༧. ཏི་སྶ་མེ་ཏྟེ་ཡྻ་སུ་ཏྟ་ནི་དྡེ་སོ
ཨ་ཐ ཏི་སྶ་མེ་ཏྟེ་ཡྻ་སུ་ཏྟ་ནི་དྡེ་སཾ ཝ་ཀྑ་ཏི –
༤༩. མེ་ཐུ་ན་མ་ནུ་ཡུ་ཏྟ་སྶ, [ཨི་ཙྩཱ་ཡ་སྨཱ ཏི་སྶོ མེ་ཏྟེ་ཡྻོ]
ཝི་གྷཱ་ཏཾ བྲཱུ་ཧི མཱ་རི་ས;
སུ་ཏྭཱ་ན ཏ་ཝ སཱ་ས་ནཾ, ཝི་ཝེ་ཀེ སི་ཀྑི་སྶཱ་མ་སེ.
མེ་ཐུ་ན་མ་ནུ་ཡུ་ཏྟ་སྶཱཏི. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ གཱ་མ་དྷ་མྨོ ཝ་ས་ལ་དྷ་མྨོ དུ་ཊྛུ་ལློ ཨོ་ད་ཀ་ནྟི་ཀོ ར་ཧ་སྶོ དྭ་ཡཾ་དྭ་ཡ་ས་མཱ་པ་ཏྟི. ཀིཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ? ཨུ་བྷི་ནྣཾ ར་ཏྟཱ་ནཾ སཱ་ར་ཏྟཱ་ནཾ ཨ་ཝ་སྶུ་ཏཱ་ནཾ པ་རི་ཡུ་ཊྛི་ཏཱ་ནཾ པ་རི་ཡཱ་དི་ནྣ་ཙི་ཏྟཱ་ནཾ ཨུ་བྷི་ནྣཾ ས་དི་སཱ་ནཾ དྷ་མྨོ་ཏི – ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ. ཡ་ཐཱ ཨུ་བྷོ ཀ་ལ་ཧ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ བྷ་ཎྜ་ན་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ བྷ་སྶ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཝི་ཝཱ་ད་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཨ་དྷི་ཀ་ར་ཎ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཝཱ་དི་ནོ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ས་ལླཱ་པ་ཀཱ མེ་ཐུ་ན་ཀཱ་ཏི ཝུ་ཙྩ་ནྟི; ཨེ་ཝ་མེ་ཝཾ ཨུ་བྷི་ནྣཾ ར་ཏྟཱ་ནཾ སཱ་ར་ཏྟཱ་ནཾ ཨ་ཝ་སྶུ་ཏཱ་ནཾ པ་རི་ཡུ་ཊྛི་ཏཱ་ནཾ པ་རི་ཡཱ་དི་ནྣ་ཙི་ཏྟཱ་ནཾ ཨུ་བྷི་ནྣཾ ས་དི་སཱ་ནཾ དྷ་མྨོ་ཏི – ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ.
མེ་ཐུ་ན་མ་ནུ་ཡུ་ཏྟ་སྶཱཏི. མེ་ཐུ་ན་དྷ་མྨེ ཡུ་ཏྟ་སྶ པ་ཡུ་ཏྟ་སྶ ཨཱ་ཡུ་ཏྟ་སྶ ས་མཱ་ཡུ་ཏྟ་སྶ ཏ་ཙྩ་རི་ཏ་སྶ ཏ་བྦ་ཧུ་ལ་སྶ ཏ་གྒ་རུ་ཀ་སྶ ཏ་ནྣི་ནྣ་སྶ ཏ་པྤོ་ཎ་སྶ ཏ་པྤ་བྦྷཱ་ར་སྶ ཏ་ད་དྷི་མུ་ཏྟ་སྶ ཏ་ད་དྷི་པ་ཏེ་ཡྻ་སྶཱ་ཏི – མེ་ཐུ་ན་མ་ནུ་ཡུ་ཏྟ་སྶ.
ཨི་ཙྩཱ་ཡ་སྨཱ ཏི་སྶོ མེ་ཏྟེ་ཡྻོཏི. ཨི་ཙྩཱཏི པ་ད་ས་ནྡྷི པ་ད་སཾ་ས་གྒོ པ་ད་པཱ་རི་པཱུ་རཱི ཨ་ཀྑ་ར་ས་མ་ཝཱ་ཡོ བྱ་ཉྫ་ན་སི་ལི་ཊྛ་ཏཱ པ་དཱ་ནུ་པུ་བྦ་ཏཱ་པེ་ཏཾ – ཨི་ཙྩཱ་ཏི. ཨཱ་ཡ་སྨཱཏི པི་ཡ་ཝ་ཙ་ནཾ ག་རུ་ཝ་ཙ་ནཾ ས་གཱ་ར་ཝ་ཝ་ཙ་ནཾ ས་པྤ་ཏི་སྶ་ཝ་ཙ་ན་མེ་ཏཾ – ཨཱ་ཡ་སྨཱ་ཏི. ཏི་སྶོཏི ཏ་སྶ ཐེ་ར་སྶ ནཱ་མཾ ས་ངྑཱ ས་མ་ཉྙཱ པ་ཉྙ་ཏྟི ཝོ་ཧཱ་རོ ནཱ་མཾ ནཱ་མ་ཀ་མྨཾ ནཱ་མ་དྷེ་ཡྻཾ ནི་རུ་ཏྟི བྱ་ཉྫ་ནཾ ཨ་བྷི་ལཱ་པོ. མེ་ཏྟེ་ཡྻོཏི ཏ་སྶ ཐེ་ར་སྶ གོ་ཏྟཾ ས་ངྑཱ ས་མ་ཉྙཱ པ་ཉྙ་ཏྟི ཝོ་ཧཱ་རོ་ཏི – ཨི་ཙྩཱ་ཡ་སྨཱ ཏི་སྶོ མེ་ཏྟེ་ཡྻོ.
ཝི་གྷཱ་ཏཾ བྲཱུ་ཧི མཱ་རི་སཱཏི. ཝི་གྷཱ་ཏནྟི ཝི་གྷཱ་ཏཾ ཨུ་པ་གྷཱ་ཏཾ པཱི་ལ༹་ནཾ གྷ་ཊྚ་ནཾ ཨུ་པ་དྡ་ཝཾ ཨུ་པ་ས་གྒཾ བྲཱུ་ཧི ཨཱ་ཙི་ཀྑ དེ་སེ་ཧི པ་ཉྙ་པེ་ཧི པ་ཊྛ་པེ་ཧི ཝི་ཝ་ར ཝི་བྷ་ཛ ཨུ་ཏྟཱ་ནཱི་ཀ་རོ་ཧི [ཨུ་ཏྟཱ་ནིཾ ཀ་རོ་ཧི (ཀ.)] པ་ཀཱ་སེ་ཧི. མཱ་རི་སཱཏི པི་ཡ་ཝ་ཙ་ནཾ ག་རུ་ཝ་ཙ་ནཾ ས་གཱ་ར་ཝ་ཝ་ཙ་ནཾ ས་པྤ་ཏི་སྶ་ཝ་ཙ་ན་མེ་ཏཾ མཱ་རི་སཱ་ཏི – ཝི་གྷཱ་ཏཾ བྲཱུ་ཧི མཱ་རི་ས.
སུ་ཏྭཱ་ན ཏ་ཝ སཱ་ས་ནནྟི. ཏུ་ཡ྄ཧཾ ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སཱ་ས་ནཾ ཨ་ནུ་སི་ཊྛིཾ སུ་ཏྭཱ སུ་ཎི་ཏྭཱ ཨུ་གྒ་ཧེ་ཏྭཱ ཨུ་པ་དྷཱ་ར་ཡི་ཏྭཱ ཨུ་པ་ལ་ཀྑ་ཡི་ཏྭཱ་ཏི – སུ་ཏྭཱ་ན ཏ་ཝ སཱ་ས་ནཾ.
ཝི་ཝེ་ཀེ སི་ཀྑི་སྶཱ་མ་སེཏི. ཝི་ཝེ་ཀོཏི ཏ་ཡོ ཝི་ཝེ་ཀཱ – ཀཱ་ཡ་ཝི་ཝེ་ཀོ, ཙི་ཏྟ་ཝི་ཝེ་ཀོ, ཨུ་པ་དྷི་ཝི་ཝེ་ཀོ. ཀ་ཏ་མོ ཀཱ་ཡ་ཝི་ཝེ་ཀོ? ཨི་དྷ བྷི་ཀྑུ ཝི་ཝི་ཏྟཾ སེ་ནཱ་ས་ནཾ བྷ་ཛ་ཏི ཨ་ར་ཉྙཾ རུ་ཀྑ་མཱུ་ལཾ པ་བྦ་ཏཾ ཀ་ནྡ་རཾ གི་རི་གུ་ཧཾ སུ་སཱ་ནཾ ཝ་ན་པ་ཏྠཾ ཨ་བྦྷོ་ཀཱ་སཾ པ་ལཱ་ས་པུ་ཉྫཾ, ཀཱ་ཡེ་ན ཝི་ཝི་ཏྟོ ཝི་ཧ་ར་ཏི. སོ ཨེ་ཀོ ག་ཙྪ་ཏི, ཨེ་ཀོ ཏི་ཊྛ་ཏི, ཨེ་ཀོ ནི་སཱི་ད་ཏི, ཨེ་ཀོ སེ་ཡྻཾ ཀ་པྤེ་ཏི, ཨེ་ཀོ གཱ་མཾ པི་ཎྜཱ་ཡ པ་ཝི་ས་ཏི, ཨེ་ཀོ པ་ཊི་ཀྐ་མ་ཏི, ཨེ་ཀོ ར་ཧོ ནི་སཱི་ད་ཏི, ཨེ་ཀོ ཙ་ངྐ་མཾ ཨ་དྷི་ཊྛཱ་ཏི, ཨེ་ཀོ ཙ་ར་ཏི, ཨེ་ཀོ ཝི་ཧ་ར་ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི – ཨ་ཡཾ ཀཱ་ཡ་ཝི་ཝེ་ཀོ.
ཀ་ཏ་མོ ཙི་ཏྟ་ཝི་ཝེ་ཀོ? པ་ཋ་མཾ ཛྷཱ་ནཾ ས་མཱ་པ་ནྣ་སྶ ནཱི་ཝ་ར་ཎེ་ཧི ཙི་ཏྟཾ ཝི་ཝི་ཏྟཾ ཧོ་ཏི, དུ་ཏི་ཡཾ ཛྷཱ་ནཾ ས་མཱ་པ་ནྣ་སྶ ཝི་ཏ་ཀྐ་ཝི་ཙཱ་རེ་ཧི ཙི་ཏྟཾ ཝི་ཝི་ཏྟཾ ཧོ་ཏི, ཏ་ཏི་ཡཾ ཛྷཱ་ནཾ ས་མཱ་པ་ནྣ་སྶ པཱི་ཏི་ཡཱ ཙི་ཏྟཾ ཝི་ཝི་ཏྟཾ ཧོ་ཏི, ཙ་ཏུ་ཏྠཾ ཛྷཱ་ནཾ ས་མཱ་པ་ནྣ་སྶ སུ་ཁ་དུ་ཀྑེ་ཧི ཙི་ཏྟཾ ཝི་ཝི་ཏྟཾ ཧོ་ཏི, ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ་ཡ པ་ཊི་གྷ་ས་ཉྙཱ་ཡ ནཱ་ན་ཏྟ་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི, ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི, ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི, སོ་ཏཱ་པ་ནྣ་སྶ ས་ཀྐཱ་ཡ་དི་ཊྛི་ཡཱ ཝི་ཙི་ཀི་ཙྪཱ་ཡ སཱི་ལ་བྦ་ཏ་པ་རཱ་མཱ་སཱ དི་ཊྛཱ་ནུ་ས་ཡཱ ཝི་ཙི་ཀི་ཙྪཱ་ནུ་ས་ཡཱ ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི, ས་ཀ་དཱ་གཱ་མི་སྶ ཨོ་ལཱ༹་རི་ཀཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨོ་ལཱ༹་རི་ཀཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི, ཨ་ནཱ་གཱ་མི་སྶ ཨ་ནུ་ས་ཧ་ག་ཏཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨ་ནུ་ས་ཧ་ག་ཏཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི, ཨ་ར་ཧ་ཏོ རཱུ་པ་རཱ་གཱ ཨ་རཱུ་པ་རཱ་གཱ མཱ་ནཱ ཨུ་དྡྷ་ཙྩཱ ཨ་ཝི་ཛྫཱ་ཡ མཱ་ནཱ་ནུ་ས་ཡཱ བྷ་ཝ་རཱ་གཱ་ནུ་ས་ཡཱ ཨ་ཝི་ཛྫཱ་ནུ་ས་ཡཱ ཏ་དེ་ཀ་ཊྛེ་ཧི ཙ ཀི་ལེ་སེ་ཧི བ་ཧི་དྡྷཱ ཙ ས་བྦ་ནི་མི་ཏྟེ་ཧི ཙི་ཏྟཾ ཝི་ཝི་ཏྟཾ ཧོ་ཏི – ཨ་ཡཾ ཙི་ཏྟ་ཝི་ཝེ་ཀོ.
ཀ་ཏ་མོ ཨུ་པ་དྷི་ཝི་ཝེ་ཀོ? ཨུ་པ་དྷི ཝུ་ཙྩ་ནྟི ཀི་ལེ་སཱ ཙ ཁ་ནྡྷཱ ཙ ཨ་བྷི་ས་ངྑཱ་རཱ ཙ. ཨུ་པ་དྷི་ཝི་ཝེ་ཀོ ཝུ་ཙྩ་ཏི ཨ་མ་ཏཾ ནི་བྦཱ་ནཾ. ཡོ སོ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ནཾ – ཨ་ཡཾ ཨུ་པ་དྷི་ཝི་ཝེ་ཀོ. ཀཱ་ཡ་ཝི་ཝེ་ཀོ ཙ ཝི་ཝེ་ཀ་ཊྛ་ཀཱ་ཡཱ་ནཾ ནེ་ཀྑ་མྨཱ་བྷི་ར་ཏཱ་ནཾ; ཙི་ཏྟ་ཝི་ཝེ་ཀོ ཙ པ་རི་སུ་དྡྷ་ཙི་ཏྟཱ་ནཾ པ་ར་མ་ཝོ་དཱ་ན་པ་ཏྟཱ་ནཾ; ཨུ་པ་དྷི་ཝི་ཝེ་ཀོ ཙ ནི་རཱུ་པ་དྷཱི་ནཾ པུ་གྒ་ལཱ་ནཾ ཝི་ས་ངྑཱ་ར་ག་ཏཱ་ནཾ. ཝི་ཝེ་ཀེ སི་ཀྑི་སྶཱ་མ་སེཏི. སོ ཐེ་རོ པ་ཀ་ཏི་ཡཱ སི་ཀྑི་ཏ་སི་ཀྑོ. ཨ་པི ཙ དྷ་མྨ་དེ་ས་ནཾ ཨུ་པཱ་དཱ་ཡ དྷ་མྨ་དེ་ས་ནཾ སཱ་ཝེ་ནྟོ [ཡཱ་ཙ་ནྟོ (སཱི. སྱཱ.)] ཨེ་ཝ་མཱ་ཧ – ཝི་ཝེ་ཀེ སི་ཀྑི་སྶཱ་མ་སེ་ཏི.
ཏེ་ནཱ་ཧ ཐེ་རོ ཏི་སྶ་མེ་ཏྟེ་ཡྻོ –
‘‘མེ་ཐུ་ན་མ་ནུ་ཡུ་ཏྟ་སྶ, [ཨི་ཙྩཱ་ཡ་སྨཱ ཏི་སྶོ མེ་ཏྟེ་ཡྻོ]
ཝི་གྷཱ་ཏཾ བྲཱུ་ཧི མཱ་རི་ས;
སུ་ཏྭཱ་ན ཏ་ཝ སཱ་ས་ནཾ, ཝི་ཝེ་ཀེ སི་ཀྑི་སྶཱ་མ་སེ’’ཏི.
༥༠. མེ་ཐུ་ན་མ་ནུ་ཡུ་ཏྟ་སྶ, [མེ་ཏྟེ་ཡྻཱ་ཏི བྷ་ག་ཝཱ]
མུ་སྶ་ཏེ ཝཱ་པི སཱ་ས་ནཾ;
མི་ཙྪཱ ཙ པ་ཊི་པ་ཛྫ་ཏི, ཨེ་ཏཾ ཏ་སྨིཾ ཨ་ནཱ་རི་ཡཾ.
མེ་ཐུ་ན་མ་ནུ་ཡུ་ཏྟ་སྶཱཏི. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ གཱ་མ་དྷ་མྨོ ཝ་ས་ལ་དྷ་མྨོ དུ་ཊྛུ་ལློ ཨོ་ད་ཀ་ནྟི་ཀོ ར་ཧ་སྶོ དྭ་ཡཾ་དྭ་ཡ་ས་མཱ་པ་ཏྟི. ཀིཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ? ཨུ་བྷི་ནྣཾ ར་ཏྟཱ་ནཾ སཱ་ར་ཏྟཱ་ནཾ ཨ་ཝ་སྶུ་ཏཱ་ནཾ པ་རི་ཡུ་ཊྛི་ཏཱ་ནཾ པ་རི་ཡཱ་དི་ནྣ་ཙི་ཏྟཱ་ནཾ ཨུ་བྷི་ནྣཾ ས་དི་སཱ་ནཾ དྷ་མྨོ་ཏི – ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ. ཡ་ཐཱ ཨུ་བྷོ ཀ་ལ་ཧ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ བྷ་ཎྜ་ན་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ བྷ་སྶ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཝི་ཝཱ་ད་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཨ་དྷི་ཀ་ར་ཎ་ཀཱ་ར་ཀཱ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ཝཱ་དི་ནོ མེ་ཐུ་ན་ཀཱ་ཏི ཝུ་ཙྩ་ནྟི, ཨུ་བྷོ ས་ལླཱ་པ་ཀཱ མེ་ཐུ་ན་ཀཱ་ཏི ཝུ་ཙྩ་ནྟི; ཨེ་ཝ་མེ་ཝཾ ཨུ་བྷི་ནྣཾ ར་ཏྟཱ་ནཾ སཱ་ར་ཏྟཱ་ནཾ ཨ་ཝ་སྶུ་ཏཱ་ནཾ པ་རི་ཡུ་ཊྛི་ཏཱ་ནཾ པ་རི་ཡཱ་དི་ནྣ་ཙི་ཏྟཱ་ནཾ ཨུ་བྷི་ནྣཾ ས་དི་སཱ་ནཾ དྷ་མྨོ་ཏི – ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ.
མེ་ཐུ་ན་མ་ནུ་ཡུ་ཏྟ་སྶཱཏི. མེ་ཐུ་ན་དྷ་མྨེ ཡུ་ཏྟ་སྶ པ་ཡུ་ཏྟ་སྶ ཨཱ་ཡུ་ཏྟ་སྶ ས་མཱ་ཡུ་ཏྟ་སྶ ཏ་ཙྩ་རི་ཏ་སྶ ཏ་བྦ་ཧུ་ལ་སྶ ཏ་གྒ་རུ་ཀ་སྶ ཏ་ནྣི་ནྣ་སྶ ཏ་པྤོ་ཎ་སྶ ཏ་པྤ་བྦྷཱ་ར་སྶ ཏ་ད་དྷི་མུ་ཏྟ་སྶ ཏ་ད་དྷི་པ་ཏེ་ཡྻ་སྶཱ་ཏི – མེ་ཐུ་ན་མ་ནུ་ཡུ་ཏྟ་སྶ.
མེ་ཏྟེ་ཡྻཱཏི བྷ་ག་ཝཱ ཏཾ ཐེ་རཾ གོ་ཏྟེ་ན ཨཱ་ལ་པ་ཏི. བྷ་ག་ཝཱཏི གཱ་ར་ཝཱ་དྷི་ཝ་ཙ་ནཾ. ཨ་པི ཙ བྷ་གྒ་རཱ་གོ་ཏི བྷ་ག་ཝཱ, བྷ་གྒ་དོ་སོ་ཏི བྷ་ག་ཝཱ, བྷ་གྒ་མོ་ཧོ་ཏི བྷ་ག་ཝཱ, བྷ་གྒ་མཱ་ནོ་ཏི བྷ་ག་ཝཱ, བྷ་གྒ་དི་ཊྛཱི་ཏི བྷ་ག་ཝཱ, བྷ་གྒ་ཀ་ཎྜ་ཀོ་ཏི [བྷ་གྒ་ཀ་ཎྜ་ཀོ་ཏི (སཱི. སྱཱ.)] བྷ་ག་ཝཱ, བྷ་གྒ་ཀི་ལེ་སོ་ཏི བྷ་ག་ཝཱ, བྷ་ཛི ཝི་བྷ་ཛི པ་ཝི་བྷ་ཛི དྷ་མྨ་ར་ཏ་ན་ནྟི བྷ་ག་ཝཱ, བྷ་ཝཱ་ནཾ ཨ་ནྟ་ཀ་རོ་ཏི བྷ་ག་ཝཱ, བྷཱ་ཝི་ཏ་ཀཱ་ཡོ བྷཱ་ཝི་ཏ་སཱི་ལོ བྷཱ་ཝི་ཏ་ཙི་ཏྟོ བྷཱ་ཝི་ཏ་པ་ཉྙོ་ཏི བྷ་ག་ཝཱ, བྷ་ཛི ཝཱ བྷ་ག་ཝཱ ཨ་ར་ཉྙ་ཝ་ན་པ་ཏྠཱ་ནི [ཨ་ར་ཉྙེ ཝ་ན་པ་ཏྠཱ་ནི (སཱི.)] པ་ནྟཱ་ནི སེ་ནཱ་ས་ནཱ་ནི ཨ་པྤ་ས་དྡཱ་ནི ཨ་པྤ་ནི་གྒྷོ་སཱ་ནི ཝི་ཛ་ན་ཝཱ་ཏཱ་ནི མ་ནུ་སྶ་རཱ་ཧ་སྶེ་ཡྻ་ཀཱ་ནི [མ་ནུ་སྶ་རཱ་ཧ་སེ་ཡྻ་ཀཱ་ནི (སཱི. སྱཱ.)] པ་ཊི་ས་ལླཱ་ན་སཱ་རུ་པྤཱ་ནཱི་ཏི བྷ་ག་ཝཱ, བྷཱ་གཱི ཝཱ བྷ་ག་ཝཱ ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ན་ནྟི བྷ་ག་ཝཱ, བྷཱ་གཱི ཝཱ བྷ་ག་ཝཱ ཨ་ཏྠ་ར་ས་སྶ དྷ་མྨ་ར་ས་སྶ ཝི་མུ་ཏྟི་ར་ས་སྶ ཨ་དྷི་སཱི་ལ་སྶ ཨ་དྷི་ཙི་ཏྟ་སྶ ཨ་དྷི་པ་ཉྙཱ་ཡཱ་ཏི བྷ་ག་ཝཱ, བྷཱ་གཱི ཝཱ བྷ་ག་ཝཱ ཙ་ཏུ་ནྣཾ ཛྷཱ་ནཱ་ནཾ ཙ་ཏུ་ནྣཾ ཨ་པྤ་མ་ཉྙཱ་ནཾ ཙ་ཏུ་ནྣཾ ཨ་རཱུ་པ་ས་མཱ་པ་ཏྟཱི་ན་ནྟི བྷ་ག་ཝཱ, བྷཱ་གཱི ཝཱ བྷ་ག་ཝཱ ཨ་ཊྛ་ནྣཾ ཝི་མོ་ཀྑཱ་ནཾ ཨ་ཊྛ་ནྣཾ ཨ་བྷི་བྷཱ་ཡ་ཏ་ནཱ་ནཾ ན་ཝ་ནྣཾ ཨ་ནུ་པུ་བྦ་ཝི་ཧཱ་ར་ས་མཱ་པ་ཏྟཱི་ན་ནྟི བྷ་ག་ཝཱ, བྷཱ་གཱི ཝཱ བྷ་ག་ཝཱ ད་ས་ནྣཾ ས་ཉྙཱ་བྷཱ་ཝ་ནཱ་ནཾ ད་ས་ནྣཾ ཀ་སི་ཎ་ས་མཱ་པ་ཏྟཱི་ནཾ ཨཱ་ནཱ་པཱ་ན་སྶ་ཏི་ས་མཱ་དྷི་སྶ ཨ་སུ་བྷ་ས་མཱ་པ་ཏྟི་ཡཱ་ཏི བྷ་ག་ཝཱ, བྷཱ་གཱི ཝཱ བྷ་ག་ཝཱ ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ཙ་ཏུ་ནྣཾ ས་མྨ་པྤ་དྷཱ་ནཱ་ནཾ ཙ་ཏུ་ནྣཾ ཨི་དྡྷི་པཱ་དཱ་ནཾ པ་ཉྩ་ནྣཾ ཨི་ནྡྲི་ཡཱ་ནཾ པ་ཉྩ་ནྣཾ བ་ལཱ་ནཾ ས་ཏྟ་ནྣཾ བོ་ཛ྄ཛྷ་ངྒཱ་ནཾ ཨ་རི་ཡ་སྶ ཨ་ཊྛ་ངྒི་ཀ་སྶ མ་གྒ་སྶཱ་ཏི བྷ་ག་ཝཱ, བྷཱ་གཱི ཝཱ བྷ་ག་ཝཱ ད་ས་ནྣཾ ཏ་ཐཱ་ག་ཏ་བ་ལཱ་ནཾ ཙ་ཏུ་ནྣཾ ཝེ་སཱ་ར་ཛྫཱ་ནཾ ཙ་ཏུ་ནྣཾ པ་ཊི་ས་མྦྷི་དཱ་ནཾ ཚ་ནྣཾ ཨ་བྷི་ཉྙཱ་ནཾ [ཨ་བྷི་ཉྙཱ་ཎཱ་ནཾ (སཱི.)] ཚ་ནྣཾ བུ་དྡྷ་དྷ་མྨཱ་ན་ནྟི བྷ་ག་ཝཱ. བྷ་ག་ཝཱ་ཏི ནེ་ཏཾ ནཱ་མཾ མཱ་ཏ་རཱ ཀ་ཏཾ, ན པི་ཏ་རཱ ཀ་ཏཾ, ན བྷཱ་ཏ་རཱ ཀ་ཏཾ, ན བྷ་གི་ནི་ཡཱ ཀ་ཏཾ, ན མི་ཏྟཱ་མ་ཙྩེ་ཧི ཀ་ཏཾ, ན ཉཱ་ཏི་སཱ་ལོ་ཧི་ཏེ་ཧི ཀ་ཏཾ ན ས་མ་ཎ་བྲཱ་ཧྨ་ཎེ་ཧི ཀ་ཏཾ, ན དེ་ཝ་ཏཱ་ཧི ཀ་ཏཾ. ཝི་མོ་ཀྑ་ནྟི་ཀ་མེ་ཏཾ བུ་དྡྷཱ་ནཾ བྷ་ག་ཝ་ནྟཱ་ནཾ བོ་དྷི་ཡཱ མཱུ་ལེ ས་ཧ ས་བྦ་ཉྙུ་ཏ་ཉྙཱ་ཎ་སྶ པ་ཊི་ལཱ་བྷཱ ས་ཙྪི་ཀཱ པ་ཉྙ་ཏྟི ཡ་དི་དཾ བྷ་ག་ཝཱ་ཏི – མེ་ཏྟེ་ཡྻཱ་ཏི བྷ་ག་ཝཱ.
མུ་སྶ་ཏེ ཝཱ་པི སཱ་ས་ནནྟི. དྭཱི་ཧི ཀཱ་ར་ཎེ་ཧི སཱ་ས་ནཾ མུ་སྶ་ཏི – པ་རི་ཡ་ཏྟི་སཱ་ས་ན་མྤི མུ་སྶ་ཏི, པ་ཊི་པ་ཏྟི་སཱ་ས་ན་མྤི མུ་སྶ་ཏི. ཀ་ཏ་མཾ པ་རི་ཡ་ཏྟི་སཱ་ས་ནཾ? ཡཾ ཏ་སྶ པ་རི་ཡཱ་པུ་ཊཾ – སུ་ཏྟཾ གེ་ཡྻཾ ཝེ་ཡྻཱ་ཀ་ར་ཎཾ གཱ་ཐཱ ཨུ་དཱ་ནཾ ཨི་ཏི་ཝུ་ཏྟ་ཀཾ ཛཱ་ཏ་ཀཾ ཨ་བྦྷུ་ཏ་དྷ་མྨཾ ཝེ་ད་ལླཾ – ཨི་དཾ པ་རི་ཡ་ཏྟི་སཱ་ས་ནཾ. ཏ་མྤི མུ་སྶ་ཏི ས་མྨུ་སྶ་ཏི པ་མུ་སྶ་ཏི ས་མྤ་མུ་སྶ་ཏི པ་རི་བཱ་ཧི་རོ ཧོ་ཏཱི་ཏི – ཨེ་ཝ་མྤི མུ་སྶ་ཏེ ཝཱ་པི སཱ་ས་ནཾ.
ཀ་ཏ་མཾ པ་ཊི་པ་ཏྟི་སཱ་ས་ནཾ? ས་མྨཱ་པ་ཊི་པ་དཱ ཨ་ནུ་ལོ་མ་པ་ཊི་པ་དཱ ཨ་པ་ཙྩ་ནཱི་ཀ་པ་ཊི་པ་དཱ ཨ་ནྭ་ཏྠ་པ་ཊི་པ་དཱ དྷ་མྨཱ་ནུ་དྷ་མྨ་པ་ཊི་པ་དཱ སཱི་ལེ་སུ པ་རི་པཱུ་ར་ཀཱ་རི་ཏཱ ཨི་ནྡྲི་ཡེ་སུ གུ་ཏྟ་དྭཱ་ར་ཏཱ བྷོ་ཛ་ནེ མ་ཏྟ་ཉྙུ་ཏཱ ཛཱ་ག་རི་ཡཱ་ནུ་ཡོ་གོ ས་ཏི་ས་མྤ་ཛ་ཉྙཾ ཙ་ཏྟཱ་རོ ས་ཏི་པ་ཊྛཱ་ནཱ ཙ་ཏྟཱ་རོ ས་མྨ་པྤ་དྷཱ་ནཱ ཙ་ཏྟཱ་རོ ཨི་དྡྷི་པཱ་དཱ པ་ཉྩི་ནྡྲི་ཡཱ་ནི པ་ཉྩ བ་ལཱ་ནི ས་ཏྟ བོ་ཛ྄ཛྷ་ངྒཱ ཨ་རི་ཡོ ཨ་ཊྛ་ངྒི་ཀོ མ་གྒོ – ཨི་དཾ པ་ཊི་པ་ཏྟི་སཱ་ས་ནཾ. ཏ་མྤི མུ་སྶ་ཏི ས་མྨུ་སྶ་ཏི པ་མུ་སྶ་ཏི ས་མྤ་མུ་སྶ་ཏི པ་རི་བཱ་ཧི་རོ ཧོ་ཏཱི་ཏི. ཨེ་ཝ་མྤི མུ་སྶ་ཏེ ཝཱ་པི སཱ་ས་ནཾ.
མི་ཙྪཱ ཙ པ་ཊི་པ་ཛྫ་ཏཱིཏི. པཱ་ཎ་མྤི ཧ་ན་ཏི, ཨ་དི་ནྣ་མྤི ཨཱ་དི་ཡ་ཏི, ས་ནྡྷི་མྤི ཚི་ནྡ་ཏི, ནི་ལློ་པ་མྤི ཧ་ར་ཏི, ཨེ་ཀཱ་གཱ་རི་ཀ་མྤི ཀ་རོ་ཏི, པ་རི་པ་ནྠེ་པི ཏི་ཊྛ་ཏི, པ་ར་དཱ་ར་མྤི ག་ཙྪ་ཏི, མུ་སཱ་པི བྷ་ཎ་ཏཱི་ཏི – མི་ཙྪཱ ཙ པ་ཊི་པ་ཛྫ་ཏི.
ཨེ་ཏཾ ཏ་སྨིཾ ཨ་ནཱ་རི་ཡནྟི. ཨེ་ཏཾ ཏ་སྨིཾ པུ་གྒ་ལེ ཨ་ན་རི་ཡ་དྷ་མྨོ བཱ་ལ་དྷ་མྨོ མཱུ་ལ༹ྷ་དྷ་མྨོ ཨ་ཉྙཱ་ཎ་དྷ་མྨོ ཨ་མ་རཱ་ཝི་ཀྑེ་པ་དྷ་མྨོ, ཡ་དི་དཾ མི་ཙྪཱ་པ་ཊི་པ་དཱ་ཏི – ཨེ་ཏཾ ཏ་སྨིཾ ཨ་ནཱ་རི་ཡཾ.
ཏེ་ནཱ་ཧ བྷ་ག་ཝཱ –
‘‘མེ་ཐུ་ན་མ་ནུ་ཡུ་ཏྟ་སྶ, [མེ་ཏྟེ་ཡྻཱ་ཏི བྷ་ག་ཝཱ]
མུ་སྶ་ཏེ ཝཱ་པི སཱ་ས་ནཾ;
མི་ཙྪཱ ཙ པ་ཊི་པ་ཛྫ་ཏི, ཨེ་ཏཾ ཏ་སྨིཾ ཨ་ནཱ་རི་ཡ’’ནྟི.
༥༡. ཨེ་ཀོ པུ་བྦེ ཙ་རི་ཏྭཱ་ན, མེ་ཐུ་ནཾ ཡོ ནི་སེ་ཝ་ཏི;
ཡཱ་ནཾ བྷ་ནྟཾ་ཝ ཏཾ ལོ་ཀེ, ཧཱི་ན་མཱ་ཧུ པུ་ཐུ་ཛྫ་ནཾ.
ཨེ་ཀོ པུ་བྦེ ཙ་རི་ཏྭཱ་ནཱཏི. དྭཱི་ཧི ཀཱ་ར་ཎེ་ཧི ཨེ་ཀོ པུ་བྦེ ཙ་རི་ཏྭཱ་ན – པ་བྦ་ཛྫཱ་ས་ངྑཱ་ཏེ་ན ཝཱ ག་ཎཱ་ཝ་ཝ་སྶ་གྒ་ཊྛེ་ན ཝཱ. ཀ་ཐཾ པ་བྦ་ཛྫཱ་ས་ངྑཱ་ཏེ་ན ཨེ་ཀོ པུ་བྦེ ཙ་རི་ཏྭཱ་ན? ས་བྦཾ གྷ་རཱ་ཝཱ་ས་པ་ལི་བོ་དྷཾ ཚི་ནྡི་ཏྭཱ པུ་ཏྟ་དཱ་ར་པ་ལི་བོ་དྷཾ ཚི་ནྡི་ཏྭཱ ཉཱ་ཏི་པ་ལི་བོ་དྷཾ ཚི་ནྡི་ཏྭཱ མི་ཏྟཱ་མ་ཙྩ་པ་ལི་བོ་དྷཾ ཚི་ནྡི་ཏྭཱ ས་ནྣི་དྷི་པ་ལི་བོ་དྷཾ ཚི་ནྡི་ཏྭཱ ཀེ་ས་མ་སྶུཾ ཨོ་ཧཱ་རེ་ཏྭཱ ཀཱ་སཱ་ཡཱ་ནི ཝ་ཏྠཱ་ནི ཨ་ཙྪཱ་དེ་ཏྭཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏྭཱ ཨ་ཀི་ཉྩ་ན་བྷཱ་ཝཾ ཨུ་པ་ག་ནྟྭཱ ཨེ་ཀོ ཙ་ར་ཏི ཝི་ཧ་ར་ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི. ཨེ་ཝཾ པ་བྦ་ཛྫཱ་ས་ངྑཱ་ཏེ་ན ཨེ་ཀོ པུ་བྦེ ཙ་རི་ཏྭཱ་ན.
ཀ་ཐཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀོ པུ་བྦེ ཙ་རི་ཏྭཱ་ན? སོ ཨེ་ཝཾ པ་བྦ་ཛི་ཏོ ས་མཱ་ནོ ཨེ་ཀོ ཨ་ར་ཉྙ་ཝ་ན་པ་ཏྠཱ་ནི པ་ནྟཱ་ནི སེ་ནཱ་ས་ནཱ་ནི པ་ཊི་སེ་ཝ་ཏི ཨ་པྤ་ས་དྡཱ་ནི ཨ་པྤ་ནི་གྒྷོ་སཱ་ནི ཝི་ཛ་ན་ཝཱ་ཏཱ་ནི མ་ནུ་སྶ་རཱ་ཧ་སྶེ་ཡྻ་ཀཱ་ནི པ་ཊི་ས་ལླཱ་ན་སཱ་རུ་པྤཱ་ནི. སོ ཨེ་ཀོ ག་ཙྪ་ཏི, ཨེ་ཀོ ཏི་ཊྛ་ཏི, ཨེ་ཀོ ནི་སཱི་ད་ཏི, ཨེ་ཀོ སེ་ཡྻཾ ཀ་པྤེ་ཏི, ཨེ་ཀོ གཱ་མཾ པི་ཎྜཱ་ཡ པ་ཝི་ས་ཏི, ཨེ་ཀོ པ་ཊི་ཀྐ་མ་ཏི, ཨེ་ཀོ ར་ཧོ ནི་སཱི་ད་ཏི, ཨེ་ཀོ ཙ་ངྐ་མཾ ཨ་དྷི་ཊྛཱ་ཏི, ཨེ་ཀོ ཙ་ར་ཏི ཝི་ཧ་ར་ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི. ཨེ་ཝཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀོ པུ་བྦེ ཙ་རི་ཏྭཱ་ན.
མེ་ཐུ་ནཾ ཡོ ནི་སེ་ཝ་ཏཱིཏི. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ…པེ… ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ. མེ་ཐུ་ནཾ ཡོ ནི་སེ་ཝ་ཏཱིཏི. ཡོ ཨ་པ་རེ་ན ས་མ་ཡེ་ན བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟི་ཏྭཱ མེ་ཐུ་ནཾ དྷ་མྨཾ སེ་ཝ་ཏི ནི་སེ་ཝ་ཏི སཾ་སེ་ཝ་ཏི པ་ཊི་སེ་ཝ་ཏཱི་ཏི – མེ་ཐུ་ནཾ ཡོ ནི་སེ་ཝ་ཏི.
ཡཱ་ནཾ བྷ་ནྟཾ་ཝ ཏཾ ལོ་ཀེཏི. ཡཱ་ནནྟི ཧ་ཏྠི་ཡཱ་ནཾ ཨ་སྶ་ཡཱ་ནཾ གོ་ཡཱ་ནཾ ཨ་ཛ་ཡཱ་ནཾ མེ་ཎྜ་ཡཱ་ནཾ ཨོ་ཊྛ་ཡཱ་ནཾ ཁ་ར་ཡཱ་ནཾ བྷ་ནྟཾ ཨ་ད་ནྟཾ ཨ་ཀཱ་རི་ཏཾ ཨ་ཝི་ནཱི་ཏཾ ཨུ་པྤ་ཐཾ ག་ཎྷཱ་ཏི, ཝི་ས་མཾ ཁཱ་ཎུ་མྤི པཱ་སཱ་ཎ་མྤི ཨ་བྷི་རུ་ཧ་ཏི, ཡཱ་ན་མྤི ཨཱ་རོ་ཧ་ན་ཀ་མྤི བྷ་ཉྫ་ཏི, པ་པཱ་ཏེ་པི པ་པ་ཏ་ཏི. ཡ་ཐཱ ཏཾ བྷ་ནྟཾ ཡཱ་ནཾ ཨ་ད་ནྟཾ ཨ་ཀཱ་རི་ཏཾ ཨ་ཝི་ནཱི་ཏཾ ཨུ་པྤ་ཐཾ ག་ཎྷཱ་ཏི; ཨེ་ཝ་མེ་ཝཾ སོ ཝི་བྦྷ་ནྟ་ཀོ བྷ་ནྟ་ཡཱ་ན་པ་ཊི་བྷཱ་གོ ཨུ་པྤ་ཐཾ ག་ཎྷཱ་ཏི, མི་ཙྪཱ་དི་ཊྛིཾ ག་ཎྷཱ་ཏི…པེ… མི་ཙྪཱ་ས་མཱ་དྷིཾ ག་ཎྷཱ་ཏི. ཡ་ཐཱ ཏཾ བྷ་ནྟཾ ཡཱ་ནཾ ཨ་ད་ནྟཾ ཨ་ཀཱ་རི་ཏཾ ཨ་ཝི་ནཱི་ཏཾ ཝི་ས་མཾ ཁཱ་ཎུ་མྤི པཱ་སཱ་ཎ་མྤི ཨ་བྷི་རུ་ཧ་ཏི; ཨེ་ཝ་མེ་ཝཾ སོ ཝི་བྦྷ་ནྟ་ཀོ བྷ་ནྟ་ཡཱ་ན་པ་ཊི་བྷཱ་གོ ཝི་ས་མཾ ཀཱ་ཡ་ཀ་མྨཾ ཨ་བྷི་རུ་ཧ་ཏི, ཝི་ས་མཾ ཝ་ཙཱི་ཀ་མྨཾ ཨ་བྷི་རུ་ཧ་ཏི, ཝི་ས་མཾ མ་ནོ་ཀ་མྨཾ ཨ་བྷི་རུ་ཧ་ཏི, ཝི་ས་མཾ པཱ་ཎཱ་ཏི་པཱ་ཏཾ ཨ་བྷི་རུ་ཧ་ཏི, ཝི་ས་མཾ ཨ་དི་ནྣཱ་དཱ་ནཾ ཨ་བྷི་རུ་ཧ་ཏི, ཝི་ས་མཾ ཀཱ་མེ་སུ་མི་ཙྪཱ་ཙཱ་རཾ ཨ་བྷི་རུ་ཧ་ཏི, ཝི་ས་མཾ མུ་སཱ་ཝཱ་དཾ ཨ་བྷི་རུ་ཧ་ཏི, ཝི་ས་མཾ པི་སུ་ཎ་ཝཱ་ཙཾ ཨ་བྷི་རུ་ཧ་ཏི, ཝི་ས་མཾ ཕ་རུ་ས་ཝཱ་ཙཾ ཨ་བྷི་རུ་ཧ་ཏི, ཝི་ས་མཾ ས་མྥ་པྤ་ལཱ་པཾ ཨ་བྷི་རུ་ཧ་ཏི, ཝི་ས་མཾ ཨ་བྷི་ཛ྄ཛྷཾ ཨ་བྷི་རུ་ཧ་ཏི, ཝི་ས་མཾ བྱཱ་པཱ་དཾ ཨ་བྷི་རུ་ཧ་ཏི, ཝི་ས་མཾ མི་ཙྪཱ་དི་ཊྛིཾ ཨ་བྷི་རུ་ཧ་ཏི, ཝི་ས་མེ ས་ངྑཱ་རེ ཨ་བྷི་རུ་ཧ་ཏི, ཝི་ས་མེ པ་ཉྩ ཀཱ་མ་གུ་ཎེ ཨ་བྷི་རུ་ཧ་ཏི, ཝི་ས་མེ ནཱི་ཝ་ར་ཎེ ཨ་བྷི་རུ་ཧ་ཏི. ཡ་ཐཱ ཏཾ བྷ་ནྟཾ ཡཱ་ནཾ ཨ་ད་ནྟཾ ཨ་ཀཱ་རི་ཏཾ ཨ་ཝི་ནཱི་ཏཾ ཡཱ་ན་མྤི ཨཱ་རོ་ཧ་ན་ཀ་མྤི བྷ་ཉྫ་ཏི; ཨེ་ཝ་མེ་ཝཾ སོ ཝི་བྦྷ་ནྟ་ཀོ བྷ་ནྟ་ཡཱ་ན་པ་ཊི་བྷཱ་གོ ནི་ར་ཡེ ཨ་ཏྟཱ་ནཾ བྷ་ཉྫ་ཏི, ཏི་ར་ཙྪཱ་ན་ཡོ་ནི་ཡཾ ཨ་ཏྟཱ་ནཾ བྷ་ཉྫ་ཏི, པེ་ཏྟི་ཝི་ས་ཡེ ཨ་ཏྟཱ་ནཾ བྷ་ཉྫ་ཏི, མ་ནུ་སྶ་ལོ་ཀེ ཨ་ཏྟཱ་ནཾ བྷ་ཉྫ་ཏི, དེ་ཝ་ལོ་ཀེ ཨ་ཏྟཱ་ནཾ བྷ་ཉྫ་ཏི. ཡ་ཐཱ ཏཾ བྷ་ནྟཾ ཡཱ་ནཾ ཨ་ད་ནྟཾ ཨ་ཀཱ་རི་ཏཾ ཨ་ཝི་ནཱི་ཏཾ པ་པཱ་ཏེ པ་པ་ཏ་ཏི; ཨེ་ཝ་མེ་ཝཾ སོ ཝི་བྦྷ་ནྟ་ཀོ བྷ་ནྟ་ཡཱ་ན་པ་ཊི་བྷཱ་གོ ཛཱ་ཏི་པ་པཱ་ཏ་མྤི པ་པ་ཏ་ཏི, ཛ་རཱ་པ་པཱ་ཏ་མྤི པ་པ་ཏ་ཏི, བྱཱ་དྷི་པ་པཱ་ཏ་མྤི པ་པ་ཏ་ཏི, མ་ར་ཎ་པ་པཱ་ཏ་མྤི པ་པ་ཏ་ཏི, སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་ས་པ་པཱ་ཏ་མྤི པ་པ་ཏ་ཏི. ལོ་ཀེཏི ཨ་པཱ་ཡ་ལོ་ཀེ མ་ནུ་སྶ་ལོ་ཀེ་ཏི – ཡཱ་ནཾ བྷ་ནྟཾ་ཝ ཏཾ ལོ་ཀེ.
ཧཱི་ན་མཱ་ཧུ པུ་ཐུ་ཛྫ་ནནྟི. པུ་ཐུ་ཛྫ་ནཱཏི ཀེ་ན་ཊྛེ་ན པུ་ཐུ་ཛྫ་ནཱ? པུ་ཐུ ཀི་ལེ་སེ ཛ་ནེ་ནྟཱི་ཏི པུ་ཐུ་ཛྫ་ནཱ, པུ་ཐུ ཨ་ཝི་ཧ་ཏ་ས་ཀྐཱ་ཡ་དི་ཊྛི་ཀཱ་ཏི པུ་ཐུ་ཛྫ་ནཱ, པུ་ཐུ ས་ཏྠཱ་རཱ་ནཾ མུ་ཁུ་ལློ་ཀི་ཀཱ་ཏི པུ་ཐུ་ཛྫ་ནཱ, པུ་ཐུ ས་བྦ་ག་ཏཱི་ཧི ཨ་ཝུ་ཊྛི་ཏཱ་ཏི པུ་ཐུ་ཛྫ་ནཱ, པུ་ཐུ ནཱ་ནཱ་བྷི་ས་ངྑཱ་རེ [ནཱ་ནཱ་བྷི་ས་ངྑཱ་རེ་ཧི (སྱཱ.)] ཨ་བྷི་ས་ངྑ་རོ་ནྟཱི་ཏི པུ་ཐུ་ཛྫ་ནཱ, པུ་ཐུ ནཱ་ནཱ་ཨོ་གྷེ་ཧི ཝུ་ཡ྄ཧ་ནྟཱི་ཏི པུ་ཐུ་ཛྫ་ནཱ, པུ་ཐུ ནཱ་ནཱ་ས་ནྟཱ་པེ་ཧི ས་ནྟ་པ་ནྟཱི་ཏི པུ་ཐུ་ཛྫ་ནཱ, པུ་ཐུ ནཱ་ནཱ་པ་རི་ལཱ༹་ཧེ་ཧི པ་རི་ད་ཡ྄ཧ་ནྟཱི་ཏི པུ་ཐུ་ཛྫ་ནཱ, པུ་ཐུ པ་ཉྩ་སུ ཀཱ་མ་གུ་ཎེ་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ [ཨ་ཛ྄ཛྷོ་པ་ནྣཱ (སཱི. སྱཱ.)] ལ་གྒཱ ལ་གྒི་ཏཱ པ་ལི་བུ་དྡྷཱ་ཏི པུ་ཐུ་ཛྫ་ནཱ, པུ་ཐུ པ་ཉྩ་ཧི ནཱི་ཝ་ར་ཎེ་ཧི ཨཱ་ཝུ་ཏཱ ནི་ཝུ་ཏཱ ཨོ་ཝུ་ཏཱ པི་ཧི་ཏཱ པ་ཊི་ཙྪ་ནྣཱ པ་ཊི་ཀུ་ཛྫི་ཏཱ་ཏི པུ་ཐུ་ཛྫ་ནཱ. ཧཱི་ན་མཱ་ཧུ པུ་ཐུ་ཛྫ་ནནྟི. པུ་ཐུ་ཛྫ་ནཾ ཧཱི་ནཾ ནི་ཧཱི་ནཾ ཨོ་མ་ཀཾ ལཱ་མ་ཀཾ ཚ་ཏུ་ཀྐཾ པ་རི་ཏྟ་ནྟི ཨེ་ཝ་མཱ་ཧཾ་སུ ཨེ་ཝཾ ཀ་ཐེ་ནྟི ཨེ་ཝཾ བྷ་ཎ་ནྟི ཨེ་ཝཾ དཱི་པ་ཡ་ནྟི ཨེ་ཝཾ ཝོ་ཧ་ར་ནྟཱི་ཏི – ཧཱི་ན་མཱ་ཧུ པུ་ཐུ་ཛྫ་ནཾ.
ཏེ་ནཱ་ཧ བྷ་ག་ཝཱ –
‘‘ཨེ་ཀོ པུ་བྦེ ཙ་རི་ཏྭཱ་ན, མེ་ཐུ་ནཾ ཡོ ནི་སེ་ཝ་ཏི;
ཡཱ་ནཾ བྷ་ནྟཾ་ཝ ཏཾ ལོ་ཀེ, ཧཱི་ན་མཱ་ཧུ པུ་ཐུ་ཛྫ་ན’’ནྟི.
༥༢. ཡ་སོ ཀི་ཏྟི ཙ ཡཱ པུ་བྦེ, ཧཱ་ཡ་ཏེ ཝཱ་པི ཏ་སྶ སཱ;
ཨེ་ཏ་མྤི དི་སྭཱ སི་ཀྑེ་ཐ, མེ་ཐུ་ནཾ ཝི་པྤ་ཧཱ་ཏ་ཝེ.
ཡ་སོ ཀི་ཏྟི ཙ ཡཱ པུ་བྦེ, ཧཱ་ཡ་ཏེ ཝཱ་པི ཏ་སྶ སཱཏི. ཀ་ཏ་མོ ཡ་སོ? ཨི་དྷེ་ཀ་ཙྩོ པུ་བྦེ ས་མ་ཎ་བྷཱ་ཝེ ས་ཀྐ་ཏོ ཧོ་ཏི ག་རུ་ཀ་ཏོ མཱ་ནི་ཏོ པཱུ་ཛི་ཏོ ཨ་པ་ཙི་ཏོ ལཱ་བྷཱི ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ནཾ – ཨ་ཡཾ ཡ་སོ. ཀ་ཏ་མཱ ཀི་ཏྟི? ཨི་དྷེ་ཀ་ཙྩོ པུ་བྦེ ས་མ་ཎ་བྷཱ་ཝེ ཀི་ཏྟི་ཝ་ཎྞ་ག་ཏོ ཧོ་ཏི པ་ཎྜི་ཏོ ཝི་ཡ་ཏྟོ མེ་དྷཱ་ཝཱི བ་ཧུ་སྶུ་ཏོ ཙི་ཏྟ་ཀ་ཐཱི ཀ་ལྱཱ་ཎ་པ་ཊི་བྷཱ་ནོ – སུ་ཏྟ་ནྟི་ཀོ་ཏི ཝཱ ཝི་ན་ཡ་དྷ་རོ་ཏི ཝཱ དྷ་མྨ་ཀ་ཐི་ཀོ་ཏི ཝཱ ཨཱ་ར་ཉྙི་ཀོ་ཏི ཝཱ པི་ཎྜ་པཱ་ཏི་ཀོ་ཏི ཝཱ པཾ་སུ་ཀཱུ་ལི་ཀོ་ཏི ཝཱ ཏེ་ཙཱི་ཝ་རི་ཀོ་ཏི ཝཱ ས་པ་དཱ་ན་ཙཱ་རི་ཀོ་ཏི ཝཱ ཁ་ལུ་པ་ཙྪཱ་བྷ་ཏྟི་ཀོ་ཏི ཝཱ ནེ་ས་ཛྫི་ཀོ་ཏི ཝཱ ཡ་ཐཱ་ས་ནྠ་ཏི་ཀོ་ཏི ཝཱ པ་ཋ་མ་སྶ ཛྷཱ་ན་སྶ ལཱ་བྷཱི་ཏི ཝཱ དུ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ ཏ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ ཙ་ཏུ་ཏྠ་སྶ ཛྷཱ་ན་སྶ ལཱ་བྷཱི་ཏི ཝཱ ཨཱ་ཀཱ་སཱ་ན་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ ཝི་ཉྙཱ་ཎ་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ཨ་ཡཾ ཀི་ཏྟཱི་ཏི – ཡ་སོ ཀི་ཏྟི ཙ ཡཱ པུ་བྦེ.
ཧཱ་ཡ་ཏེ ཝཱ་པི ཏ་སྶ སཱཏི. ཏ་སྶ ཨ་པ་རེ་ན ས་མ་ཡེ་ན བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟ་སྶ སོ ཙ ཡ་སོ སཱ ཙ ཀི་ཏྟི ཧཱ་ཡ་ཏི པ་རི་ཧཱ་ཡ་ཏི པ་རི་དྷཾ་ས་ཏི པ་རི་པ་ཏ་ཏི ཨ་ནྟ་ར་དྷཱ་ཡ་ཏི ཝི་པྤ་ལུ་ཛྫ་ཏཱི་ཏི – ཡ་སོ ཀི་ཏྟི ཙ ཡཱ པུ་བྦེ ཧཱ་ཡ་ཏེ ཝཱ་པི ཏ་སྶ སཱ.
ཨེ་ཏ་མྤི དི་སྭཱ སི་ཀྑེ་ཐ མེ་ཐུ་ནཾ ཝི་པྤ་ཧཱ་ཏ་ཝེཏི. ཨེ་ཏནྟི པུ་བྦེ ས་མ་ཎ་བྷཱ་ཝེ ཡ་སོ ཀི་ཏྟི ཙ, ཨ་པ་ར་བྷཱ་གེ བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟ་སྶ ཨ་ཡ་སོ ཙ ཨ་ཀི་ཏྟི ཙ; ཨེ་ཏཾ ས་མྤ་ཏྟིཾ ཝི་པ་ཏྟིཾ. དི་སྭཱཏི པ་སྶི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ་ཏི – ཨེ་ཏ་མྤི དི་སྭཱ. སི་ཀྑེ་ཐཱཏི ཏི་སྶོ སི་ཀྑཱ – ཨ་དྷི་སཱི་ལ་སི་ཀྑཱ, ཨ་དྷི་ཙི་ཏྟ་སི་ཀྑཱ, ཨ་དྷི་པ་ཉྙཱ་སི་ཀྑཱ. ཀ་ཏ་མཱ ཨ་དྷི་སཱི་ལ་སི་ཀྑཱ? ཨི་དྷ བྷི་ཀྑུ སཱི་ལ་ཝཱ ཧོ་ཏི, པཱ་ཏི་མོ་ཀྑ་སཾ་ཝ་ར་སཾ་ཝུ་ཏོ ཝི་ཧ་ར་ཏི ཨཱ་ཙཱ་ར་གོ་ཙ་ར་ས་མྤ་ནྣོ ཨ་ཎུ་མ་ཏྟེ་སུ ཝ་ཛྫེ་སུ བྷ་ཡ་ད་སྶཱ་ཝཱི, ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ. ཁུ་དྡ་ཀོ སཱི་ལ་ཀྑ་ནྡྷོ, མ་ཧ་ནྟོ སཱི་ལ་ཀྑ་ནྡྷོ. སཱི་ལཾ པ་ཏི་ཊྛཱ ཨཱ་དི ཙ་ར་ཎཾ སཾ་ཡ་མོ སཾ་ཝ་རོ མུ་ཁཾ པ་མུ་ཁཾ ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ – ཨ་ཡཾ ཨ་དྷི་སཱི་ལ་སི་ཀྑཱ.
ཀ་ཏ་མཱ ཨ་དྷི་ཙི་ཏྟ་སི་ཀྑཱ? ཨི་དྷ བྷི་ཀྑུ ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི…པེ… དུ་ཏི་ཡཾ ཛྷཱ་ནཾ… ཏ་ཏི་ཡཾ ཛྷཱ་ནཾ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི – ཨ་ཡཾ ཨ་དྷི་ཙི་ཏྟ་སི་ཀྑཱ.
ཀ་ཏ་མཱ ཨ་དྷི་པ་ཉྙཱ་སི་ཀྑཱ? ཨི་དྷ བྷི་ཀྑུ པ་ཉྙ་ཝཱ ཧོ་ཏི ཨུ་ད་ཡ་ཏྠ་གཱ་མི་ནི་ཡཱ པ་ཉྙཱ་ཡ ས་མ་ནྣཱ་ག་ཏོ ཨ་རི་ཡཱ་ཡ ནི་བྦེ་དྷི་ཀཱ་ཡ ས་མྨཱ དུ་ཀྑ་ཀྑ་ཡ་གཱ་མི་ནི་ཡཱ. སོ ཨི་དཾ དུ་ཀྑ་ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ དུ་ཀྑ་ས་མུ་ད་ཡོ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ དུ་ཀྑ་ནི་རོ་དྷོ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨི་མེ ཨཱ་ས་ཝཱ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ཨཱ་ས་ཝ་ས་མུ་ད་ཡོ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ཨཱ་ས་ཝ་ནི་རོ་དྷོ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ཨཱ་ས་ཝ་ནི་རོ་དྷ་གཱ་མི་ནཱི པ་ཊི་པ་དཱ་ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི – ཨ་ཡཾ ཨ་དྷི་པ་ཉྙཱ་སི་ཀྑཱ. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ…པེ… ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ.
ཨེ་ཏ་མྤི དི་སྭཱ སི་ཀྑེ་ཐ, མེ་ཐུ་ནཾ ཝི་པྤ་ཧཱ་ཏ་ཝེཏི. མེ་ཐུ་ན་དྷ་མྨ་སྶ པ་ཧཱ་ནཱ་ཡ ཝཱུ་པ་ས་མཱ་ཡ པ་ཊི་ནི་སྶ་གྒཱ་ཡ པ་ཊི་པ་སྶ་དྡྷི་ཡཱ ཨ་དྷི་སཱི་ལ་མྤི སི་ཀྑེ་ཡྻ, ཨ་དྷི་ཙི་ཏྟ་མྤི སི་ཀྑེ་ཡྻ, ཨ་དྷི་པ་ཉྙ་མྤི སི་ཀྑེ་ཡྻ. ཨི་མཱ ཏི་སྶོ སི་ཀྑཱ་ཡོ ཨཱ་ཝ་ཛྫ་ནྟོ སི་ཀྑེ་ཡྻ, ཛཱ་ན་ནྟོ སི་ཀྑེ་ཡྻ, པ་སྶ་ནྟོ སི་ཀྑེ་ཡྻ, པ་ཙྩ་ཝེ་ཀྑ་ནྟོ སི་ཀྑེ་ཡྻ, ཙི་ཏྟཾ ཨ་དྷི་ཊྛ་ཧ་ནྟོ སི་ཀྑེ་ཡྻ, ས་དྡྷཱ་ཡ ཨ་དྷི་མུ་ཙྩ་ནྟོ སི་ཀྑེ་ཡྻ, ཝཱི་རི་ཡཾ པ་གྒ་ཎྷ་ནྟོ སི་ཀྑེ་ཡྻ, ས་ཏིཾ ཨུ་པ་ཊྛ་པེ་ནྟོ སི་ཀྑེ་ཡྻ, ཙི་ཏྟཾ ས་མཱ་ད་ཧ་ནྟོ སི་ཀྑེ་ཡྻ, པ་ཉྙཱ་ཡ པ་ཛཱ་ན་ནྟོ སི་ཀྑེ་ཡྻ, ཨ་བྷི་ཉྙེ་ཡྻཾ ཨ་བྷི་ཛཱ་ན་ནྟོ སི་ཀྑེ་ཡྻ, པ་རི་ཉྙེ་ཡྻཾ པ་རི་ཛཱ་ན་ནྟོ སི་ཀྑེ་ཡྻ, པ་ཧཱ་ཏ་བྦཾ པ་ཛ་ཧ་ནྟོ སི་ཀྑེ་ཡྻ, བྷཱ་ཝེ་ཏ་བྦཾ བྷཱ་ཝེ་ནྟོ སི་ཀྑེ་ཡྻ, ས་ཙྪི་ཀཱ་ཏ་བྦཾ ས་ཙྪི་ཀ་རོ་ནྟོ སི་ཀྑེ་ཡྻ ཨཱ་ཙ་རེ་ཡྻ ས་མཱ་ཙ་རེ་ཡྻ ས་མཱ་དཱ་ཡ ཝ་ཏྟེ་ཡྻཱ་ཏི – ཨེ་ཏ་མྤི དི་སྭཱ སི་ཀྑེ་ཐ, མེ་ཐུ་ནཾ ཝི་པྤ་ཧཱ་ཏ་ཝེ.
ཏེ་ནཱ་ཧ བྷ་ག་ཝཱ –
‘‘ཡ་སོ ཀི་ཏྟི ཙ ཡཱ པུ་བྦེ, ཧཱ་ཡ་ཏེ ཝཱ་པི ཏ་སྶ སཱ;
ཨེ་ཏ་མྤི དི་སྭཱ སི་ཀྑེ་ཐ, མེ་ཐུ་ནཾ ཝི་པྤ་ཧཱ་ཏ་ཝེ’’ཏི.
༥༣. ས་ངྐ་པྤེ་ཧི པ་རེ་ཏོ སོ, ཀ་པ་ཎོ ཝི་ཡ ཛྷཱ་ཡ་ཏི;
སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོ.
ས་ངྐ་པྤེ་ཧི པ་རེ་ཏོ སོ, ཀ་པ་ཎོ ཝི་ཡ ཛྷཱ་ཡ་ཏཱིཏི. ཀཱ་མ་ས་ངྐ་པྤེ་ན བྱཱ་པཱ་ད་ས་ངྐ་པྤེ་ན ཝི་ཧིཾ་སཱ་ས་ངྐ་པྤེ་ན དི་ཊྛི་ས་ངྐ་པྤེ་ན ཕུ་ཊྛོ པ་རེ་ཏོ ས་མོ་ཧི་ཏོ ས་མ་ནྣཱ་ག་ཏོ པི་ཧི་ཏོ ཀ་པ་ཎོ ཝི་ཡ མ་ནྡོ ཝི་ཡ མོ་མཱུ་ཧོ ཝི་ཡ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏི [ཨ་ཝ་ཛ྄ཛྷཱ་ཡ་ཏི (སྱཱ.)]. ཡ་ཐཱ ཨུ་ལཱུ་ཀོ རུ་ཀྑ་སཱ་ཁཱ་ཡཾ མཱུ་སི་ཀཾ མ་ག་ཡ་མཱ་ནོ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏི, ཡ་ཐཱ ཀོ་ཏྠུ ན་དཱི་ཏཱི་རེ མ་ཙྪེ མ་ག་ཡ་མཱ་ནོ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏི, ཡ་ཐཱ བི་ལཱ༹་རོ ས་ནྡྷི་ས་མ་ལ་ས་ངྐ་ཊི་རེ མཱུ་སི་ཀཾ མ་ག་ཡ་མཱ་ནོ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏི, ཡ་ཐཱ ག་དྲ་བྷོ ཝ་ཧ་ཙྪི་ནྣོ ས་ནྡྷི་ས་མ་ལ་ས་ངྐ་ཊི་རེ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏི; ཨེ་ཝ་མེ་ཝཾ སོ ཝི་བྦྷ་ནྟ་ཀོ ཀཱ་མ་ས་ངྐ་པྤེ་ན བྱཱ་པཱ་ད་ས་ངྐ་པྤེ་ན ཝི་ཧིཾ་སཱ་ས་ངྐ་པྤེ་ན དི་ཊྛི་ས་ངྐ་པྤེ་ན ཕུ་ཊྛོ པ་རེ་ཏོ ས་མོ་ཧི་ཏོ ས་མ་ནྣཱ་ག་ཏོ པི་ཧི་ཏོ ཀ་པ་ཎོ ཝི་ཡ མ་ནྡོ ཝི་ཡ མོ་མཱུ་ཧོ ཝི་ཡ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་པ་ཛ྄ཛྷཱ་ཡ་ཏཱི་ཏི – ས་ངྐ་པྤེ་ཧི པ་རེ་ཏོ སོ ཀ་པ་ཎོ ཝི་ཡ ཛྷཱ་ཡ་ཏི.
སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོཏི. པ་རེ་སནྟི ཨུ་པ་ཛ྄ཛྷཱ་ཡཱ ཝཱ ཨཱ་ཙ་རི་ཡཱ ཝཱ ས་མཱ་ནུ་པ་ཛ྄ཛྷཱ་ཡ་ཀཱ ཝཱ ས་མཱ་ནཱ་ཙ་རི་ཡ་ཀཱ ཝཱ མི་ཏྟཱ ཝཱ ས་ནྡི་ཊྛཱ ཝཱ ས་མྦྷ་ཏྟཱ ཝཱ ས་ཧཱ་ཡཱ ཝཱ ཙོ་དེ་ནྟི – ‘‘ཏ་སྶ ཏེ, ཨཱ་ཝུ་སོ, ཨ་ལཱ་བྷཱ, ཏ་སྶ ཏེ དུ་ལླ་དྡྷཾ, ཡཾ ཏྭཾ ཨེ་ཝ་རཱུ་པཾ ཨུ་ལཱ༹་རཾ ས་ཏྠཱ་རཾ ལ་བྷི་ཏྭཱ ཨེ་ཝཾ སྭཱ་ཀྑཱ་ཏེ དྷ་མྨ་ཝི་ན་ཡེ པ་བྦ་ཛི་ཏྭཱ ཨེ་ཝ་རཱུ་པཾ ཨ་རི་ཡ་ག་ཎཾ ལ་བྷི་ཏྭཱ ཧཱི་ན་སྶ མེ་ཐུ་ན་དྷ་མྨ་སྶ ཀཱ་ར་ཎཱ བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟོ་སི. ས་དྡྷཱ་པི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སུ, ཧི་རཱི་པི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སུ, ཨོ་ཏྟ་པྤ་མྤི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སུ, ཝཱི་རི་ཡ་མྤི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སུ, ས་ཏི་པི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སུ, པ་ཉྙཱ་པི ནཱ་མ ཏེ ནཱ་ཧོ་སི ཀུ་ས་ལེ་སུ དྷ་མྨེ་སཱུ’’ཏི. ཏེ་སཾ ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སཱ་ས་ནཾ ཨ་ནུ་སི་ཊྛིཾ སུ་ཏྭཱ སུ་ཎི་ཏྭཱ ཨུ་གྒ་ཧེ་ཏྭཱ ཨུ་པ་དྷཱ་ར་ཡི་ཏྭཱ ཨུ་པ་ལ་ཀྑ་ཡི་ཏྭཱ མ་ངྐུ ཧོ་ཏི, པཱི་ལི༹་ཏོ གྷ་ཊྚི་ཏོ བྱཱ་དྷི་ཏོ དོ་མ་ན་སྶི་ཏོ ཧོ་ཏི. ཏ་ཐཱ་ཝི་དྷོཏི ཏ་ཐཱ་ཝི་དྷོ ཏཱ་དི་སོ ཏ་སྶ་ཎྛི་ཏོ ཏ་པྤ་ཀཱ་རོ ཏ་པྤ་ཊི་བྷཱ་གོ. ཡོ སོ ཝི་བྦྷ་ནྟ་ཀོ་ཏི – སུ་ཏྭཱ པ་རེ་སཾ ནི་གྒྷོ་སཾ མ་ངྐུ ཧོ་ཏི ཏ་ཐཱ་ཝི་དྷོ.
ཏེ་ནཱ་ཧ བྷ་ག་ཝཱ –
‘‘ས་ངྐ་པྤེ་ཧི པ་རེ་ཏོ སོ, ཀ་པ་ཎོ ཝི་ཡ ཛྷཱ་ཡ་ཏི;
སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོ’’ཏི.
༥༤. ཨ་ཐ ས་ཏྠཱ་ནི ཀུ་རུ་ཏེ, པ་ར་ཝཱ་དེ་ཧི ཙོ་དི་ཏོ;
ཨེ་ས ཁྭ་སྶ མ་ཧཱ་གེ་དྷོ, མོ་ས་ཝ་ཛྫཾ པ་གཱ་ཧ་ཏི [སཾ་གཱ་ཧ་ཏི (ཀ.)] .
ཨ་ཐ ས་ཏྠཱ་ནི ཀུ་རུ་ཏེ, པ་ར་ཝཱ་དེ་ཧི ཙོ་དི་ཏོཏི. ཨ་ཐཱཏི པ་ད་ས་ནྡྷི པ་ད་སཾ་ས་གྒོ པ་ད་པཱ་རི་པཱུ་རཱི ཨ་ཀྑ་ར་ས་མ་ཝཱ་ཡོ བྱ་ཉྫ་ན་སི་ལི་ཊྛ་ཏཱ པ་དཱ་ནུ་པུ་བྦ་ཏཱ་པེ་ཏཾ – ཨ་ཐཱ་ཏི. ས་ཏྠཱ་ནཱིཏི ཏཱི་ཎི ས་ཏྠཱ་ནི – ཀཱ་ཡ་ས་ཏྠཾ, ཝ་ཙཱི་ས་ཏྠཾ, མ་ནོ་ས་ཏྠཾ. ཏི་ཝི་དྷཾ ཀཱ་ཡ་དུ་ཙྩ་རི་ཏཾ ཀཱ་ཡ་ས་ཏྠཾ, ཙ་ཏུ་བྦི་དྷཾ ཝ་ཙཱི་དུ་ཙྩ་རི་ཏཾ ཝ་ཙཱི་ས་ཏྠཾ, ཏི་ཝི་དྷཾ མ་ནོ་དུ་ཙྩ་རི་ཏཾ མ་ནོ་ས་ཏྠཾ. པ་ར་ཝཱ་དེ་ཧི ཙོ་དི་ཏོཏི. ཨུ་པ་ཛ྄ཛྷཱ་ཡེ་ཧི ཝཱ ཨཱ་ཙ་རི་ཡེ་ཧི ཝཱ ས་མཱ་ནུ་པ་ཛ྄ཛྷཱ་ཡ་ཀེ་ཧི ཝཱ ས་མཱ་ནཱ་ཙ་རི་ཡ་ཀེ་ཧི ཝཱ མི་ཏྟེ་ཧི ཝཱ ས་ནྡི་ཊྛེ་ཧི ཝཱ ས་མྦྷ་ཏྟེ་ཧི ཝཱ ས་ཧཱ་ཡེ་ཧི ཝཱ ཙོ་དི་ཏོ ས་མྤ་ཛཱ་ན་མུ་སཱ བྷཱ་ས་ཏི. ‘‘ཨ་བྷི་ར་ཏོ ཨ་ཧཾ, བྷ་ནྟེ, ཨ་ཧོ་སིཾ པ་བྦ་ཛྫཱ་ཡ. མཱ་ཏཱ མེ པོ་སེ་ཏ་བྦཱ, ཏེ་ན་མྷི ཝི་བྦྷ་ནྟོ’’ཏི བྷ་ཎ་ཏི. ‘‘པི་ཏཱ མེ པོ་སེ་ཏ་བྦོ, ཏེ་ན་མྷི ཝི་བྦྷ་ནྟོ’’ཏི བྷ་ཎ་ཏི. ‘‘བྷཱ་ཏཱ མེ པོ་སེ་ཏ་བྦོ… བྷ་གི་ནཱི མེ པོ་སེ་ཏ་བྦཱ… པུ་ཏྟོ མེ པོ་སེ་ཏ་བྦོ… དྷཱི་ཏཱ མེ པོ་སེ་ཏ་བྦཱ… མི་ཏྟཱ མེ པོ་སེ་ཏ་བྦཱ… ཨ་མ་ཙྩཱ མེ པོ་སེ་ཏ་བྦཱ… ཉཱ་ཏ་ཀཱ མེ པོ་སེ་ཏ་བྦཱ… སཱ་ལོ་ཧི་ཏཱ མེ པོ་སེ་ཏ་བྦཱ, ཏེ་ན་མྷི ཝི་བྦྷ་ནྟོ’’ཏི བྷ་ཎ་ཏི. ཝ་ཙཱི་ས་ཏྠཾ ཀ་རོ་ཏི ས་ངྐ་རོ་ཏི ཛ་ནེ་ཏི ས་ཉྫ་ནེ་ཏི ནི་བྦ་ཏྟེ་ཏི ཨ་བྷི་ནི་བྦ་ཏྟེ་ཏཱི་ཏི – ཨ་ཐ ས་ཏྠཱ་ནི ཀུ་རུ་ཏེ, པ་ར་ཝཱ་དེ་ཧི ཙོ་དི་ཏོ.
ཨེ་ས ཁྭ་སྶ མ་ཧཱ་གེ་དྷོཏི. ཨེ་སོ ཏ་སྶ མ་ཧཱ་གེ་དྷོ མ་ཧཱ་ཝ་ནཾ མ་ཧཱ་ག་ཧ་ནཾ མ་ཧཱ་ཀ་ནྟཱ་རོ མ་ཧཱ་ཝི་ས་མོ མ་ཧཱ་ཀུ་ཊི་ལོ མ་ཧཱ་པ་ངྐོ མ་ཧཱ་པ་ལི་པོ མ་ཧཱ་པ་ལི་བོ་དྷོ མ་ཧཱ་བ་ནྡྷ་ནཾ, ཡ་དི་དཾ ས་མྤ་ཛཱ་ན་མུ་སཱ་ཝཱ་དོ་ཏི – ཨེ་ས ཁྭ་སྶ མ་ཧཱ་གེ་དྷོ.
མོ་ས་ཝ་ཛྫཾ པ་གཱ་ཧ་ཏཱིཏི. མོ་ས་ཝ་ཛྫཾ ཝུ་ཙྩ་ཏི མུ་སཱ་ཝཱ་དོ. ཨི་དྷེ་ཀ་ཙྩོ ས་བྷ་གྒ་ཏོ ཝཱ པ་རི་ས་གྒ་ཏོ ཝཱ ཉཱ་ཏི་མ་ཛ྄ཛྷ་ག་ཏོ ཝཱ པཱུ་ག་མ་ཛ྄ཛྷ་ག་ཏོ ཝཱ རཱ་ཛ་ཀུ་ལ་མ་ཛ྄ཛྷ་ག་ཏོ ཝཱ ཨ་བྷི་ནཱི་ཏོ ས་ཀྑི་པུ་ཊྛོ – ‘‘ཨེ་ཧ་མྦྷོ པུ་རི་ས, ཡཾ ཛཱ་ནཱ་སི ཏཾ ཝ་དེ་ཧཱི’’ཏི, སོ ཨ་ཛཱ་ནཾ ཝཱ ཨཱ་ཧ – ‘‘ཛཱ་ནཱ་མཱི’’ཏི, ‘‘ཛཱ་ནཾ’’ ཝཱ ཨཱ་ཧ – ‘‘ན ཛཱ་ནཱ་མཱི’’ཏི, ཨ་པ་སྶཾ ཝཱ ཨཱ་ཧ – ‘‘པ་སྶཱ་མཱི’’ཏི, པ་སྶཾ ཝཱ ཨཱ་ཧ – ‘‘ན པ་སྶཱ་མཱི’’ཏི. ཨི་ཏི ཨ་ཏྟ་ཧེ་ཏུ ཝཱ པ་ར་ཧེ་ཏུ ཝཱ ཨཱ་མི་ས་ཀི་ཉྩི་ཀྑ་ཧེ་ཏུ ཝཱ ས་མྤ་ཛཱ་ན་མུ་སཱ བྷཱ་ས་ཏི – ཨི་དཾ ཝུ་ཙྩ་ཏི མོ་ས་ཝ་ཛྫཾ.
ཨ་པི ཙ ཏཱི་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. པུ་བྦེ་ཝ་སྶ ཧོ་ཏི – ‘‘མུ་སཱ བྷ་ཎི་སྶ’’ནྟི, བྷ་ཎ་ནྟ་སྶ ཧོ་ཏི – ‘‘མུ་སཱ བྷ་ཎཱ་མཱི’’ཏི, བྷ་ཎི་ཏ་སྶ ཧོ་ཏི – ‘‘མུ་སཱ མ་ཡཱ བྷ་ཎི་ཏ’’ནྟི. ཨི་མེ་ཧི ཏཱི་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. ཨ་པི ཙ ཙ་ཏཱུ་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. པུ་བྦེ་ཝ་སྶ ཧོ་ཏི – ‘‘མུ་སཱ བྷ་ཎི་སྶ’’ནྟི, བྷ་ཎ་ནྟ་སྶ ཧོ་ཏི – ‘‘མུ་སཱ བྷ་ཎཱ་མཱི’’ཏི, བྷ་ཎི་ཏ་སྶ ཧོ་ཏི – ‘‘མུ་སཱ མ་ཡཱ བྷ་ཎི་ཏ’’ནྟི, ཝི་ནི་དྷཱ་ཡ དི་ཊྛིཾ. ཨི་མེ་ཧི ཙ་ཏཱུ་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. ཨ་པི ཙ པ་ཉྩ་ཧཱ་ཀཱ་རེ་ཧི… ཚ་ཧཱ་ཀཱ་རེ་ཧི… ས་ཏྟ་ཧཱ་ཀཱ་རེ་ཧི… ཨ་ཊྛ་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. པུ་བྦེ་ཝ་སྶ ཧོ་ཏི – ‘‘མུ་སཱ བྷ་ཎི་སྶ’’ནྟི, བྷ་ཎ་ནྟ་སྶ ཧོ་ཏི – ‘‘མུ་སཱ བྷ་ཎཱ་མཱི’’ཏི, བྷ་ཎི་ཏ་སྶ ཧོ་ཏི – ‘‘མུ་སཱ མ་ཡཱ བྷ་ཎི་ཏ’’ནྟི, ཝི་ནི་དྷཱ་ཡ དི་ཊྛིཾ, ཝི་ནི་དྷཱ་ཡ ཁ་ནྟིཾ, ཝི་ནི་དྷཱ་ཡ རུ་ཙིཾ, ཝི་ནི་དྷཱ་ཡ ས་ཉྙཾ, ཝི་ནི་དྷཱ་ཡ བྷཱ་ཝཾ. ཨི་མེ་ཧི ཨ་ཊྛ་ཧཱ་ཀཱ་རེ་ཧི མུ་སཱ་ཝཱ་དོ ཧོ་ཏི. མོ་ས་ཝ་ཛྫཾ པ་གཱ་ཧ་ཏཱིཏི. མོ་ས་ཝ་ཛྫཾ པ་གཱ་ཧ་ཏི ཨོ་གཱ་ཧ་ཏི ཨ་ཛ྄ཛྷོ་གཱ་ཧ་ཏི པ་ཝི་ས་ཏཱི་ཏི – མོ་ས་ཝ་ཛྫཾ པ་གཱ་ཧ་ཏི.
ཏེ་ནཱ་ཧ བྷ་ག་ཝཱ –
‘‘ཨ་ཐ ས་ཏྠཱ་ནི ཀུ་རུ་ཏེ, པ་ར་ཝཱ་དེ་ཧི ཙོ་དི་ཏོ;
ཨེ་ས ཁྭ་སྶ མ་ཧཱ་གེ་དྷོ, མོ་ས་ཝ་ཛྫཾ པ་གཱ་ཧ་ཏཱི’’ཏི.
༥༥. པ་ཎྜི་ཏོ་ཏི ས་མ་ཉྙཱ་ཏོ, ཨེ་ཀ་ཙྩ་རི་ཡཾ [ཨེ་ཀ་ཙ་རི་ཡཾ (སཱི. སྱཱ.)] ཨ་དྷི་ཊྛི་ཏོ;
ས ཙཱ་པི མེ་ཐུ་ནེ ཡུ་ཏྟོ, མ་ནྡོ་ཝ པ་རི་ཀི་སྶ་ཏི.
པ་ཎྜི་ཏོ་ཏི ས་མ་ཉྙཱ་ཏོཏི. ཨི་དྷེ་ཀ་ཙྩོ པུ་བྦེ ས་མ་ཎ་བྷཱ་ཝེ ཀི་ཏྟི ཝ་ཎྞ་ག་ཏོ ཧོ་ཏི – ‘‘པ་ཎྜི་ཏོ ཝི་ཡ་ཏྟོ མེ་དྷཱ་ཝཱི བ་ཧུ་སྶུ་ཏོ ཙི་ཏྟ་ཀ་ཐཱི ཀ་ལྱཱ་ཎ་པ་ཊི་བྷཱ་ནོ སུ་ཏྟ་ནྟི་ཀོ་ཏི ཝཱ ཝི་ན་ཡ་དྷ་རོ་ཏི ཝཱ དྷ་མྨ་ཀ་ཐི་ཀོ་ཏི ཝཱ…པེ… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི’’ཏི ཝཱ. ཨེ་ཝཾ ཉཱ་ཏོ ཧོ་ཏི པ་ཉྙཱ་ཏོ ས་མ་ཉྙཱ་ཏོ ཧོ་ཏཱི་ཏི – པ་ཎྜི་ཏོ་ཏི ས་མ་ཉྙཱ་ཏོ.
ཨེ་ཀ་ཙྩ་རི་ཡཾ ཨ་དྷི་ཊྛི་ཏོཏི. དྭཱི་ཧི ཀཱ་ར་ཎེ་ཧི ཨེ་ཀ་ཙྩ་རི་ཡཾ ཨ་དྷི་ཊྛི་ཏོ – པ་བྦ་ཛྫཱ་ས་ངྑཱ་ཏེ་ན ཝཱ ག་ཎཱ་ཝ་ཝ་སྶ་གྒ་ཊྛེ་ན ཝཱ. ཀ་ཐཾ པ་བྦ་ཛྫཱ་ས་ངྑཱ་ཏེ་ན ཨེ་ཀ་ཙྩ་རི་ཡཾ ཨ་དྷི་ཊྛི་ཏོ? ས་བྦཾ གྷ་རཱ་ཝཱ་ས་པ་ལི་བོ་དྷཾ ཚི་ནྡི་ཏྭཱ…པེ… ཨེ་ཝཾ པ་བྦ་ཛྫཱ་ས་ངྑཱ་ཏེ་ན ཨེ་ཀ་ཙྩ་རི་ཡཾ ཨ་དྷི་ཊྛི་ཏོ. ཀ་ཐཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀ་ཙྩ་རི་ཡཾ ཨ་དྷི་ཊྛི་ཏོ? སོ ཨེ་ཝཾ པ་བྦ་ཛི་ཏོ ས་མཱ་ནོ ཨེ་ཀོ ཨ་ར་ཉྙ་ཝ་ན་པ་ཏྠཱ་ནི པ་ནྟཱ་ནི…པེ… ཨེ་ཝཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀ་ཙྩ་རི་ཡཾ ཨ་དྷི་ཊྛི་ཏོ་ཏི – ཨེ་ཀ་ཙྩ་རི་ཡཾ ཨ་དྷི་ཊྛི་ཏོ.
ས ཙཱ་པི མེ་ཐུ་ནེ ཡུ་ཏྟོཏི. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ གཱ་མ་དྷ་མྨོ…པེ… ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ. ས ཙཱ་པི མེ་ཐུ་ནེ ཡུ་ཏྟོཏི. སོ ཨ་པ་རེ་ན ས་མ་ཡེ་ན བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟི་ཏྭཱ མེ་ཐུ་ན་དྷ་མྨེ ཡུ་ཏྟོ [ཡུ་ཏྟོ སཾ་ཡུ་ཏྟོ (སཱི.)] པ་ཡུ་ཏྟོ ཨཱ་ཡུ་ཏྟོ ས་མཱ་ཡུ་ཏྟོ་ཏི – ས ཙཱ་པི མེ་ཐུ་ནེ ཡུ་ཏྟོ.
མ་ནྡོ་ཝ པ་རི་ཀི་སྶ་ཏཱིཏི. ཀ་པ་ཎོ ཝི་ཡ མ་ནྡོ ཝི་ཡ མོ་མཱུ་ཧོ ཝི་ཡ ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏི. པཱ་ཎ་མྤི ཧ་ན་ཏི, ཨ་དི་ནྣ་མྤི ཨཱ་དི་ཡ་ཏི, ས་ནྡྷི་མྤི ཚི་ནྡ་ཏི, ནི་ལློ་པ་མྤི ཧ་ར་ཏི, ཨེ་ཀཱ་གཱ་རི་ཀ་མྤི ཀ་རོ་ཏི, པ་རི་པ་ནྠེ་པི ཏི་ཊྛ་ཏི, པ་ར་དཱ་ར་མྤི ག་ཙྪ་ཏི, མུ་སཱ་པི བྷ་ཎ་ཏི. ཨེ་ཝ་མྤི ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏི. ཏ་མེ་ནཾ རཱ་ཛཱ་ནོ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ནྟི – ཀ་སཱ་ཧི་པི ཏཱ་ལེ༹་ནྟི, ཝེ་ཏྟེ་ཧི་པི ཏཱ་ལེ༹་ནྟི, ཨ་དྡྷ་ད་ཎྜ་ཀེ་ཧི་པི ཏཱ་ལེ༹་ནྟི, ཧ་ཏྠ་མྤི ཚི་ནྡ་ནྟི, པཱ་ད་མྤི ཚི་ནྡ་ནྟི, ཧ་ཏྠ་པཱ་ད་མྤི ཚི་ནྡ་ནྟི, ཀ་ཎྞ་མྤི ཚི་ནྡ་ནྟི, ནཱ་ས་མྤི ཚི་ནྡ་ནྟི, ཀ་ཎྞ་ནཱ་ས་མྤི ཚི་ནྡ་ནྟི, བི་ལ་ངྒ་ཐཱ་ལི་ཀ་མྤི ཀ་རོ་ནྟི, ས་ངྑ་མུ་ཎྜི་ཀ་མྤི ཀ་རོ་ནྟི, རཱ་ཧུ་མུ་ཁ་མྤི ཀ་རོ་ནྟི, ཛོ་ཏི་མཱ་ལི་ཀ་མྤི ཀ་རོ་ནྟི, ཧ་ཏྠ་པ་ཛྫོ་ཏི་ཀ་མྤི ཀ་རོ་ནྟི, ཨེ་ར་ཀ་ཝ་ཏྟི་ཀ་མྤི ཀ་རོ་ནྟི, ཙི་ར་ཀ་ཝཱ་སི་ཀ་མྤི ཀ་རོ་ནྟི, ཨེ་ཎེ་ཡྻ་ཀ་མྤི ཀ་རོ་ནྟི, བ་ལི༹་ས་མཾ་སི་ཀ་མྤི ཀ་རོ་ནྟི, ཀ་ཧཱ་པ་ཎི་ཀ་མྤི ཀ་རོ་ནྟི, ཁཱ་རཱ་པ་ཏ་ཙྪི་ཀ་མྤི [ཁཱ་རཱ་པ་ཊི་ཙྪ་ཀ་མྤི (ཀ.)] ཀ་རོ་ནྟི, པ་ལི་གྷ་པ་རི་ཝ་ཏྟི་ཀ་མྤི ཀ་རོ་ནྟི, པ་ལཱ་ལ་པཱི་ཋ་ཀ་མྤི ཀ་རོ་ནྟི, ཏ་ཏྟེ་ན་པི ཏེ་ལེ་ན ཨོ་སི་ཉྩ་ནྟི, སུ་ན་ཁེ་ཧི་པི ཁཱ་དཱ་པེ་ནྟི, ཛཱི་ཝ་ནྟ་མྤི སཱུ་ལེ ཨུ་ཏྟཱ་སེ་ནྟི, ཨ་སི་ནཱ་པི སཱི་སཾ ཚི་ནྡ་ནྟི. ཨེ་ཝ་མྤི ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏི.
ཨ་ཐ ཝཱ ཀཱ་མ་ཏ་ཎྷཱ་ཡ ཨ་བྷི་བྷཱུ་ཏོ པ་རི་ཡཱ་དི་ནྣ་ཙི་ཏྟོ བྷོ་གེ པ་རི་ཡེ་ས་ནྟོ ནཱ་ཝཱ་ཡ མ་ཧཱ་ས་མུ་དྡཾ པ་ཀྑ་ནྡ་ཏི, སཱི་ཏ་སྶ པུ་ར་ཀྑ་ཏོ ཨུ་ཎྷ་སྶ པུ་ར་ཀྑ་ཏོ ཌཾ་ས་མ་ཀ་ས་ཝཱ་ཏཱ་ཏ་པ་ས་རཱི་ས་པ་ས་མྥ་སྶེ་ཧི པཱི་ལི༹་ཡ་མཱ་ནོ ཁུ་པྤི་པཱ་སཱ་ཡ མི་ཡྻ་མཱ་ནོ ཏི་གུ་མྦཾ ག་ཙྪ་ཏི, ཏ་ཀྐོ་ལཾ ག་ཙྪ་ཏི, ཏ་ཀྐ་སཱི་ལཾ ག་ཙྪ་ཏི, ཀཱ་ལ་མུ་ཁཾ ག་ཙྪ་ཏི, པུ་ར་པཱུ་རཾ ག་ཙྪ་ཏི, ཝེ་སུ་ངྒཾ ག་ཙྪ་ཏི, ཝེ་རཱ་པ་ཐཾ ག་ཙྪ་ཏི, ཛ་ཝཾ ག་ཙྪ་ཏི, ཏཱ་མ་ལིཾ [ཀ་མ་ལིཾ (སྱཱ.), ཏཾ་མ་ལིཾ (ཀ.)] ག་ཙྪ་ཏི, ཝ་ངྒཾ ག་ཙྪ་ཏི, ཨེ་ལ༹་བ་ནྡྷ་ནཾ ག་ཙྪ་ཏི, སུ་ཝ་ཎྞ་ཀཱུ་ཊཾ ག་ཙྪ་ཏི, སུ་ཝ་ཎྞ་བྷཱུ་མིཾ ག་ཙྪ་ཏི, ཏ་མྦ་པཱ་ཎིཾ ག་ཙྪ་ཏི, སུ་པྤཱ་ད་ཀཾ ག་ཙྪ་ཏི, བྷཱ་རུ་ཀ་ཙྪཾ ག་ཙྪ་ཏི, སུ་ར་ཊྛཾ ག་ཙྪ་ཏི, བྷ་ངྒ་ལོ་ཀཾ ག་ཙྪ་ཏི, བྷ་ངྒ་ཎཾ ག་ཙྪ་ཏི, ས་ར་མ་ཏཾ ག་ཎཾ ག་ཙྪ་ཏི, ཡོ་ནཾ ག་ཙྪ་ཏི, པ་ར་མ་ཡོ་ནཾ [པཱི་ནཾ (སྱཱ.)] ག་ཙྪ་ཏི, ཝི་ན་ཀཾ [ན་ཝ་ཀཾ (སཱི.)] ག་ཙྪ་ཏི, མཱུ་ལ་པ་དཾ ག་ཙྪ་ཏི, མ་རུ་ཀ་ནྟཱ་རཾ ག་ཙྪ་ཏི, ཛ་ཎྞུ་པ་ཐཾ ག་ཙྪ་ཏི, ཨ་ཛ་པ་ཐཾ ག་ཙྪ་ཏི, མེ་ཎྜ་པ་ཐཾ ག་ཙྪ་ཏི, ས་ངྐུ་པ་ཐཾ ག་ཙྪ་ཏི, ཚ་ཏྟ་པ་ཐཾ ག་ཙྪ་ཏི, ཝཾ་ས་པ་ཐཾ ག་ཙྪ་ཏི, ས་ཀུ་ཎ་པ་ཐཾ ག་ཙྪ་ཏི, མཱུ་སི་ཀ་པ་ཐཾ ག་ཙྪ་ཏི, ད་རི་པ་ཐཾ ག་ཙྪ་ཏི, ཝེ་ཏྟཱ་ཙཱ་རཾ ག་ཙྪ་ཏི. ཨེ་ཝ་མྤི ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏི.
ག་ཝེ་ས་ནྟོ ན ཝི་ནྡ་ཏི, ཨ་ལཱ་བྷ་མཱུ་ལ་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི. ཨེ་ཝ་མྤི ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏི.
ག་ཝེ་ས་ནྟོ ཝི་ནྡ་ཏི, ལ་དྡྷཱ་པི ཨཱ་ར་ཀྑ་མཱུ་ལ་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི – ‘‘ཀི་ནྟི མེ བྷོ་གེ ནེ་ཝ རཱ་ཛཱ་ནོ ཧ་རེ་ཡྻུཾ, ན ཙོ་རཱ ཧ་རེ་ཡྻུཾ, ན ཨ་གྒཱི ད་ཧེ་ཡྻུཾ, ན ཨུ་ད་ཀཾ ཝ་ཧེ་ཡྻ, ན ཨ་པི་ཡཱ དཱ་ཡཱ་དཱ ཧ་རེ་ཡྻུ’’ནྟི. ཏ་སྶ ཨེ་ཝཾ ཨཱ་ར་ཀྑ་ཏོ གོ་པ་ཡ་ཏོ ཏེ བྷོ་གཱ ཝི་པྤ་ལུ་ཛྫ་ནྟི. སོ ཝི་པྤ་ཡོ་ག་མཱུ་ལ་ཀ་མྤི དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི. ཨེ་ཝ་མྤི ཀི་སྶ་ཏི པ་རི་ཀི་སྶ་ཏི པ་རི་ཀི་ལི་སྶ་ཏཱི་ཏི – ས ཙཱ་པི མེ་ཐུ་ནེ ཡུ་ཏྟོ, མ་ནྡོ་ཝ པ་རི་ཀི་སྶ་ཏི.
ཏེ་ནཱ་ཧ བྷ་ག་ཝཱ –
‘‘པ་ཎྜི་ཏོ་ཏི ས་མ་ཉྙཱ་ཏོ, ཨེ་ཀ་ཙྩ་རི་ཡཾ ཨ་དྷི་ཊྛི་ཏོ;
ས ཙཱ་པི མེ་ཐུ་ནེ ཡུ་ཏྟོ, མ་ནྡོ་ཝ པ་རི་ཀི་སྶ་ཏཱི’’ཏི.
༥༦. ཨེ་ཏ་མཱ་དཱི་ན་ཝཾ ཉ་ཏྭཱ, མུ་ནིཾ པུ་བྦཱ་པ་རེ ཨི་དྷ;
ཨེ་ཀ་ཙྩ་རི་ཡཾ ད་ལ༹ྷཾ ཀ་ཡི་རཱ, ན ནི་སེ་ཝེ་ཐ མེ་ཐུ་ནཾ.
ཨེ་ཏ་མཱ་དཱི་ན་ཝཾ ཉ་ཏྭཱ, མུ་ནི པུ་བྦཱ་པ་རེ ཨི་དྷཱཏི. ཨེ་ཏནྟི པུ་བྦེ ས་མ་ཎ་བྷཱ་ཝེ ཡ་སོ ཙ ཀི་ཏྟི ཙ, ཨ་པ་ར་བྷཱ་གེ བུ་དྡྷཾ དྷ་མྨཾ ས་ངྒྷཾ སི་ཀྑཾ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟ་སྶ ཨ་ཡ་སོ ཙ ཨ་ཀི་ཏྟི ཙ; ཨེ་ཏཾ ས་མྤ་ཏྟིཾ ཝི་པ་ཏྟི་ཉྩ. ཉ་ཏྭཱཏི ཛཱ་ནི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ. མུ་ནཱིཏི. མོ་ནཾ ཝུ་ཙྩ་ཏི ཉཱ་ཎཾ. ཡཱ པ་ཉྙཱ པ་ཛཱ་ན་ནཱ…པེ… ས་ངྒ་ཛཱ་ལ་མ་ཏི་ཙྩ སོ མུ་ནི. ཨི་དྷཱཏི ཨི་མི་སྶཱ དི་ཊྛི་ཡཱ ཨི་མི་སྶཱ ཁ་ནྟི་ཡཱ ཨི་མི་སྶཱ རུ་ཙི་ཡཱ ཨི་མ་སྨིཾ ཨཱ་དཱ་ཡེ ཨི་མ་སྨིཾ དྷ་མྨེ ཨི་མ་སྨིཾ ཝི་ན་ཡེ ཨི་མ་སྨིཾ དྷ་མྨ་ཝི་ན་ཡེ ཨི་མ་སྨིཾ པཱ་ཝ་ཙ་ནེ ཨི་མ་སྨིཾ བྲ་ཧྨ་ཙ་རི་ཡེ ཨི་མ་སྨིཾ ས་ཏྠུ་སཱ་ས་ནེ ཨི་མ་སྨིཾ ཨ་ཏྟ་བྷཱ་ཝེ ཨི་མ་སྨིཾ མ་ནུ་སྶ་ལོ་ཀེ་ཏི – ཨེ་ཏ་མཱ་དཱི་ན་ཝཾ ཉ་ཏྭཱ མུ་ནི པུ་བྦཱ་པ་རེ ཨི་དྷ.
ཨེ་ཀ་ཙྩ་རི་ཡཾ ད་ལ༹ྷཾ ཀ་ཡི་རཱཏི. དྭཱི་ཧི ཀཱ་ར་ཎེ་ཧི ཨེ་ཀ་ཙྩ་རི་ཡཾ ད་ལ༹་ཧཾ ཀ་རེ་ཡྻ – པ་བྦ་ཛྫཱ་ས་ངྑཱ་ཏེ་ན ཝཱ ག་ཎཱ་ཝ་ཝ་སྶ་གྒ་ཊྛེ་ན ཝཱ. ཀ་ཐཾ པ་བྦ་ཛྫཱ་ས་ངྑཱ་ཏེ་ན ཨེ་ཀ་ཙྩ་རི་ཡཾ ད་ལ༹ྷཾ ཀ་རེ་ཡྻ? ས་བྦཾ གྷ་རཱ་ཝཱ་ས་པ་ལི་བོ་དྷཾ ཚི་ནྡི་ཏྭཱ པུ་ཏྟ་དཱ་ར་པ་ལི་བོ་དྷཾ ཚི་ནྡི་ཏྭཱ ཉཱ་ཏི་པ་ལི་བོ་དྷཾ ཚི་ནྡི་ཏྭཱ མི་ཏྟཱ་མ་ཙྩ་པ་ལི་བོ་དྷཾ ཚི་ནྡི་ཏྭཱ ས་ནྣི་དྷི་པ་ལི་བོ་དྷཾ ཚི་ནྡི་ཏྭཱ ཀེ་ས་མ་སྶུཾ ཨོ་ཧཱ་རེ་ཏྭཱ ཀཱ་སཱ་ཡཱ་ནི ཝ་ཏྠཱ་ནི ཨ་ཙྪཱ་དེ་ཏྭཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏྭཱ ཨ་ཀི་ཉྩ་ན་བྷཱ་ཝཾ ཨུ་པ་ག་ནྟྭཱ ཨེ་ཀོ ཙ་རེ་ཡྻ ཝི་ཧ་རེ་ཡྻ ཨི་རི་ཡེ་ཡྻ ཝ་ཏྟེ་ཡྻ པཱ་ལེ་ཡྻ ཡ་པེ་ཡྻ ཡཱ་པེ་ཡྻ. ཨེ་ཝཾ པ་བྦ་ཛྫཱ་ས་ངྑཱ་ཏེ་ན ཨེ་ཀ་ཙྩ་རི་ཡཾ ད་ལ༹ྷཾ ཀ་རེ་ཡྻ.
ཀ་ཐཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀ་ཙྩ་རི་ཡཾ ད་ལ༹ྷཾ ཀ་རེ་ཡྻ? སོ ཨེ་ཝཾ པ་བྦ་ཛི་ཏོ ས་མཱ་ནོ ཨེ་ཀོ ཨ་ར་ཉྙ་ཝ་ན་པ་ཏྠཱ་ནི པ་ནྟཱ་ནི སེ་ནཱ་ས་ནཱ་ནི པ་ཊི་སེ་ཝེ་ཡྻ ཨ་པྤ་ས་དྡཱ་ནི ཨ་པྤ་ནི་གྒྷོ་སཱ་ནི ཝི་ཛ་ན་ཝཱ་ཏཱ་ནི མ་ནུ་སྶ་རཱ་ཧ་སྶེ་ཡྻ་ཀཱ་ནི པ་ཊི་ས་ལླཱ་ན་སཱ་རུ་པྤཱ་ནི. སོ ཨེ་ཀོ ག་ཙྪེ་ཡྻ, ཨེ་ཀོ ཏི་ཊྛེ་ཡྻ, ཨེ་ཀོ ནི་སཱི་དེ་ཡྻ, ཨེ་ཀོ སེ་ཡྻཾ ཀ་པྤེ་ཡྻ, ཨེ་ཀོ གཱ་མཾ པི་ཎྜཱ་ཡ པ་ཝི་སེ་ཡྻ, ཨེ་ཀོ པ་ཊི་ཀྐ་མེ་ཡྻ, ཨེ་ཀོ ར་ཧོ ནི་སཱི་དེ་ཡྻ, ཨེ་ཀོ ཙ་ངྐ་མཾ ཨ་དྷི་ཊྛེ་ཡྻ, ཨེ་ཀོ ཙ་རེ་ཡྻ ཝི་ཧ་རེ་ཡྻ ཨི་རི་ཡེ་ཡྻ ཝ་ཏྟེ་ཡྻ པཱ་ལེ་ཡྻ ཡ་པེ་ཡྻ ཡཱ་པེ་ཡྻ. ཨེ་ཝཾ ག་ཎཱ་ཝ་ཝ་སྶ་གྒ་ཊྛེ་ན ཨེ་ཀ་ཙྩ་རི་ཡཾ ད་ལ༹ྷཾ ཀ་རེ་ཡྻཱ་ཏི – ཨེ་ཀ་ཙྩ་རི་ཡཾ ད་ལ༹ྷཾ ཀ་རེ་ཡྻ, ཐི་རཾ ཀ་རེ་ཡྻ, ད་ལ༹ྷཾ ས་མཱ་དཱ་ནོ ཨ་སྶ, ཨ་ཝ་ཊྛི་ཏ་ས་མཱ་དཱ་ནོ ཨ་སྶ ཀུ་ས་ལེ་སུ དྷ་མྨེ་སཱུ་ཏི – ཨེ་ཀ་ཙྩ་རི་ཡཾ ད་ལ༹ྷཾ ཀ་ཡི་རཱ.
ན ནི་སེ་ཝེ་ཐ མེ་ཐུ་ནནྟི. མེ་ཐུ་ན་དྷ་མྨོ ནཱ་མ ཡོ སོ ཨ་ས་དྡྷ་མྨོ གཱ་མ་དྷ་མྨོ…པེ… ཏཾ་ཀཱ་ར་ཎཱ ཝུ་ཙྩ་ཏི མེ་ཐུ་ན་དྷ་མྨོ. མེ་ཐུ་ན་དྷ་མྨཾ ན སེ་ཝེ་ཡྻ ན ནི་སེ་ཝེ་ཡྻ ན སཾ་སེ་ཝེ་ཡྻ ན པ་ཊི་སེ་ཝེ་ཡྻ ན ཙ་རེ་ཡྻ ན ས་མཱ་ཙ་རེ་ཡྻ ན ས་མཱ་དཱ་ཡ ཝ་ཏྟེ་ཡྻཱ་ཏི – ན ནི་སེ་ཝེ་ཐ མེ་ཐུ་ནཾ.
ཏེ་ནཱ་ཧ བྷ་ག་ཝཱ –
‘‘ཨེ་ཏ་མཱ་དཱི་ན་ཝཾ ཉ་ཏྭཱ, མུ་ནི པུ་བྦཱ་པ་རེ ཨི་དྷ;
ཨེ་ཀ་ཙྩ་རི་ཡཾ ད་ལ༹ྷཾ ཀ་ཡི་རཱ, ན ནི་སེ་ཝེ་ཐ མེ་ཐུ་ན’’ནྟི.
༥༧. ཝི་ཝེ་ཀ་ཉྙེ་ཝ སི་ཀྑེ་ཐ, ཨེ་ཏཾ ཨ་རི་ཡཱ་ན་མུ་ཏྟ་མཾ;
ན ཏེ་ན སེ་ཊྛོ མ་ཉྙེ་ཐ, ས ཝེ ནི་བྦཱ་ན་ས་ནྟི་ཀེ.
ཝི་ཝེ་ཀ་ཉྙེ་ཝ སི་ཀྑེ་ཐཱཏི. ཝི་ཝེ་ཀོཏི ཏ་ཡོ ཝི་ཝེ་ཀཱ – ཀཱ་ཡ་ཝི་ཝེ་ཀོ, ཙི་ཏྟ་ཝི་ཝེ་ཀོ, ཨུ་པ་དྷི་ཝི་ཝེ་ཀོ. ཀ་ཏ་མོ ཀཱ་ཡ་ཝི་ཝེ་ཀོ…པེ… ཨ་ཡཾ ཨུ་པ་དྷི་ཝི་ཝེ་ཀོ. ཀཱ་ཡ་ཝི་ཝེ་ཀོ ཙ ཝི་ཝེ་ཀ་ཊྛ་ཀཱ་ཡཱ་ནཾ ནེ་ཀྑ་མྨཱ་བྷི་ར་ཏཱ་ནཾ. ཙི་ཏྟ་ཝི་ཝེ་ཀོ ཙ པ་རི་སུ་དྡྷ་ཙི་ཏྟཱ་ནཾ པ་ར་མ་ཝོ་དཱ་ན་པྤ་ཏྟཱ་ནཾ. ཨུ་པ་དྷི་ཝི་ཝེ་ཀོ ཙ ནི་རཱུ་པ་དྷཱི་ནཾ པུ་གྒ་ལཱ་ནཾ ཝི་ས་ངྑཱ་ར་ག་ཏཱ་ནཾ. སི་ཀྑཱཏི ཏི་སྶོ སི་ཀྑཱ – ཨ་དྷི་སཱི་ལ་སི་ཀྑཱ, ཨ་དྷི་ཙི་ཏྟ་སི་ཀྑཱ, ཨ་དྷི་པ་ཉྙཱ་སི་ཀྑཱ…པེ… ཨ་ཡཾ ཨ་དྷི་པ་ཉྙཱ་སི་ཀྑཱ. ཝི་ཝེ་ཀ་ཉྙེ་ཝ སི་ཀྑེ་ཐཱཏི ཝི་ཝེ་ཀ་ཉྙེ་ཝ སི་ཀྑེ་ཡྻ ཨཱ་ཙ་རེ་ཡྻ ས་མཱ་ཙ་རེ་ཡྻ ས་མཱ་དཱ་ཡ ཝ་ཏྟེ་ཡྻཱ་ཏི – ཝི་ཝེ་ཀ་ཉྙེ་ཝ སི་ཀྑེ་ཐ.
ཨེ་ཏཾ ཨ་རི་ཡཱ་ན་མུ་ཏྟ་མནྟི. ཨ་རི་ཡཱ ཝུ་ཙྩ་ནྟི བུ་དྡྷཱ ཙ བུ་དྡྷ་སཱ་ཝ་ཀཱ ཙ པ་ཙྩེ་ཀ་བུ་དྡྷཱ ཙ. ཨ་རི་ཡཱ་ནཾ ཨེ་ཏཾ ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་རཾ ཡ་དི་དཾ ཝི་ཝེ་ཀ་ཙ་རི་ཡཱ་ཏི – ཨེ་ཏཾ ཨ་རི་ཡཱ་ན་མུ་ཏྟ་མཾ.
ན ཏེ་ན སེ་ཊྛོ མ་ཉྙེ་ཐཱཏི. ཀཱ་ཡ་ཝི་ཝེ་ཀ་ཙ་རི་ཡཱ་ཡ ཨུ་ནྣ་ཏིཾ ན ཀ་རེ་ཡྻ, ཨུ་ནྣ་མཾ ན ཀ་རེ་ཡྻ, མཱ་ནཾ ན ཀ་རེ་ཡྻ, ཐཱ་མཾ ན ཀ་རེ་ཡྻ, ཐ་མྦྷཾ ན ཀ་རེ་ཡྻ, ན ཏེ་ན མཱ་ནཾ ཛ་ནེ་ཡྻ, ན ཏེ་ན ཐ་དྡྷོ ཨ་སྶ པ་ཏྠ་དྡྷོ པ་གྒ་ཧི་ཏ་སི་རོ་ཏི – ཏེ་ན སེ་ཊྛོ ན མ་ཉྙེ་ཐ.
ས ཝེ ནི་བྦཱ་ན་ས་ནྟི་ཀེཏི. སོ ནི་བྦཱ་ན་སྶ ས་ནྟི་ཀེ སཱ་མ་ནྟཱ ཨཱ་ས་ནྣེ ཨ་ཝི་དཱུ་རེ ཨུ་པ་ཀ་ཊྛེ་ཏི – ས ཝེ ནི་བྦཱ་ན་ས་ནྟི་ཀེ.
ཏེ་ནཱ་ཧ བྷ་ག་ཝཱ –
‘‘ཝི་ཝེ་ཀ་ཉྙེ་ཝ སི་ཀྑེ་ཐ, ཨེ་ཏཾ ཨ་རི་ཡཱ་ན་མུ་ཏྟ་མཾ;
ན ཏེ་ན སེ་ཊྛོ མ་ཉྙེ་ཐ, ས ཝེ ནི་བྦཱ་ན་ས་ནྟི་ཀེ’’ཏི.
༥༨. རི་ཏྟ་སྶ མུ་ནི་ནོ ཙ་ར་ཏོ, ཀཱ་མེ་སུ ཨ་ན་པེ་ཀྑི་ནོ;
ཨོ་གྷ་ཏི་ཎྞ་སྶ པི་ཧ་ཡ་ནྟི, ཀཱ་མེ་སུ ག་དྷི་ཏཱ པ་ཛཱ.
རི་ཏྟ་སྶ མུ་ནི་ནོ ཙ་ར་ཏོཏི. རི་ཏྟ་སྶ ཝི་ཝི་ཏྟ་སྶ པ་ཝི་ཝི་ཏྟ་སྶ, ཀཱ་ཡ་དུ་ཙྩ་རི་ཏེ་ན རི་ཏྟ་སྶ ཝི་ཝི་ཏྟ་སྶ པ་ཝི་ཝི་ཏྟ་སྶ. ཝ་ཙཱི་དུ་ཙྩ་རི་ཏེ་ན…པེ… མ་ནོ་དུ་ཙྩ་རི་ཏེ་ན… རཱ་གེ་ན… དོ་སེ་ན… མོ་ཧེ་ན… ཀོ་དྷེ་ན… ཨུ་པ་ནཱ་ཧེ་ན… མ་ཀྑེ་ན… པ་ལཱ༹་སེ་ན… ཨི་སྶཱ་ཡ… མ་ཙྪ་རི་ཡེ་ན… མཱ་ཡཱ་ཡ… སཱ་ཋེ་ཡྻེ་ན… ཐ་མྦྷེ་ན… སཱ་ར་མྦྷེ་ན… མཱ་ནེ་ན… ཨ་ཏི་མཱ་ནེ་ན… མ་དེ་ན… པ་མཱ་དེ་ན… ས་བྦ་ཀི་ལེ་སེ་ཧི… ས་བྦ་དུ་ཙྩ་རི་ཏེ་ཧི… ས་བྦ་ད་ར་ཐེ་ཧི… ས་བྦ་པ་རི་ལཱ༹་ཧེ་ཧི… ས་བྦ་ས་ནྟཱ་པེ་ཧི… ས་བྦཱ་ཀུ་ས་ལཱ་བྷི་ས་ངྑཱ་རེ་ཧི རི་ཏྟ་སྶ ཝི་ཝི་ཏྟ་སྶ པ་ཝི་ཝི་ཏྟ་སྶ. མུ་ནི་ནོཏི. མོ་ནཾ ཝུ་ཙྩ་ཏི ཉཱ་ཎཾ…པེ… ས་ངྒ་ཛཱ་ལ་མ་ཏི་ཙྩ སོ མུ་ནི. ཙ་ར་ཏོཏི ཙ་ར་ཏོ ཝི་ཧ་ར་ཏོ ཨི་རི་ཡ་ཏོ ཝ་ཏྟ་ཏོ པཱ་ལ་ཡ་ཏོ ཡ་པ་ཡ་ཏོ ཡཱ་པ་ཡ་ཏོ་ཏི – རི་ཏྟ་སྶ མུ་ནི་ནོ ཙ་ར་ཏོ.
ཀཱ་མེ་སུ ཨ་ན་པེ་ཀྑི་ནོཏི. ཀཱ་མཱཏི ཨུ་དྡཱ་ན་ཏོ དྭེ ཀཱ་མཱ – ཝ་ཏྠུ་ཀཱ་མཱ ཙ ཀི་ལེ་ས་ཀཱ་མཱ ཙ…པེ… ཨི་མེ ཝུ་ཙྩ་ནྟི ཝ་ཏྠུ་ཀཱ་མཱ…པེ… ཨི་མེ ཝུ་ཙྩ་ནྟི ཀི་ལེ་ས་ཀཱ་མཱ. ཝ་ཏྠུ་ཀཱ་མེ པ་རི་ཛཱ་ནི་ཏྭཱ ཀི་ལེ་ས་ཀཱ་མེ པ་ཧཱ་ཡ པ་ཛ་ཧི་ཏྭཱ ཝི་ནོ་དེ་ཏྭཱ བྱ་ནྟིཾ ཀ་རི་ཏྭཱ ཨ་ན་བྷཱ་ཝཾ ག་མེ་ཏྭཱ ཀཱ་མེ་སུ ཨ་ན་པེ་ཀྑ་མཱ་ནོ ཙ་ཏྟ་ཀཱ་མོ ཝ་ནྟ་ཀཱ་མོ མུ་ཏྟ་ཀཱ་མོ པ་ཧཱི་ན་ཀཱ་མོ པ་ཊི་ནི་སྶ་ཊྛ་ཀཱ་མོ, ཝཱི་ཏ་རཱ་གོ ཙ་ཏྟ་རཱ་གོ ཝ་ནྟ་རཱ་གོ མུ་ཏྟ་རཱ་གོ པ་ཧཱི་ན་རཱ་གོ པ་ཊི་ནི་སྶ་ཊྛ་རཱ་གོ ནི་ཙྪཱ་ཏོ ནི་བྦུ་ཏོ སཱི་ཏི་བྷཱུ་ཏོ [སཱི་ཏཱི་བྷཱུ་ཏོ (སཱི.)] སུ་ཁ་པྤ་ཊི་སཾ་ཝེ་དཱི བྲ་ཧྨ་བྷཱུ་ཏེ་ན ཨ་ཏྟ་ནཱ ཝི་ཧ་ར་ཏཱི་ཏི – ཀཱ་མེ་སུ ཨ་ན་པེ་ཀྑི་ནོ.
ཨོ་གྷ་ཏི་ཎྞ་སྶ པི་ཧ་ཡ་ནྟི, ཀཱ་མེ་སུ ག་དྷི་ཏཱ པ་ཛཱཏི. པ་ཛཱཏི ས་ཏྟཱ་དྷི་ཝ་ཙ་ནཾ པ་ཛཱ ཀཱ་མེ་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ ལ་གྒཱ ལ་གྒི་ཏཱ པ་ལི་བུ་དྡྷཱ. ཏེ ཀཱ་མོ་གྷཾ ཏི་ཎྞ་སྶ བྷ་ཝོ་གྷཾ ཏི་ཎྞ་སྶ དི་ཊྛོ་གྷཾ ཏི་ཎྞ་སྶ ཨ་ཝི་ཛྫོ་གྷཾ ཏི་ཎྞ་སྶ ས་བྦ་ས་ངྑཱ་ར་པ་ཐཾ ཏི་ཎྞ་སྶ ཨུ་ཏྟི་ཎྞ་སྶ ནི་ཏྟི་ཎྞ་སྶ ཨ་ཏི་ཀྐ་ནྟ་སྶ ས་མ་ཏི་ཀྐ་ནྟ་སྶ ཝཱི་ཏི་ཝ་ཏྟ་སྶ པཱ་རཾ ག་ཏ་སྶ པཱ་རཾ པ་ཏྟ་སྶ ཨ་ནྟཾ ག་ཏ་སྶ ཨ་ནྟཾ པ་ཏྟ་སྶ ཀོ་ཊིཾ ག་ཏ་སྶ ཀོ་ཊིཾ པ་ཏྟ་སྶ པ་རི་ཡ་ནྟཾ ག་ཏ་སྶ པ་རི་ཡ་ནྟཾ པ་ཏྟ་སྶ ཝོ་སཱ་ནཾ ག་ཏ་སྶ ཝོ་སཱ་ནཾ པ་ཏྟ་སྶ ཏཱ་ཎཾ ག་ཏ་སྶ ཏཱ་ཎཾ པ་ཏྟ་སྶ ལེ་ཎཾ ག་ཏ་སྶ ལེ་ཎཾ པ་ཏྟ་སྶ ས་ར་ཎཾ ག་ཏ་སྶ ས་ར་ཎཾ པ་ཏྟ་སྶ ཨ་བྷ་ཡཾ ག་ཏ་སྶ ཨ་བྷ་ཡཾ པ་ཏྟ་སྶ ཨ་ཙྩུ་ཏཾ ག་ཏ་སྶ ཨ་ཙྩུ་ཏཾ པ་ཏྟ་སྶ ཨ་མ་ཏཾ ག་ཏ་སྶ ཨ་མ་ཏཾ པ་ཏྟ་སྶ ནི་བྦཱ་ནཾ ག་ཏ་སྶ ནི་བྦཱ་ནཾ པ་ཏྟ་སྶ ཨི་ཙྪ་ནྟི སཱ་དི་ཡ་ནྟི པ་ཏྠ་ཡ་ནྟི པི་ཧ་ཡ་ནྟི ཨ་བྷི་ཛ་པྤ་ནྟི. ཡ་ཐཱ ཨི་ཎཱ་ཡི་ཀཱ ཨཱ་ན་ཎྱཾ [ཨཱ་ཎ་ཎྱཾ (ཨ་ཊྛ.)] པ་ཏྠེ་ནྟི པི་ཧ་ཡ་ནྟི, ཡ་ཐཱ ཨཱ་བཱ་དྷི་ཀཱ ཨཱ་རོ་གྱཾ པ་ཏྠེ་ནྟི པི་ཧ་ཡ་ནྟི, ཡ་ཐཱ བ་ནྡྷ་ན་བ་དྡྷཱ བ་ནྡྷ་ན་མོ་ཀྑཾ པ་ཏྠེ་ནྟི པི་ཧ་ཡ་ནྟི, ཡ་ཐཱ དཱ་སཱ བྷུ་ཛི་སྶཾ པ་ཏྠེ་ནྟི པི་ཧ་ཡ་ནྟི, ཡ་ཐཱ ཀ་ནྟཱ་ར་དྡྷཱ་ན་པ་ཀྑ་ནྡཱ [ཀ་ནྟཱ་ར་དྡྷཱ་ན་པ་ཀྑ་ནྟཱ (སཱི.), ཀ་ནྟཱ་ར་དྡྷཱ་ན་པ་ཀྑ་ནྣཱ (སྱཱ.)] ཁེ་མ་ནྟ་བྷཱུ་མིཾ པ་ཏྠེ་ནྟི པི་ཧ་ཡ་ནྟི; ཨེ་ཝ་མེ་ཝཾ པ་ཛཱ ཀཱ་མེ་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ ལ་གྒཱ ལ་གྒི་ཏཱ པ་ལི་བུ་དྡྷཱ ཏེ ཀཱ་མོ་གྷཾ ཏི་ཎྞ་སྶ བྷ་ཝོ་གྷཾ ཏི་ཎྞ་སྶ…པེ… ནི་བྦཱ་ནཾ ག་ཏ་སྶ ནི་བྦཱ་ནཾ པ་ཏྟ་སྶ ཨི་ཙྪ་ནྟི སཱ་དི་ཡ་ནྟི པ་ཏྠ་ཡ་ནྟི པི་ཧ་ཡ་ནྟི ཨ་བྷི་ཛ་པྤ་ནྟཱི་ཏི – ཨོ་གྷ་ཏི་ཎྞ་སྶ པི་ཧ་ཡ་ནྟི, ཀཱ་མེ་སུ ག་དྷི་ཏཱ པ་ཛཱ.
ཏེ་ནཱ་ཧ བྷ་ག་ཝཱ –
‘‘རི་ཏྟ་སྶ མུ་ནི་ནོ ཙ་ར་ཏོ, ཀཱ་མེ་སུ ཨ་ན་པེ་ཀྑི་ནོ;
ཨོ་གྷ་ཏི་ཎྞ་སྶ པི་ཧ་ཡ་ནྟི, ཀཱ་མེ་སུ ག་དྷི་ཏཱ པ་ཛཱ’’ཏི.
ཏི་སྶ་མེ་ཏྟེ་ཡྻ་སུ་ཏྟ་ནི་དྡེ་སོ ས་ཏྟ་མོ.