༡༣. ཨུ་ད་ཡ་མཱ་ཎ་ཝ་པུ་ཙྪཱ
༡༣༠. ‘‘ཛྷཱ་ཡིཾ ཝི་ར་ཛ་མཱ་སཱི་ནཾ, [ཨི་ཙྩཱ་ཡ་སྨཱ ཨུ་ད་ཡོ]
ཀ་ཏ་ཀི་ཙྩཾ ཨ་ནཱ་ས་ཝཾ;
པཱ་ར་གུཾ ས་བྦ་དྷ་མྨཱ་ནཾ, ཨ་ཏྠི པ་ཉྷེ་ན ཨཱ་ག་མཾ;
ཨ་ཉྙཱ་ཝི་མོ་ཀྑཾ པ་བྲཱུ་ཧི, ཨ་ཝི་ཛྫཱ་ཡ པ་བྷེ་ད་ནཾ’’.
༡༣༡. ‘‘པ་ཧཱ་ནཾ ཀཱ་མ་ཙྪ་ནྡཱ་ནཾ, [ཨུ་ད་ཡཱ་ཏི བྷ་ག་ཝཱ]
དོ་མ་ན་སྶཱ་ན ཙཱུ་བྷ་ཡཾ;
ཐི་ན་སྶ ཙ པ་ནཱུ་ད་ནཾ, ཀུ་ཀྐུ་ཙྩཱ་ནཾ ནི་ཝཱ་ར་ཎཾ.
༡༣༢. ‘‘ཨུ་པེ་ཀྑཱ་ས་ཏི་སཾ་སུ་དྡྷཾ, དྷ་མྨ་ཏ་ཀྐ་པུ་རེ་ཛ་ཝཾ;
ཨ་ཉྙཱ་ཝི་མོ་ཀྑཾ པ་བྲཱུ་མི, ཨ་ཝི་ཛྫཱ་ཡ པ་བྷེ་ད་ནཾ’’.
༡༣༣. ‘‘ཀིཾ་སུ སཾ་ཡོ་ཛ་ནོ ལོ་ཀོ, ཀིཾ་སུ ཏ་སྶ ཝི་ཙཱ་ར་ཎཾ;
ཀི་སྶ་སྶ ཝི་པྤ་ཧཱ་ནེ་ན, ནི་བྦཱ་ནཾ ཨི་ཏི ཝུ་ཙྩ་ཏི’’.
༡༣༤. ‘‘ན་ནྡི་སཾ་ཡོ་ཛ་ནོ ལོ་ཀོ, ཝི་ཏ་ཀྐ་སྶ ཝི་ཙཱ་ར་ཎཾ;
ཏ་ཎྷཱ་ཡ ཝི་པྤ་ཧཱ་ནེ་ན, ནི་བྦཱ་ནཾ ཨི་ཏི ཝུ་ཙྩ་ཏི’’.
༡༣༥. ‘‘ཀ་ཐཾ ས་ཏ་སྶ ཙ་ར་ཏོ, ཝི་ཉྙཱ་ཎཾ ཨུ་པ་རུ་ཛ྄ཛྷ་ཏི;
བྷ་ག་ཝ་ནྟཾ པུ་ཊྛུ་མཱ་ག་མྨ, ཏཾ སུ་ཎོ་མ ཝ་ཙོ ཏ་ཝ’’.
༡༣༦. ‘‘ཨ་ཛ྄ཛྷ་ཏྟ་ཉྩ བ་ཧི་དྡྷཱ ཙ, ཝེ་ད་ནཾ ནཱ་བྷི་ན་ནྡ་ཏོ;
ཨེ་ཝཾ ས་ཏ་སྶ ཙ་ར་ཏོ, ཝི་ཉྙཱ་ཎཾ ཨུ་པ་རུ་ཛ྄ཛྷ་ཏཱི’’ཏི.
ཨུ་ད་ཡ་མཱ་ཎ་ཝ་པུ་ཙྪཱ ཏེ་ར་ས་མཱ.