༤. སུ་དྡྷ་ཊྛ་ཀ་སུ་ཏྟ་ནི་དྡེ་སོ
ཨ་ཐ སུ་དྡྷ་ཊྛ་ཀ་སུ་ཏྟ་ནི་དྡེ་སཾ ཝ་ཀྑ་ཏི –
༢༣. པ་སྶཱ་མི སུ་དྡྷཾ པ་ར་མཾ ཨ་རོ་གཾ,དི་ཊྛེ་ན སཾ་སུ་དྡྷི ན་ར་སྶ ཧོ་ཏི;
ཨེ་ཝཱ་བྷི་ཛཱ་ནཾ པ་ར་མ་ནྟི ཉ་ཏྭཱ, སུ་དྡྷཱ་ནུ་པ་སྶཱི་ཏི པ་ཙྩེ་ཏི ཉཱ་ཎཾ.
པ་སྶཱ་མི སུ་དྡྷཾ པ་ར་མཾ ཨ་རོ་གནྟི. པ་སྶཱ་མི སུ་དྡྷནྟི པ་སྶཱ་མི སུ་དྡྷཾ, ད་ཀྑཱ་མི སུ་དྡྷཾ, ཨོ་ལོ་ཀེ་མི སུ་དྡྷཾ, ནི་ཛ྄ཛྷཱ་ཡཱ་མི སུ་དྡྷཾ, ཨུ་པ་པ་རི་ཀྑཱ་མི སུ་དྡྷཾ. པ་ར་མཾ ཨ་རོ་གནྟི པ་ར་མཾ ཨཱ་རོ་གྱ་པྤ་ཏྟཾ ཏཱ་ཎ་པྤ་ཏྟཾ ལེ་ཎ་པྤ་ཏྟཾ ས་ར་ཎ་པྤ་ཏྟཾ ཨ་བྷ་ཡ་པྤ་ཏྟཾ ཨ་ཙྩུ་ཏ་པྤ་ཏྟཾ ཨ་མ་ཏ་པྤ་ཏྟཾ ནི་བྦཱ་ན་པྤ་ཏྟ་ནྟི – པ་སྶཱ་མི སུ་དྡྷཾ པ་ར་མཾ ཨ་རོ་གཾ.
དི་ཊྛེ་ན སཾ་སུ་དྡྷི ན་ར་སྶ ཧོ་ཏཱིཏི. ཙ་ཀྑུ་ཝི་ཉྙཱ་ཎཾ [ཙ་ཀྑུ་ཝི་ཉྙཱ་ཎེ་ན (སཱི. སྱཱ.)] རཱུ་པ་ད་སྶ་ནེ་ན ན་ར་སྶ སུ་དྡྷི ཝི་སུ་དྡྷི པ་རི་སུ་དྡྷི, མུ་ཏྟི ཝི་མུ་ཏྟི པ་རི་མུ་ཏྟི ཧོ་ཏི, ན་རོ སུ་ཛ྄ཛྷ་ཏི ཝི་སུ་ཛ྄ཛྷ་ཏི པ་རི་སུ་ཛ྄ཛྷ་ཏི, མུ་ཙྩ་ཏི ཝི་མུ་ཙྩ་ཏི པ་རི་མུ་ཙྩ་ཏཱི་ཏི – དི་ཊྛེ་ན སཾ་སུ་དྡྷི ན་ར་སྶ ཧོ་ཏི.
ཨེ་ཝཱ་བྷི་ཛཱ་ནཾ པ་ར་མ་ནྟི ཉ་ཏྭཱཏི. ཨེ་ཝཾ ཨ་བྷི་ཛཱ་ན་ནྟོ ཨཱ་ཛཱ་ན་ནྟོ ཝི་ཛཱ་ན་ནྟོ པ་ཊི་ཝི་ཛཱ་ན་ནྟོ པ་ཊི་ཝི་ཛ྄ཛྷ་ནྟོ. ‘‘ཨི་དཾ པ་ར་མཾ ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་ར’’ནྟི ཉ་ཏྭཱ ཛཱ་ནི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ་ཏི – ཨེ་ཝཱ་བྷི་ཛཱ་ནཾ པ་ར་མ་ནྟི ཉ་ཏྭཱ.
སུ་དྡྷཱ་ནུ་པ་སྶཱི་ཏི པ་ཙྩེ་ཏི ཉཱ་ཎནྟི. ཡོ སུ་དྡྷཾ པ་སྶ་ཏི, སོ སུ་དྡྷཱ་ནུ་པ་སྶཱི, པ་ཙྩེ་ཏི་ཉཱ་ཎནྟི ཙ་ཀྑུ་ཝི་ཉྙཱ་ཎཾ རཱུ་པ་ད་སྶ་ནེ་ན ཉཱ་ཎ་ནྟི པ་ཙྩེ་ཏི, མ་གྒོ་ཏི པ་ཙྩེ་ཏི, པ་ཐོ་ཏི པ་ཙྩེ་ཏི, ནི་ཡྻཱ་ན་ནྟི པ་ཙྩེ་ཏཱི་ཏི – སུ་དྡྷཱ་ནུ་པ་སྶཱི པ་ཙྩེ་ཏི ཉཱ་ཎཾ.
ཏེ་ནཱ་ཧ བྷ་ག་ཝཱ –
‘‘པ་སྶཱ་མི སུ་དྡྷཾ པ་ར་མཾ ཨ་རོ་གཾ, དི་ཊྛེ་ན སཾ་སུ་དྡྷི ན་ར་སྶ ཧོ་ཏི;
ཨེ་ཝཱ་བྷི་ཛཱ་ནཾ པ་ར་མ་ནྟི ཉ་ཏྭཱ, སུ་དྡྷཱ་ནུ་པ་སྶཱི་ཏི པ་ཙྩེ་ཏི ཉཱ་ཎ’’ནྟི.
༢༤. དི་ཊྛེ་ན ཙེ སུ་དྡྷི ན་ར་སྶ ཧོ་ཏི,ཉཱ་ཎེ་ན ཝཱ སོ པ་ཛ་ཧཱ་ཏི དུ་ཀྑཾ;
ཨ་ཉྙེ་ན སོ སུ་ཛ྄ཛྷ་ཏི སོ་པ་དྷཱི་ཀོ, དི་ཊྛཱི ཧི ནཾ པཱ་ཝ ཏ་ཐཱ ཝ་དཱ་ནཾ.
དི་ཊྛེ་ན ཙེ སུ་དྡྷི ན་ར་སྶ ཧོ་ཏཱིཏི. ཙ་ཀྑུ་ཝི་ཉྙཱ་ཎཾ རཱུ་པ་ད་སྶ་ནེ་ན ཙེ ན་ར་སྶ སུ་དྡྷི ཝི་སུ་དྡྷི པ་རི་སུ་དྡྷི, མུ་ཏྟི ཝི་མུ་ཏྟི པ་རི་མུ་ཏྟི ཧོ་ཏི, ན་རོ སུ་ཛ྄ཛྷ་ཏི ཝི་སུ་ཛ྄ཛྷ་ཏི པ་རི་སུ་ཛ྄ཛྷ་ཏི, མུ་ཙྩ་ཏི ཝི་མུ་ཙྩ་ཏི པ་རི་མུ་ཙྩ་ཏཱི་ཏི – དི་ཊྛེ་ན ཙེ སུ་དྡྷི ན་ར་སྶ ཧོ་ཏི.
ཉཱ་ཎེ་ན ཝཱ སོ པ་ཛ་ཧཱ་ཏི དུ་ཀྑནྟི ཙ་ཀྑུ་ཝི་ཉྙཱ་ཎཾ རཱུ་པ་ད་སྶ་ནེ་ན ཙེ ན་རོ ཛཱ་ཏི་དུ་ཀྑཾ པ་ཛ་ཧ་ཏི, ཛ་རཱ་དུ་ཀྑཾ པ་ཛ་ཧ་ཏི, བྱཱ་དྷི་དུ་ཀྑཾ པ་ཛ་ཧ་ཏི, མ་ར་ཎ་དུ་ཀྑཾ པ་ཛ་ཧ་ཏི, སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་ས་དུ་ཀྑཾ པ་ཛ་ཧ་ཏཱི་ཏི – ཉཱ་ཎེ་ན ཝཱ སོ པ་ཛ་ཧཱ་ཏི དུ་ཀྑཾ.
ཨ་ཉྙེ་ན སོ སུ་ཛ྄ཛྷ་ཏི སོ་པ་དྷཱི་ཀོཏི. ཨ་ཉྙེ་ན ཨ་སུ་དྡྷི་མ་གྒེ་ན མི་ཙྪཱ་པ་ཊི་པ་དཱ་ཡ ཨ་ནི་ཡྻཱ་ནི་ཀ་པ་ཐེ་ན ཨ་ཉྙ་ཏྲ ས་ཏི་པ་ཊྛཱ་ནེ་ཧི ཨ་ཉྙ་ཏྲ ས་མྨ་པྤ་དྷཱ་ནེ་ཧི ཨ་ཉྙ་ཏྲ ཨི་དྡྷི་པཱ་དེ་ཧི ཨ་ཉྙ་ཏྲ ཨི་ནྡྲི་ཡེ་ཧི ཨ་ཉྙ་ཏྲ བ་ལེ་ཧི ཨ་ཉྙ་ཏྲ བོ་ཛ྄ཛྷ་ངྒེ་ཧི ཨ་ཉྙ་ཏྲ ཨ་རི་ཡཱ ཨ་ཊྛ་ངྒི་ཀཱ མ་གྒཱ ན་རོ སུ་ཛ྄ཛྷ་ཏི ཝི་སུ་ཛ྄ཛྷ་ཏི པ་རི་སུ་ཛ྄ཛྷ་ཏི, མུ་ཙྩ་ཏི ཝི་མུ་ཙྩ་ཏི པ་རི་མུ་ཙྩ་ཏི. སོ་པ་དྷཱི་ཀོཏི ས་རཱ་གོ ས་དོ་སོ ས་མོ་ཧོ ས་མཱ་ནོ ས་ཏ་ཎྷོ ས་དི་ཊྛི ས་ཀི་ལེ་སོ ས་ཨུ་པཱ་དཱ་ནོ་ཏི – ཨ་ཉྙེ་ན སོ སུ་ཛ྄ཛྷ་ཏི སོ་པ་དྷཱི་ཀོ.
དི་ཊྛཱི ཧི ནཾ པཱ་ཝ ཏ་ཐཱ ཝ་དཱ་ནནྟི. སཱ་ཝ དི་ཊྛི ཏཾ པུ་གྒ་ལཾ པཱ་ཝ་ད་ཏི – ཨི་ཏི ཝཱ་ཡཾ པུ་གྒ་ལོ མི་ཙྪཱ་དི་ཊྛི་ཀོ ཝི་པ་རཱི་ཏ་ད་སྶ་ནོ. ཏ་ཐཱ ཝ་དཱ་ནནྟི ཏ་ཐཱ ཝ་ད་ནྟཾ ཀ་ཐེ་ནྟཾ བྷ་ཎ་ནྟཾ དཱི་པ་ཡ་ནྟཾ ཝོ་ཧ་ར་ནྟཾ. ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཏ་ཐཱ ཝ་ད་ནྟཾ ཀ་ཐེ་ནྟཾ བྷ་ཎ་ནྟཾ དཱི་པ་ཡ་ནྟཾ ཝོ་ཧ་ར་ནྟཾ. ‘‘ཨ་ས་སྶ་ཏོ ལོ་ཀོ…པེ… ཨ་ནྟ་ཝཱ ལོ་ཀོ… ཨ་ན་ནྟ་ཝཱ ལོ་ཀོ… ཏཾ ཛཱི་ཝཾ ཏཾ ས་རཱི་རཾ… ཨ་ཉྙཾ ཛཱི་ཝཾ ཨ་ཉྙཾ ས་རཱི་རཾ… ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཏ་ཐཱ ཝ་ད་ནྟཾ ཀ་ཐེ་ནྟཾ བྷ་ཎ་ནྟཾ དཱི་པ་ཡ་ནྟཾ ཝོ་ཧ་ར་ནྟ་ནྟི – དི་ཊྛཱི ཧི ནཾ པཱ་ཝ ཏ་ཐཱ ཝ་དཱ་ནཾ.
ཏེ་ནཱ་ཧ བྷ་ག་ཝཱ –
‘‘དི་ཊྛེ་ན ཙེ སུ་དྡྷི ན་ར་སྶ ཧོ་ཏི, ཉཱ་ཎེ་ན ཝཱ སོ པ་ཛ་ཧཱ་ཏི དུ་ཀྑཾ;
ཨ་ཉྙེ་ན སོ སུ་ཛ྄ཛྷ་ཏི སོ་པ་དྷཱི་ཀོ, དི་ཊྛཱི ཧི ནཾ པཱ་ཝ ཏ་ཐཱ ཝ་དཱ་ན’’ནྟི.
༢༥. ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ,དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱ;
པུ་ཉྙེ ཙ པཱ་པེ ཙ ཨ་ནཱུ་པ་ལི་ཏྟོ, ཨ་ཏྟ་ཉྫ་ཧོ ན་ཡི་དྷ པ་ཀུ་བྦ་མཱ་ནོ.
ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱཏི. ནཱཏི པ་ཊི་ཀྑེ་པོ. བྲཱ་ཧྨ་ཎོཏི ས་ཏྟ་ནྣཾ དྷ་མྨཱ་ནཾ བཱ་ཧི་ཏ་ཏྟཱ བྲཱ་ཧྨ་ཎོ – ས་ཀྐཱ་ཡ་དི་ཊྛི བཱ་ཧི་ཏཱ ཧོ་ཏི, ཝི་ཙི་ཀི་ཙྪཱ བཱ་ཧི་ཏཱ ཧོ་ཏི, སཱི་ལ་བྦ་ཏ་པ་རཱ་མཱ་སོ བཱ་ཧི་ཏོ ཧོ་ཏི, རཱ་གོ བཱ་ཧི་ཏོ ཧོ་ཏི, དོ་སོ བཱ་ཧི་ཏོ ཧོ་ཏི, མོ་ཧོ བཱ་ཧི་ཏོ ཧོ་ཏི, མཱ་ནོ བཱ་ཧི་ཏོ ཧོ་ཏི. བཱ་ཧི་ཏཱ་སྶ ཧོ་ནྟི པཱ་པ་ཀཱ ཨ་ཀུ་ས་ལཱ དྷ་མྨཱ སཾ་ཀི་ལེ་སི་ཀཱ པོ་ནོ་བྷ་ཝི་ཀཱ ས་ད་རཱ དུ་ཀྑ་ཝི་པཱ་ཀཱ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎི་ཡཱ.
བཱ་ཧི་ཏྭཱ ས་བྦ་པཱ་པ་ཀཱ་ནི, [ས་བྷི་ཡཱ་ཏི བྷ་ག་ཝཱ]
ཝི་མ་ལོ སཱ་དྷུ་ས་མཱ་ཧི་ཏོ ཋི་ཏ་ཏྟོ;
སཾ་སཱ་ར་མ་ཏི་ཙྩ ཀེ་ཝ་ལཱི སོ, ཨ་སི་ཏོ [ཨ་ནི་སྶི་ཏོ (སྱཱ.)] ཏཱ་དི པ་ཝུ་ཙྩ་ཏེ ས བྲ་ཧྨཱ.
ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧཱཏི. བྲཱ་ཧྨ་ཎོ ཨ་ཉྙེ་ན ཨ་སུ་དྡྷི་མ་གྒེ་ན མི་ཙྪཱ་པ་ཊི་པ་དཱ་ཡ ཨ་ནི་ཡྻཱ་ནི་ཀ་པ་ཐེ་ན ཨ་ཉྙ་ཏྲ ས་ཏི་པ་ཊྛཱ་ནེ་ཧི ཨ་ཉྙ་ཏྲ ས་མྨ་པྤ་དྷཱ་ནེ་ཧི ཨ་ཉྙ་ཏྲ ཨི་དྡྷི་པཱ་དེ་ཧི ཨ་ཉྙ་ཏྲ ཨི་ནྡྲི་ཡེ་ཧི ཨ་ཉྙ་ཏྲ བ་ལེ་ཧི ཨ་ཉྙ་ཏྲ བོ་ཛ྄ཛྷ་ངྒེ་ཧི ཨ་ཉྙ་ཏྲ ཨ་རི་ཡེ་ན ཨ་ཊྛ་ངྒི་ཀེ་ན མ་གྒེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ, ནཱ་ཧ ན ཀ་ཐེ་ཏི ན བྷ་ཎ་ཏི ན དཱི་པ་ཡ་ཏི ན ཝོ་ཧ་ར་ཏཱི་ཏི – ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ.
དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱཏི. ས་ནྟེ་ཀེ ས་མ་ཎ་བྲཱ་ཧྨ་ཎཱ དི་ཊྛི་སུ་དྡྷི་ཀཱ. ཏེ ཨེ་ཀ་ཙྩཱ་ནཾ རཱུ་པཱ་ནཾ ད་སྶ་ནཾ མ་ངྒ་ལཾ པ་ཙྩེ་ནྟི, ཨེ་ཀ་ཙྩཱ་ནཾ རཱུ་པཱ་ནཾ ད་སྶ་ནཾ ཨ་མ་ངྒ་ལཾ པ་ཙྩེ་ནྟི. ཀ་ཏ་མེ་སཾ རཱུ་པཱ་ནཾ ད་སྶ་ནཾ མ་ངྒ་ལཾ པ་ཙྩེ་ནྟི? ཏེ ཀཱ་ལ་ཏོ ཝུ་ཊྛ་ཧི་ཏྭཱ ཨ་བྷི་མ་ངྒ་ལ་ག་ཏཱ་ནི རཱུ་པཱ་ནི པ་སྶ་ནྟི – ཙཱ་ཊ་ཀ་ས་ཀུ་ཎཾ [ཝཱ་ཏ་ས་ཀུ་ཎཾ (སྱཱ.), ཙཱ་པ་ས་ཀུ་ཎཾ (ཀ.)] པ་སྶ་ནྟི, ཕུ་སྶ་ཝེ་ལུ༹་ཝ་ལ་ཊྛིཾ པ་སྶ་ནྟི, ག་བྦྷི་ནི་ཏྠིཾ པ་སྶ་ནྟི, ཀུ་མཱ་ར་ཀཾ ཁ་ནྡྷེ ཨཱ་རོ་པེ་ཏྭཱ ག་ཙྪ་ནྟཾ པ་སྶ་ནྟི, པུ་ཎྞ་གྷ་ཊཾ པ་སྶ་ནྟི, རོ་ཧི་ཏ་མ་ཙྪཾ པ་སྶ་ནྟི, ཨཱ་ཛ་ཉྙཾ པ་སྶ་ནྟི, ཨཱ་ཛ་ཉྙ་ར་ཐཾ པ་སྶ་ནྟི, ཨུ་ས་བྷཾ པ་སྶ་ནྟི, གོ་ཀ་པི་ལཾ པ་སྶ་ནྟི. ཨེ་ཝ་རཱུ་པཱ་ནཾ རཱུ་པཱ་ནཾ ད་སྶ་ནཾ མ་ངྒ་ལཾ པ་ཙྩེ་ནྟི. ཀ་ཏ་མེ་སཾ རཱུ་པཱ་ནཾ ད་སྶ་ནཾ ཨ་མ་ངྒ་ལཾ པ་ཙྩེ་ནྟི? པ་ལཱ་ལ་པུ་ཉྫཾ པ་སྶ་ནྟི, ཏ་ཀྐ་གྷ་ཊཾ པ་སྶ་ནྟི, རི་ཏྟ་གྷ་ཊཾ པ་སྶ་ནྟི, ན་ཊཾ པ་སྶ་ནྟི, ན་གྒ་ས་མ་ཎ་ཀཾ པ་སྶ་ནྟི, ཁ་རཾ པ་སྶ་ནྟི, ཁ་ར་ཡཱ་ནཾ པ་སྶ་ནྟི, ཨེ་ཀ་ཡུ་ཏྟ་ཡཱ་ནཾ པ་སྶ་ནྟི, ཀཱ་ཎཾ པ་སྶ་ནྟི, ཀུ་ཎིཾ པ་སྶ་ནྟི, ཁ་ཉྫཾ པ་སྶ་ནྟི, པ་ཀྑ་ཧ་ཏཾ [པ་ཀྑ་པཱ་དཾ (ཀ.)] པ་སྶ་ནྟི, ཛི་ཎྞ་ཀཾ པ་སྶ་ནྟི, བྱཱ་དྷི་ཀཾ [བྱཱ་དྷི་ཏཾ (སཱི.)] པ་སྶ་ནྟི. ཨེ་ཝ་རཱུ་པཱ་ནཾ རཱུ་པཱ་ནཾ ད་སྶ་ནཾ ཨ་མ་ངྒ་ལཾ པ་ཙྩེ་ནྟི. ཨི་མེ ཏེ ས་མ་ཎ་བྲཱ་ཧྨ་ཎཱ དི་ཊྛི་སུ་དྡྷི་ཀཱ. ཏེ དི་ཊྛེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི.
ས་ནྟེ་ཀེ ས་མ་ཎ་བྲཱ་ཧྨ་ཎཱ སུ་ཏ་སུ་དྡྷི་ཀཱ. ཏེ ཨེ་ཀ་ཙྩཱ་ནཾ ས་དྡཱ་ནཾ ས་ཝ་ནཾ མ་ངྒ་ལཾ པ་ཙྩེ་ནྟི, ཨེ་ཀ་ཙྩཱ་ནཾ ས་དྡཱ་ནཾ ས་ཝ་ནཾ ཨ་མ་ངྒ་ལཾ པ་ཙྩེ་ནྟི. ཀ་ཏ་མེ་སཾ ས་དྡཱ་ནཾ ས་ཝ་ནཾ མ་ངྒ་ལཾ པ་ཙྩེ་ནྟི? ཏེ ཀཱ་ལ་ཏོ ཝུ་ཊྛ་ཧི་ཏྭཱ ཨ་བྷི་མ་ངྒ་ལ་ག་ཏཱ་ནི ས་དྡཱ་ནི སུ་ཎ་ནྟི – ཝ་ཌྜྷཱ་ཏི ཝཱ ཝ་ཌྜྷ་མཱ་ནཱ་ཏི ཝཱ པུ་ཎྞཱ་ཏི ཝཱ ཕུ་སྶཱ་ཏི ཝཱ ཨ་སོ་ཀཱ་ཏི ཝཱ སུ་མ་ནཱ་ཏི ཝཱ སུ་ན་ཀྑ་ཏྟཱ་ཏི ཝཱ སུ་མ་ངྒ་ལཱ་ཏི ཝཱ སི་རཱི་ཏི ཝཱ སི་རཱི་ཝ་ཌྜྷཱ་ཏི ཝཱ. ཨེ་ཝ་རཱུ་པཱ་ནཾ ས་དྡཱ་ནཾ ས་ཝ་ནཾ མ་ངྒ་ལཾ པ་ཙྩེ་ནྟི. ཀ་ཏ་མེ་སཾ ས་དྡཱ་ནཾ ས་ཝ་ནཾ ཨ་མ་ངྒ་ལཾ པ་ཙྩེ་ནྟི? ཀཱ་ཎོ་ཏི ཝཱ ཀུ་ཎཱི་ཏི ཝཱ ཁ་ཉྫོ་ཏི ཝཱ པ་ཀྑ་ཧ་ཏོ་ཏི ཝཱ ཛི་ཎྞ་ཀོ་ཏི ཝཱ བྱཱ་དྷི་ཀོ་ཏི ཝཱ མ་ཏོ་ཏི ཝཱ ཚི་ནྡ་ནྟི ཝཱ བྷི་ནྡ་ནྟི ཝཱ ད་ཌྜྷ་ནྟི ཝཱ ན་ཊྛ་ནྟི ཝཱ ན་ཏྠཱི་ཏི ཝཱ. ཨེ་ཝ་རཱུ་པཱ་ནཾ ས་དྡཱ་ནཾ ས་ཝ་ནཾ ཨ་མ་ངྒ་ལཾ པ་ཙྩེ་ནྟི. ཨི་མེ ཏེ ས་མ་ཎ་བྲཱ་ཧྨ་ཎཱ སུ་ཏ་སུ་དྡྷི་ཀཱ. ཏེ སུ་ཏེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི.
ས་ནྟེ་ཀེ ས་མ་ཎ་བྲཱ་ཧྨ་ཎཱ སཱི་ལ་སུ་དྡྷི་ཀཱ. ཏེ སཱི་ལ་མ་ཏྟེ་ན སཾ་ཡ་མ་མ་ཏྟེ་ན སཾ་ཝ་ར་མ་ཏྟེ་ན ཨ་ཝཱི་ཏི་ཀྐ་མ་མ་ཏྟེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི. ས་མ་ཎོ་མུ་ཎྜི་ཀཱ་པུ་ཏྟོ [ས་མ་ཎོ མ་ཎྜི་ཀཱ་པུ་ཏྟོ (སཱི.), ས་མ་ཎ་མུ་ཎྜི་ཀཱ་པུ་ཏྟོ (སྱཱ.)] ཨེ་ཝ་མཱ་ཧ – ‘‘ཙ་ཏཱུ་ཧི ཁོ ཨ་ཧཾ, ག་ཧ་པ་ཏི [ཐ་པ་ཏི (སཱི. སྱཱ.) ཨེ་ཝ་མུ་པ་རི་པི], དྷ་མྨེ་ཧི ས་མ་ནྣཱ་ག་ཏཾ པུ་རི་ས་པུ་གྒ་ལཾ པ་ཉྙཱ་པེ་མི ས་མྤ་ནྣ་ཀུ་ས་ལཾ པ་ར་མ་ཀུ་ས་ལཾ ཨུ་ཏྟ་མ་པ་ཏྟི་པྤ་ཏྟཾ ས་མ་ཎཾ ཨ་ཡོ་ཛྫཾ. ཀ་ཏ་མེ་ཧི ཙ་ཏཱུ་ཧི? ཨི་དྷ, ག་ཧ་པ་ཏི, ན ཀཱ་ཡེ་ན པཱ་པ་ཀཾ ཀ་མྨཾ ཀ་རོ་ཏི, ན པཱ་པ་ཀཾ ཝཱ་ཙཾ བྷཱ་ས་ཏི, ན པཱ་པ་ཀཾ ས་ངྐ་པྤཾ ས་ངྐ་པྤ་ཏི, ན པཱ་པ་ཀཾ ཨཱ་ཛཱི་ཝཾ ཨཱ་ཛཱི་ཝ་ཏི. ཨི་མེ་ཧི ཁོ ཨ་ཧཾ, ག་ཧ་པ་ཏི, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏཾ པུ་རི་ས་པུ་གྒ་ལཾ པ་ཉྙཱ་པེ་མི ས་མྤ་ནྣ་ཀུ་ས་ལཾ པ་ར་མ་ཀུ་ས་ལཾ ཨུ་ཏྟ་མ་པ་ཏྟི་པྤ་ཏྟཾ ས་མ་ཎཾ ཨ་ཡོ་ཛྫཾ’’. ཨེ་ཝ་མེ་ཝ ས་ནྟེ་ཀེ ས་མ་ཎ་བྲཱ་ཧྨ་ཎཱ སཱི་ལ་སུ་དྡྷི་ཀཱ, ཏེ སཱི་ལ་མ་ཏྟེ་ན སཾ་ཡ་མ་མ་ཏྟེ་ན སཾ་ཝ་ར་མ་ཏྟེ་ན ཨ་ཝཱི་ཏི་ཀྐ་མ་མ་ཏྟེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི.
ས་ནྟེ་ཀེ ས་མ་ཎ་བྲཱ་ཧྨ་ཎཱ ཝ་ཏ་སུ་དྡྷི་ཀཱ. ཏེ ཧ་ཏྠི་ཝ་ཏི་ཀཱ ཝཱ ཧོ་ནྟི, ཨ་སྶ་ཝ་ཏི་ཀཱ ཝཱ ཧོ་ནྟི, གོ་ཝ་ཏི་ཀཱ ཝཱ ཧོ་ནྟི, ཀུ་ཀྐུ་ར་ཝ་ཏི་ཀཱ ཝཱ ཧོ་ནྟི, ཀཱ་ཀ་ཝ་ཏི་ཀཱ ཝཱ ཧོ་ནྟི, ཝཱ་སུ་དེ་ཝ་ཝ་ཏི་ཀཱ ཝཱ ཧོ་ནྟི, བ་ལ་དེ་ཝ་ཝ་ཏི་ཀཱ ཝཱ ཧོ་ནྟི, པུ་ཎྞ་བྷ་དྡ་ཝ་ཏི་ཀཱ ཝཱ ཧོ་ནྟི, མ་ཎི་བྷ་དྡ་ཝ་ཏི་ཀཱ ཝཱ ཧོ་ནྟི, ཨ་གྒི་ཝ་ཏི་ཀཱ ཝཱ ཧོ་ནྟི, ནཱ་ག་ཝ་ཏི་ཀཱ ཝཱ ཧོ་ནྟི, སུ་པ་ཎྞ་ཝ་ཏི་ཀཱ ཝཱ ཧོ་ནྟི, ཡ་ཀྑ་ཝ་ཏི་ཀཱ ཝཱ ཧོ་ནྟི, ཨ་སུ་ར་ཝ་ཏི་ཀཱ ཝཱ ཧོ་ནྟི, ག་ནྡྷ་བྦ་ཝ་ཏི་ཀཱ ཝཱ ཧོ་ནྟི, མ་ཧཱ་རཱ་ཛ་ཝ་ཏི་ཀཱ ཝཱ ཧོ་ནྟི, ཙ་ནྡ་ཝ་ཏི་ཀཱ ཝཱ ཧོ་ནྟི, སཱུ་རི་ཡ་ཝ་ཏི་ཀཱ ཝཱ ཧོ་ནྟི, ཨི་ནྡ་ཝ་ཏི་ཀཱ ཝཱ ཧོ་ནྟི, བྲ་ཧྨ་ཝ་ཏི་ཀཱ ཝཱ ཧོ་ནྟི, དེ་ཝ་ཝ་ཏི་ཀཱ ཝཱ ཧོ་ནྟི, དི་སཱ་ཝ་ཏི་ཀཱ ཝཱ ཧོ་ནྟི. ཨི་མེ ཏེ ས་མ་ཎ་བྲཱ་ཧྨ་ཎཱ ཝ་ཏ་སུ་དྡྷི་ཀཱ. ཏེ ཝ་ཏེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི.
ས་ནྟེ་ཀེ ས་མ་ཎ་བྲཱ་ཧྨ་ཎཱ མུ་ཏ་སུ་དྡྷི་ཀཱ. ཏེ ཀཱ་ལ་ཏོ ཨུ་ཊྛ་ཧི་ཏྭཱ པ་ཐ་ཝིཾ ཨཱ་མ་ས་ནྟི, ཧ་རི་ཏཾ ཨཱ་མ་ས་ནྟི, གོ་མ་ཡཾ ཨཱ་མ་ས་ནྟི, ཀ་ཙྪ་པཾ ཨཱ་མ་ས་ནྟི, ཕཱ་ལཾ ཨ་ཀྐ་མ་ནྟི, ཏི་ལ་ཝཱ་ཧཾ ཨཱ་མ་ས་ནྟི, ཕུ་སྶ་ཏི་ལཾ ཁཱ་ད་ནྟི, ཕུ་སྶ་ཏེ་ལཾ མ་ཀྑེ་ནྟི, ཕུ་སྶ་ད་ནྟ་ཀ་ཊྛཾ ཁཱ་ད་ནྟི, ཕུ་སྶ་མ་ཏྟི་ཀཱ་ཡ ནྷཱ་ཡ་ནྟི, ཕུ་སྶ་སཱ་ཊ་ཀཾ ནི་ཝཱ་སེ་ནྟི, ཕུ་སྶ་ཝེ་ཋ་ནཾ ཝེ་ཋེ་ནྟི. ཨི་མེ ཏེ ས་མ་ཎ་བྲཱ་ཧྨ་ཎཱ མུ་ཏ་སུ་དྡྷི་ཀཱ. ཏེ མུ་ཏེ་ན སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི. ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ.
དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱཏི. བྲཱ་ཧྨ་ཎོ དི་ཊྛ་སུ་དྡྷི་ཡཱ་པི སུ་དྡྷིཾ ནཱ་ཧ, སུ་ཏ་སུ་དྡྷི་ཡཱ་པི སུ་དྡྷིཾ ནཱ་ཧ, སཱི་ལ་སུ་དྡྷི་ཡཱ་པི སུ་དྡྷིཾ ནཱ་ཧ, ཝ་ཏ་སུ་དྡྷི་ཡཱ་པི སུ་དྡྷིཾ ནཱ་ཧ, མུ་ཏ་སུ་དྡྷི་ཡཱ་པི སུ་དྡྷིཾ ནཱ་ཧ ན ཀ་ཐེ་ཏི ན བྷ་ཎ་ཏི ན དཱི་པ་ཡ་ཏི ན ཝོ་ཧ་ར་ཏཱི་ཏི – ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱ.
པུ་ཉྙེ ཙ པཱ་པེ ཙ ཨ་ནཱུ་པ་ལི་ཏྟོཏི. པུ་ཉྙཾ ཝུ་ཙྩ་ཏི ཡཾ ཀི་ཉྩི ཏེ་དྷཱ་ཏུ་ཀཾ ཀུ་ས་ལཱ་བྷི་ས་ངྑཱ་རཾ, ཨ་པུ་ཉྙཾ ཝུ་ཙྩ་ཏི ས་བྦཾ ཨ་ཀུ་ས་ལཾ. ཡ་ཏོ པུ་ཉྙཱ་བྷི་ས་ངྑཱ་རོ ཙ ཨ་པུ་ཉྙཱ་བྷི་ས་ངྑཱ་རོ ཙ ཨཱ་ནེ་ཉྫཱ་བྷི་ས་ངྑཱ་རོ ཙ པ་ཧཱི་ནཱ ཧོ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ; ཨེ་ཏྟཱ་ཝ་ཏཱ པུ་ཉྙེ ཙ པཱ་པེ ཙ ན ལི་མྤ་ཏི ན པ་ལི་མྤ་ཏི ན ཨུ་པ་ལི་མྤ་ཏི ཨ་ལི་ཏྟོ ཨ་པ་ལི་ཏྟོ ཨ་ནཱུ་པ་ལི་ཏྟོ ནི་ཀྑ་ནྟོ ནི་སྶ་ཊོ ཝི་པྤ་མུ་ཏྟོ ཝི་ས་ཉྙུ་ཏྟོ ཝི་མ་རི་ཡཱ་དི་ཀ་ཏེ་ན ཙེ་ཏ་སཱ ཝི་ཧ་ར་ཏཱི་ཏི – པུ་ཉྙེ ཙ པཱ་པེ ཙ ཨ་ནཱུ་པ་ལི་ཏྟོ.
ཨ་ཏྟ་ཉྫ་ཧོ ན་ཡི་དྷ པ་ཀུ་བྦ་མཱ་ནོཏི. ཨ་ཏྟ་ཉྫ་ཧོཏི ཨ་ཏྟ་དི་ཊྛི་ཛ་ཧོ. ཨ་ཏྟ་ཉྫ་ཧོཏི གཱ་ཧཾ ཛ་ཧོ [གཱ་ཧ་ཛ་ཧོ (སཱི. སྱཱ.), ཨ་ཏྟ་གཱ་ཧཾ ཛ་ཧོ (ཀ.)]. ཨ་ཏྟ་ཉྫ་ཧོཏི ཏ་ཎྷཱ་ཝ་སེ་ན དི་ཊྛི་ཝ་སེ་ན ག་ཧི་ཏཾ པ་རཱ་མ་ཊྛཾ ཨ་བྷི་ནི་ཝི་ཊྛཾ ཨ་ཛ྄ཛྷོ་སི་ཏཾ ཨ་དྷི་མུ་ཏྟཾ, ས་བྦཾ ཏཾ ཙ་ཏྟཾ ཧོ་ཏི ཝ་ནྟཾ མུ་ཏྟཾ པ་ཧཱི་ནཾ པ་ཊི་ནི་སྶ་ཊྛཾ. ན་ཡི་དྷ པ་ཀུ་བྦ་མཱ་ནོཏི པུ་ཉྙཱ་བྷི་ས་ངྑཱ་རཾ ཝཱ ཨ་པུ་ཉྙཱ་བྷི་ས་ངྑཱ་རཾ ཝཱ ཨཱ་ནེ་ཉྫཱ་བྷི་ས་ངྑཱ་རཾ ཝཱ ཨ་པ་ཀུ་བྦ་མཱ་ནོ ཨ་ཛ་ན་ཡ་མཱ་ནོ ཨ་ས་ཉྫ་ན་ཡ་མཱ་ནོ ཨ་ནི་བྦ་ཏྟ་ཡ་མཱ་ནོ ཨ་ན་བྷི་ནི་བྦ་ཏྟ་ཡ་མཱ་ནོ་ཏི – ཨ་ཏྟ་ཉྫ་ཧོ ན་ཡི་དྷ པ་ཀུ་བྦ་མཱ་ནོ.
ཏེ་ནཱ་ཧ བྷ་ག་ཝཱ –
‘‘ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ, དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱ;
པུ་ཉྙེ ཙ པཱ་པེ ཙ ཨ་ནཱུ་པ་ལི་ཏྟོ, ཨ་ཏྟ་ཉྫ་ཧོ ན་ཡི་དྷ པ་ཀུ་བྦ་མཱ་ནོ’’ཏི.
༢༦. པུ་རི་མཾ པ་ཧཱ་ཡ ཨ་པ་རཾ སི་ཏཱ་སེ,ཨེ་ཛཱ་ནུ་གཱ ཏེ ན ཏ་ར་ནྟི ས་ངྒཾ;
ཏེ ཨུ་གྒ་ཧཱ་ཡ་ནྟི ནི་ར་སྶ་ཛ་ནྟི, ཀ་པཱི་ཝ སཱ་ཁཾ པ་མུ་ཉྩཾ [པ་མུ་ཁཾ (སཱི. སྱཱ.)] ག་ཧཱ་ཡ.
པུ་རི་མཾ པ་ཧཱ་ཡ ཨ་པ་རཾ སི་ཏཱ་སེཏི. པུ་རི་མཾ ས་ཏྠཱ་རཾ པ་ཧཱ་ཡ པ་རཾ ས་ཏྠཱ་རཾ ནི་སྶི་ཏཱ; པུ་རི་མཾ དྷ་མྨ་ཀྑཱ་ནཾ པ་ཧཱ་ཡ ཨ་པ་རཾ དྷ་མྨ་ཀྑཱ་ནཾ ནི་སྶི་ཏཱ; པུ་རི་མཾ ག་ཎཾ པ་ཧཱ་ཡ ཨ་པ་རཾ ག་ཎཾ ནི་སྶི་ཏཱ; པུ་རི་མཾ དི་ཊྛིཾ པ་ཧཱ་ཡ ཨ་པ་རཾ དི་ཊྛིཾ ནི་སྶི་ཏཱ; པུ་རི་མཾ པ་ཊི་པ་དཾ པ་ཧཱ་ཡ ཨ་པ་རཾ པ་ཊི་པ་དཾ ནི་སྶི་ཏཱ; པུ་རི་མཾ མ་གྒཾ པ་ཧཱ་ཡ ཨ་པ་རཾ མ་གྒཾ ནི་སྶི་ཏཱ ས་ནྣི་སྶི་ཏཱ ཨ་ལླཱི་ནཱ ཨུ་པ་ག་ཏཱ ཨ་ཛ྄ཛྷོ་སི་ཏཱ ཨ་དྷི་མུ་ཏྟཱ་ཏི – པུ་རི་མཾ པ་ཧཱ་ཡ ཨ་པ་རཾ སི་ཏཱ་སེ.
ཨེ་ཛཱ་ནུ་གཱ ཏེ ན ཏ་ར་ནྟི ས་ངྒནྟི. ཨེ་ཛཱ ཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཨེ་ཛཱ་ནུ་གཱཏི ཨེ་ཛཱ་ནུ་གཱ ཨེ་ཛཱ་ནུ་ག་ཏཱ ཨེ་ཛཱ་ནུ་ས་ཊཱ ཨེ་ཛཱ་ཡ པ་ནྣཱ པ་ཏི་ཏཱ ཨ་བྷི་བྷཱུ་ཏཱ པ་རི་ཡཱ་དི་ནྣ་ཙི་ཏྟཱ. ཏེ ན ཏ་ར་ནྟི ས་ངྒནྟི རཱ་ག་ས་ངྒཾ དོ་ས་ས་ངྒཾ མོ་ཧ་ས་ངྒཾ མཱ་ན་ས་ངྒཾ དི་ཊྛི་ས་ངྒཾ ཀི་ལེ་ས་ས་ངྒཾ དུ་ཙྩ་རི་ཏ་ས་ངྒཾ ན ཏ་ར་ནྟི ན ཨུ་ཏྟ་ར་ནྟི ན པ་ཏ་ར་ནྟི ན ས་མ་ཏི་ཀྐ་མ་ནྟི ན ཝཱི་ཏི་ཝ་ཏྟ་ནྟཱི་ཏི – ཨེ་ཛཱ་ནུ་གཱ ཏེ ན ཏ་ར་ནྟི ས་ངྒཾ.
ཏེ ཨུ་གྒ་ཧཱ་ཡ་ནྟི ནི་ར་སྶ་ཛ་ནྟཱིཏི ས་ཏྠཱ་རཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ ས་ཏྠཱ་རཾ ག་ཎྷ་ནྟི; དྷ་མྨ་ཀྑཱ་ནཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ དྷ་མྨ་ཀྑཱ་ནཾ ག་ཎྷ་ནྟི; ག་ཎཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ ག་ཎཾ ག་ཎྷ་ནྟི; དི་ཊྛིཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ དི་ཊྛིཾ ག་ཎྷ་ནྟི; པ་ཊི་པ་དཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ པ་ཊི་པ་དཾ ག་ཎྷ་ནྟི; མ་གྒཾ ག་ཎྷ་ནྟི, ཏཾ མུ་ཉྩི་ཏྭཱ ཨ་ཉྙཾ མ་གྒཾ ག་ཎྷ་ནྟི; ག་ཎྷ་ནྟི ཙ མུ་ཉྩ་ནྟི ཙ ཨཱ་དི་ཡ་ནྟི ཙ ནི་ར་སྶ་ཛ་ནྟི ཙཱ་ཏི – ཏེ ཨུ་གྒ་ཧཱ་ཡ་ནྟི ནི་ར་སྶ་ཛ་ནྟི.
ཀ་པཱི་ཝ སཱ་ཁཾ པ་མུ་ཉྩཾ ག་ཧཱ་ཡཱཏི. ཡ་ཐཱ མ་ཀྐ་ཊོ ཨ་ར་ཉྙེ པ་ཝ་ནེ ཙ་ར་མཱ་ནོ སཱ་ཁཾ ག་ཎྷཱ་ཏི, ཏཾ མུ་ཉྩི་ཏྭཱ ཨ་ཉྙཾ སཱ་ཁཾ ག་ཎྷཱ་ཏི. ཨེ་ཝ་མེ་ཝ པུ་ཐུ་ས་མ་ཎ་བྲཱ་ཧྨ་ཎཱ པུ་ཐུ་དི་ཊྛི་ག་ཏཱ་ནི ག་ཎྷ་ནྟི ཙ མུ་ཉྩ་ནྟི ཙ ཨཱ་དི་ཡ་ནྟི ཙ ནི་ར་སྶ་ཛ་ནྟི ཙཱ་ཏི – ཀ་པཱི་ཝ སཱ་ཁཾ པ་མུ་ཉྩཾ ག་ཧཱ་ཡ.
ཏེ་ནཱ་ཧ བྷ་ག་ཝཱ –
‘‘པུ་རི་མཾ པ་ཧཱ་ཡ ཨ་པ་རཾ སི་ཏཱ་སེ, ཨེ་ཛཱ་ནུ་གཱ ཏེ ན ཏ་ར་ནྟི ས་ངྒཾ;
ཏེ ཨུ་གྒ་ཧཱ་ཡ་ནྟི ནི་ར་སྶ་ཛ་ནྟི, ཀ་པཱི་ཝ སཱ་ཁཾ པ་མུ་ཉྩཾ ག་ཧཱ་ཡཱ’’ཏི.
༢༧. ས་ཡཾ ས་མཱ་དཱ་ཡ ཝ་ཏཱ་ནི ཛ་ནྟུ, ཨུ་ཙྩཱ་ཝ་ཙཾ ག་ཙྪ་ཏི ས་ཉྙ་ས་ཏྟོ;
ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨཾ, ན ཨུ་ཙྩཱ་ཝ་ཙཾ ག་ཙྪ་ཏི བྷཱུ་རི་པ་ཉྙོ.
ས་ཡཾ ས་མཱ་དཱ་ཡ ཝ་ཏཱ་ནི ཛ་ནྟཱུཏི. ས་ཡཾ ས་མཱ་དཱ་ཡཱཏི སཱ་མཾ ས་མཱ་དཱ་ཡ. ཝ་ཏཱ་ནཱིཏི ཧ་ཏྠི་ཝ་ཏཾ ཝཱ ཨ་སྶ་ཝ་ཏཾ ཝཱ གོ་ཝ་ཏཾ ཝཱ ཀུ་ཀྐཱུ་ར་ཝ་ཏཾ ཝཱ ཀཱ་ཀ་ཝ་ཏཾ ཝཱ ཝཱ་སུ་དེ་ཝ་ཝ་ཏཾ ཝཱ བ་ལ་དེ་ཝ་ཝ་ཏཾ ཝཱ པུ་ཎྞ་བྷ་དྡ་ཝ་ཏཾ ཝཱ མ་ཎི་བྷ་དྡ་ཝ་ཏཾ ཝཱ ཨ་གྒི་ཝ་ཏཾ ཝཱ ནཱ་ག་ཝ་ཏཾ ཝཱ སུ་པ་ཎྞ་ཝ་ཏཾ ཝཱ ཡ་ཀྑ་ཝ་ཏཾ ཝཱ ཨ་སུ་ར་ཝ་ཏཾ ཝཱ…པེ… དི་སཱ་ཝ་ཏཾ ཝཱ ཨཱ་དཱ་ཡ ས་མཱ་དཱ་ཡ ཨཱ་དི་ཡི་ཏྭཱ ས་མཱ་དི་ཡི་ཏྭཱ ག་ཎྷི་ཏྭཱ པ་རཱ་མ་སི་ཏྭཱ ཨ་བྷི་ནི་ཝི་སི་ཏྭཱ. ཛ་ནྟཱུཏི ས་ཏྟོ ན་རོ …པེ… མ་ནུ་ཛོ་ཏི – ས་ཡཾ ས་མཱ་དཱ་ཡ ཝ་ཏཱ་ནི ཛ་ནྟུ.
ཨུ་ཙྩཱ་ཝ་ཙཾ ག་ཙྪ་ཏི ས་ཉྙ་ས་ཏྟོཏི ས་ཏྠཱ་ར་ཏོ ས་ཏྠཱ་རཾ ག་ཙྪ་ཏི; དྷ་མྨ་ཀྑཱ་ན་ཏོ དྷ་མྨ་ཀྑཱ་ནཾ ག་ཙྪ་ཏི; ག་ཎ་ཏོ ག་ཎཾ ག་ཙྪ་ཏི; དི་ཊྛི་ཡཱ དི་ཊྛིཾ ག་ཙྪ་ཏི; པ་ཊི་པ་དཱ་ཡ པ་ཊི་པ་དཾ ག་ཙྪ་ཏི; མ་གྒ་ཏོ མ་གྒཾ ག་ཙྪ་ཏི. ས་ཉྙ་ས་ཏྟོཏི ཀཱ་མ་ས་ཉྙཱ་ཡ བྱཱ་པཱ་ད་ས་ཉྙཱ་ཡ ཝི་ཧིཾ་སཱ་ས་ཉྙཱ་ཡ དི་ཊྛི་ས་ཉྙཱ་ཡ ས་ཏྟོ ཝི་ས་ཏྟོ ཨཱ་ས་ཏྟོ ལ་གྒོ ལ་གྒི་ཏོ པ་ལི་བུ་དྡྷོ. ཡ་ཐཱ བྷི་ཏྟི་ཁི་ལེ ཝཱ ནཱ་ག་ད་ནྟེ ཝཱ བྷ་ཎྜཾ ས་ཏྟཾ ཝི་ས་ཏྟཾ ཨཱ་ས་ཏྟཾ ལ་གྒཾ ལ་གྒི་ཏཾ པ་ལི་བུ་དྡྷཾ, ཨེ་ཝ་མེ་ཝ ཀཱ་མ་ས་ཉྙཱ་ཡ བྱཱ་པཱ་ད་ས་ཉྙཱ་ཡ ཝི་ཧིཾ་སཱ་ས་ཉྙཱ་ཡ དི་ཊྛི་ས་ཉྙཱ་ཡ ས་ཏྟོ ཝི་ས་ཏྟོ ཨཱ་ས་ཏྟོ ལ་གྒོ ལ་གྒི་ཏོ པ་ལི་བུ་དྡྷོ་ཏི – ཨུ་ཙྩཱ་ཝ་ཙཾ ག་ཙྪ་ཏི ས་ཉྙ་ས་ཏྟོ.
ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨནྟི. ཝི་དྭཱཏི ཝི་དྭཱ ཝི་ཛྫཱ་ག་ཏོ ཉཱ་ཎཱི ཝི་བྷཱ་ཝཱི མེ་དྷཱ་ཝཱི. ཝེ་དེ་ཧཱིཏི ཝེ་དཱ ཝུ་ཙྩ་ནྟི ཙ་ཏཱུ་སུ མ་གྒེ་སུ ཉཱ་ཎཾ པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ ཝཱི་མཾ་སཱ ཝི་པ་སྶ་ནཱ ས་མྨཱ་དི་ཊྛི. ཏེ་ཧི ཝེ་དེ་ཧི ཛཱ་ཏི་ཛ་རཱ་མ་ར་ཎ་སྶ ཨ་ནྟ་ག་ཏོ ཨ་ནྟ་པྤ་ཏྟོ, ཀོ་ཊི་ག་ཏོ ཀོ་ཊི་པྤ་ཏྟོ, པ་རི་ཡ་ནྟ་ག་ཏོ པ་རི་ཡ་ནྟ་པྤ་ཏྟོ, ཝོ་སཱ་ན་ག་ཏོ ཝོ་སཱ་ན་པྤ་ཏྟོ, ཏཱ་ཎ་ག་ཏོ ཏཱ་ཎ་པྤ་ཏྟོ, ལེ་ཎ་ག་ཏོ ལེ་ཎ་པྤ་ཏྟོ, ས་ར་ཎ་ག་ཏོ ས་ར་ཎ་པྤ་ཏྟོ, ཨ་བྷ་ཡ་ག་ཏོ ཨ་བྷ་ཡ་པྤ་ཏྟོ, ཨ་ཙྩུ་ཏ་ག་ཏོ ཨ་ཙྩུ་ཏ་པྤ་ཏྟོ, ཨ་མ་ཏ་ག་ཏོ ཨ་མ་ཏ་པྤ་ཏྟོ, ནི་བྦཱ་ན་ག་ཏོ ནི་བྦཱ་ན་པྤ་ཏྟོ. ཝེ་དཱ་ནཾ ཝཱ ཨ་ནྟ་ག་ཏོ་ཏི ཝེ་ད་གཱུ, ཝེ་དེ་ཧི ཝཱ ཨ་ནྟ་ག་ཏོ་ཏི ཝེ་ད་གཱུ, ས་ཏྟ་ནྣཾ ཝཱ དྷ་མྨཱ་ནཾ ཝི་དི་ཏ་ཏྟཱ ཝེ་ད་གཱུ. ས་ཀྐཱ་ཡ་དི་ཊྛི ཝི་དི་ཏཱ ཧོ་ཏི, ཝི་ཙི་ཀི་ཙྪཱ ཝི་དི་ཏཱ ཧོ་ཏི, སཱི་ལ་བྦ་ཏ་པ་རཱ་མཱ་སོ ཝི་དི་ཏོ ཧོ་ཏི, རཱ་གོ ཝི་དི་ཏོ ཧོ་ཏི, དོ་སོ ཝི་དི་ཏོ ཧོ་ཏི, མོ་ཧོ ཝི་དི་ཏོ ཧོ་ཏི, མཱ་ནོ ཝི་དི་ཏོ ཧོ་ཏི, ཝི་དི་ཏཱ་སྶ ཧོ་ནྟི པཱ་པ་ཀཱ ཨ་ཀུ་ས་ལཱ དྷ་མྨཱ སཾ་ཀི་ལེ་སི་ཀཱ པོ་ནོ་བྷ་ཝི་ཀཱ ས་ད་རཱ དུ་ཀྑ་ཝི་པཱ་ཀཱ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎི་ཡཱ.
ཝེ་དཱ་ནི ཝི་ཙེ་ཡྻ ཀེ་ཝ་ལཱ་ནི, [ས་བྷི་ཡཱ་ཏི བྷ་ག་ཝཱ]
ས་མ་ཎཱ་ནཾ ཡཱ་ནཱི་དྷ་ཏྠི [ཡཱ་ནི་པ་ཏྠི (སཱི. སྱཱ.) སུ. ནི. ༥༣༤] བྲཱ་ཧྨ་ཎཱ་ནཾ;
ས་བྦ་ཝེ་ད་ནཱ་སུ ཝཱི་ཏ་རཱ་གོ, ས་བྦཾ ཝེ་ད་མ་ཏི་ཙྩ ཝེ་ད་གཱུ སོ་ཏི.
ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨནྟི. ས་མེ་ཙྩ ཨ་བྷི་ས་མེ་ཙྩ དྷ་མྨཾ. ས་བྦེ ས་ངྑཱ་རཱ ཨ་ནི་ཙྩཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ས་བྦེ ས་ངྑཱ་རཱ དུ་ཀྑཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ས་བྦེ དྷ་མྨཱ ཨ་ན་ཏྟཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ས་ངྑཱ་ར་པ་ཙྩ་ཡཱ ཝི་ཉྙཱ་ཎ་ནྟི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཝི་ཉྙཱ་ཎ་པ་ཙྩ་ཡཱ ནཱ་མ་རཱུ་པ་ནྟི…པེ… ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ན་ནྟི… ས་ལཱ༹་ཡ་ཏ་ན་པ་ཙྩ་ཡཱ ཕ་སྶོ་ཏི… ཕ་སྶ་པ་ཙྩ་ཡཱ ཝེ་ད་ནཱ་ཏི… ཝེ་ད་ནཱ་པ་ཙྩ་ཡཱ ཏ་ཎྷཱ་ཏི… ཏ་ཎྷཱ་པ་ཙྩ་ཡཱ ཨུ་པཱ་དཱ་ན་ནྟི… ཨུ་པཱ་དཱ་ན་པ་ཙྩ་ཡཱ བྷ་ཝོ་ཏི… བྷ་ཝ་པ་ཙྩ་ཡཱ ཛཱ་ཏཱི་ཏི… ཛཱ་ཏི་པ་ཙྩ་ཡཱ ཛ་རཱ་མ་ར་ཎ་ནྟི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨ་ཝི་ཛྫཱ་ནི་རོ་དྷཱ ས་ངྑཱ་ར་ནི་རོ་དྷོ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཝི་ཉྙཱ་ཎ་ནི་རོ་དྷཱ ནཱ་མ་རཱུ་པ་ནི་རོ་དྷོ་ཏི… ནཱ་མ་རཱུ་པ་ནི་རོ་དྷཱ ས་ལཱ༹་ཡ་ཏ་ན་ནི་རོ་དྷོ་ཏི… ས་ལཱ༹་ཡ་ཏ་ན་ནི་རོ་དྷཱ ཕ་སྶ་ནི་རོ་དྷོ་ཏི… ཕ་སྶ་ནི་རོ་དྷཱ ཝེ་ད་ནཱ་ནི་རོ་དྷོ་ཏི… ཝེ་ད་ནཱ་ནི་རོ་དྷཱ ཏ་ཎྷཱ་ནི་རོ་དྷོ་ཏི… ཏ་ཎྷཱ་ནི་རོ་དྷཱ ཨུ་པཱ་དཱ་ན་ནི་རོ་དྷོ་ཏི… ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ་ཏི… བྷ་ཝ་ནི་རོ་དྷཱ ཛཱ་ཏི་ནི་རོ་དྷོ་ཏི… ཛཱ་ཏི་ནི་རོ་དྷཱ ཛ་རཱ་མ་ར་ཎ་ནི་རོ་དྷོ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨི་དཾ དུ་ཀྑ་ནྟི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨ་ཡཾ དུ་ཀྑ་ས་མུ་ད་ཡོ་ཏི… ཨ་ཡཾ དུ་ཀྑ་ནི་རོ་དྷོ་ཏི… ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨི་མེ ཨཱ་ས་ཝཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨ་ཡཾ ཨཱ་ས་ཝ་ས་མུ་ད་ཡོ་ཏི… ཨ་ཡཾ ཨཱ་ས་ཝ་ནི་རོ་དྷོ་ཏི… ཨ་ཡཾ ཨཱ་ས་ཝ་ནི་རོ་དྷ་གཱ་མི་ནཱི པ་ཊི་པ་དཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨི་མེ དྷ་མྨཱ ཨ་བྷི་ཉྙེ་ཡྻཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ; ཨི་མེ དྷ་མྨཱ པ་རི་ཉྙེ་ཡྻཱ་ཏི… ཨི་མེ དྷ་མྨཱ པ་ཧཱ་ཏ་བྦཱ་ཏི… ཨི་མེ དྷ་མྨཱ བྷཱ་ཝེ་ཏ་བྦཱ་ཏི … ཨི་མེ དྷ་མྨཱ ས་ཙྪི་ཀཱ་ཏ་བྦཱ་ཏི ས་མེ་ཙྩ ཨ་བྷི་ས་མེ་ཙྩ དྷ་མྨཾ. ཚ་ནྣཾ ཕ་སྶཱ་ཡ་ཏ་ནཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ས་མེ་ཙྩ ཨ་བྷི་ས་མེ་ཙྩ དྷ་མྨཾ. པ་ཉྩ་ནྣཾ ཨུ་པཱ་དཱ་ན་ཀྑ་ནྡྷཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ས་མེ་ཙྩ ཨ་བྷི་ས་མེ་ཙྩ དྷ་མྨཾ. ཙ་ཏུ་ནྣཾ མ་ཧཱ་བྷཱུ་ཏཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ས་མེ་ཙྩ ཨ་བྷི་ས་མེ་ཙྩ དྷ་མྨཾ. ཡཾ ཀི་ཉྩི ས་མུ་ད་ཡ་དྷ་མྨཾ ས་བྦཾ ཏཾ ནི་རོ་དྷ་དྷ་མྨ་ནྟི ས་མེ་ཙྩ ཨ་བྷི་ས་མེ་ཙྩ དྷ་མྨ་ནྟི – ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨཾ.
ན ཨུ་ཙྩཱ་ཝ་ཙཾ ག་ཙྪ་ཏི བྷཱུ་རི་པ་ཉྙོཏི ན ས་ཏྠཱ་ར་ཏོ ས་ཏྠཱ་རཾ ག་ཙྪ་ཏི, ན དྷ་མྨ་ཀྑཱ་ན་ཏོ དྷ་མྨ་ཀྑཱ་ནཾ ག་ཙྪ་ཏི, ན ག་ཎ་ཏོ ག་ཎཾ ག་ཙྪ་ཏི, ན དི་ཊྛི་ཡཱ དི་ཊྛིཾ ག་ཙྪ་ཏི, ན པ་ཊི་པ་དཱ་ཡ པ་ཊི་པ་དཾ ག་ཙྪ་ཏི, ན མ་གྒ་ཏོ མ་གྒཾ ག་ཙྪ་ཏི. བྷཱུ་རི་པ་ཉྙོཏི བྷཱུ་རི་པ་ཉྙོ མ་ཧཱ་པ་ཉྙོ པུ་ཐུ་པ་ཉྙོ ཧཱ་ས་པ་ཉྙོ ཛ་ཝ་ན་པ་ཉྙོ ཏི་ཀྑ་པ་ཉྙོ ནི་བྦེ་དྷི་ཀ་པ་ཉྙོ. བྷཱུ་རི ཝུ་ཙྩ་ཏི པ་ཐ་ཝཱི. ཏཱ་ཡ པ་ཐ་ཝི་ས་མཱ་ཡ པ་ཉྙཱ་ཡ ཝི་པུ་ལཱ་ཡ ཝི་ཏྠ་ཏཱ་ཡ ས་མ་ནྣཱ་ག་ཏོ་ཏི – ན ཨུ་ཙྩཱ་ཝ་ཙཾ ག་ཙྪ་ཏི བྷཱུ་རི་པ་ཉྙོ.
ཏེ་ནཱ་ཧ བྷ་ག་ཝཱ –
‘‘ས་ཡཾ ས་མཱ་དཱ་ཡ ཝ་ཏཱ་ནི ཛ་ནྟུ, ཨུ་ཙྩཱ་ཝ་ཙཾ ག་ཙྪ་ཏི ས་ཉྙ་ས་ཏྟོ;
ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨཾ, ན ཨུ་ཙྩཱ་ཝ་ཙཾ ག་ཙྪ་ཏི བྷཱུ་རི་པ་ཉྙོ’’ཏི.
༢༨. ས ས་བྦ་དྷ་མྨེ་སུ ཝི་སེ་ནི་བྷཱུ་ཏོ,ཡཾ ཀི་ཉྩི དི་ཊྛཾ ཝ སུ་ཏཾ མུ་ཏཾ ཝཱ;
ཏ་མེ་ཝ ད་སྶིཾ ཝི་ཝ་ཊཾ ཙ་ར་ནྟཾ, ཀེ་ནཱི་དྷ ལོ་ཀ་སྨི ཝི་ཀ་པྤ་ཡེ་ཡྻ.
ས ས་བྦ་དྷ་མྨེ་སུ ཝི་སེ་ནི་བྷཱུ་ཏོ ཡཾ ཀི་ཉྩི དི་ཊྛཾ ཝ སུ་ཏཾ མུ་ཏཾ ཝཱཏི. སེ་ནཱ ཝུ་ཙྩ་ཏི མཱ་ར་སེ་ནཱ. ཀཱ་ཡ་དུ་ཙྩ་རི་ཏཾ མཱ་ར་སེ་ནཱ, ཝ་ཙཱི་དུ་ཙྩ་རི་ཏཾ མཱ་ར་སེ་ནཱ, མ་ནོ་དུ་ཙྩ་རི་ཏཾ མཱ་ར་སེ་ནཱ, རཱ་གོ མཱ་ར་སེ་ནཱ, དོ་སོ མཱ་ར་སེ་ནཱ, མོ་ཧོ མཱ་ར་སེ་ནཱ, ཀོ་དྷོ མཱ་ར་སེ་ནཱ, ཨུ་པ་ནཱ་ཧོ…པེ… ས་བྦཱ་ཀུ་ས་ལཱ་བྷི་ས་ངྑཱ་རཱ མཱ་ར་སེ་ནཱ.
ཝུ་ཏྟ་ཉྷེ་ཏཾ བྷ་ག་ཝ་ཏཱ –
‘‘ཀཱ་མཱ ཏེ པ་ཋ་མཱ སེ་ནཱ, དུ་ཏི་ཡཱ ཨ་ར་ཏི ཝུ་ཙྩ་ཏི;
ཏ་ཏི་ཡཱ ཁུ་པྤི་པཱ་སཱ ཏེ, ཙ་ཏུ་ཏྠཱི ཏ་ཎྷཱ ཝུ་ཙྩ་ཏི.
‘‘པ་ཉྩ་མཱི ཐི་ན་མི་དྡྷཾ ཏེ, ཚ་ཊྛཱ བྷཱི་རཱུ པ་ཝུ་ཙྩ་ཏི;
ས་ཏྟ་མཱི ཝི་ཙི་ཀི་ཙྪཱ ཏེ, མ་ཀྑོ ཐ་མྦྷོ ཏེ ཨ་ཊྛ་མོ.
‘‘ལཱ་བྷོ སི་ལོ་ཀོ ས་ཀྐཱ་རོ, མི་ཙྪཱ་ལ་དྡྷོ ཙ ཡོ ཡ་སོ;
ཡོ ཙ་ཏྟཱ་ནཾ ས་མུ་ཀྐཾ་སེ, པ་རེ ཙ ཨ་ཝ་ཛཱ་ན་ཏི.
‘‘ཨེ་སཱ ན་མུ་ཙི ཏེ སེ་ནཱ, ཀ་ཎྷ་སྶཱ་བྷི་པྤ་ཧཱ་རི་ནཱི;
ན ནཾ ཨ་སུ་རོ ཛི་ནཱ་ཏི, ཛེ་ཏྭཱ་ཝ ལ་བྷ་ཏེ སུ་ཁ’’ནྟི.
ཡ་ཏོ ཙ་ཏཱུ་ཧི ཨ་རི་ཡ་མ་གྒེ་ཧི ས་བྦཱ ཙ མཱ་ར་སེ་ནཱ ས་བྦེ ཙ པ་ཊི་སེ་ནི་ཀ་རཱ ཀི་ལེ་སཱ ཛི་ཏཱ ཙ པ་རཱ་ཛི་ཏཱ ཙ བྷ་གྒཱ ཝི་པྤ་ལུ་གྒཱ པ་ར་མྨུ་ཁཱ, སོ ཝུ་ཙྩ་ཏི ཝི་སེ་ནི་བྷཱུ་ཏོ. སོ དི་ཊྛེ ཝི་སེ་ནི་བྷཱུ་ཏོ, སུ་ཏེ ཝི་སེ་ནི་བྷཱུ་ཏོ, མུ་ཏེ ཝི་སེ་ནི་བྷཱུ་ཏོ, ཝི་ཉྙཱ་ཏེ ཝི་སེ་ནི་བྷཱུ་ཏོ་ཏི – ས ས་བྦ་དྷ་མྨེ་སུ ཝི་སེ་ནི་བྷཱུ་ཏོ ཡཾ ཀི་ཉྩི དི་ཊྛཾ ཝ སུ་ཏཾ མུ་ཏཾ ཝཱ.
ཏ་མེ་ཝ ད་སྶིཾ ཝི་ཝ་ཊཾ ཙ་ར་ནྟནྟི. ཏ་མེ་ཝ སུ་དྡྷ་ད་སྶིཾ ཝི་སུ་དྡྷ་ད་སྶིཾ པ་རི་སུ་དྡྷ་ད་སྶིཾ ཝོ་དཱ་ཏ་ད་སྶིཾ པ་རི་ཡོ་དཱ་ཏ་ད་སྶིཾ. ཨ་ཐ ཝཱ, སུ་དྡྷ་ད་སྶ་ནཾ ཝི་སུ་དྡྷ་ད་སྶ་ནཾ པ་རི་སུ་དྡྷ་ད་སྶ་ནཾ ཝོ་དཱ་ཏ་ད་སྶ་ནཾ པ་རི་ཡོ་དཱ་ཏ་ད་སྶ་ནཾ. ཝི་ཝ་ཊནྟི ཏ་ཎྷཱ་ཚ་ད་ནཾ དི་ཊྛི་ཚ་ད་ནཾ ཀི་ལེ་ས་ཚ་ད་ནཾ དུ་ཙྩ་རི་ཏ་ཚ་ད་ནཾ ཨ་ཝི་ཛྫཱ་ཚ་ད་ནཾ. ཏཱ་ནི ཚ་ད་ནཱ་ནི ཝི་ཝ་ཊཱ་ནི ཧོ་ནྟི ཝི་དྡྷཾ་སི་ཏཱ་ནི ཨུ་གྒྷཱ་ཊི་ཏཱ་ནི ས་མུ་གྒྷཱ་ཊི་ཏཱ་ནི པ་ཧཱི་ནཱ་ནི ས་མུ་ཙྪི་ནྣཱ་ནི ཝཱུ་པ་ས་ནྟཱ་ནི པ་ཊི་པ་སྶ་དྡྷཱ་ནི ཨ་བྷ་བྦུ་པྤ་ཏྟི་ཀཱ་ནི ཉཱ་ཎ་གྒི་ནཱ ད་ཌྜྷཱ་ནི. ཙ་ར་ནྟནྟི ཙ་ར་ནྟཾ ཝི་ཙ་ར་ནྟཾ ཝི་ཧ་ར་ནྟཾ ཨི་རི་ཡ་ནྟཾ ཝ་ཏྟེ་ནྟཾ པཱ་ལེ་ནྟཾ ཡ་པེ་ནྟཾ ཡཱ་པེ་ནྟ་ནྟི – ཏ་མེ་ཝ ད་སྶིཾ ཝི་ཝ་ཊཾ ཙ་ར་ནྟཾ.
ཀེ་ནཱི་དྷ ལོ་ཀ་སྨི ཝི་ཀ་པྤ་ཡེ་ཡྻཱཏི. ཀ་པྤཱཏི དྭེ ཀ་པྤཱ – ཏ་ཎྷཱ་ཀ་པྤོ ཙ དི་ཊྛི་ཀ་པྤོ ཙ…པེ… ཨ་ཡཾ ཏ་ཎྷཱ་ཀ་པྤོ…པེ… ཨ་ཡཾ དི་ཊྛི་ཀ་པྤོ. ཏ་སྶ ཏ་ཎྷཱ་ཀ་པྤོ པ་ཧཱི་ནོ, དི་ཊྛི་ཀ་པྤོ པ་ཊི་ནི་སྶ་ཊྛོ. ཏ་ཎྷཱ་ཀ་པྤ་སྶ པ་ཧཱི་ན་ཏྟཱ དི་ཊྛི་ཀ་པྤ་སྶ པ་ཊི་ནི་སྶ་ཊྛ་ཏྟཱ ཀེ་ན རཱ་གེ་ན ཀ་པྤེ་ཡྻ, ཀེ་ན དོ་སེ་ན ཀ་པྤེ་ཡྻ, ཀེ་ན མོ་ཧེ་ན ཀ་པྤེ་ཡྻ, ཀེ་ན མཱ་ནེ་ན ཀ་པྤེ་ཡྻ, ཀཱ་ཡ དི་ཊྛི་ཡཱ ཀ་པྤེ་ཡྻ, ཀེ་ན ཨུ་དྡྷ་ཙྩེ་ན ཀ་པྤེ་ཡྻ, ཀཱ་ཡ ཝི་ཙི་ཀི་ཙྪཱ་ཡ ཀ་པྤེ་ཡྻ, ཀེ་ཧི ཨ་ནུ་ས་ཡེ་ཧི ཀ་པྤེ་ཡྻ – ར་ཏྟོ་ཏི ཝཱ དུ་ཊྛོ་ཏི ཝཱ མཱུ་ལ༹ྷོ་ཏི ཝཱ ཝི་ནི་བ་དྡྷོ་ཏི ཝཱ པ་རཱ་མ་ཊྛོ་ཏི ཝཱ ཝི་ཀྑེ་པ་ག་ཏོ་ཏི ཝཱ ཨ་ནི་ཊྛ་ངྒ་ཏོ་ཏི ཝཱ ཐཱ་མ་ག་ཏོ་ཏི ཝཱ. ཏེ ཨ་བྷི་ས་ངྑཱ་རཱ པ་ཧཱི་ནཱ. ཨ་བྷི་ས་ངྑཱ་རཱ་ནཾ པ་ཧཱི་ན་ཏྟཱ ག་ཏི་ཡོ ཀེ་ན ཀ་པྤེ་ཡྻ – ནེ་ར་ཡི་ཀོ་ཏི ཝཱ ཏི་ར་ཙྪཱ་ན་ཡོ་ནི་ཀོ་ཏི ཝཱ པེ་ཏྟི་ཝི་ས་ཡི་ཀོ་ཏི ཝཱ མ་ནུ་སྶོ་ཏི ཝཱ དེ་ཝོ་ཏི ཝཱ རཱུ་པཱི་ཏི ཝཱ ཨ་རཱུ་པཱི་ཏི ཝཱ ས་ཉྙཱི་ཏི ཝཱ ཨ་ས་ཉྙཱི་ཏི ཝཱ ནེ་ཝ་ས་ཉྙཱི་ནཱ་ས་ཉྙཱི་ཏི ཝཱ. སོ ཧེ་ཏུ ན་ཏྠི, པ་ཙྩ་ཡོ ན་ཏྠི, ཀཱ་ར་ཎཾ ན་ཏྠི, ཡེ་ན ཀ་པྤེ་ཡྻ ཝི་ཀ་པྤེ་ཡྻ ཝི་ཀ་པྤཾ ཨཱ་པ་ཛྫེ་ཡྻ. ལོ་ཀ་སྨིནྟི ཨ་པཱ་ཡ་ལོ་ཀེ མ་ནུ་སྶ་ལོ་ཀེ དེ་ཝ་ལོ་ཀེ ཁ་ནྡྷ་ལོ་ཀེ དྷཱ་ཏུ་ལོ་ཀེ ཨཱ་ཡ་ཏ་ན་ལོ་ཀེ་ཏི – ཀེ་ནཱི་དྷ ལོ་ཀ་སྨིཾ ཝི་ཀ་པྤ་ཡེ་ཡྻ.
ཏེ་ནཱ་ཧ བྷ་ག་ཝཱ –
‘‘ས ས་བྦ་དྷ་མྨེ་སུ ཝི་སེ་ནི་བྷཱུ་ཏོ, ཡཾ ཀི་ཉྩི དི་ཊྛཾ ཝ སུ་ཏཾ མུ་ཏཾ ཝཱ;
ཏ་མེ་ཝ ད་སྶིཾ ཝི་ཝ་ཊཾ ཙ་ར་ནྟཾ, ཀེ་ནཱི་དྷ ལོ་ཀ་སྨི ཝི་ཀ་པྤ་ཡེ་ཡྻཱ’’ཏི.
༢༩. ན ཀ་པྤ་ཡ་ནྟི ན པུ་རེ་ཀྑ་རོ་ནྟི, ཨ་ཙྩ་ནྟ་སུ་དྡྷཱི་ཏི ན ཏེ ཝ་ད་ནྟི;
ཨཱ་དཱ་ན་ག་ནྠཾ ག་ཐི་ཏཾ ཝི་ས་ཛྫ, ཨཱ་སཾ ན ཀུ་བྦ་ནྟི ཀུ་ཧི་ཉྩི ལོ་ཀེ.
ན ཀ་པྤ་ཡ་ནྟི ན པུ་རེ་ཀྑ་རོ་ནྟཱིཏི. ཀ་པྤཱཏི དྭེ ཀ་པྤཱ – ཏ་ཎྷཱ་ཀ་པྤོ ཙ དི་ཊྛི་ཀ་པྤོ ཙ…པེ… ཨ་ཡཾ ཏ་ཎྷཱ་ཀ་པྤོ…པེ… ཨ་ཡཾ དི་ཊྛི་ཀ་པྤོ. ཏེ་སཾ ཏ་ཎྷཱ་ཀ་པྤོ པ་ཧཱི་ནོ, དི་ཊྛི་ཀ་པྤོ པ་ཊི་ནི་སྶ་ཊྛོ. ཏ་ཎྷཱ་ཀ་པྤ་སྶ པ་ཧཱི་ན་ཏྟཱ, དི་ཊྛི་ཀ་པྤ་སྶ པ་ཊི་ནི་སྶ་ཊྛ་ཏྟཱ ཏ་ཎྷཱ་ཀ་པྤཾ ཝཱ དི་ཊྛི་ཀ་པྤཾ ཝཱ ན ཀ་པྤེ་ནྟི ན ཛ་ནེ་ནྟི ན ས་ཉྫ་ནེ་ནྟི ན ནི་བྦ་ཏྟེ་ནྟི ནཱ་བྷི་ནི་བྦ་ཏྟེ་ནྟཱི་ཏི – ན ཀ་པྤ་ཡ་ནྟི. ན པུ་རེ་ཀྑ་རོ་ནྟཱིཏི. པུ་རེ་ཀྑཱ་རཱཏི དྭེ པུ་རེ་ཀྑཱ་རཱ – ཏ་ཎྷཱ་པུ་རེ་ཀྑཱ་རོ ཙ དི་ཊྛི་པུ་རེ་ཀྑཱ་རོ ཙ…པེ… ཨ་ཡཾ ཏ་ཎྷཱ་པུ་རེ་ཀྑཱ་རོ…པེ… ཨ་ཡཾ དི་ཊྛི་པུ་རེ་ཀྑཱ་རོ. ཏེ་སཾ ཏ་ཎྷཱ་པུ་རེ་ཀྑཱ་རོ པ་ཧཱི་ནོ, དི་ཊྛི་པུ་རེ་ཀྑཱ་རོ པ་ཊི་ནི་སྶ་ཊྛོ. ཏ་ཎྷཱ་པུ་རེ་ཀྑཱ་ར་སྶ པ་ཧཱི་ན་ཏྟཱ, དི་ཊྛི་པུ་རེ་ཀྑཱ་ར་སྶ པ་ཊི་ནི་སྶ་ཊྛ་ཏྟཱ ན ཏ་ཎྷཾ ཝཱ ན དི་ཊྛིཾ ཝཱ པུ་ར་ཏོ ཀ་ཏྭཱ ཙ་ར་ནྟི, ན ཏ་ཎྷཱ་དྷ་ཛཱ ན ཏ་ཎྷཱ་ཀེ་ཏཱུ ན ཏ་ཎྷཱ་དྷི་པ་ཏེ་ཡྻཱ, ན དི་ཊྛི་དྷ་ཛཱ ན དི་ཊྛི་ཀེ་ཏཱུ ན དི་ཊྛཱ་དྷི་པ་ཏེ་ཡྻཱ, ན ཏ་ཎྷཱ་ཡ ཝཱ ན དི་ཊྛི་ཡཱ ཝཱ པ་རི་ཝཱ་རི་ཏཱ ཙ་ར་ནྟཱི་ཏི – ན ཀ་པྤ་ཡ་ནྟི ན པུ་རེ་ཀྑ་རོ་ནྟི.
ཨ་ཙྩ་ནྟ་སུ་དྡྷཱི་ཏི ན ཏེ ཝ་ད་ནྟཱིཏི ཨ་ཙྩ་ནྟ་སུ་དྡྷིཾ སཾ་སཱ་ར་སུ་དྡྷིཾ ཨ་ཀི་རི་ཡ་དི་ཊྛིཾ ས་སྶ་ཏ་ཝཱ་དཾ ན ཝ་ད་ནྟི ན ཀ་ཐེ་ནྟི ན བྷ་ཎ་ནྟི ན དཱི་པ་ཡ་ནྟི ན ཝོ་ཧ་ར་ནྟཱི་ཏི – ཨ་ཙྩ་ནྟ་སུ་དྡྷཱི་ཏི ན ཏེ ཝ་ད་ནྟི.
ཨཱ་དཱ་ན་ག་ནྠཾ ག་ཐི་ཏཾ ཝི་ས་ཛྫཱཏི. ག་ནྠཱཏི ཙ་ཏྟཱ་རོ ག་ནྠཱ – ཨ་བྷི་ཛ྄ཛྷཱ ཀཱ་ཡ་ག་ནྠོ, བྱཱ་པཱ་དོ ཀཱ་ཡ་ག་ནྠོ, སཱི་ལ་བྦ་ཏ་པ་རཱ་མཱ་སོ ཀཱ་ཡ་ག་ནྠོ, ཨི་དཾ་ས་ཙྩཱ་བྷི་ནི་ཝེ་སོ ཀཱ་ཡ་ག་ནྠོ. ཨ་ཏྟ་ནོ དི་ཊྛི་ཡཱ རཱ་གོ ཨ་བྷི་ཛ྄ཛྷཱ ཀཱ་ཡ་ག་ནྠོ; པ་ར་ཝཱ་དེ་སུ ཨཱ་གྷཱ་ཏོ ཨ་པྤ་ཙྩ་ཡོ བྱཱ་པཱ་དོ ཀཱ་ཡ་ག་ནྠོ; ཨ་ཏྟ་ནོ སཱི་ལཾ ཝཱ ཝ་ཏཾ ཝཱ སཱི་ལ་ཝ་ཏཾ ཝཱ པ་རཱ་མ་ས་ནྟཱི་ཏི སཱི་ལ་བྦ་ཏ་པ་རཱ་མཱ་སོ ཀཱ་ཡ་ག་ནྠོ, ཨ་ཏྟ་ནོ དི་ཊྛི ཨི་དཾ་ས་ཙྩཱ་བྷི་ནི་ཝེ་སོ ཀཱ་ཡ་ག་ནྠོ. ཀིཾ་ཀཱ་ར་ཎཱ ཝུ་ཙྩ་ཏི ཨཱ་དཱ་ན་ག་ནྠོ? ཏེ་ཧི ག་ནྠེ་ཧི རཱུ་པཾ ཨཱ་དི་ཡ་ནྟི ཨུ་པཱ་དི་ཡ་ནྟི ག་ཎྷ་ནྟི པ་རཱ་མ་ས་ནྟི ཨ་བྷི་ནི་ཝི་ས་ནྟི; ཝེ་ད་ནཾ…པེ… ས་ཉྙཾ… ས་ངྑཱ་རེ… ཝི་ཉྙཱ་ཎཾ… ག་ཏིཾ … ཨུ་པ་པ་ཏྟིཾ… པ་ཊི་ས་ནྡྷིཾ… བྷ་ཝཾ… སཾ་སཱ་ར་ཝ་ཊྚཾ ཨཱ་དི་ཡ་ནྟི ཨུ་པཱ་དི་ཡ་ནྟི ག་ཎྷ་ནྟི པ་རཱ་མ་ས་ནྟི ཨ་བྷི་ནི་ཝི་ས་ནྟི. ཏཾ་ཀཱ་ར་ཎཱ ཝུ་ཙྩ་ཏི ཨཱ་དཱ་ན་ག་ནྠོ. ཝི་ས་ཛྫཱཏི ག་ནྠེ ཝོ་ས་ཛྫི་ཏྭཱ ཝཱ – ཝི་ས་ཛྫ. ཨ་ཐ ཝཱ ག་ནྠེ ག་དྷི་ཏེ ག་ནྠི་ཏེ བ་ནྡྷེ ཝི་བ་ནྡྷེ ཨཱ་བ་ནྡྷེ ལ་གྒེ ལ་གྒི་ཏེ པ་ལི་བུ་དྡྷེ བ་ནྡྷ་ནེ པོ་ཊ་ཡི་ཏྭཱ – [ཕོ་ཊ་ཡི་ཏྭཱ (སྱཱ.)] ཝི་ས་ཛྫ. ཡ་ཐཱ ཝ་ཡ྄ཧཾ ཝཱ ར་ཐཾ ཝཱ ས་ཀ་ཊཾ ཝཱ ས་ནྡ་མཱ་ནི་ཀཾ ཝཱ ས་ཛྫཾ ཝི་ས་ཛྫཾ ཀ་རོ་ནྟི ཝི་ཀོ་པེ་ནྟི; ཨེ་ཝ་མེ་ཝ ག་ནྠེ ཝོ་ས་ཛྫི་ཏྭཱ – ཝི་ས་ཛྫ. ཨ་ཐ ཝཱ ག་ནྠེ ག་དྷི་ཏེ ག་ནྠི་ཏེ བ་ནྡྷེ ཝི་བ་ནྡྷེ ཨཱ་བ་ནྡྷེ ལ་གྒེ ལ་གྒི་ཏེ པ་ལི་བུ་དྡྷེ བ་ནྡྷ་ནེ པོ་ཊ་ཡི་ཏྭཱ ཝི་ས་ཛྫཱ་ཏི – ཨཱ་དཱ་ན་ག་ནྠཾ ག་ཐི་ཏཾ ཝི་ས་ཛྫ.
ཨཱ་སཾ ན ཀུ་བྦ་ནྟི ཀུ་ཧི་ཉྩི ལོ་ཀེཏི. ཨཱ་སཱ ཝུ་ཙྩ་ཏི ཏ་ཎྷཱ ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཨཱ་སཾ ན ཀུ་བྦ་ནྟཱིཏི ཨཱ་སཾ ན ཀུ་བྦ་ནྟི ན ཛ་ནེ་ནྟི ན ས་ཉྫ་ནེ་ནྟི ན ནི་བྦ་ཏྟེ་ནྟི ན ཨ་བྷི་ནི་བྦ་ཏྟེ་ནྟི. ཀུ་ཧི་ཉྩཱིཏི ཀུ་ཧི་ཉྩི ཀི་མྷི་ཙི ཀ་ཏྠ་ཙི ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨ་ཛ྄ཛྷ་ཏྟ་བ་ཧི་དྡྷཱ ཝཱ. ལོ་ཀེཏི ཨ་པཱ་ཡ་ལོ་ཀེ…པེ… ཨཱ་ཡ་ཏ་ན་ལོ་ཀེ་ཏི – ཨཱ་སཾ ན ཀུ་བྦ་ནྟི ཀུ་ཧི་ཉྩི ལོ་ཀེ.
ཏེ་ནཱ་ཧ བྷ་ག་ཝཱ –
‘‘ན ཀ་པྤ་ཡ་ནྟི ན པུ་རེ་ཀྑ་རོ་ནྟི, ཨ་ཙྩ་ནྟ་སུ་དྡྷཱི་ཏི ན ཏེ ཝ་ད་ནྟི;
ཨཱ་དཱ་ན་ག་ནྠཾ ག་ཐི་ཏཾ ཝི་ས་ཛྫ, ཨཱ་སཾ ན ཀུ་བྦ་ནྟི ཀུ་ཧི་ཉྩི ལོ་ཀེ’’ཏི.
༣༠. སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི, ཉ་ཏྭཱ ཙ དི་སྭཱ ཙ ས་མུ་གྒ་ཧཱི་ཏཾ;
ན རཱ་ག་རཱ་གཱི ན ཝི་རཱ་ག་ར་ཏྟོ, ཏ་སྶཱི་དྷ ན་ཏྠི པ་ར་མུ་གྒ་ཧཱི་ཏཾ.
སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི, ཉ་ཏྭཱ ཙ དི་སྭཱ ཙ ས་མུ་གྒ་ཧཱི་ཏནྟི. སཱི་མཱཏི ཙ་ཏ་སྶོ སཱི་མཱ་ཡོ – ས་ཀྐཱ་ཡ་དི་ཊྛི, ཝི་ཙི་ཀི་ཙྪཱ, སཱི་ལ་བྦ་ཏ་པ་རཱ་མཱ་སོ, དི་ཊྛཱ་ནུ་ས་ཡོ, ཝི་ཙི་ཀི་ཙྪཱ་ནུ་ས་ཡོ, ཏ་དེ་ཀ་ཊྛཱ ཙ ཀི་ལེ་སཱ – ཨ་ཡཾ པ་ཋ་མཱ སཱི་མཱ. ཨོ་ལཱ༹་རི་ཀཾ ཀཱ་མ་རཱ་ག་ས་ཉྙོ་ཛ་ནཾ, པ་ཊི་གྷ་ས་ཉྙོ་ཛ་ནཾ, ཨོ་ལཱ༹་རི་ཀོ ཀཱ་མ་རཱ་གཱ་ནུ་ས་ཡོ, པ་ཊི་གྷཱ་ནུ་ས་ཡོ, ཏ་དེ་ཀ་ཊྛཱ ཙ ཀི་ལེ་སཱ – ཨ་ཡཾ དུ་ཏི་ཡཱ སཱི་མཱ. ཨ་ནུ་ས་ཧ་ག་ཏཾ ཀཱ་མ་རཱ་ག་ས་ཉྙོ་ཛ་ནཾ, པ་ཊི་གྷ་ས་ཉྙོ་ཛ་ནཾ, ཨ་ནུ་ས་ཧ་ག་ཏོ ཀཱ་མ་རཱ་གཱ་ནུ་ས་ཡོ, པ་ཊི་གྷཱ་ནུ་ས་ཡོ, ཏ་དེ་ཀ་ཊྛཱ ཙ ཀི་ལེ་སཱ – ཨ་ཡཾ ཏ་ཏི་ཡཱ སཱི་མཱ. རཱུ་པ་རཱ་གོ ཨ་རཱུ་པ་རཱ་གོ མཱ་ནོ ཨུ་དྡྷ་ཙྩཾ ཨ་ཝི་ཛྫཱ, མཱ་ནཱ་ནུ་ས་ཡོ བྷ་ཝ་རཱ་གཱ་ནུ་ས་ཡོ ཨ་ཝི་ཛྫཱ་ནུ་ས་ཡོ, ཏ་དེ་ཀ་ཊྛཱ ཙ ཀི་ལེ་སཱ – ཨ་ཡཾ ཙ་ཏུ་ཏྠཱ སཱི་མཱ. ཡ་ཏོ ཙ ཙ་ཏཱུ་ཧི ཨ་རི་ཡ་མ་གྒེ་ཧི ཨི་མཱ ཙ་ཏ་སྶོ སཱི་མཱ་ཡོ ཨ་ཏི་ཀྐ་ནྟོ ཧོ་ཏི ས་མ་ཏི་ཀྐ་ནྟོ ཝཱི་ཏི་ཝ་ཏྟོ, སོ ཝུ་ཙྩ་ཏི སཱི་མཱ་ཏི་གོ. བྲཱ་ཧྨ་ཎོཏི ས་ཏྟ་ནྣཾ དྷ་མྨཱ་ནཾ བཱ་ཧི་ཏ་ཏྟཱ བྲཱ་ཧྨ་ཎོ – ས་ཀྐཱ་ཡ་དི་ཊྛི བཱ་ཧི་ཏཱ ཧོ་ཏི, ཝི་ཙི་ཀི་ཙྪཱ བཱ་ཧི་ཏཱ ཧོ་ཏི, སཱི་ལ་བྦ་ཏ་པ་རཱ་མཱ་སོ བཱ་ཧི་ཏོ ཧོ་ཏི…པེ… ཨ་སི་ཏོ ཏཱ་དི པ་ཝུ་ཙྩ་ཏེ ས བྲ་ཧྨཱ. ཏ་སྶཱཏི ཨ་ར་ཧ་ཏོ ཁཱི་ཎཱ་ས་ཝ་སྶ.
ཉ་ཏྭཱཏི པ་ར་ཙི་ཏྟ་ཉཱ་ཎེ་ན ཝཱ ཉ་ཏྭཱ པུ་བྦེ་ནི་ཝཱ་སཱ་ནུ་སྶ་ཏི་ཉཱ་ཎེ་ན ཝཱ ཉ་ཏྭཱ. དི་སྭཱཏི མཾ་ས་ཙ་ཀྑུ་ནཱ ཝཱ དི་སྭཱ དི་བྦ་ཙ་ཀྑུ་ནཱ ཝཱ དི་སྭཱ. སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི, ཉ་ཏྭཱ ཙ དི་སྭཱ ཙ ས་མུ་གྒ་ཧཱི་ཏནྟི. ཏ་སྶ ཨི་དཾ པ་ར་མཾ ཨ་གྒཾ སེ་ཊྛཾ ཝི་སི་ཊྛཾ [ཝི་སེ་ཊྛཾ (སཱི. སྱཱ.)] པཱ་མོ་ཀྑཾ ཨུ་ཏྟ་མཾ པ་ཝ་ར་ནྟི ག་ཧི་ཏཾ པ་རཱ་མ་ཊྛཾ ཨ་བྷི་ནི་ཝི་ཊྛཾ ཨ་ཛ྄ཛྷོ་སི་ཏཾ ཨ་དྷི་མུ་ཏྟཾ ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནཾ ས་མུ་ཙྪི་ནྣཾ ཝཱུ་པ་ས་ནྟཾ པ་ཊི་པ་སྶ་དྡྷཾ ཨ་བྷ་བྦུ་པྤ་ཏྟི་ཀཾ ཉཱ་ཎ་གྒི་ནཱ ད་ཌྜྷ་ནྟི – སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི ཉ་ཏྭཱ ཙ དི་སྭཱ ཙ ས་མུ་གྒ་ཧཱི་ཏཾ.
ན རཱ་ག་རཱ་གཱི ན ཝི་རཱ་ག་ར་ཏྟོཏི. རཱ་ག་ར་ཏྟཱ ཝུ་ཙྩ་ནྟི ཡེ པ་ཉྩ་སུ ཀཱ་མ་གུ་ཎེ་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ ལ་གྒཱ ལ་གྒི་ཏཱ པ་ལི་བུ་དྡྷཱ. ཝི་རཱ་ག་ར་ཏྟཱ ཝུ་ཙྩ་ནྟི ཡེ རཱུ་པཱ་ཝ་ཙ་ར་ཨ་རཱུ་པཱ་ཝ་ཙ་ར་ས་མཱ་པ་ཏྟཱི་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ ལ་གྒཱ ལ་གྒི་ཏཱ པ་ལི་བུ་དྡྷཱ. ན རཱ་ག་རཱ་གཱི ན ཝི་རཱ་ག་ར་ཏྟོཏི ཡ་ཏོ ཀཱ་མ་རཱ་གོ ཙ རཱུ་པ་རཱ་གོ ཙ ཨ་རཱུ་པ་རཱ་གོ ཙ པ་ཧཱི་ནཱ ཧོ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ [ཨ་ན་བྷཱ་ཝ་ཀ་ཏཱ (སཱི.), ཨ་ན་བྷཱ་ཝཾ་ག་ཏཱ (སྱཱ.)] ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཨེ་ཏྟཱ་ཝ་ཏཱ ན རཱ་ག་རཱ་གཱི ན ཝི་རཱ་ག་ར་ཏྟོ.
ཏ་སྶཱི་དྷ ན་ཏྠི པ་ར་མུ་གྒ་ཧཱི་ཏནྟི. ཏ་སྶཱཏི ཨ་ར་ཧ་ཏོ ཁཱི་ཎཱ་ས་ཝ་སྶ. ཏ་སྶ ཨི་དཾ པ་ར་མཾ ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་ར་ནྟི ག་ཧི་ཏཾ པ་རཱ་མ་ཊྛཾ ཨ་བྷི་ནི་ཝི་ཊྛཾ ཨ་ཛ྄ཛྷོ་སི་ཏཾ ཨ་དྷི་མུ་ཏྟཾ ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནཾ ས་མུ་ཙྪི་ནྣཾ ཝཱུ་པ་ས་ནྟཾ པ་ཊི་པ་སྶ་དྡྷཾ ཨ་བྷ་བྦུ་པྤ་ཏྟི་ཀཾ ཉཱ་ཎ་གྒི་ནཱ ད་ཌྜྷ་ནྟི – ཏ་སྶཱི་དྷ ན་ཏྠི པ་ར་མུ་གྒ་ཧཱི་ཏཾ.
ཏེ་ནཱ་ཧ བྷ་ག་ཝཱ –
‘‘སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི, ཉ་ཏྭཱ ཙ དི་སྭཱ ཙ ས་མུ་གྒ་ཧཱི་ཏཾ;
ན རཱ་ག་རཱ་གཱི ན ཝི་རཱ་ག་ར་ཏྟོ, ཏ་སྶཱི་དྷ ན་ཏྠི པ་ར་མུ་གྒ་ཧཱི་ཏ’’ནྟི.
སུ་དྡྷ་ཊྛ་ཀ་སུ་ཏྟ་ནི་དྡེ་སོ ཙ་ཏུ་ཏྠོ.