༡༤. པོ་སཱ་ལ་མཱ་ཎ་ཝ་པུ་ཙྪཱ
༡༣༧. ‘‘ཡོ ཨ་ཏཱི་ཏཾ ཨཱ་དི་ས་ཏི, [ཨི་ཙྩཱ་ཡ་སྨཱ པོ་སཱ་ལོ]
ཨ་ནེ་ཛོ ཚི་ནྣ་སཾ་ས་ཡོ;
པཱ་ར་གུཾ ས་བྦ་དྷ་མྨཱ་ནཾ, ཨ་ཏྠི པ་ཉྷེ་ན ཨཱ་ག་མཾ.
༡༣༨. ‘‘ཝི་བྷཱུ་ཏ་རཱུ་པ་ས་ཉྙི་སྶ, ས་བྦ་ཀཱ་ཡ་པྤ་ཧཱ་ཡི་ནོ;
ཨ་ཛ྄ཛྷ་ཏྟ་ཉྩ བ་ཧི་དྡྷཱ ཙ, ན་ཏྠི ཀི་ཉྩཱི་ཏི པ་སྶ་ཏོ;
ཉཱ་ཎཾ ས་ཀྐཱ་ནུ་པུ་ཙྪཱ་མི, ཀ་ཐཾ ནེ་ཡྻོ ཏ་ཐཱ་ཝི་དྷོ’’.
༡༣༩. ‘‘ཝི་ཉྙཱ་ཎ་ཊྛི་ཏི་ཡོ ས་བྦཱ, [པོ་སཱ་ལཱ་ཏི བྷ་ག་ཝཱ]
ཨ་བྷི་ཛཱ་ནཾ ཏ་ཐཱ་ག་ཏོ;
ཏི་ཊྛ་ནྟ་མེ་ནཾ ཛཱ་ནཱ་ཏི, ཝི་མུ་ཏྟཾ ཏ་པྤ་རཱ་ཡ་ཎཾ.
༡༤༠. ‘‘ཨཱ་ཀི་ཉྩ་ཉྙ་ས་མྦྷ་ཝཾ ཉ་ཏྭཱ, ན་ནྡཱི སཾ་ཡོ་ཛ་ནཾ ཨི་ཏི;
ཨེ་ཝ་མེ་ཏཾ ཨ་བྷི་ཉྙཱ་ཡ, ཏ་ཏོ ཏ་ཏྠ ཝི་པ་སྶ་ཏི;
ཨེ་ཏཾ [ཨེ་ཝཾ (སྱཱ. ཀ.)] ཉཱ་ཎཾ ཏ་ཐཾ ཏ་སྶ, བྲཱ་ཧྨ་ཎ་སྶ ཝུ་སཱི་མ་ཏོ’’ཏི.
པོ་སཱ་ལ་མཱ་ཎ་ཝ་པུ་ཙྪཱ ཙུ་དྡ་ས་མཱ.