༡༥. མོ་གྷ་རཱ་ཛ་མཱ་ཎ་ཝ་པུ་ཙྪཱ
༡༤༡. ‘‘དྭཱ་ཧཾ ས་ཀྐཾ ཨ་པུ་ཙྪི་སྶཾ, [ཨི་ཙྩཱ་ཡ་སྨཱ མོ་གྷ་རཱ་ཛཱ]
ན མེ བྱཱ་ཀཱ་སི ཙ་ཀྑུ་མཱ;
ཡཱ་ཝ་ཏ་ཏི་ཡ་ཉྩ དེ་ཝཱི་སི, བྱཱ་ཀ་རོ་ཏཱི་ཏི མེ སུ་ཏཾ.
༡༤༢. ‘‘ཨ་ཡཾ ལོ་ཀོ པ་རོ ལོ་ཀོ, བྲ་ཧྨ་ལོ་ཀོ ས་དེ་ཝ་ཀོ;
དི་ཊྛིཾ ཏེ ནཱ་བྷི་ཛཱ་ནཱ་ཏི, གོ་ཏ་མ་སྶ ཡ་ས་སྶི་ནོ.
༡༤༣. ‘‘ཨེ་ཝཾ ཨ་བྷི་ཀྐ་ནྟ་ད་སྶཱ་ཝིཾ, ཨ་ཏྠི པ་ཉྷེ་ན ཨཱ་ག་མཾ;
ཀ་ཐཾ ལོ་ཀཾ ཨ་ཝེ་ཀྑ་ནྟཾ, མ་ཙྩུ་རཱ་ཛཱ ན པ་སྶ་ཏི’’.
༡༤༤. ‘‘སུ་ཉྙ་ཏོ ལོ་ཀཾ ཨ་ཝེ་ཀྑ་སྶུ, མོ་གྷ་རཱ་ཛ ས་དཱ ས་ཏོ;
ཨ་ཏྟཱ་ནུ་དི་ཊྛིཾ ཨཱུ་ཧ་ཙྩ, ཨེ་ཝཾ མ་ཙྩུ་ཏ་རོ སི་ཡཱ;
ཨེ་ཝཾ ལོ་ཀཾ ཨ་ཝེ་ཀྑ་ནྟཾ, མ་ཙྩུ་རཱ་ཛཱ ན པ་སྶ་ཏཱི’’ཏི.
མོ་གྷ་རཱ་ཛ་མཱ་ཎ་ཝ་པུ་ཙྪཱ པ་ནྣ་ར་ས་མཱ.