༡༦. པི་ངྒི་ཡ་མཱ་ཎ་ཝ་པུ་ཙྪཱ

༡༤༥. ‘‘ཛི་ཎྞོ་ཧ་མ་སྨི ཨ་བ་ལོ ཝཱི་ཏ་ཝ་ཎྞོ, [ཨི་ཙྩཱ་ཡ་སྨཱ པི་ངྒི་ཡོ]

ནེ་ཏྟཱ ན སུ་དྡྷཱ ས་ཝ་ནཾ ན ཕཱ་སུ;

མཱ་ཧཾ ན་སྶཾ མོ་མུ་ཧོ ཨ་ནྟ་རཱ་ཝ, ཨཱ་ཙི་ཀྑ དྷ་མྨཾ ཡ་མ་ཧཾ ཝི་ཛ་ཉྙཾ;

ཛཱ་ཏི་ཛ་རཱ་ཡ ཨི་དྷ ཝི་པྤ་ཧཱ་ནཾ’’.

༡༤༦. ‘‘དི་སྭཱ་ན རཱུ་པེ་སུ ཝི་ཧ་ཉྙ་མཱ་ནེ, [པི་ངྒི་ཡཱ་ཏི བྷ་ག་ཝཱ]

རུ་པྤ་ནྟི རཱུ་པེ་སུ ཛ་ནཱ པ་མ་ཏྟཱ;

ཏ་སྨཱ ཏུ་ཝཾ པི་ངྒི་ཡ ཨ་པྤ་མ་ཏྟོ, ཛ་ཧ་སྶུ རཱུ་པཾ ཨ་པུ་ན་བྦྷ་ཝཱ་ཡ’’.

༡༤༧. ‘‘དི་སཱ ཙ་ཏ་སྶོ ཝི་དི་སཱ ཙ་ཏ་སྶོ, ཨུ་དྡྷཾ ཨ་དྷོ ད་ས དི་སཱ ཨི་མཱ་ཡོ;

ན ཏུ་ཡ྄ཧཾ ཨ་དི་ཊྛཾ ཨ་སུ་ཏཾ ཨ་མུ་ཏཾ [ཨ་སུ་ཏཾ ཨ་མུ་ཏཾ ཝཱ (སཱི.), ཨ་སུ་ཏཱ་མུ་ཏཾ ཝཱ (སྱཱ.), ཨ་སུ་ཏཾ’མུ་ཏཾ ཝཱ (པཱི.)], ཨ་ཐོ ཨ་ཝི་ཉྙཱ་ཏཾ ཀི་ཉྩ་ན་མ་ཏྠི [ཀ་ཉྩི མ་ཏྠི (སྱཱ.), ཀི་ཉྩི ན་ཏྠི (པཱི.), ཀི་ཉྩི་ན་མ་ཏྠི (ཀ.)] ལོ་ཀེ;

ཨཱ་ཙི་ཀྑ དྷ་མྨཾ ཡ་མ་ཧཾ ཝི་ཛ་ཉྙཾ, ཛཱ་ཏི་ཛ་རཱ་ཡ ཨི་དྷ ཝི་པྤ་ཧཱ་ནཾ’’.

༡༤༨. ‘‘ཏ་ཎྷཱ་དྷི་པ་ནྣེ མ་ནུ་ཛེ པེ་ཀྑ་མཱ་ནོ, [པི་ངྒི་ཡཱ་ཏི བྷ་ག་ཝཱ]

ས་ནྟཱ་པ་ཛཱ་ཏེ ཛ་ར་སཱ པ་རེ་ཏེ;

ཏ་སྨཱ ཏུ་ཝཾ པི་ངྒི་ཡ ཨ་པྤ་མ་ཏྟོ, ཛ་ཧ་སྶུ ཏ་ཎྷཾ ཨ་པུ་ན་བྦྷ་ཝཱ་ཡཱ’’ཏི.

པི་ངྒི་ཡ་མཱ་ཎ་ཝ་པུ་ཙྪཱ སོ་ལ༹་ས་མཱ.