུ [ཝཱ་ད་ས་ཏ་སྶ (པཱི. ཀ.)] ས་བྦེ.

སཾ་ཡུ་ཏྟ་ཀེ གོ་དྷི་ཀ་སཾ་ཡུ་ཏྟཾ.

ཨི་མཱ་ནི ཨ་སཱ་དྷཱ་ར་ཎཱ་ནི སུ་ཏྟཱ་ནི. ཡ་ཧིཾ ཡ་ཧིཾ ས་ཙྩཱ་ནི ནི་དྡི་ཊྛཱ་ནི, ཏ་ཧིཾ ཏ་ཧིཾ ས་ཙྩ་ལ་ཀྑ་ཎ་ཏོ ཨོ་ཏཱ་རེ་ཏྭཱ [ཨོ་ཧཱ་རེ་ཏྭཱ (པཱི. ཀ.)] ཨ་པ་རི་མཱ་ཎེ་ཧི བྱ་ཉྫ་ནེ་ཧི སོ ཨ་ཏྠོ པ་རི་ཡེ་སི་ཏ་བྦོ. ཏ་ཏྠ ཨ་ཏྠཱ་ནུ་པ་རི་ཝ་ཏྟི བྱ་ཉྫ་ནེ་ན པུ་ན བྱ་ཉྫ་ནཱ་ནུ་པ་རི་ཝ་ཏྟི ཨ་ཏྠེ་ན ཏ་སྶ ཨེ་ཀ་མེ་ཀ་སྶ ཨ་པ་རི་མཱ་ཎཱ་ནི བྱ་ཉྫ་ནཱ་ནི ཨི་མེ་ཧི སུ་ཏྟེ་ཧི ཡ་ཐཱ་ནི་ཀྑི་ཏྟེ་ཧི ཙ་ཏྟཱ་རི ཨ་རི་ཡ་ས་ཙྩཱ་ནི ནི་དྡི་སི་ཏ་བྦཱ་ནི. པ་ཉྩ་ནི་ཀཱ་ཡེ ཨ་ནུ་པ་ཝི་ཊྛཱ་ཧི གཱ་ཐཱ་ཧི གཱ་ཐཱ ཨ་ནུ་མི་ནི་ཏ་བྦཱ, བྱཱ་ཀ་ར་ཎེ་ན བྱཱ་ཀ་ར་ཎཾ. ཨི་མཱ་ནི ཨ་སཱ་དྷཱ་ར་ཎཱ་ནི སུ་ཏྟཱ་ནི.

ཏེ་སཾ ཨི་མཱ ཨུ་དྡཱ་ན་གཱ་ཐཱ

ཡ་མེ་ཀ་ར་ཏྟིཾ པ་ཋ་མཾ, ཨ་ཊྛ དཱ་ནཱུ་པ་པ་ཏྟི་ཡོ;

པ་ཉྩ པུ་བྦ་ནི་མི་ཏྟཱ་ནི, ཁཱི་ཎ་མ་ཙྪཾ་ཝ པ་ལླ་ལཾ.

སཱ་མཾ ཏེ་ན ཀུ་ཏོ རཱ་ཛ, ཏ་ཡོ དེ་ཝཱ གི་ལཱ་ན་ཀཱ;

ཡ་ཐཱ་པི ཀུ་མྦྷ་ཀཱ་ར་སྶ, ཡ་ཐཱ ན་དི་ད་ཀ་པྤ་ནཾ.

ཨི་དྷ སོ་ཙ་ཏི པེ་ཙྩ སོ་ཙ་ཏི, ཏཱི་ཎི དུ་ཙྩ་རི་ཏཱ་ནི ཙ;

ཀཱ་མེ་སུ གི་དྡྷཱ པ་སུ་ཏཱ, ཡཱ་ཝ ཏི་སྶོ ཝི་པ་ཏྟི་ཡོ.

ས་ཏཾ ཨཱ་སི [ས་ཏ་མཱ་ཡུ (སཱི.), ས་ཏ་དྷཱ་ཏུ (པཱི.)] ཨ་ཡོ་ས་ངྐཱུ, པ་རི་ལཱ༹་ཧོ མ་ཧ་ཏྟ་རོ;

ས་ངྐ་པྤེ་ཧི པ་རེ་ཏོ སོ, ཏ་ཏྠ ཏ་པ་ནི་ཡེ་ཧི ཙ.

ཀ་མྨཱ་རཱ་ནཾ ཡ་ཐཱ ཨུ་ཀྐཱ, ཏ་ཡོ ཨ་གྒཱི པ་ཀཱ་སི་ཏཱ;

ཨ་ཡ་ཏོ མ་ལ་མུ་པྤ་ནྣཾ, ཨ་བྦྷ་ཀྑཱ་ནཾ ཏ་ཐཱ་ག་ཏེ.

ཏི་ཝི་དྷཾ དེ་ཝཱ་ནུ་སཱ་ས་ནྟི, སུ་པི་ནེ་ན ས་ངྒ་མོ ཡ་ཐཱ;

ཏི་སྶོ ཙེ་ཝ མཱ་ར་དྷཱི་ཏཱ, ས་ལླ་ཝི་དྡྷོ་ཝ རུ་པྤ་ཏི.

ཙ་ཀྑུ སོ་ཏ་ཉྩ གྷཱ་ན་ཉྩ, པ་ཉྩ་ཀྑ་ནྡྷཱ པ་ཀཱ་སི་ཏཱ;

ཨ་པྤཾ ཝ་ཏ ཛཱི་ཝི་ཏཾ ཨི་དཾ, ཨ་ཡྻི་ཀཱ མེ མ་ཧ་ལླི་ཀཱ.

ས་བྦེ ས་ཏྟཱ མ་རི་སྶ་ནྟི, ཨུ་པ་པ་ཏྟི ཙུ་ཏི་ཙ་ཡཾ;

ཀཱ་མེ་སུ ས་ཏྟཱ པ་སུ་ཏཱ, ཨཱ་ས་ཝེ་ཧི ཙ་ཏཱུ་ཧི ཙ.

ཡ་མྷི ན མཱ་ཡཱ ཝ་ས་ཏི, དྭེ་མཱ ཙེ་ཏོ་ཝི་མུ་ཏྟི་ཡོ;

ཨེ་སེ་ཝ མ་གྒོ ན་ཏྠ་ཉྙོ, བོ་ཛ྄ཛྷ་ངྒཱ ཙ སུ་དེ་སི་ཏཱ.

ཨ་ཏྠ་ངྒ་ཏ་སྶ ན པ་མཱ་ཎ་མ་ཏྠི, གོ་དྷི་ཀོ པ་རི་ནི་བྦུ་ཏོ;

ཡེ དྷ་མྨཱ ཧེ་ཏུ་པྤ་བྷ་ཝཱ, སཾ་ཡོ་ཛ་ནཱ་ནུ་པ་སྶི་ནོ.

ཨི་མཱ ད་ས ཏེ་སཾ ཨུ་དྡཱ་ན་གཱ་ཐཱ.

༡༠. ཏ་ཏྠི་མཱ་ནི སཱ་དྷཱ་ར་ཎཱ་ནི སུ་ཏྟཱ་ནི ཡེ་སུ སུ་ཏྟེ་སུ སཱ་དྷཱ་ར་ཎཱ་ནི ས་ཙྩཱ་ནི དེ་སི་ཏཱ་ནི ཨ་ནུ་ལོ་མ་མྤི པ་ཊི་ལོ་མ་མྤི ཝོ་མི་སྶ་ཀ་མྤི. ཏ་ཏྠ ཨ་ཡཾ ཨཱ་དི.

ཨ་ཝི་ཛྫཱ་ཡ ནི་ཝུ་ཏོ ལོ་ཀོ, [ཨ་ཛི་ཏཱ་ཏི བྷ་ག་ཝཱ]

ཝི་ཝི་ཙྪཱ པ་མཱ་དཱ ན་པྤ་ཀཱ་ས་ཏི;

ཛ་པྤཱ་བྷི་ལེ་པ་ནཾ [ཛ་པྤཱ་ནུ་ལེ་པ་ནཾ (ཀ.) པ་སྶ སུ. ནི. ༡༠༣༩] བྲཱུ་མི, དུ་ཀྑ་མ་སྶ མ་ཧ་བྦྷ་ཡཾ.

ཏ་ཏྠ ཡཱ ཨ་ཝི་ཛྫཱ ཙ ཝི་ཝི་ཙྪཱ ཙ, ཨ་ཡཾ ས་མུ་ད་ཡོ. ཡཾ མ་ཧ་བྦྷ་ཡཾ, ཨི་དཾ དུ་ཀྑཾ. ཨི་མཱ་ནི དྭེ ས་ཙྩཱ་ནི – དུ་ཀྑ་ཉྩ ས་མུ་ད་ཡོ ཙ. ‘‘སཾ་ཡོ་ཛ་ནཾ སཾ་ཡོ་ཛ་ནི་ཡཱ ཙ དྷ་མྨཱ’’ཏི སཾ་ཡུ་ཏྟ་ཀེ ཙི་ཏྟ་སཾ་ཡུ་ཏྟ་ཀེ་སུ བྱཱ་ཀ་ར་ཎཾ. ཏ་ཏྠ ཡཾ སཾ་ཡོ་ཛ་ནཾ, ཨ་ཡཾ ས་མུ་ད་ཡོ. ཡེ སཾ་ཡོ་ཛ་ནི་ཡཱ དྷ་མྨཱ, ཨི་དཾ དུ་ཀྑཾ. ཨི་མཱ་ནི དྭེ ས་ཙྩཱ་ནི – དུ་ཀྑ་ཉྩ ས་མུ་ད་ཡོ ཙ.

ཏ་ཏྠ ཀ་ཏ་མཾ དུ་ཀྑ་ཉྩ ནི་རོ་དྷོ ཙ?

ཨུ་ཙྪི་ནྣ་བྷ་ཝ་ཏ་ཎྷ་སྶ, ནེ་ཏྟི་ཙྪི་ནྣ་སྶ [ས་ནྟ་ཙི་ཏྟ་སྶ (སུ. ནི. ༧༥༡)] བྷི་ཀྑུ་ནོ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ.

ཡཾ ཙི་ཏྟཾ, ཨི་དཾ དུ་ཀྑཾ. ཡོ བྷ་ཝ་ཏ་ཎྷཱ་ཡ ཨུ་པ་ཙྪེ་དོ, ཨ་ཡཾ དུ་ཀྑ་ནི་རོ་དྷོ. ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ་ཏི ནི་དྡེ་སོ. ཨི་མཱ་ནི དྭེ ས་ཙྩཱ་ནི – དུ་ཀྑ་ཉྩ ནི་རོ་དྷོ ཙ. དྭེ་མཱ, བྷི་ཀྑ་ཝེ, ཝི་མུ་ཏྟི་ཡོ; རཱ་ག་ཝི་རཱ་གཱ ཙ ཙེ་ཏོ་ཝི་མུ་ཏྟི, ཨ་ཝི་ཛྫཱ་ཝི་རཱ་གཱ ཙ པ་ཉྙཱ་ཝི་མུ་ཏྟི. ཡཾ ཙི་ཏྟཾ, ཨི་དཾ དུ་ཀྑཾ. ཡཱ ཝི་མུ་ཏྟི, ཨ་ཡཾ ནི་རོ་དྷོ. ཨི་མཱ་ནི དྭེ ས་ཙྩཱ་ནི – དུ་ཀྑ་ཉྩ ནི་རོ་དྷོ ཙ.

ཏ་ཏྠ ཀ་ཏ་མཾ དུ་ཀྑ་ཉྩ མ་གྒོ ཙ?

ཀུ་མྦྷཱུ་པ་མཾ [དྷ. པ. ༤༠] ཀཱ་ཡ་མི་མཾ ཝི་དི་ཏྭཱ, ན་ག་རཱུ་པ་མཾ ཙི་ཏྟ་མི་དཾ ཋ་པེ་ཏྭཱ;

ཡོ་དྷེ་ཐ མཱ་རཾ པ་ཉྙཱ་ཝུ་དྷེ་ན, ཛི་ཏ་ཉྩ ར་ཀྑེ ཨ་ནི་ཝེ་ས་ནོ སི་ཡཱ.

ཏ་ཏྠ ཡ་ཉྩ ཀུ་མྦྷཱུ་པ་མོ ཀཱ་ཡོ ཡ་ཉྩ ན་ག་རཱུ་པ་མཾ ཙི་ཏྟཾ, ཨི་དཾ དུ་ཀྑཾ. ཡཾ པ་ཉྙཱ་ཝུ་དྷེ་ན མཱ་རཾ ཡོ་དྷེ་ཐཱ་ཏི ཨ་ཡཾ མ་གྒོ. ཨི་མཱ་ནི དྭེ ས་ཙྩཱ་ནི. ཡཾ, བྷི་ཀྑ་ཝེ, ན ཏུ་མྷཱ་ཀཾ, ཏཾ པ་ཛ་ཧི་ཏ་བྦཾ. ཡཱ སཾ་ཡོ་ཛ་ནཱ, ཨ་ཡཾ མ་གྒོ. ཡེ ཏེ དྷ་མྨཱ ཨ་ན་ཏྟ་ནི་ཡཱ པ་ཧཱ་ཏ་བྦཱ, རཱུ་པཾ ཡཱ་ཝ ཝི་ཉྙཱ་ཎཾ, ཨི་དཾ དུ་ཀྑ་ཉྩ མ་གྒོ ཙ.

ཏ་ཏྠ ཀ་ཏ་མཾ དུ་ཀྑ་ཉྩ ས་མུ་ད་ཡོ ཙ ནི་རོ་དྷོ ཙ?

ཡེ ཀེ་ཙི སོ་ཀཱ པ་རི་དེ་ཝི་ཏཱ ཝཱ, དུ་ཀྑཱ ཙ [དུ་ཀྑ་ཉྩ (པཱི. ཀ.) པ་སྶ ཨུ་དཱ. ༧༠] ལོ་ཀ་སྨི་མ་ནེ་ཀ་རཱུ་པཱ;

པི་ཡཾ པ་ཊི་ཙྩ་པྤ་བྷ་ཝ་ནྟི ཨེ་ཏེ, པི་ཡེ ཨ་ས་ནྟེ ན བྷ་ཝ་ནྟི ཨེ་ཏེ.

ཡེ སོ་ཀ་པ་རི་དེ་ཝཱ, ཡཾ ཙ ཨ་ནེ་ཀ་རཱུ་པཾ དུ་ཀྑཾ, ཡཾ པེ་མ་ཏོ བྷ་ཝ་ཏི, ཨི་དཾ དུ་ཀྑཾ. ཡཾ པེ་མཾ, ཨ་ཡཾ ས་མུ་ད་ཡོ. ཡོ ཏ་ཏྠ ཚ་ནྡ་རཱ་ག་ཝི་ན་ཡོ པི་ཡ་སྶ ཨ་ཀི་རི་ཡཱ, ཨ་ཡཾ ནི་རོ་དྷོ. ཨི་མཱ་ནི ཏཱི་ཎི ས་ཙྩཱ་ནི. ཏི་མྦ་རུ་ཀོ པ་རི་བྦཱ་ཛ་ཀོ པ་ཙྩེ་ཏི ‘‘ས་ཡཾ་ཀ་ཏཾ པ་རཾ་ཀ་ཏ’’ནྟི. ཡ་ཐེ་སཱ ཝཱི་མཾ་སཱ, ཨི་དཾ དུ་ཀྑཾ. ཡཱ ཨེ་ཏེ དྭེ ཨ་ནྟེ ཨ་ནུ་པ་ག་མྨ མ་ཛ྄ཛྷི་མཱ པ་ཊི་པ་དཱ ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ ཡཱ་ཝ ཛཱ་ཏི་པ་ཙྩ་ཡཱ ཛ་རཱ་མ་ར་ཎཾ, ཨི་ད་མྤི དུ་ཀྑ་ཉྩ ས་མུ་ད་ཡོ ཙ. ཝི་ཉྙཱ་ཎཾ ནཱ་མ་རཱུ་པཾ ས་ལཱ༹་ཡ་ཏ་ནཾ ཕ་སྶོ ཝེ་ད་ནཱ བྷ་ཝོ ཛཱ་ཏི ཛ་རཱ་མ་ར་ཎཾ, ཨི་དཾ དུ་ཀྑཾ. ཨ་ཝི་ཛྫཱ ས་ངྑཱ་རཱ ཏ་ཎྷཱ ཨུ་པཱ་དཱ་ནཾ, ཨ་ཡཾ ས་མུ་ད་ཡོ. ཨི་ཏི ཨི་དཾ ས་ཡཾ་ཀ་ཏཾ ཝཱི་མཾ་སེ་ཡྻཱ་ཏི [ཝཱི་མཾ་སཱི་ཡ་ཏི (པཱི. ཀ.)] ཡ་ཉྩ པ་ཊི་ཙྩ་ས་མུ་པྤཱ་དེ དུ་ཀྑཾ, ཨི་དཾ ཨེ་སོ ས་མུ་ད་ཡོ ནི་དྡི་ཊྛོ. ཨ་ཝི་ཛྫཱ་ནི་རོ་དྷཱ ས་ངྑཱ་ར་ནི་རོ་དྷོ ཙ ཡཱ་ཝ ཙ ཛ་རཱ་མ་ར་ཎ་ནི་རོ་དྷོ་ཏི ཨ་ཡཾ ནི་རོ་དྷོ. ཨི་མཱ་ནི ཏཱི་ཎི ས་ཙྩཱ་ནི དུ་ཀྑ་ཉྩ ས་མུ་ད་ཡོ ཙ ནི་རོ་དྷོ ཙ.

༡༡. ཏ་ཏྠ ཀ་ཏ་མཾ དུ་ཀྑ་ཉྩ ས་མུ་ད་ཡོ ཙ མ་གྒོ ཙ?

‘‘ཡོ དུ་ཀྑ་མ་དྡ་ཀྑི [སཾ. ནི. ༡.༡༥༧] ཡ་ཏོ་ནི་དཱ་ནཾ, ཀཱ་མེ་སུ སོ ཛ་ནྟུ ཀ་ཐཾ ན་མེ་ཡྻ;

ཀཱ་མཱ ཧི ལོ་ཀེ ས་ངྒཱ་ཏི ཉ་ཏྭཱ, ཏེ་སཾ ས་ཏཱི་མཱ ཝི་ན་ཡཱ་ཡ སི་ཀྑེ’’ཏི.

ཡོ དུ་ཀྑ་མ་དྡ་ཀྑི, ཨི་དཾ དུ་ཀྑཾ. ཡ་ཏོ བྷ་ཝ་ཏི, ཨ་ཡཾ ས་མུ་ད་ཡོ. ས་ནྡི་ཊྛཾ ཡ་ཏོ བྷ་ཝ་ཏི ཡཱ་ཝ ཏ་སྶ ཝི་ན་ཡཱ་ཡ སི་ཀྑཱ, ཨ་ཡཾ མ་གྒོ. ཨི་མཱ་ནི ཏཱི་ཎི ས་ཙྩཱ་ནི.

ཨེ་ཀཱ་ད་ས་ངྒུ་ཏྟ་རེ་སུ གོ་པཱ་ལ་ཀོ་པ་མ་སུ་ཏྟཾ.

ཏ་ཏྠ ཡཱ་ཝ རཱུ་པ་ས་ཉྙུ་ཏྟཱ ཡ་ཉྩ ས་ལཱ༹་ཡ་ཏ་ནཾ ཡ་ཐཱ ཝ་ཎཾ པ་ཊི་ཙྪཱ་དེ་ཏི ཡ་ཉྩ ཏི་ཏྠཾ ཡ་ཐཱ ཙ ལ་བྷ་ཏི དྷ་མྨཱུ་པ་ས་ཉྷི་ཏཾ ཨུ་ལཱ༹་རཾ པཱི་ཏི་པཱ་མོ་ཛྫཾ ཙ་ཏུ་བྦི་དྷཾ ཙ ཨ་ཏྟ་བྷཱ་ཝ་ཏོ ཙ ཝ་ཏྠུ, ཨི་དཾ དུ་ཀྑཾ. ཡཱ་ཝ ཨཱ་སཱ་ཊི་ཀཾ ཧཱ་རེ་ཏཱ [སཱ་ཊེ་ཏཱ (སཱི. པཱི.) པ་སྶ ཨ་ངྒུ་ཏྟ་ར་ནི་ཀཱ་ཡེ] ཧོ་ཏི, ཨ་ཡཾ ས་མུ་ད་ཡོ. རཱུ་པ་ས་ཉྙུ་ཏྟཱ ཨཱ་སཱ་ཊ་ཀ་ཧ་ར་ཎཾ [ཨཱ་སཱ་ཊི་ཀ་སཱ་ཊ་ནཱ (པཱི.)] ཝ་ཎ་པ་ཊི་ཙྪཱ་ད་ནཾ ཝཱི་ཐི་ཉྙུ་ཏཱ གོ་ཙ་ར་ཀུ་ས་ལ་ཉྩ, ཨ་ཡཾ མ་གྒོ. ཨ་ཝ་སེ་སཱ དྷ་མྨཱ ཨ་ཏྠི ཧེ་ཏཱུ ཨ་ཏྠི པ་ཙྩ་ཡཱ ཨ་ཏྠི ནི་སྶ་ཡཱ སཱ་ཝ་སེ་ས་དོ་ཧི་ཏཱ ཨ་ནེ་ཀ་པཱུ་ཛཱ ཙ ཀ་ལྱཱ་ཎ་མི་ཏྟ་ཏ་པྤ་ཙྩ་ཡཱ དྷ་མྨཱ ཝཱི་ཐི་ཉྙུ་ཏཱ ཙ ཧེ་ཏུ, ཨི་མཱ་ནི ཏཱི་ཎི ས་ཙྩཱ་ནི.

ཏ་ཏྠ ཀ་ཏ་མཾ དུ་ཀྑ་ཉྩ མ་གྒོ ཙ ནི་རོ་དྷོ ཙ?

ས་ཏི ཀཱ་ཡ་ག་ཏཱ ཨུ་པ་ཊྛི་ཏཱ, ཚ་སུ ཕ་སྶཱ་ཡ་ཏ་ནེ་སུ སཾ་ཝུ་ཏོ [སཾ་ཝ་རོ (པཱི. ཀ.) པ་སྶ ཨུ་དཱ. ༢༥];

ས་ཏ་ཏཾ བྷི་ཀྑུ ས་མཱ་ཧི་ཏོ, ཛ་ཉྙཱ [ཛཱ་ནེ་ཡྻ (པཱི. ཀ.)] ནི་བྦཱ་ན་མ་ཏྟ་ནོ.

ཏ་ཏྠ ཡཱ ཙ ཀཱ་ཡ་ག་ཏཱ ས་ཏི ཡ་ཉྩ ས་ལཱ༹་ཡ་ཏ་ནཾ ཡ་ཏྠ ས་བྦ་ཉྩེ་ཏཾ དུ་ཀྑཾ. ཡཱ ཙ ཀཱ་ཡ་ག་ཏཱ ས་ཏི ཡོ ཙ སཱི་ལ་སཾ་ཝ་རོ ཡོ ཙ ས་མཱ་དྷི ཡ་ཏྠ ཡཱ ས་ཏི, ཨ་ཡཾ པ་ཉྙཱ་ཀྑ་ནྡྷོ. ས་བྦ་མྤི སཱི་ལ་ཀྑ་ནྡྷོ ས་མཱ་དྷི་ཀྑ་ནྡྷོ, ཨ་ཡཾ མ་གྒོ. ཨེ་ཝཾ་ཝི་ཧཱ་རི་ནཱ ཉཱ་ཏ་བྦཾ ནི་བྦཱ་ནཾ. ཨ་ཡཾ ནི་རོ་དྷོ, ཨི་མཱ་ནི ཏཱི་ཎི ས་ཙྩཱ་ནི. སཱི་ལེ པ་ཏི་ཊྛཱ་ཡ དྭེ དྷ་མྨཱ བྷཱ་ཝེ་ཏ་བྦཱ ས་མ་ཐོ ཙ ཝི་པ་སྶ་ནཱ ཙ. ཏ་ཏྠ ཡཾ ཙི་ཏྟ་ས་ཧ་ཛཱ་ཏཱ དྷ་མྨཱ, ཨི་དཾ དུ་ཀྑཾ. ཡོ ཙ ས་མ་ཐོ ཡཱ ཙ ཝི་པ་སྶ་ནཱ, ཨ་ཡཾ མ་གྒོ. རཱ་ག་ཝི་རཱ་གཱ ཙ ཙེ་ཏོ་ཝི་མུ་ཏྟི, ཨ་ཝི་ཛྫཱ་ཝི་རཱ་གཱ ཙ པ་ཉྙཱ་ཝི་མུ་ཏྟི, ཨ་ཡཾ ནི་རོ་དྷོ. ཨི་མཱ་ནི ཏཱི་ཎི ས་ཙྩཱ་ནི.

ཏ་ཏྠ ཀ་ཏ་མོ ས་མུ་ད་ཡོ ཙ ནི་རོ་དྷོ ཙ?

ཨཱ་སཱ ཙ པཱི་ཧཱ ཨ་བྷི་ན་ནྡ་ནཱ ཙ, ཨ་ནེ་ཀ་དྷཱ་ཏཱུ་སུ ས་རཱ པ་ཏི་ཊྛི་ཏཱ;

ཨ་ཉྙཱ་ཎ་མཱུ་ལ་པྤ་བྷ་ཝཱ པ་ཛ་པྤི་ཏཱ, ས་བྦཱ མ་ཡཱ བྱ་ནྟི་ཀ་ཏཱ ས་མཱུ་ལི་ཀཱ.

ཨ་ཉྙཱ་ཎ་མཱུ་ལ་པྤ་བྷ་ཝཱ་ཏི པུ་རི་མ་ཀེ་ཧི ས་མུ་ད་ཡོ. ས་བྦཱ མ་ཡཱ བྱ་ནྟི་ཀ་ཏཱ ས་མཱུ་ལི་ཀཱ་ཏི ནི་རོ་དྷོ. ཨི་མཱ་ནི དྭེ ས་ཙྩཱ་ནི. ཙ་ཏུ་ནྣཾ དྷ་མྨཱ་ནཾ ཨ་ན་ནུ་བོ་དྷཱ ཨ་པྤ་ཊི་ཝེ་དྷཱ ཝི་ཏྠཱ་རེ་ན ཀཱ་ཏ་བྦཾ. ཨ་རི་ཡ་སྶ སཱི་ལ་སྶ ས་མཱ་དྷི་ནོ པ་ཉྙཱ་ཡ ཝི་མུ་ཏྟི་ཡཱ. ཏ་ཏྠ ཡོ ཨི་མེ་སཾ ཙ་ཏུ་ནྣཾ དྷ་མྨཱ་ནཾ ཨ་ན་ནུ་བོ་དྷཱ ཨ་པྤ་ཊི་ཝེ་དྷཱ, ཨ་ཡཾ ས་མུ་ད་ཡོ. པ་ཊི་ཝེ་དྷོ བྷ་ཝ་ནེ་ཏྟི་ཡཱ, ཨ་ཡཾ ནི་རོ་དྷོ. ཨ་ཡཾ ས་མུ་ད་ཡོ ཙ ནི་རོ་དྷོ ཙ.