༣. དུ་ཊྛ་ཊྛ་ཀ་སུ་ཏྟ་ནི་དྡེ་སོ
ཨ་ཐ དུ་ཊྛ་ཊྛ་ཀ་སུ་ཏྟ་ནི་དྡེ་སཾ ཝ་ཀྑ་ཏི –
༡༥. ཝ་ད་ནྟི ཝེ དུ་ཊྛ་མ་ནཱ་པི ཨེ་ཀེ,ཨ་ཐོ་པི [ཨ་ཉྙེ་པི ཏེ (སཱི.), ཨ་ཉྙེ་པི (སྱཱ.)] ཝེ ས་ཙྩ་མ་ནཱ ཝ་ད་ནྟི;
ཝཱ་ད་ཉྩ ཛཱ་ཏཾ མུ་ནི ནོ ཨུ་པེ་ཏི, ཏ་སྨཱ མུ་ནཱི ན་ཏྠི ཁི་ལོ ཀུ་ཧི་ཉྩི.
ཝ་ད་ནྟི ཝེ དུ་ཊྛ་མ་ནཱ་པི ཨེ་ཀེཏི ཏེ ཏི་ཏྠི་ཡཱ དུ་ཊྛ་མ་ནཱ ཝི་རུ་དྡྷ་མ་ནཱ པ་ཊི་ཝི་རུ་དྡྷ་མ་ནཱ ཨཱ་ཧ་ཏ་མ་ནཱ པ་ཙྩཱ་ཧ་ཏ་མ་ནཱ ཨཱ་གྷཱ་ཏི་ཏ་མ་ནཱ པ་ཙྩཱ་གྷཱ་ཏི་ཏ་མ་ནཱ ཝ་ད་ནྟི ཨུ་པ་ཝ་ད་ནྟི བྷ་ག་ཝ་ནྟ་ཉྩ བྷི་ཀྑུ་ས་ངྒྷ་ཉྩ ཨ་བྷཱུ་ཏེ་ནཱ་ཏི – ཝ་ད་ནྟི ཝེ དུ་ཊྛ་མ་ནཱ་པི ཨེ་ཀེ.
ཨ་ཐོ་པི ཝེ ས་ཙྩ་མ་ནཱ ཝ་ད་ནྟཱིཏི ཡེ ཏེ་སཾ ཏི་ཏྠི་ཡཱ་ནཾ ས་དྡ་ཧ་ནྟཱ ཨོ་ཀ་པྤེ་ནྟཱ ཨ་དྷི་མུ་ཙྩ་ནྟཱ ས་ཙྩ་མ་ནཱ ས་ཙྩ་ས་ཉྙི་ནོ བྷཱུ་ཏ་མ་ནཱ བྷཱུ་ཏ་ས་ཉྙི་ནོ ཏ་ཐ་མ་ནཱ ཏ་ཐ་ས་ཉྙི་ནོ ཡཱ་ཐཱ་ཝ་མ་ནཱ ཡཱ་ཐཱ་ཝ་ས་ཉྙི་ནོ ཨ་ཝི་པ་རཱི་ཏ་མ་ནཱ ཨ་ཝི་པ་རཱི་ཏ་ས་ཉྙི་ནོ ཝ་ད་ནྟི ཨུ་པ་ཝ་ད་ནྟི བྷ་ག་ཝ་ནྟ་ཉྩ བྷི་ཀྑུ་ས་ངྒྷ་ཉྩ ཨ་བྷཱུ་ཏེ་ནཱ་ཏི – ཨ་ཐོ་པི ཝེ ས་ཙྩ་མ་ནཱ ཝ་ད་ནྟི.
ཝཱ་ད་ཉྩ ཛཱ་ཏཾ མུ་ནི ནོ ཨུ་པེ་ཏཱིཏི. སོ ཝཱ་དོ ཛཱ་ཏོ ཧོ་ཏི ས་ཉྫཱ་ཏོ ནི་བྦ་ཏྟོ ཨ་བྷི་ནི་བྦ་ཏྟོ པཱ་ཏུ་བྷཱུ་ཏོ པ་ར་ཏོ་གྷོ་སོ ཨ་ཀྐོ་སོ ཨུ་པ་ཝཱ་དོ བྷ་ག་ཝ་ཏོ ཙ བྷི་ཀྑུ་ས་ངྒྷ་སྶ ཙ ཨ་བྷཱུ་ཏེ་ནཱ་ཏི – ཝཱ་ད་ཉྩ ཛཱ་ཏཾ. མུ་ནི ནོ ཨུ་པེ་ཏཱིཏི. མུ་ནཱིཏི. མོ་ནཾ ཝུ་ཙྩ་ཏི ཉཱ་ཎཾ. ཡཱ པ་ཉྙཱ པ་ཛཱ་ན་ནཱ ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི, ཏེ་ན ཉཱ་ཎེ་ན ས་མ་ནྣཱ་ག་ཏོ མུ་ནི མོ་ན་པྤ་ཏྟོ…པེ… ས་ངྒ་ཛཱ་ལ་མ་ཏི་ཙྩ སོ མུ་ནི. ཡོ ཝཱ་དཾ ཨུ་པེ་ཏི སོ དྭཱི་ཧི ཀཱ་ར་ཎེ་ཧི ཝཱ་དཾ ཨུ་པེ་ཏི – ཀཱ་ར་ཀོ ཀཱ་ར་ཀ་ཏཱ་ཡ ཝཱ་དཾ ཨུ་པེ་ཏི, ཨ་ཐ ཝཱ ཝུ་ཙྩ་མཱ་ནོ ཨུ་པ་ཝ་དི་ཡ་མཱ་ནོ ཀུ་པྤ་ཏི བྱཱ་པ་ཛྫ་ཏི པ་ཏི་ཊྛི་ཡ་ཏི ཀོ་པ་ཉྩ དོ་ས་ཉྩ ཨ་པྤ་ཙྩ་ཡ་ཉྩ པཱ་ཏུ་ཀ་རོ་ཏི. ཨ་ཀཱ་ར་ཀོ་མྷཱི་ཏི ཡོ ཝཱ་དཾ ཨུ་པེ་ཏི སོ ཨི་མེ་ཧི དྭཱི་ཧི ཀཱ་ར་ཎེ་ཧི ཝཱ་དཾ ཨུ་པེ་ཏི. མུ་ནི དྭཱི་ཧི ཀཱ་ར་ཎེ་ཧི ཝཱ་དཾ ན ཨུ་པེ་ཏི – ཨ་ཀཱ་ར་ཀོ མུ་ནི ཨ་ཀཱ་ར་ཀ་ཏཱ་ཡ ཝཱ་དཾ ན ཨུ་པེ་ཏི, ཨ་ཐ ཝཱ ཝུ་ཙྩ་མཱ་ནོ ཨུ་པ་ཝ་དི་ཡ་མཱ་ནོ ན ཀུ་པྤ་ཏི ན བྱཱ་པ་ཛྫ་ཏི ན པ་ཏི་ཊྛི་ཡ་ཏི ན ཀོ་པ་ཉྩ དོ་ས་ཉྩ ཨ་པྤ་ཙྩ་ཡ་ཉྩ པཱ་ཏུ་ཀ་རོ་ཏི. ཨ་ཀཱ་ར་ཀོ་མྷཱི་ཏི མུ་ནི ཨི་མེ་ཧི དྭཱི་ཧི ཀཱ་ར་ཎེ་ཧི ཝཱ་དཾ ན ཨུ་པེ་ཏི ན ཨུ་པ་ག་ཙྪ་ཏི ན ག་ཎྷཱ་ཏི ན པ་རཱ་མ་ས་ཏི ན ཨ་བྷི་ནི་ཝི་ས་ཏཱི་ཏི – ཝཱ་ད་ཉྩ ཛཱ་ཏཾ མུ་ནི ནོ ཨུ་པེ་ཏི.
ཏ་སྨཱ མུ་ནཱི ན་ཏྠི ཁི་ལོ ཀུ་ཧི་ཉྩཱིཏི. ཏ་སྨཱཏི ཏ་སྨཱ ཏཾ་ཀཱ་ར་ཎཱ ཏཾ་ཧེ་ཏུ ཏ་པྤ་ཙྩ་ཡཱ ཏཾ་ནི་དཱ་ནཾ མུ་ནི་ནོ ཨཱ་ཧ་ཏ་ཙི་ཏྟ་ཏཱ ཁི་ལ་ཛཱ་ཏ་ཏཱ་པི ན་ཏྠི. པ་ཉྩ་པི ཙེ་ཏོ་ཁི་ལཱ ན་ཏྠི, ཏ་ཡོ་པི ཁི་ལཱ ན་ཏྠི. རཱ་ག་ཁི་ལོ དོ་ས་ཁི་ལོ མོ་ཧ་ཁི་ལོ ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནོ ས་མུ་ཙྪི་ནྣོ ཝཱུ་པ་ས་ནྟོ པ་ཊི་པ་སྶ་དྡྷོ ཨ་བྷ་བྦུ་པྤ་ཏྟི་ཀོ ཉཱ་ཎ་གྒི་ནཱ ད་ཌྜྷོ. ཀུ་ཧི་ཉྩཱིཏི ཀུ་ཧི་ཉྩི ཀི་མྷི་ཙི ཀ་ཏྠ་ཙི ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨ་ཛ྄ཛྷ་ཏྟ་བ་ཧི་དྡྷཱ ཝཱ་ཏི – ཏ་སྨཱ མུ་ནཱི ན་ཏྠི ཁི་ལོ ཀུ་ཧི་ཉྩཱི་ཏི.
ཏེ་ནཱ་ཧ བྷ་ག་ཝཱ –
‘‘ཝ་ད་ནྟི ཝེ དུ་ཊྛ་མ་ནཱ་པི ཨེ་ཀེ, ཨ་ཐོ་པི ཝེ ས་ཙྩ་མ་ནཱ ཝ་ད་ནྟི;
ཝཱ་ད་ཉྩ ཛཱ་ཏཾ མུ་ནི ནོ ཨུ་པེ་ཏི, ཏ་སྨཱ མུ་ནཱི ན་ཏྠི ཁི་ལོ ཀུ་ཧི་ཉྩཱི’’ཏི.
༡༦. ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ, ཚ་ནྡཱ་ནུ་ནཱི་ཏོ རུ་ཙི་ཡཱ ནི་ཝི་ཊྛོ;
ས་ཡཾ ས་མ་ཏྟཱ་ནི པ་ཀུ་བྦ་མཱ་ནོ, ཡ་ཐཱ ཧི ཛཱ་ནེ་ཡྻ ཏ་ཐཱ ཝ་དེ་ཡྻ.
ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻཱཏི. ཡཾ ཏེ ཏི་ཏྠི་ཡཱ སུ་ནྡ་རི་པ་རི་བྦཱ་ཛི་ཀཾ ཧ་ནྟྭཱ ས་མ་ཎཱ་ནཾ ས་ཀྱ་པུ་ཏྟི་ཡཱ་ནཾ ཨ་ཝ་ཎྞཾ པ་ཀཱ་ས་ཡི་ཏྭཱ ‘‘ཨེ་ཝཾ ཨེ་ཏཾ ལཱ་བྷཾ ཡ་ས་ས་ཀྐཱ་རཾ ས་མྨཱ་ནཾ པ་ཙྩཱ་ཧ་རི་སྶཱ་མཱ’’ཏི ཏེ ཨེ་ཝཾ་དི་ཊྛི་ཀཱ ཨེ་ཝཾ་ཁ་ནྟི་ཀཱ ཨེ་ཝཾ་རུ་ཙི་ཀཱ ཨེ་ཝཾ་ལ་དྡྷི་ཀཱ ཨེ་ཝཾ་ཨ་ཛ྄ཛྷཱ་ས་ཡཱ ཨེ་ཝཾ་ཨ་དྷི་པྤཱ་ཡཱ, ཏེ ནཱ་ས་ཀྑིཾ་སུ ས་ཀཾ དི་ཊྛིཾ ས་ཀཾ ཁ་ནྟིཾ ས་ཀཾ རུ་ཙིཾ ས་ཀཾ ལ་དྡྷིཾ ས་ཀཾ ཨ་ཛ྄ཛྷཱ་ས་ཡཾ ས་ཀཾ ཨ་དྷི་པྤཱ་ཡཾ ཨ་ཏི་ཀྐ་མི་ཏུཾ; ཨ་ཐ ཁོ སྭེ་ཝ ཨ་ཡ་སོ ཏེ པ་ཙྩཱ་ག་ཏོ་ཏི, ཨེ་ཝ་མྤི – ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ. ཨ་ཐ ཝཱ ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཡོ སོ ཨེ་ཝཾ་ཝཱ་དོ, སོ ས་ཀཾ དི་ཊྛིཾ ས་ཀཾ ཁ་ནྟིཾ ས་ཀཾ རུ་ཙིཾ ས་ཀཾ ལ་དྡྷིཾ ས་ཀཾ ཨ་ཛ྄ཛྷཱ་ས་ཡཾ ས་ཀཾ ཨ་དྷི་པྤཱ་ཡཾ ཀ་ཐཾ ཨ་ཙྩ་ཡེ་ཡྻ ཨ་ཏི་ཀྐ་མེ་ཡྻ ས་མ་ཏི་ཀྐ་མེ་ཡྻ ཝཱི་ཏི་ཝ་ཏྟེ་ཡྻ? ཏཾ ཀི་སྶ ཧེ་ཏུ? ཏ་སྶ སཱ དི་ཊྛི ཏ་ཐཱ ས་མ་ཏྟཱ ས་མཱ་དི་ནྣཱ ག་ཧི་ཏཱ པ་རཱ་མ་ཊྛཱ ཨ་བྷི་ནི་ཝི་ཊྛཱ ཨ་ཛ྄ཛྷོ་སི་ཏཱ ཨ་དྷི་མུ་ཏྟཱ་ཏི. ཨེ་ཝ་མྤི – ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ? ‘‘ཨ་ས་སྶ་ཏོ ལོ་ཀོ…པེ… ཨ་ནྟ་ཝཱ ལོ་ཀོ… ཨ་ན་ནྟ་ཝཱ ལོ་ཀོ… ཏཾ ཛཱི་ཝཾ ཏཾ ས་རཱི་རཾ… ཨ་ཉྙཾ ཛཱི་ཝཾ ཨ་ཉྙཾ ས་རཱི་རཾ… ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཡོ སོ ཨེ་ཝཾ ཝཱ་དོ, སོ ས་ཀཾ དི་ཊྛིཾ ས་ཀཾ ཁ་ནྟིཾ ས་ཀཾ རུ་ཙིཾ ས་ཀཾ ལ་དྡྷིཾ ས་ཀཾ ཨ་ཛ྄ཛྷཱ་ས་ཡཾ ས་ཀཾ ཨ་དྷི་པྤཱ་ཡཾ ཀ་ཐཾ ཨ་ཙྩ་ཡེ་ཡྻ ཨ་ཏི་ཀྐ་མེ་ཡྻ ས་མ་ཏི་ཀྐ་མེ་ཡྻ ཝཱི་ཏི་ཝ་ཏྟེ་ཡྻ? ཏཾ ཀི་སྶ ཧེ་ཏུ? ཏ་སྶ སཱ དི་ཊྛི ཏ་ཐཱ ས་མ་ཏྟཱ ས་མཱ་དི་ནྣཱ ག་ཧི་ཏཱ པ་རཱ་མ་ཊྛཱ ཨ་བྷི་ནི་ཝི་ཊྛཱ ཨ་ཛ྄ཛྷོ་སི་ཏཱ ཨ་དྷི་མུ་ཏྟཱ་ཏི. ཨེ་ཝ་མྤི – ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ.
ཚ་ནྡཱ་ནུ་ནཱི་ཏོ རུ་ཙི་ཡཱ ནི་ཝི་ཊྛོཏི. ཚ་ནྡཱ་ནུ་ནཱི་ཏོཏི ས་ཀཱ་ཡ དི་ཊྛི་ཡཱ ས་ཀཱ་ཡ ཁ་ནྟི་ཡཱ ས་ཀཱ་ཡ རུ་ཙི་ཡཱ ས་ཀཱ་ཡ ལ་དྡྷི་ཡཱ ཡཱ་ཡ་ཏི ནི་ཡྻ་ཏི ཝུ་ཡ྄ཧ་ཏི སཾ་ཧ་རཱི་ཡ་ཏི. ཡ་ཐཱ ཧ་ཏྠི་ཡཱ་ནེ་ན ཝཱ ཨ་སྶ་ཡཱ་ནེ་ན ཝཱ ར་ཐ་ཡཱ་ནེ་ན ཝཱ གོ་ཡཱ་ནེ་ན ཝཱ ཨ་ཛ་ཡཱ་ནེ་ན ཝཱ མེ་ཎྜ་ཡཱ་ནེ་ན ཝཱ ཨོ་ཊྛ་ཡཱ་ནེ་ན ཝཱ ཁ་ར་ཡཱ་ནེ་ན ཝཱ ཡཱ་ཡ་ཏི ནི་ཡྻ་ཏི ཝུ་ཡ྄ཧ་ཏི སཾ་ཧ་རཱི་ཡ་ཏི, ཨེ་ཝ་མེ་ཝ ས་ཀཱ་ཡ དི་ཊྛི་ཡཱ ས་ཀཱ་ཡ ཁ་ནྟི་ཡཱ ས་ཀཱ་ཡ རུ་ཙི་ཡཱ ས་ཀཱ་ཡ ལ་དྡྷི་ཡཱ ཡཱ་ཡ་ཏི ནི་ཡྻ་ཏི ཝུ་ཡ྄ཧ་ཏི སཾ་ཧ་རཱི་ཡ་ཏཱི་ཏི – ཚ་ནྡཱ་ནུ་ནཱི་ཏོ. རུ་ཙི་ཡཱ ནི་ཝི་ཊྛོཏི ས་ཀཱ་ཡ དི་ཊྛི་ཡཱ ས་ཀཱ་ཡ རུ་ཙི་ཡཱ ས་ཀཱ་ཡ ལ་དྡྷི་ཡཱ ནི་ཝི་ཊྛོ པ་ཏི་ཊྛི་ཏོ ཨ་ལླཱི་ནོ ཨུ་པ་ག་ཏོ ཨ་ཛ྄ཛྷོ་སི་ཏོ ཨ་དྷི་མུ་ཏྟོ་ཏི – ཚ་ནྡཱ་ནུ་ནཱི་ཏོ རུ་ཙི་ཡཱ ནི་ཝི་ཊྛོ.
ས་ཡཾ ས་མ་ཏྟཱ་ནི པ་ཀུ་བྦ་མཱ་ནོཏི. ས་ཡཾ ས་མ་ཏྟཾ ཀ་རོ་ཏི པ་རི་པུ་ཎྞཾ ཀ་རོ་ཏི ཨ་ནོ་མཾ ཀ་རོ་ཏི ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་རཾ ཀ་རོ་ཏི. ‘‘ཨ་ཡཾ ས་ཏྠཱ ས་བྦ་ཉྙཱུ’’ཏི ས་ཡཾ ས་མ་ཏྟཾ ཀ་རོ་ཏི པ་རི་པུ་ཎྞཾ ཀ་རོ་ཏི ཨ་ནོ་མཾ ཀ་རོ་ཏི ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་རཾ ཀ་རོ་ཏི. ‘‘ཨ་ཡཾ དྷ་མྨོ སྭཱ་ཀྑཱ་ཏོ…པེ… ཨ་ཡཾ ག་ཎོ སུ་པྤ་ཊི་པ་ནྣོ… ཨ་ཡཾ དི་ཊྛི བྷ་དྡི་ཀཱ… ཨ་ཡཾ པ་ཊི་པ་དཱ སུ་པ་ཉྙ་ཏྟཱ… ཨ་ཡཾ མ་གྒོ ནི་ཡྻཱ་ནི་ཀོ’’ཏི ས་ཡཾ ས་མ་ཏྟཾ ཀ་རོ་ཏི པ་རི་པུ་ཎྞཾ ཀ་རོ་ཏི ཨ་ནོ་མཾ ཀ་རོ་ཏི ཨ་གྒཾ སེ་ཊྛཾ ཝི་སི་ཊྛཾ པཱ་མོ་ཀྑཾ ཨུ་ཏྟ་མཾ པ་ཝ་རཾ ཀ་རོ་ཏི ཛ་ནེ་ཏི ས་ཉྫ་ནེ་ཏི ནི་བྦ་ཏྟེ་ཏི ཨ་བྷི་ནི་བྦ་ཏྟེ་ཏཱི་ཏི – ས་ཡཾ ས་མ་ཏྟཱ་ནི པ་ཀུ་བྦ་མཱ་ནོ.
ཡ་ཐཱ ཧི ཛཱ་ནེ་ཡྻ ཏ་ཐཱ ཝ་དེ་ཡྻཱཏི ཡ་ཐཱ ཛཱ་ནེ་ཡྻ, ཏ་ཐཱ ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻ. ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཡ་ཐཱ ཛཱ་ནེ་ཡྻ, ཏ་ཐཱ ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻ. ‘‘ཨ་ས་སྶ་ཏོ ལོ་ཀོ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཡ་ཐཱ ཛཱ་ནེ་ཡྻ, ཏ་ཐཱ ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻཱ་ཏི – ཡ་ཐཱ ཧི ཛཱ་ནེ་ཡྻ ཏ་ཐཱ ཝ་དེ་ཡྻ.
ཏེ་ནཱ་ཧ བྷ་ག་ཝཱ –
‘‘ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ, ཚ་ནྡཱ་ནུ་ནཱི་ཏོ རུ་ཙི་ཡཱ ནི་ཝི་ཊྛོ;
ས་ཡཾ ས་མ་ཏྟཱ་ནི པ་ཀུ་བྦ་མཱ་ནོ, ཡ་ཐཱ ཧི ཛཱ་ནེ་ཡྻ ཏ་ཐཱ ཝ་དེ་ཡྻཱ’’ཏི.
༡༧. ཡོ ཨ་ཏྟ་ནོ སཱི་ལ་ཝ་ཏཱ་ནི ཛ་ནྟུ, ཨ་ནཱ་ནུ་པུ་ཊྛོ་ཝ [ཨ་ནཱ་ནུ་པུ་ཊྛོ ཙ (སྱཱ.)] པ་རེ་ས པཱ་ཝ པཱ་ཝཱ (སཱི. སྱཱ.) ;
ཨ་ན་རི་ཡ་དྷ་མྨཾ ཀུ་ས་ལཱ ཏ་མཱ་ཧུ, ཡོ ཨཱ་ཏུ་མཱ་ནཾ ས་ཡ་མེ་ཝ པཱ་ཝ [པཱ་ཝཱ (སཱི. སྱཱ.)] .
ཡོ ཨ་ཏྟ་ནོ སཱི་ལ་ཝ་ཏཱ་ནི ཛ་ནྟཱུཏི. ཡོཏི ཡོ ཡཱ་དི་སོ ཡ་ཐཱ་ཡུ་ཏྟོ ཡ་ཐཱ་ཝི་ཧི་ཏོ ཡ་ཐཱ་པ་ཀཱ་རོ ཡཾ་ཋཱ་ན་པྤ་ཏྟོ ཡཾ་དྷ་མྨ་ས་མ་ནྣཱ་ག་ཏོ ཁ་ཏྟི་ཡོ ཝཱ བྲཱ་ཧྨ་ཎོ ཝཱ ཝེ་སྶོ ཝཱ སུ་དྡོ ཝཱ ག་ཧ་ཊྛོ ཝཱ པ་བྦ་ཛི་ཏོ ཝཱ དེ་ཝོ ཝཱ མ་ནུ་སྶོ ཝཱ. སཱི་ལ་ཝ་ཏཱ་ནཱིཏི ཨ་ཏྠི སཱི་ལ་ཉྩེ་ཝ ཝ་ཏ་ཉྩ [ཝ་ཏྟ་ཉྩ (སྱཱ.), ཨེ་ཝ་མུ་པ་རི་པི], ཨ་ཏྠི ཝ་ཏཾ ན སཱི་ལཾ. ཀ་ཏ་མཾ སཱི་ལ་ཉྩེ་ཝ ཝ་ཏ་ཉྩ? ཨི་དྷ བྷི་ཀྑུ སཱི་ལ་ཝཱ ཧོ་ཏི, པཱ་ཏི་མོ་ཀྑ་སཾ་ཝ་ར་སཾ་ཝུ་ཏོ ཝི་ཧ་ར་ཏི ཨཱ་ཙཱ་ར་གོ་ཙ་ར་ས་མྤ་ནྣོ ཨ་ཎུ་མ་ཏྟེ་སུ ཝ་ཛྫེ་སུ བྷ་ཡ་ད་སྶཱ་ཝཱི, ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ. ཡོ ཏ་ཏྠ སཾ་ཡ་མོ སཾ་ཝ་རོ ཨ་ཝཱི་ཏི་ཀྐ་མོ, ཨི་དཾ སཱི་ལཾ. ཡཾ ས་མཱ་དཱ་ནཾ ཏཾ ཝ་ཏཾ. སཾ་ཝ་ར་ཊྛེ་ན སཱི་ལཾ; ས་མཱ་དཱ་ན་ཊྛེ་ན ཝ་ཏཾ – ཨི་དཾ ཝུ་ཙྩ་ཏི སཱི་ལ་ཉྩེ་ཝ ཝ་ཏ་ཉྩ. ཀ་ཏ་མཾ ཝ་ཏཾ, ན སཱི་ལཾ? ཨ་ཊྛ དྷུ་ཏ་ངྒཱ་ནི – ཨཱ་ར་ཉྙི་ཀ་ངྒཾ, པི་ཎྜ་པཱ་ཏི་ཀ་ངྒཾ, པཾ་སུ་ཀཱུ་ལི་ཀ་ངྒཾ, ཏེ་ཙཱི་ཝ་རི་ཀ་ངྒཾ, ས་པ་དཱ་ན་ཙཱ་རི་ཀ་ངྒཾ, ཁ་ལུ་པ་ཙྪཱ་བྷ་ཏྟི་ཀ་ངྒཾ, ནེ་ས་ཛྫི་ཀ་ངྒཾ, ཡ་ཐཱ་ས་ནྠ་ཏི་ཀ་ངྒཾ – ཨི་དཾ ཝུ་ཙྩ་ཏི ཝ་ཏཾ, ན སཱི་ལཾ. ཝཱི་རི་ཡ་ས་མཱ་དཱ་ན་མྤི ཝུ་ཙྩ་ཏི ཝ་ཏཾ, ན སཱི་ལཾ. ‘‘ཀཱ་མཾ ཏ་ཙོ ཙ ནྷཱ་རུ [ན་ཧཱ་རུ (སཱི. སྱཱ.)] ཙ ཨ་ཊྛི ཙ ཨ་ཝ་སི་སྶ་ཏུ [ཨ་ཝ་སུ་སྶ་ཏུ (སྱཱ.)], ས་རཱི་རེ ཨུ་པ་སྶུ་སྶ་ཏུ མཾ་ས་ལོ་ཧི་ཏཾ. ཡཾ ཏཾ པུ་རི་ས་ཐཱ་མེ་ན པུ་རི་ས་བ་ལེ་ན པུ་རི་ས་ཝཱི་རི་ཡེ་ན པུ་རི་ས་པ་ར་ཀྐ་མེ་ན པ་ཏྟ་བྦཾ, ན ཏཾ ཨ་པཱ་པུ་ཎི་ཏྭཱ ཝཱི་རི་ཡ་སྶ ས་ཎྛཱ་ནཾ བྷ་ཝི་སྶ་ཏཱི’’ཏི – ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པཾ ཝཱི་རི་ཡ་ས་མཱ་དཱ་ནཾ – ཨི་དཾ ཝུ་ཙྩ་ཏི ཝ་ཏཾ, ན སཱི་ལཾ.
‘‘ནཱ་སི་སྶཾ ན པི་ཝི་སྶཱ་མི, ཝི་ཧཱ་ར་ཏོ ན ནི་ཀྑ་མེ;
ན་པི པ་སྶཾ ནི་པཱ་ཏེ་སྶཾ, ཏ་ཎྷཱ་ས་ལླེ ཨ་ནཱུ་ཧ་ཏེ’’ཏི.
ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པ་མྤི ཝཱི་རི་ཡ་ས་མཱ་དཱ་ནཾ ཝུ་ཙྩ་ཏི ཝ་ཏཾ, ན སཱི་ལཾ. ‘‘ན ཏཱ་ཝཱ་ཧཾ ཨི་མཾ པ་ལླ་ངྐཾ བྷི་ནྡི་སྶཱ་མི ཡཱ་ཝ མེ ན ཨ་ནུ་པཱ་དཱ་ཡ ཨཱ་ས་ཝེ་ཧི ཙི་ཏྟཾ ཝི་མུ་ཙྩི་སྶ་ཏཱི’’ཏི – ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པ་མྤི ཝཱི་རི་ཡ་ས་མཱ་དཱ་ནཾ ཝུ་ཙྩ་ཏི ཝ་ཏཾ, ན སཱི་ལཾ. ‘‘ན ཏཱ་ཝཱ་ཧཾ ཨི་མ་མྷཱ ཨཱ་ས་ནཱ ཝུ་ཊྛ་ཧི་སྶཱ་མི, ཙ་ངྐ་མཱ ཨོ་རོ་ཧི་སྶཱ་མི, ཝི་ཧཱ་རཱ ནི་ཀྑ་མི་སྶཱ་མི, ཨ་ཌྜྷ་ཡོ་གཱ ནི་ཀྑ་མི་སྶཱ་མི, པཱ་སཱ་དཱ ནི་ཀྑ་མི་སྶཱ་མི, ཧ་མྨི་ཡཱ ནི་ཀྑ་མི་སྶཱ་མི, གུ་ཧཱ་ཡ ནི་ཀྑ་མི་སྶཱ་མི, ལེ་ཎཱ ནི་ཀྑ་མི་སྶཱ་མི, ཀུ་ཊི་ཡཱ ནི་ཀྑ་མི་སྶཱ་མི, ཀཱུ་ཊཱ་གཱ་རཱ ནི་ཀྑ་མི་སྶཱ་མི, ཨ་ཊྚཱ ནི་ཀྑ་མི་སྶཱ་མི, མཱ་ལཱ༹ ནི་ཀྑ་མི་སྶཱ་མི, ཨུ་དྡ་ཎྜཱ [ཨུ་ཊྚ་ཎྜཱ (ཀ.)] ནི་ཀྑ་མི་སྶཱ་མི ཨུ་པ་ཊྛཱ་ན་སཱ་ལཱ་ཡ ནི་ཀྑ་མི་སྶཱ་མི མ་ཎྜ་པཱ ནི་ཀྑ་མི་སྶཱ་མི, རུ་ཀྑ་མཱུ་ལཱ ནི་ཀྑ་མི་སྶཱ་མི ཡཱ་ཝ མེ ན ཨ་ནུ་པཱ་དཱ་ཡ ཨཱ་ས་ཝེ་ཧི ཙི་ཏྟཾ ཝི་མུ་ཙྩི་སྶ་ཏཱི’’ཏི – ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པ་མྤི ཝཱི་རི་ཡ་ས་མཱ་དཱ་ནཾ ཝུ་ཙྩ་ཏི ཝ་ཏཾ, ན སཱི་ལཾ. ‘‘ཨི་མ་སྨི་ཉྙེ་ཝ པུ་བྦ་ཎྷ་ས་མ་ཡཾ ཨ་རི་ཡ་དྷ་མྨཾ ཨཱ་ཧ་རི་སྶཱ་མི ས་མཱ་ཧ་རི་སྶཱ་མི ཨ་དྷི་ག་ཙྪི་སྶཱ་མི ཕ་སྶ་ཡི་སྶཱ་མི ས་ཙྪི་ཀ་རི་སྶཱ་མཱི’’ཏི – ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པ་མྤི ཝཱི་རི་ཡ་ས་མཱ་དཱ་ནཾ ཝུ་ཙྩ་ཏི ཝ་ཏཾ, ན སཱི་ལཾ. ‘‘ཨི་མ་སྨི་ཉྙེ་ཝ མ་ཛ྄ཛྷ་ནྷི་ཀ་ས་མ་ཡཾ, སཱ་ཡ་ནྷ་ས་མ་ཡཾ, པུ་རེ་བྷ་ཏྟཾ, པ་ཙྪཱ་བྷ་ཏྟཾ, པུ་རི་མཾ ཡཱ་མཾ, མ་ཛ྄ཛྷི་མཾ ཡཱ་མཾ, པ་ཙྪི་མཾ ཡཱ་མཾ, ཀཱ་ལེ༹, ཛུ་ཎྷེ, ཝ་སྶེ, ཧེ་མ་ནྟེ, གི་མྷེ, པུ་རི་མེ ཝ་ཡོ་ཁ་ནྡྷེ, མ་ཛ྄ཛྷི་མེ ཝ་ཡོ་ཁ་ནྡྷེ, པ་ཙྪི་མེ ཝ་ཡོ་ཁ་ནྡྷེ ཨ་རི་ཡ་དྷ་མྨཾ ཨཱ་ཧ་རི་སྶཱ་མི ས་མཱ་ཧ་རི་སྶཱ་མི ཨ་དྷི་ག་ཙྪི་སྶཱ་མི ཕ་སྶ་ཡི་སྶཱ་མི ས་ཙྪི་ཀ་རི་སྶཱ་མཱི’’ཏི – ཙི་ཏྟཾ པ་གྒ་ཎྷཱ་ཏི པ་ད་ཧ་ཏི. ཨེ་ཝ་རཱུ་པ་མྤི ཝཱི་རི་ཡ་ས་མཱ་དཱ་ནཾ ཝུ་ཙྩ་ཏི ཝ་ཏཾ, ན སཱི་ལཾ. ཛ་ནྟཱུཏི ས་ཏྟོ ན་རོ མཱ་ན་ཝོ [མཱ་ཎ་ཝོ (ཀ.)] པོ་སོ པུ་གྒ་ལོ ཛཱི་ཝོ ཛཱ་གུ ཛ་ནྟུ ཨི་ནྡ་གུ མ་ནུ་ཛོ་ཏི – ཡོ ཨ་ཏྟ་ནོ སཱི་ལ་ཝ་ཏཱ་ནི ཛ་ནྟུ.
ཨ་ནཱ་ནུ་པུ་ཊྛོ་ཝ པ་རེ་ས པཱ་ཝཱཏི. པ་རེ་སནྟི པ་རེ་སཾ ཁ་ཏྟི་ཡཱ་ནཾ བྲཱ་ཧྨ་ཎཱ་ནཾ ཝེ་སྶཱ་ནཾ སུ་དྡཱ་ནཾ ག་ཧ་ཊྛཱ་ནཾ པ་བྦ་ཛི་ཏཱ་ནཾ དེ་ཝཱ་ནཾ མ་ནུ་སྶཱ་ནཾ. ཨ་ནཱ་ནུ་པུ་ཊྛོཏི ཨ་པུ་ཊྛོ ཨ་པུ་ཙྪི་ཏོ ཨ་ཡཱ་ཙི་ཏོ ཨ་ན་ཛ྄ཛྷེ་སི་ཏོ ཨ་པ་སཱ་དི་ཏོ. པཱ་ཝཱཏི ཨ་ཏྟ་ནོ སཱི་ལཾ ཝཱ ཝ་ཏཾ ཝཱ སཱི་ལ་བྦ་ཏཾ ཝཱ པཱ་ཝ་ད་ཏི. ཨ་ཧ་མ་སྨི སཱི་ལ་ས་མྤ་ནྣོ་ཏི ཝཱ, ཝ་ཏ་ས་མྤ་ནྣོ་ཏི ཝཱ, སཱི་ལ་བྦ་ཏ་ས་མྤ་ནྣོ་ཏི ཝཱ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན [ཝི་ཛྫ་ཊྛཱ་ནེ་ན (སྱཱ.)] ཝཱ སུ་ཏེ་ན ཝཱ པ་ཊི་བྷཱ་ནེ་ན [པ་ཊི་བྷཱ་ཎེ་ན (སཱི. སྱཱ. ཀ.)] ཝཱ ཨ་ཉྙ་ཏ་ར་ཉྙ་ཏ་རེ་ན ཝཱ ཝ་ཏྠུ་ནཱ, ཨུ་ཙྩཱ ཀུ་ལཱ པ་བྦ་ཛི་ཏོ་ཏི ཝཱ, མ་ཧཱ་ཀུ་ལཱ པ་བྦ་ཛི་ཏོ་ཏི ཝཱ, མ་ཧཱ་བྷོ་ག་ཀུ་ལཱ པ་བྦ་ཛི་ཏོ་ཏི ཝཱ, ཨུ་ལཱ༹་ར་བྷོ་ག་ཀུ་ལཱ པ་བྦ་ཛི་ཏོ་ཏི ཝཱ, ཉཱ་ཏོ ཡ་ས་སྶཱི ས་ག་ཧ་ཊྛ་པ་བྦ་ཛི་ཏཱ་ན་ནྟི ཝཱ, ལཱ་བྷི་མྷི ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ན’’ནྟི ཝཱ, སུ་ཏྟ་ནྟི་ཀོ་ཏི ཝཱ, ཝི་ན་ཡ་དྷ་རོ་ཏི ཝཱ, དྷ་མྨ་ཀ་ཐི་ཀོ་ཏི ཝཱ, ཨཱ་ར་ཉྙི་ཀོ་ཏི ཝཱ, པི་ཎྜ་པཱ་ཏི་ཀོ་ཏི ཝཱ, པཾ་སུ་ཀཱུ་ལི་ཀོ་ཏི ཝཱ, ཏེ་ཙཱི་ཝ་རི་ཀོ་ཏི ཝཱ, ས་པ་དཱ་ན་ཙཱ་རི་ཀོ་ཏི ཝཱ, ཁ་ལུ་པ་ཙྪཱ་བྷ་ཏྟི་ཀོ་ཏི ཝཱ, ནེ་ས་ཛྫི་ཀོ་ཏི ཝཱ, ཡ་ཐཱ་ས་ནྠ་ཏི་ཀོ་ཏི ཝཱ, པ་ཋ་མ་སྶ ཛྷཱ་ན་སྶ ལཱ་བྷཱི་ཏི ཝཱ, དུ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ, ཏ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ, ཙ་ཏུ་ཏྠ་སྶ ཛྷཱ་ན་སྶ ལཱ་བྷཱི་ཏི ཝཱ, ཨཱ་ཀཱ་སཱ་ན་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ཝི་ཉྙཱ་ཎ་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ པཱ་ཝ་ད་ཏི ཀ་ཐེ་ཏི བྷ་ཎ་ཏི དཱི་པ་ཡ་ཏི ཝོ་ཧ་ར་ཏཱི་ཏི – ཨ་ནཱ་ནུ་པུ་ཊྛོ་ཝ པ་རེ་སཾ པཱ་ཝ.
ཨ་ན་རི་ཡ་དྷ་མྨཾ ཀུ་ས་ལཱ ཏ་མཱ་ཧཱུཏི. ཀུ་ས་ལཱཏི ཡེ ཏེ ཁ་ནྡྷ་ཀུ་ས་ལཱ དྷཱ་ཏུ་ཀུ་ས་ལཱ ཨཱ་ཡ་ཏ་ན་ཀུ་ས་ལཱ པ་ཊི་ཙྩ་ས་མུ་པྤཱ་ད་ཀུ་ས་ལཱ ས་ཏི་པ་ཊྛཱ་ན་ཀུ་ས་ལཱ ས་མྨ་པྤ་དྷཱ་ན་ཀུ་ས་ལཱ ཨི་དྡྷི་པཱ་ད་ཀུ་ས་ལཱ ཨི་ནྡྲི་ཡ་ཀུ་ས་ལཱ བ་ལ་ཀུ་ས་ལཱ བོ་ཛ྄ཛྷ་ངྒ་ཀུ་ས་ལཱ མ་གྒ་ཀུ་ས་ལཱ ཕ་ལ་ཀུ་ས་ལཱ ནི་བྦཱ་ན་ཀུ་ས་ལཱ, ཏེ ཀུ་ས་ལཱ ཨེ་ཝ་མཱ་ཧཾ་སུ – ‘‘ཨ་ན་རི་ཡཱ་ནཾ ཨེ་སོ དྷ་མྨོ, ནེ་སོ དྷ་མྨོ ཨ་རི་ཡཱ་ནཾ; བཱ་ལཱ་ནཾ ཨེ་སོ དྷ་མྨོ, ནེ་སོ དྷ་མྨོ པ་ཎྜི་ཏཱ་ནཾ; ཨ་ས་པྤུ་རི་སཱ་ནཾ ཨེ་སོ དྷ་མྨོ, ནེ་སོ དྷ་མྨོ ས་པྤུ་རི་སཱ་ན’’ནྟི. ཨེ་ཝ་མཱ་ཧཾ་སུ ཨེ་ཝཾ ཀ་ཐེ་ནྟི ཨེ་ཝཾ བྷ་ཎ་ནྟི ཨེ་ཝཾ དཱི་པ་ཡ་ནྟི ཨེ་ཝཾ ཝོ་ཧ་ར་ནྟཱི་ཏི – ཨ་ན་རི་ཡ་དྷ་མྨཾ ཀུ་ས་ལཱ ཏ་མཱ་ཧུ.
ཡོ ཨཱ་ཏུ་མཱ་ནཾ ས་ཡ་མེ་ཝ པཱ་ཝཱཏི. ཨཱ་ཏུ་མཱ ཝུ་ཙྩ་ཏི ཨ་ཏྟཱ. ས་ཡ་མེ་ཝ པཱ་ཝཱཏི ས་ཡ་མེ་ཝ ཨ་ཏྟཱ་ནཾ པཱ་ཝ་ད་ཏི – ‘‘ཨ་ཧ་མ་སྨི སཱི་ལ་ས་མྤ་ནྣོ་ཏི ཝཱ, ཝ་ཏ་ས་མྤ་ནྣོ་ཏི ཝཱ, སཱི་ལ་བྦ་ཏ་ས་མྤ་ནྣོ་ཏི ཝཱ, ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝཱ ཝ་ཏྠུ་ནཱ, ཨུ་ཙྩཱ ཀུ་ལཱ པ་བྦ་ཛི་ཏོ་ཏི ཝཱ, མ་ཧཱ་ཀུ་ལཱ པ་བྦ་ཛི་ཏོ་ཏི ཝཱ, མ་ཧཱ་བྷོ་ག་ཀུ་ལཱ པ་བྦ་ཛི་ཏོ་ཏི ཝཱ, ཨུ་ལཱ༹་ར་བྷོ་ག་ཀུ་ལཱ པ་བྦ་ཛི་ཏོ་ཏི ཝཱ, ཉཱ་ཏོ ཡ་ས་སྶཱི ས་ག་ཧ་ཊྛ་པ་བྦ་ཛི་ཏཱ་ན་ནྟི ཝཱ, ལཱ་བྷི་མྷི ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ན་ནྟི ཝཱ, སུ་ཏྟ་ནྟི་ཀོ་ཏི ཝཱ, ཝི་ན་ཡ་དྷ་རོ་ཏི ཝཱ, དྷ་མྨ་ཀ་ཐི་ཀོ་ཏི ཝཱ, ཨཱ་ར་ཉྙི་ཀོ་ཏི ཝཱ, པི་ཎྜ་པཱ་ཏི་ཀོ་ཏི ཝཱ, པཾ་སུ་ཀཱུ་ལི་ཀོ་ཏི ཝཱ, ཏེ་ཙཱི་ཝ་རི་ཀོ་ཏི ཝཱ, ས་པ་དཱ་ན་ཙཱ་རི་ཀོ་ཏི ཝཱ, ཁ་ལུ་པ་ཙྪཱ་བྷ་ཏྟི་ཀོ་ཏི ཝཱ, ནེ་ས་ཛྫི་ཀོ་ཏི ཝཱ, ཡ་ཐཱ་ས་ནྠ་ཏི་ཀོ་ཏི ཝཱ, པ་ཋ་མ་སྶ ཛྷཱ་ན་སྶ ལཱ་བྷཱི་ཏི ཝཱ, དུ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ, ཏ་ཏི་ཡ་སྶ ཛྷཱ་ན་སྶ ལཱ་བྷཱི་ཏི ཝཱ, ཙ་ཏུ་ཏྠ་སྶ ཛྷཱ་ན་སྶ ལཱ་བྷཱི་ཏི ཝཱ, ཨཱ་ཀཱ་སཱ་ན་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ཝི་ཉྙཱ་ཎ་ཉྩཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ,
ཝི་བྷ་ཝ་ཉྩ བྷ་ཝ་ཉྩ ཝི་པྤ་ཧཱ་ཡ, ཝུ་སི་ཏ་ཝཱ ཁཱི་ཎ་པུ་ན་བྦྷ་ཝོ ས བྷི་ཀྑཱུ’’ཏི.
ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ’’ པཱ་ཝ་ད་ཏི ཀ་ཐེ་ཏི བྷ་ཎ་ཏི དཱི་པ་ཡ་ཏི ཝོ་ཧ་ར་ཏཱི་ཏི – ཡོ ཨཱ་ཏུ་མཱ་ནཾ ས་ཡ་མེ་ཝ པཱ་ཝཱ་ཏི.
ཏེ་ནཱ་ཧ བྷ་ག་ཝཱ –
‘‘ཡོ ཨ་ཏྟ་ནོ སཱི་ལ་ཝ་ཏཱ་ནི ཛ་ནྟུ, ཨ་ནཱ་ནུ་པུ་ཊྛོ་ཝ པ་རེ་ས པཱ་ཝ;
ཨ་ན་རི་ཡ་དྷ་མྨཾ ཀུ་ས་ལཱ ཏ་མཱ་ཧུ, ཡོ ཨཱ་ཏུ་མཱ་ནཾ ས་ཡ་མེ་ཝ པཱ་ཝཱ’’ཏི.
༡༨. ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོ,ཨི་ཏི་ཧ་ནྟི སཱི་ལེ་སུ ཨ་ཀ་ཏྠ་མཱ་ནོ;
ཏ་མ་རི་ཡ་དྷ་མྨཾ ཀུ་ས་ལཱ ཝ་ད་ནྟི, ཡ་སྶུ་སྶ་དཱ ན་ཏྠི ཀུ་ཧི་ཉྩི ལོ་ཀེ.
ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོཏི. ས་ནྟོཏི རཱ་ག་སྶ ས་མི་ཏ་ཏྟཱ ས་ནྟོ, དོ་ས་སྶ ས་མི་ཏ་ཏྟཱ ས་ནྟོ, མོ་ཧ་སྶ ས་མི་ཏ་ཏྟཱ ས་ནྟོ, ཀོ་དྷ་སྶ…པེ… ཨུ་པ་ནཱ་ཧ་སྶ… མ་ཀྑ་སྶ… པ་ལཱ༹་ས་སྶ [པ་ལཱ་ས་སྶ (སཱི. ཀ.)] … ཨི་སྶཱ་ཡ… མ་ཙྪ་རི་ཡ་སྶ… མཱ་ཡཱ་ཡ… སཱ་ཋེ་ཡྻ་སྶ… ཐ་མྦྷ་སྶ… སཱ་ར་མྦྷ་སྶ… མཱ་ན་སྶ… ཨ་ཏི་མཱ་ན་སྶ… མ་ད་སྶ… པ་མཱ་ད་སྶ… ས་བྦ་ཀི་ལེ་སཱ་ནཾ… ས་བྦ་དུ་ཙྩ་རི་ཏཱ་ནཾ… ས་བྦ་ད་ར་ཐཱ་ནཾ… ས་བྦ་པ་རི་ལཱ༹་ཧཱ་ནཾ… ས་བྦ་ས་ནྟཱ་པཱ་ནཾ… ས་བྦཱ་ཀུ་ས་ལཱ་བྷི་ས་ངྑཱ་རཱ་ནཾ ས་ནྟ་ཏྟཱ ས་མི་ཏ་ཏྟཱ ཝཱུ་པ་ས་མི་ཏ་ཏྟཱ ཝི་ཛ྄ཛྷཱ་ཏ་ཏྟཱ ནི་བྦུ་ཏ་ཏྟཱ ཝི་ག་ཏ་ཏྟཱ པ་ཊི་པ་སྶ་དྡྷ་ཏྟཱ ས་ནྟོ ཨུ་པ་ས་ནྟོ ཝཱུ་པ་ས་ནྟོ ནི་བྦུ་ཏོ པ་ཊི་པ་སྶ་དྡྷོ་ཏི – ས་ནྟོ. བྷི་ཀྑཱུཏི ས་ཏྟ་ནྣཾ དྷ་མྨཱ་ནཾ བྷི་ནྣ་ཏྟཱ བྷི་ཀྑུ – ས་ཀྐཱ་ཡ་དི་ཊྛི བྷི་ནྣཱ ཧོ་ཏི, ཝི་ཙི་ཀི་ཙྪཱ བྷི་ནྣཱ ཧོ་ཏི, སཱི་ལ་བྦ་ཏ་པ་རཱ་མཱ་སོ བྷི་ནྣོ ཧོ་ཏི, རཱ་གོ བྷི་ནྣོ ཧོ་ཏི, དོ་སོ བྷི་ནྣོ ཧོ་ཏི, མོ་ཧོ བྷི་ནྣོ ཧོ་ཏི, མཱ་ནོ བྷི་ནྣོ ཧོ་ཏི. བྷི་ནྣཱ་སྶ ཧོ་ནྟི པཱ་པ་ཀཱ ཨ་ཀུ་ས་ལཱ དྷ་མྨཱ སཾ་ཀི་ལེ་སི་ཀཱ པོ་ནོ་བྷ་ཝི་ཀཱ [པོ་ནོ་བྦྷ་ཝི་ཀཱ (སྱཱ. ཀ.)] ས་ད་རཱ དུ་ཀྑ་ཝི་པཱ་ཀཱ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎི་ཡཱ.
‘‘པ་ཛྫེ་ན ཀ་ཏེ་ན ཨ་ཏྟ་ནཱ, [ས་བྷི་ཡཱ་ཏི བྷ་ག་ཝཱ]
པ་རི་ནི་བྦཱ་ན་ག་ཏོ ཝི་ཏི་ཎྞ་ཀ་ངྑོ;
ཝི་བྷ་ཝ་ཉྩ [ཝི་བྷ་ཝཾ (སཱི. ཀ.) སུ. ནི. ༥༡༩] བྷ་ཝ་ཉྩ ཝི་པྤ་ཧཱ་ཡ,
ཝུ་སི་ཏ་ཝཱ ཁཱི་ཎ་པུ་ན་བྦྷ་ཝོ ས བྷི་ཀྑཱུ’’ཏི.
ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོཏི རཱ་ག་སྶ ནི་བྦཱ་པི་ཏ་ཏྟཱ ཨ་བྷི་ནི་བྦུ་ཏ་ཏྟོ, དོ་ས་སྶ ནི་བྦཱ་པི་ཏ་ཏྟཱ ཨ་བྷི་ནི་བྦུ་ཏ་ཏྟོ, མོ་ཧ་སྶ ནི་བྦཱ་པི་ཏ་ཏྟཱ ཨ་བྷི་ནི་བྦུ་ཏ་ཏྟོ, ཀོ་དྷ་སྶ…པེ… ཨུ་པ་ནཱ་ཧ་སྶ… མ་ཀྑ་སྶ… པ་ལཱ༹་ས་སྶ… ཨི་སྶཱ་ཡ… མ་ཙྪ་རི་ཡ་སྶ… མཱ་ཡཱ་ཡ… སཱ་ཋེ་ཡྻ་སྶ… ཐ་མྦྷ་སྶ… སཱ་ར་མྦྷ་སྶ… མཱ་ན་སྶ… ཨ་ཏི་མཱ་ན་སྶ… མ་ད་སྶ… པ་མཱ་ད་སྶ… ས་བྦ་ཀི་ལེ་སཱ་ནཾ… ས་བྦ་དུ་ཙྩ་རི་ཏཱ་ནཾ… ས་བྦ་ད་ར་ཐཱ་ནཾ… ས་བྦ་པ་རི་ལཱ༹་ཧཱ་ནཾ… ས་བྦ་ས་ནྟཱ་པཱ་ནཾ… ས་བྦཱ་ཀུ་ས་ལཱ་བྷི་ས་ངྑཱ་རཱ་ནཾ ནི་བྦཱ་པི་ཏ་ཏྟཱ ཨ་བྷི་ནི་བྦུ་ཏ་ཏྟོ་ཏི – ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོ.
ཨི་ཏི་ཧ་ནྟི སཱི་ལེ་སུ ཨ་ཀ་ཏྠ་མཱ་ནོཏི. ཨི་ཏི་ཧནྟི པ་ད་ས་ནྡྷི པ་ད་སཾ་ས་གྒོ པ་ད་པཱ་རི་པཱུ་རཱི ཨ་ཀྑ་ར་ས་མ་ཝཱ་ཡོ བྱ་ཉྫ་ན་སི་ལི་ཊྛ་ཏཱ པ་དཱ་ནུ་པུ་བྦ་ཏཱ་པེ་ཏཾ [པ་དཱ་ནུ་པུ་བྦ་ཏཱ མེ་ཏཾ (སྱཱ. ཀ.)] – ཨི་ཏི་ཧ་ནྟི. སཱི་ལེ་སུ ཨ་ཀ་ཏྠ་མཱ་ནོཏི. ཨི་དྷེ་ཀ་ཙྩོ ཀ་ཏྠཱི ཧོ་ཏི ཝི་ཀ་ཏྠཱི. སོ ཀ་ཏྠ་ཏི ཝི་ཀ་ཏྠ་ཏི. ཨ་ཧ་མ་སྨི སཱི་ལ་ས་མྤ་ནྣོ་ཏི ཝཱ, ཝ་ཏ་ས་མྤ་ནྣོ་ཏི ཝཱ, སཱི་ལ་བྦ་ཏ་ས་མྤ་ནྣོ་ཏི ཝཱ, ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ…པེ… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ ལཱ་བྷཱི་ཏི ཝཱ ཀ་ཏྠ་ཏི ཝི་ཀ་ཏྠ་ཏི. ཨེ་ཝཾ ན ཀ་ཏྠ་ཏི ན ཝི་ཀ་ཏྠ་ཏི. ཀ་ཏྠ་ནཱ ཨཱ་ར་ཏོ ཝི་ར་ཏོ པ་ཊི་ཝི་ར་ཏོ ནི་ཀྑ་ནྟོ ནི་སྶ་ཊོ ཝི་པྤ་མུ་ཏྟོ ཝི་ས་ཉྙུ་ཏྟོ ཝི་མ་རི་ཡཱ་དི་ཀ་ཏེ་ན ཙེ་ཏ་སཱ ཝི་ཧ་ར་ཏཱི་ཏི – ཨི་ཏི་ཧ་ནྟི སཱི་ལེ་སུ ཨ་ཀ་ཏྠ་མཱ་ནོ.
ཏ་མ་རི་ཡ་དྷ་མྨཾ ཀུ་ས་ལཱ ཝ་ད་ནྟཱིཏི. ཀུ་ས་ལཱཏི ཡེ ཏེ ཁ་ནྡྷ་ཀུ་ས་ལཱ དྷཱ་ཏུ་ཀུ་ས་ལཱ ཨཱ་ཡ་ཏ་ན་ཀུ་ས་ལཱ པ་ཊི་ཙྩ་ས་མུ་པྤཱ་ད་ཀུ་ས་ལཱ ས་ཏི་པ་ཊྛཱ་ན་ཀུ་ས་ལཱ ས་མྨ་པྤ་དྷཱ་ན་ཀུ་ས་ལཱ ཨི་དྡྷི་པཱ་ད་ཀུ་ས་ལཱ ཨི་ནྡྲི་ཡ་ཀུ་ས་ལཱ བ་ལ་ཀུ་ས་ལཱ བོ་ཛ྄ཛྷ་ངྒ་ཀུ་ས་ལཱ མ་གྒ་ཀུ་ས་ལཱ ཕ་ལ་ཀུ་ས་ལཱ ནི་བྦཱ་ན་ཀུ་ས་ལཱ, ཏེ ཀུ་ས་ལཱ ཨེ་ཝཾ ཝ་ད་ནྟི – ‘‘ཨ་རི་ཡཱ་ནཾ ཨེ་སོ དྷ་མྨོ, ནེ་སོ དྷ་མྨོ ཨ་ན་རི་ཡཱ་ནཾ; པ་ཎྜི་ཏཱ་ནཾ ཨེ་སོ དྷ་མྨོ, ནེ་སོ དྷ་མྨོ བཱ་ལཱ་ནཾ; ས་པྤུ་རི་སཱ་ནཾ ཨེ་སོ དྷ་མྨོ, ནེ་སོ དྷ་མྨོ ཨ་ས་པྤུ་རི་སཱ་ན’’ནྟི. ཨེ་ཝཾ ཝ་ད་ནྟི, ཨ་རི་ཡཱ་ནཾ ཨེ་ཝཾ ཀ་ཐེ་ནྟི ཨེ་ཝཾ བྷ་ཎ་ནྟི ཨེ་ཝཾ དཱི་པ་ཡ་ནྟི ཨེ་ཝཾ ཝོ་ཧ་ར་ནྟཱི་ཏི – ཏ་མ་རི་ཡ་དྷ་མྨཾ ཀུ་ས་ལཱ ཝ་ད་ནྟི.
ཡ་སྶུ་སྶ་དཱ ན་ཏྠི ཀུ་ཧི་ཉྩི ལོ་ཀེཏི. ཡ་སྶཱཏི ཨ་ར་ཧ་ཏོ ཁཱི་ཎཱ་ས་ཝ་སྶ. ཨུ་སྶ་དཱཏི ས་ཏྟུ་སྶ་དཱ – རཱ་གུ་སྶ་དོ, དོ་སུ་སྶ་དོ, མོ་ཧུ་སྶ་དོ, མཱ་ནུ་སྶ་དོ, དི་ཊྛུ་སྶ་དོ, ཀི་ལེ་སུ་སྶ་དོ, ཀ་མྨུ་སྶ་དོ. ཡ་སྶི་མེ [ཏ་སྶི་མེ (སཱི. སྱཱ.)] ཨུ་སྶ་དཱ ན་ཏྠི ན ས་ནྟི ན ཝི་ཛྫ་ནྟི ནུ་པ་ལ་བྦྷ་ནྟི, པ་ཧཱི་ནཱ ས་མུ་ཙྪི་ནྣཱ ཝཱུ་པ་ས་ནྟཱ པ་ཊི་པ་སྶ་དྡྷཱ ཨ་བྷ་བྦུ་པྤ་ཏྟི་ཀཱ ཉཱ་ཎ་གྒི་ནཱ ད་ཌྜྷཱ. ཀུ་ཧི་ཉྩཱིཏི ཀུ་ཧི་ཉྩི ཀི་མྷི་ཙི ཀ་ཏྠ་ཙི ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨ་ཛ྄ཛྷ་ཏྟ་བ་ཧི་དྡྷཱ ཝཱ. ལོ་ཀེཏི ཨ་པཱ་ཡ་ལོ་ཀེ མ་ནུ་སྶ་ལོ་ཀེ དེ་ཝ་ལོ་ཀེ ཁ་ནྡྷ་ལོ་ཀེ དྷཱ་ཏུ་ལོ་ཀེ ཨཱ་ཡ་ཏ་ན་ལོ་ཀེ་ཏི – ཡ་སྶུ་སྶ་དཱ ན་ཏྠི ཀུ་ཧི་ཉྩི ལོ་ཀེ.
ཏེ་ནཱ་ཧ བྷ་ག་ཝཱ –
‘‘ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོ, ཨི་ཏི་ཧ་ནྟི སཱི་ལེ་སུ ཨ་ཀ་ཏྠ་མཱ་ནོ;
ཏ་མ་རི་ཡ་དྷ་མྨཾ ཀུ་ས་ལཱ ཝ་ད་ནྟི, ཡ་སྶུ་སྶ་དཱ ན་ཏྠི ཀུ་ཧི་ཉྩི ལོ་ཀེ’’ཏི.
༡༩. པ་ཀ་པྤི་ཏཱ ས་ངྑ་ཏཱ ཡ་སྶ དྷ་མྨཱ,པུ་ར་ཀྑ་ཏཱ [པུ་རེ་ཀྑ་ཏཱ (སཱི. ཀ.)] ས་ནྟི ཨ་ཝཱི་ཝ་དཱ་ཏཱ;
ཡ་ད་ཏྟ་ནི པ་སྶ་ཏི ཨཱ་ནི་སཾ་སཾ, ཏཾ ནི་སྶི་ཏོ ཀུ་པྤ་པ་ཊི་ཙྩ་ས་ནྟིཾ.
པ་ཀ་པྤི་ཏཱ ས་ངྑ་ཏཱ ཡ་སྶ དྷ་མྨཱཏི. པ་ཀ་པྤ་ནཱཏི དྭེ པ་ཀ་པྤ་ནཱ – ཏ་ཎྷཱ་པ་ཀ་པྤ་ནཱ ཙ དི་ཊྛི་པ་ཀ་པྤ་ནཱ ཙ…པེ… ཨ་ཡཾ ཏ་ཎྷཱ་པ་ཀ་པྤ་ནཱ…པེ… ཨ་ཡཾ དི་ཊྛི་པ་ཀ་པྤ་ནཱ. ས་ངྑ་ཏཱཏི ས་ངྑ་ཏཱ ཨ་བྷི་ས་ངྑ་ཏཱ ས་ཎྛ་པི་ཏཱ་ཏི་པི – ས་ངྑ་ཏཱ. ཨ་ཐ ཝཱ ཨ་ནི་ཙྩཱ ས་ངྑ་ཏཱ པ་ཊི་ཙྩ་ས་མུ་པྤ་ནྣཱ ཁ་ཡ་དྷ་མྨཱ ཝ་ཡ་དྷ་མྨཱ ཝི་རཱ་ག་དྷ་མྨཱ ནི་རོ་དྷ་དྷ་མྨཱ་ཏི་པི – ས་ངྑ་ཏཱ. ཡ་སྶཱཏི དི་ཊྛི་ག་ཏི་ཀ་སྶ. དྷ་མྨཱ ཝུ་ཙྩ་ནྟི དྭཱ་ས་ཊྛི དི་ཊྛི་ག་ཏཱ་ནཱི་ཏི – པ་ཀ་པྤི་ཏཱ ས་ངྑ་ཏཱ ཡ་སྶ དྷ་མྨཱ.
པུ་ར་ཀྑ་ཏཱ ས་ནྟི ཨ་ཝཱི་ཝ་དཱ་ཏཱཏི. པུ་ར་ཀྑ་ཏཱཏི དྭེ པུ་རེ་ཀྑཱ་རཱ – ཏ་ཎྷཱ་པུ་རེ་ཀྑཱ་རོ ཙ དི་ཊྛི་པུ་རེ་ཀྑཱ་རོ ཙ…པེ… ཨ་ཡཾ ཏ་ཎྷཱ་པུ་རེ་ཀྑཱ་རོ…པེ… ཨ་ཡཾ དི་ཊྛི་པུ་རེ་ཀྑཱ་རོ. ཏ་སྶ ཏ་ཎྷཱ་པུ་རེ་ཀྑཱ་རོ ཨ་པྤ་ཧཱི་ནོ, དི་ཊྛི་པུ་རེ་ཀྑཱ་རོ ཨ་པྤ་ཊི་ནི་སྶ་ཊྛོ. ཏ་སྶ ཏ་ཎྷཱ་པུ་རེ་ཀྑཱ་ར་སྶ ཨ་པྤ་ཧཱི་ན་ཏྟཱ, དི་ཊྛི་པུ་རེ་ཀྑཱ་ར་སྶ ཨ་པྤ་ཊི་ནི་སྶ་ཊྛ་ཏྟཱ སོ ཏ་ཎྷཾ ཝཱ དི་ཊྛིཾ ཝཱ པུ་ར་ཏོ ཀ་ཏྭཱ ཙ་ར་ཏི ཏ་ཎྷཱ་དྷ་ཛོ ཏ་ཎྷཱ་ཀེ་ཏུ ཏ་ཎྷཱ་དྷི་པ་ཏེ་ཡྻོ, དི་ཊྛི་དྷ་ཛོ དི་ཊྛི་ཀེ་ཏུ དི་ཊྛཱ་དྷི་པ་ཏེ་ཡྻོ, ཏ་ཎྷཱ་ཡ ཝཱ དི་ཊྛི་ཡཱ ཝཱ པ་རི་ཝཱ་རི་ཏོ ཙ་ར་ཏཱི་ཏི – པུ་ར་ཀྑ་ཏཱ. ས་ནྟཱིཏི ས་ནྟི སཾ་ཝི་ཛྫ་ནྟི ཨ་ཏྠི ཨུ་པ་ལ་བྦྷ་ནྟི. ཨ་ཝཱི་ཝ་དཱ་ཏཱཏི ཨ་ཝེ་ཝ་དཱ་ཏཱ ཨ་ཝོ་དཱ་ཏཱ ཨ་པ་རི་སུ་དྡྷཱ སཾ་ཀི་ལི་ཊྛཱ སཾ་ཀི་ལེ་སི་ཀཱ་ཏི – པུ་ར་ཀྑ་ཏཱ ས་ནྟི ཨ་ཝཱི་ཝ་དཱ་ཏཱ.
ཡ་ད་ཏྟ་ནི པ་སྶ་ཏི ཨཱ་ནི་སཾ་སནྟི. ཡ་ད་ཏྟ་ནཱིཏི ཡཾ ཨ་ཏྟ་ནི. ཨ་ཏྟཱ ཝུ་ཙྩ་ཏི དི་ཊྛི་ག་ཏཾ. ཨ་ཏྟ་ནོ དི་ཊྛི་ཡཱ དྭེ ཨཱ་ནི་སཾ་སེ པ་སྶ་ཏི – དི་ཊྛ་དྷ་མྨི་ཀ་ཉྩ ཨཱ་ནི་སཾ་སཾ, ས་མྤ་རཱ་ཡི་ཀ་ཉྩ ཨཱ་ནི་སཾ་སཾ. ཀ་ཏ་མོ དི་ཊྛི་ཡཱ དི་ཊྛ་དྷ་མྨི་ཀོ ཨཱ་ནི་སཾ་སོ? ཡཾ་དི་ཊྛི་ཀོ ས་ཏྠཱ ཧོ་ཏི, ཏཾ་དི་ཊྛི་ཀཱ སཱ་ཝ་ཀཱ ཧོ་ནྟི. ཏཾ་དི་ཊྛི་ཀཾ ས་ཏྠཱ་རཾ སཱ་ཝ་ཀཱ ས་ཀྐ་རོ་ནྟི ག་རུཾ ཀ་རོ་ནྟི [ག་རུ་ཀ་རོ་ནྟི (སཱི. སྱཱ.)] མཱ་ནེ་ནྟི པཱུ་ཛེ་ནྟི ཨ་པ་ཙི་ཏིཾ ཀ་རོ་ནྟི. ལ་བྷ་ཏི ཙ ཏ་ཏོ་ནི་དཱ་ནཾ ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ – ཨ་ཡཾ དི་ཊྛི་ཡཱ དི་ཊྛ་དྷ་མྨི་ཀོ ཨཱ་ནི་སཾ་སོ. ཀ་ཏ་མོ དི་ཊྛི་ཡཱ ས་མྤ་རཱ་ཡི་ཀོ ཨཱ་ནི་སཾ་སོ? ཨ་ཡཾ དི་ཊྛི ཨ་ལཾ ནཱ་ག་ཏྟཱ་ཡ ཝཱ སུ་པ་ཎྞ་ཏྟཱ་ཡ ཝཱ ཡ་ཀྑ་ཏྟཱ་ཡ ཝཱ ཨ་སུ་ར་ཏྟཱ་ཡ ཝཱ ག་ནྡྷ་བྦ་ཏྟཱ་ཡ ཝཱ མ་ཧཱ་རཱ་ཛ་ཏྟཱ་ཡ ཝཱ ཨི་ནྡ་ཏྟཱ་ཡ ཝཱ བྲ་ཧྨ་ཏྟཱ་ཡ ཝཱ དེ་ཝ་ཏྟཱ་ཡ ཝཱ. ཨ་ཡཾ དི་ཊྛི སུ་དྡྷི་ཡཱ ཝི་སུ་དྡྷི་ཡཱ པ་རི་སུ་དྡྷི་ཡཱ, མུ་ཏྟི་ཡཱ ཝི་མུ་ཏྟི་ཡཱ པ་རི་མུ་ཏྟི་ཡཱ. ཨི་མཱ་ཡ དི་ཊྛི་ཡཱ སུ་ཛ྄ཛྷ་ནྟི ཝི་སུ་ཛ྄ཛྷ་ནྟི པ་རི་སུ་ཛ྄ཛྷ་ནྟི མུ་ཙྩ་ནྟི ཝི་མུ་ཙྩ་ནྟི པ་རི་མུ་ཙྩ་ནྟི. ཨི་མཱ་ཡ དི་ཊྛི་ཡཱ སུ་ཛ྄ཛྷི་སྶཱ་མི ཝི་སུ་ཛ྄ཛྷི་སྶཱ་མི པ་རི་སུ་ཛ྄ཛྷི་སྶཱ་མི, མུ་ཙྩི་སྶཱ་མི ཝི་མུ་ཙྩི་སྶཱ་མི པ་རི་མུ་ཙྩི་སྶཱ་མཱི་ཏི ཨཱ་ཡ་ཏིཾ ཕ་ལ་པཱ་ཊི་ཀ་ངྑཱི ཧོ་ཏི – ཨ་ཡཾ དི་ཊྛི་ཡཱ ས་མྤ་རཱ་ཡི་ཀོ ཨཱ་ནི་སཾ་སོ. ཨ་ཏྟ་ནོ དི་ཊྛི་ཡཱ ཨི་མེ དྭེ ཨཱ་ནི་སཾ་སེ པ་སྶ་ཏི ད་ཀྑ་ཏི ཨོ་ལོ་ཀེ་ཏི ནི་ཛ྄ཛྷཱ་ཡ་ཏི ཨུ་པ་པ་རི་ཀྑ་ཏཱི་ཏི – ཡ་ད་ཏྟ་ནི པ་སྶ་ཏི ཨཱ་ནི་སཾ་སཾ.
ཏཾ ནི་སྶི་ཏོ ཀུ་པྤ་པ་ཊི་ཙྩ་ས་ནྟིནྟི. ཏི་སྶོ ས་ནྟི་ཡོ – ཨ་ཙྩ་ནྟ་ས་ནྟི, ཏ་ད་ངྒ་ས་ནྟི, ས་མྨུ་ཏི་ས་ནྟི. ཀ་ཏ་མཱ ཨ་ཙྩ་ནྟ་ས་ནྟི? ཨ་ཙྩ་ནྟ་ས་ནྟི ཝུ་ཙྩ་ཏི ཨ་མ་ཏཾ ནི་བྦཱ་ནཾ. ཡོ སོ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ནཾ. ཨ་ཡཾ ཨ་ཙྩ་ནྟ་ས་ནྟི. ཀ་ཏ་མཱ ཏ་ད་ངྒ་ས་ནྟི? པ་ཋ་མཾ ཛྷཱ་ནཾ ས་མཱ་པ་ནྣ་སྶ ནཱི་ཝ་ར་ཎཱ ས་ནྟཱ ཧོ་ནྟི; དུ་ཏི་ཡཾ ཛྷཱ་ནཾ ས་མཱ་པ་ནྣ་སྶ ཝི་ཏ་ཀྐ་ཝི་ཙཱ་རཱ ས་ནྟཱ ཧོ་ནྟི; ཏ་ཏི་ཡཾ ཛྷཱ་ནཾ ས་མཱ་པ་ནྣ་སྶ པཱི་ཏི ས་ནྟཱ ཧོ་ཏི; ཙ་ཏུ་ཏྠཾ ཛྷཱ་ནཾ ས་མཱ་པ་ནྣ་སྶ སུ་ཁ་དུ་ཀྑཱ ས་ནྟཱ ཧོ་ནྟི; ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ པ་ཊི་གྷ་ས་ཉྙཱ ནཱ་ན་ཏྟ་ས་ཉྙཱ ས་ནྟཱ ཧོ་ཏི; ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ ས་ནྟཱ ཧོ་ཏི; ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ ས་ནྟཱ ཧོ་ཏི; ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ ས་ནྟཱ ཧོ་ཏི. ཨ་ཡཾ ཏ་ད་ངྒ་ས་ནྟི. ཀ་ཏ་མཱ ས་མྨུ་ཏི་ས་ནྟི? ས་མྨུ་ཏི་ས་ནྟི་ཡོ ཝུ་ཙྩ་ནྟི དྭཱ་ས་ཊྛི དི་ཊྛི་ག་ཏཱ་ནི དི་ཊྛི་ས་ནྟི་ཡོ. ཨ་པི ཙ ས་མྨུ་ཏི་ས་ནྟི ཨི་མ་སྨིཾ ཨ་ཏྠེ ཨ་དྷི་པྤེ་ཏཱ ས་ནྟཱི་ཏི. ཏཾ ནི་སྶི་ཏོ ཀུ་པྤ་པ་ཊི་ཙྩ་ས་ནྟིནྟི. ཀུ་པྤ་ས་ནྟིཾ པ་ཀུ་པྤ་ས་ནྟིཾ ཨེ་རི་ཏ་ས་ནྟིཾ ས་མེ་རི་ཏ་ས་ནྟིཾ ཙ་ལི་ཏ་ས་ནྟིཾ གྷ་ཊྚི་ཏ་ས་ནྟིཾ ཀ་པྤི་ཏ་ས་ནྟིཾ པ་ཀ་པྤི་ཏ་ས་ནྟིཾ ཨ་ནི་ཙྩཾ ས་ངྑ་ཏཾ པ་ཊི་ཙྩ་ས་མུ་པྤ་ནྣཾ ཁ་ཡ་དྷ་མྨཾ ཝ་ཡ་དྷ་མྨཾ ཝི་རཱ་ག་དྷ་མྨཾ ནི་རོ་དྷ་དྷ་མྨཾ, ས་ནྟིཾ ནི་སྶི་ཏོ ཨ་སི་ཏོ ཨ་ལླཱི་ནོ ཨུ་པ་ག་ཏོ ཨ་ཛ྄ཛྷོ་སི་ཏོ ཨ་དྷི་མུ་ཏྟོ་ཏི – ཏཾ ནི་སྶི་ཏོ ཀུ་པྤ་པ་ཊི་ཙྩ་ས་ནྟིཾ.
ཏེ་ནཱ་ཧ བྷ་ག་ཝཱ –
‘‘པ་ཀ་པྤི་ཏཱ ས་ངྑ་ཏཱ ཡ་སྶ དྷ་མྨཱ, པུ་ར་ཀྑ་ཏཱ ས་ནྟི ཨ་ཝཱི་ཝ་དཱ་ཏཱ;
ཡ་ད་ཏྟ་ནི པ་སྶ་ཏི ཨཱ་ནི་སཾ་སཾ, ཏཾ ནི་སྶི་ཏོ ཀུ་པྤ་པ་ཊི་ཙྩ་ས་ནྟི’’ནྟི.
༢༠. དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱ, དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
ཏ་སྨཱ ན་རོ ཏེ་སུ ནི་ཝེ་ས་ནེ་སུ, ནི་ར་སྶ་ཏཱི ཨཱ་དི་ཡ་ཏཱི ཙ དྷ་མྨཾ.
དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱཏི. དི་ཊྛཱི་ནི་ཝེ་སཱཏི ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཨ་བྷི་ནི་ཝེ་ས་པ་རཱ་མཱ་སོ དི་ཊྛི་ནི་ཝེ་ས་ནཾ. ‘‘ཨ་ས་སྶ་ཏོ ལོ་ཀོ…པེ… ཨ་ནྟ་ཝཱ ལོ་ཀོ… ཨ་ན་ནྟ་ཝཱ ལོ་ཀོ … ཏཾ ཛཱི་ཝཾ ཏཾ ས་རཱི་རཾ… ཨ་ཉྙཾ ཛཱི་ཝཾ ཨ་ཉྙཾ ས་རཱི་རཾ… ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཨ་བྷི་ནི་ཝེ་ས་པ་རཱ་མཱ་སོ དི་ཊྛི་ནི་ཝེ་ས་ན་ནྟི. དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱཏི དི་ཊྛི་ནི་ཝེ་སཱ ན ཧི སྭཱ་ཏི་ཝ་ཏྟཱ དུ་ར་ཏི་ཝ་ཏྟཱ དུ་ཏྟ་རཱ དུ་པྤ་ཏ་རཱ དུ་སྶ་མ་ཏི་ཀྐ་མཱ དུ་བྦི་ནི་ཝ་ཏྟཱ་ཏི – [དུ་བྦཱི་ཏི་ཝ་ཏྟཱ་ཏི (སཱི. སྱཱ. ཀ.)] དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱ.
དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏནྟི. དྷ་མྨེ་སཱུཏི དྭཱ་ས་ཊྛི དི་ཊྛི་ག་ཏེ་སུ. ནི་ཙྪེ་ཡྻཱཏི ནི་ཙྪི་ནི་ཏྭཱ ཝི་ནི་ཙྪི་ནི་ཏྭཱ ཝི་ཙི་ནི་ཏྭཱ པ་ཝི་ཙི་ནི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ. ས་མུ་གྒ་ཧཱི་ཏནྟི ནི་ཝེ་ས་ནེ་སུ ཨོ་དྷི་གྒཱ་ཧོ བི་ལ་གྒཱ་ཧོ ཝ་ར་གྒཱ་ཧོ ཀོ་ཊྛཱ་ས་གྒཱ་ཧོ ཨུ་ཙྩ་ཡ་གྒཱ་ཧོ ས་མུ་ཙྩ་ཡ་གྒཱ་ཧོ. ཨི་དཾ ས་ཙྩཾ ཏ་ཙྪཾ ཏ་ཐཾ བྷཱུ་ཏཾ ཡཱ་ཐཱ་ཝཾ ཨ་ཝི་པ་རཱི་ཏཾ ག་ཧི་ཏཾ པ་རཱ་མ་ཊྛཾ ཨ་བྷི་ནི་ཝི་ཊྛཾ ཨ་ཛ྄ཛྷོ་སི་ཏཾ ཨ་དྷི་མུ་ཏྟ་ནྟི – དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ.
ཏ་སྨཱ ན་རོ ཏེ་སུ ནི་ཝེ་ས་ནེ་སཱུཏི. ཏ་སྨཱཏི ཏ་སྨཱ ཏཾ་ཀཱ་ར་ཎཱ ཏཾ་ཧེ་ཏུ ཏ་པྤ་ཙྩ་ཡཱ ཏཾ་ནི་དཱ་ནཾ. ན་རོཏི ས་ཏྟོ ན་རོ མཱ་ན་ཝོ པོ་སོ པུ་གྒ་ལོ ཛཱི་ཝོ ཛཱ་གུ ཛ་ནྟུ ཨི་ནྡ་གུ མ་ནུ་ཛོ. ཏེ་སུ ནི་ཝེ་ས་ནེ་སཱུཏི ཏེ་སུ དི་ཊྛི་ནི་ཝེ་ས་ནེ་སཱུ་ཏི – ཏ་སྨཱ ན་རོ ཏེ་སུ ནི་ཝེ་ས་ནེ་སུ.
ནི་ར་སྶ་ཏཱི ཨཱ་དི་ཡ་ཏཱི ཙ དྷ་མྨནྟི. ནི་ར་སྶ་ཏཱིཏི དྭཱི་ཧི ཀཱ་ར་ཎེ་ཧི ནི་ར་སྶ་ཏི – པ་ར་ཝི་ཙྪི་ནྡ་ནཱ་ཡ ཝཱ ནི་ར་སྶ་ཏི, ཨ་ན་བྷི་ས་མྦྷུ་ཎ་ནྟོ ཝཱ ནི་ར་སྶ་ཏི. ཀ་ཐཾ པ་ར་ཝི་ཙྪི་ནྡ་ནཱ་ཡ ནི་ར་སྶ་ཏི? པ་རོ ཝི་ཙྪི་ནྡེ་ཏི – སོ ས་ཏྠཱ ན ས་བྦ་ཉྙཱུ, དྷ་མྨོ ན སྭཱ་ཀྑཱ་ཏོ, ག་ཎོ ན སུ་པྤ་ཊི་པ་ནྣོ, དི་ཊྛི ན བྷ་དྡི་ཀཱ, པ་ཊི་པ་དཱ ན སུ་པ་ཉྙ་ཏྟཱ, མ་གྒོ ན ནི་ཡྻཱ་ནི་ཀོ, ན་ཏྠེ་ཏྠ སུ་དྡྷི ཝཱ ཝི་སུ་དྡྷི ཝཱ པ་རི་སུ་དྡྷི ཝཱ མུ་ཏྟི ཝཱ ཝི་མུ་ཏྟི ཝཱ པ་རི་མུ་ཏྟི ཝཱ, ན་ཏྠེ་ཏྠ སུ་ཛ྄ཛྷ་ནྟི ཝཱ ཝི་སུ་ཛ྄ཛྷ་ནྟི ཝཱ པ་རི་སུ་ཛ྄ཛྷ་ནྟི ཝཱ མུ་ཙྩ་ནྟི ཝཱ ཝི་མུ་ཙྩ་ནྟི ཝཱ པ་རི་མུ་ཙྩ་ནྟི ཝཱ, ཧཱི་ནཱ ནི་ཧཱི་ནཱ ཨོ་མ་ཀཱ ལཱ་མ་ཀཱ ཚ་ཏུ་ཀྐཱ [ཛ་ཏུ་ཀྐཱ (སཱི. སྱཱ.)] པ་རི་ཏྟཱ་ཏི – ཨེ་ཝཾ པ་རོ ཝི་ཙྪི་ནྡེ་ཏི. ཨེ་ཝཾ ཝི་ཙྪི་ནྡི་ཡ་མཱ་ནོ ས་ཏྠཱ་རཾ ནི་ར་སྶ་ཏི, དྷ་མྨ་ཀྑཱ་ནཾ ནི་ར་སྶ་ཏི, ག་ཎཾ ནི་ར་སྶ་ཏི, དི་ཊྛིཾ ནི་ར་སྶ་ཏི, པ་ཊི་པ་དཾ ནི་ར་སྶ་ཏི, མ་གྒཾ ནི་ར་སྶ་ཏི. ཨེ་ཝཾ པ་ར་ཝི་ཙྪི་ནྡ་ནཱ་ཡ ནི་ར་སྶ་ཏི. ཀ་ཐཾ ཨ་ན་བྷི་ས་མྦྷུ་ཎ་ནྟོ ནི་ར་སྶ་ཏི? སཱི་ལཾ ཨ་ན་བྷི་ས་མྦྷུ་ཎ་ནྟོ སཱི་ལཾ ནི་ར་སྶ་ཏི, ཝ་ཏཾ ཨ་ན་བྷི་ས་མྦྷུ་ཎ་ནྟོ ཝ་ཏཾ ནི་ར་སྶ་ཏི, སཱི་ལ་བྦ་ཏཾ ཨ་ན་བྷི་ས་མྦྷུ་ཎ་ནྟོ སཱི་ལ་བྦ་ཏཾ ནི་ར་སྶ་ཏི. ཨེ་ཝཾ ཨ་ན་བྷི་ས་མྦྷུ་ཎ་ནྟོ ནི་ར་སྶ་ཏི. ཨཱ་དི་ཡ་ཏཱི ཙ དྷ་མྨནྟི. ས་ཏྠཱ་རཾ ག་ཎྷཱ་ཏི, དྷ་མྨ་ཀྑཱ་ནཾ ག་ཎྷཱ་ཏི, ག་ཎཾ ག་ཎྷཱ་ཏི, དི་ཊྛིཾ ག་ཎྷཱ་ཏི, པ་ཊི་པ་དཾ ག་ཎྷཱ་ཏི, མ་གྒཾ ག་ཎྷཱ་ཏི པ་རཱ་མ་ས་ཏི ཨ་བྷི་ནི་ཝི་ས་ཏཱི་ཏི – ནི་ར་སྶ་ཏཱི ཨཱ་དི་ཡ་ཏཱི ཙ དྷ་མྨཾ.
ཏེ་ནཱ་ཧ བྷ་ག་ཝཱ –
‘‘དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱ, དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
ཏ་སྨཱ ན་རོ ཏེ་སུ ནི་ཝེ་ས་ནེ་སུ, ནི་ར་སྶ་ཏཱི ཨཱ་དི་ཡ་ཏཱི ཙ དྷ་མྨ’’ནྟི.
༢༡. དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ,པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སུ;
མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོ, ས ཀེ་ན ག་ཙྪེ་ཡྻ ཨ་ནཱུ་པ་ཡོ སོ.
དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སཱུཏི. དྷོ་ནོཏི. དྷོ་ནཱ ཝུ་ཙྩ་ཏི པ་ཉྙཱ – ཡཱ པ་ཉྙཱ པ་ཛཱ་ན་ནཱ ཝི་ཙ་ཡོ པ་ཝི་ཙ་ཡོ དྷ་མྨ་ཝི་ཙ་ཡོ ས་ལླ་ཀྑ་ཎཱ ཨུ་པ་ལ་ཀྑ་ཎཱ པ་ཙྩུ་པ་ལ་ཀྑ་ཎཱ པ་ཎྜི་ཙྩཾ ཀོ་ས་ལླཾ ནེ་པུ་ཉྙཾ ཝེ་བྷ་བྱཱ ཙི་ནྟཱ ཨུ་པ་པ་རི་ཀྑཱ བྷཱུ་རི མེ་དྷཱ པ་རི་ཎཱ་ཡི་ཀཱ ཝི་པ་སྶ་ནཱ ས་མྤ་ཛ་ཉྙཾ པ་ཏོ་དོ པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ པ་ཉྙཱ་ས་ཏྠཾ པ་ཉྙཱ་པཱ་སཱ་དོ པ་ཉྙཱ་ཨཱ་ལོ་ཀོ པ་ཉྙཱ་ཨོ་བྷཱ་སོ པ་ཉྙཱ་པ་ཛྫོ་ཏོ པ་ཉྙཱ་ར་ཏ་ནཾ ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི. ཀིཾ་ཀཱ་ར་ཎཱ དྷོ་ནཱ ཝུ་ཙྩ་ཏི པ་ཉྙཱ? ཏཱ་ཡ པ་ཉྙཱ་ཡ ཀཱ་ཡ་དུ་ཙྩ་རི་ཏཾ དྷུ་ཏ་ཉྩ དྷོ་ཏ་ཉྩ ས་ནྡྷོ་ཏ་ཉྩ ནི་དྡྷོ་ཏ་ཉྩ; ཝ་ཙཱི་དུ་ཙྩ་རི་ཏཾ… མ་ནོ་དུ་ཙྩ་རི་ཏཾ དྷུ་ཏ་ཉྩ དྷོ་ཏ་ཉྩ ས་ནྡྷོ་ཏ་ཉྩ ནི་དྡྷོ་ཏ་ཉྩ; རཱ་གོ དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; དོ་སོ…པེ… མོ་ཧོ… ཀོ་དྷོ… ཨུ་པ་ནཱ་ཧོ… མ་ཀྑོ… པ་ལཱ༹་སོ དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; ཨི་སྶཱ དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ; མ་ཙྪ་རི་ཡཾ དྷུ་ཏ་ཉྩ དྷོ་ཏ་ཉྩ ས་ནྡྷོ་ཏ་ཉྩ ནི་དྡྷོ་ཏ་ཉྩ; མཱ་ཡཱ དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ; སཱ་ཋེ་ཡྻཾ དྷུ་ཏ་ཉྩ དྷོ་ཏ་ཉྩ ས་ནྡྷོ་ཏ་ཉྩ ནི་དྡྷོ་ཏ་ཉྩ; ཐ་མྦྷོ དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; སཱ་ར་མྦྷོ… མཱ་ནོ… ཨ་ཏི་མཱ་ནོ… མ་དོ… པ་མཱ་དོ དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; ས་བྦེ ཀི་ལེ་སཱ, ས་བྦེ དུ་ཙྩ་རི་ཏཱ, ས་བྦེ ད་ར་ཐཱ, ས་བྦེ པ་རི་ལཱ༹་ཧཱ, ས་བྦེ ས་ནྟཱ་པཱ, ས་བྦཱ་ཀུ་ས་ལཱ་བྷི་ས་ངྑཱ་རཱ དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ. ཏཾ་ཀཱ་ར་ཎཱ དྷོ་ནཱ ཝུ་ཙྩ་ཏི པ་ཉྙཱ.
ཨ་ཐ ཝཱ ས་མྨཱ་དི་ཊྛི་ཡཱ མི་ཙྪཱ་དི་ཊྛི དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ; ས་མྨཱ་ས་ངྐ་པྤེ་ན མི་ཙྪཱ་ས་ངྐ་པྤོ དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; ས་མྨཱ་ཝཱ་ཙཱ་ཡ མི་ཙྪཱ་ཝཱ་ཙཱ དྷུ་ཏཱ ཙ དྷོ་ཏཱ ཙ…པེ… ས་མྨཱ་ཀ་མྨ་ནྟེ་ན མི་ཙྪཱ་ཀ་མྨ་ནྟོ དྷུ་ཏོ ཙ… ས་མྨཱ་ཨཱ་ཛཱི་ཝེ་ན མི་ཙྪཱ་ཨཱ་ཛཱི་ཝོ དྷུ་ཏོ ཙ… ས་མྨཱ་ཝཱ་ཡཱ་མེ་ན མི་ཙྪཱ་ཝཱ་ཡཱ་མོ དྷུ་ཏོ ཙ… ས་མྨཱ་ས་ཏི་ཡཱ མི་ཙྪཱ་ས་ཏི དྷུ་ཏཱ ཙ… ས་མྨཱ་ས་མཱ་དྷི་ནཱ མི་ཙྪཱ་ས་མཱ་དྷི དྷུ་ཏོ ཙ དྷོ་ཏོ ཙ ས་ནྡྷོ་ཏོ ཙ ནི་དྡྷོ་ཏོ ཙ; ས་མྨཱ་ཉཱ་ཎེ་ན མི་ཙྪཱ་ཉཱ་ཎཾ དྷུ་ཏཾ ཙ… ས་མྨཱ་ཝི་མུ་ཏྟི་ཡཱ མི་ཙྪཱ་ཝི་མུ་ཏྟི དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ.
ཨ་ཐ ཝཱ ཨ་རི་ཡེ་ན ཨ་ཊྛ་ངྒི་ཀེ་ན མ་གྒེ་ན ས་བྦེ ཀི་ལེ་སཱ, ས་བྦེ དུ་ཙྩ་རི་ཏཱ, ས་བྦེ ད་ར་ཐཱ, ས་བྦེ པ་རི་ལཱ༹་ཧཱ, ས་བྦེ ས་ནྟཱ་པཱ, ས་བྦཱ་ཀུ་ས་ལཱ་བྷི་ས་ངྑཱ་རཱ དྷུ་ཏཱ ཙ དྷོ་ཏཱ ཙ ས་ནྡྷོ་ཏཱ ཙ ནི་དྡྷོ་ཏཱ ཙ. ཨ་ར་ཧཱ ཨི་མེ་ཧི དྷོ་ནེ་ཡྻེ་ཧི དྷ་མྨེ་ཧི ཨུ་པེ་ཏོ ས་མུ་པེ་ཏོ ཨུ་པ་ག་ཏོ ས་མུ་པ་ག་ཏོ ཨུ་པ་པ་ནྣོ ས་མུ་པ་པ་ནྣོ ས་མ་ནྣཱ་ག་ཏོ; ཏ་སྨཱ ཨ་ར་ཧཱ དྷོ་ནོ. སོ དྷུ་ཏ་རཱ་གོ དྷུ་ཏ་པཱ་པོ དྷུ་ཏ་ཀི་ལེ་སོ དྷུ་ཏ་པ་རི་ལཱ༹་ཧོ་ཏི – དྷོ་ནོ. ཀུ་ཧི་ཉྩཱིཏི ཀུ་ཧི་ཉྩི ཀི་མྷི་ཙི ཀ་ཏྠ་ཙི ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ ཨ་ཛ྄ཛྷ་ཏྟ་བ་ཧི་དྡྷཱ ཝཱ. ལོ་ཀེཏི ཨ་པཱ་ཡ་ལོ་ཀེ…པེ… ཨཱ་ཡ་ཏ་ན་ལོ་ཀེ.
པ་ཀ་པྤི་ཏཱཏི དྭེ པ་ཀ་པྤ་ནཱ – ཏ་ཎྷཱ་པ་ཀ་པྤ་ནཱ ཙ དི་ཊྛི་པ་ཀ་པྤ་ནཱ ཙ…པེ… ཨ་ཡཾ ཏ་ཎྷཱ་པ་ཀ་པྤ་ནཱ…པེ… ཨ་ཡཾ དི་ཊྛི་པ་ཀ་པྤ་ནཱ. བྷ་ཝཱ་བྷ་ཝེ་སཱུཏི བྷ་ཝཱ་བྷ་ཝེ ཀ་མྨ་བྷ་ཝེ པུ་ན་བྦྷ་ཝེ ཀཱ་མ་བྷ་ཝེ, ཀ་མྨ་བྷ་ཝེ ཀཱ་མ་བྷ་ཝེ པུ་ན་བྦྷ་ཝེ རཱུ་པ་བྷ་ཝེ, ཀ་མྨ་བྷ་ཝེ རཱུ་པ་བྷ་ཝེ པུ་ན་བྦྷ་ཝེ ཨ་རཱུ་པ་བྷ་ཝེ, ཀ་མྨ་བྷ་ཝེ ཨ་རཱུ་པ་བྷ་ཝེ པུ་ན་བྦྷ་ཝེ པུ་ན་པྤུ་ན་བྷ་ཝེ པུ་ན་པྤུ་ན་ག་ཏི་ཡཱ པུ་ན་པྤུ་ན་ཨུ་པ་པ་ཏྟི་ཡཱ པུ་ན་པྤུ་ན་པ་ཊི་ས་ནྡྷི་ཡཱ པུ་ན་པྤུ་ན་ཨ་ཏྟ་བྷཱ་ཝཱ་བྷི་ནི་བྦ་ཏྟི་ཡཱ. དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སཱུཏི དྷོ་ན་སྶ ཀུ་ཧི་ཉྩི ལོ་ཀེ བྷ་ཝཱ་བྷ་ཝེ་སུ ཙ ཀ་པྤི་ཏཱ པ་ཀ་པྤི་ཏཱ ཨ་བྷི་ས་ངྑ་ཏཱ ས་ཎྛ་པི་ཏཱ དི་ཊྛི ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནཱ ས་མུ་ཙྪི་ནྣཱ ཝཱུ་པ་ས་ནྟཱ པ་ཊི་པ་སྶ་དྡྷཱ ཨ་བྷ་བྦུ་པྤ་ཏྟི་ཀཱ ཉཱ་ཎ་གྒི་ནཱ ད་ཌྜྷཱ་ཏི – དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སུ.
མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོཏི. མཱ་ཡཱ ཝུ་ཙྩ་ཏི ཝ་ཉྩ་ནི་ཀཱ ཙ་རི་ཡཱ. ཨི་དྷེ་ཀ་ཙྩོ ཀཱ་ཡེ་ན དུ་ཙྩ་རི་ཏཾ ཙ་རི་ཏྭཱ, ཝཱ་ཙཱ་ཡ དུ་ཙྩ་རི་ཏཾ ཙ་རི་ཏྭཱ, མ་ན་སཱ དུ་ཙྩ་རི་ཏཾ ཙ་རི་ཏྭཱ ཏ་སྶ པ་ཊི་ཙྪཱ་ད་ན་ཧེ་ཏུ པཱ་པི་ཀཾ ཨི་ཙྪཾ པ་ཎི་ད་ཧ་ཏི – ‘‘མཱ མཾ ཛ་ཉྙཱ’’ཏི ཨི་ཙྪ་ཏི, ‘‘མཱ མཾ ཛ་ཉྙཱ’’ཏི ས་ངྐ་པྤེ་ཏི, ‘‘མཱ མཾ ཛ་ཉྙཱ’’ཏི ཝཱ་ཙཾ བྷཱ་ས་ཏི, ‘‘མཱ མཾ ཛ་ཉྙཱ’’ཏི ཀཱ་ཡེ་ན པ་ར་ཀྐ་མ་ཏི. ཡཱ ཨེ་ཝ་རཱུ་པཱ མཱ་ཡཱ མཱ་ཡཱ་ཝི་ཏཱ ཨ་ཙྩ་ས་རཱ ཝ་ཉྩ་ནཱ ནི་ཀ་ཏི ནི་ཀི་ར་ཎཱ པ་རི་ཧ་ར་ཎཱ གཱུ་ཧ་ནཱ པ་རི་གཱུ་ཧ་ནཱ ཚཱ་ད་ནཱ པ་རི་ཙྪཱ་ད་ནཱ ཨ་ནུ་ཏྟཱ་ནི་ཀ་མྨཾ ཨ་ནཱ་ཝི་ཀ་མྨཾ ཝོ་ཙྪཱ་ད་ནཱ པཱ་པ་ཀི་རི་ཡཱ, ཨ་ཡཾ ཝུ་ཙྩ་ཏི མཱ་ཡཱ.
མཱ་ནོཏི ཨེ་ཀ་ཝི་དྷེ་ན མཱ་ནོ – ཡཱ ཙི་ཏྟ་སྶ ཨུ་ནྣ་ཏི [ཨུ་ཎྞ་ཏི (སྱཱ. ཀ.)]. དུ་ཝི་དྷེ་ན མཱ་ནོ – ཨ་ཏྟུ་ཀྐཾ་ས་ན་མཱ་ནོ, པ་ར་ཝ་མྦྷ་ན་མཱ་ནོ. ཏི་ཝི་དྷེ་ན མཱ་ནོ – ‘‘སེ་ཡྻོ་ཧ་མ་སྨཱི’’ཏི མཱ་ནོ, ‘‘ས་དི་སོ་ཧ་མ་སྨཱི’’ཏི མཱ་ནོ, ‘‘ཧཱི་ནོ་ཧ་མ་སྨཱི’’ཏི མཱ་ནོ. ཙ་ཏུ་བྦི་དྷེ་ན མཱ་ནོ – ལཱ་བྷེ་ན མཱ་ནཾ ཛ་ནེ་ཏི, ཡ་སེ་ན མཱ་ནཾ ཛ་ནེ་ཏི, པ་སཾ་སཱ་ཡ མཱ་ནཾ ཛ་ནེ་ཏི, སུ་ཁེ་ན མཱ་ནཾ ཛ་ནེ་ཏི. པ་ཉྩ་ཝི་དྷེ་ན མཱ་ནོ – ‘‘ལཱ་བྷི་མྷི མ་ནཱ་པི་ཀཱ་ནཾ རཱུ་པཱ་ན’’ནྟི མཱ་ནཾ ཛ་ནེ་ཏི, ‘‘ལཱ་བྷི་མྷི མ་ནཱ་པི་ཀཱ་ནཾ ས་དྡཱ་ནཾ…པེ… ག་ནྡྷཱ་ནཾ… ར་སཱ་ནཾ… ཕོ་ཊྛ་བྦཱ་ན’’ནྟི མཱ་ནཾ ཛ་ནེ་ཏི. ཚ་བྦི་དྷེ་ན མཱ་ནོ – ཙ་ཀྑུ་ས་མྤ་དཱ་ཡ མཱ་ནཾ ཛ་ནེ་ཏི, སོ་ཏ་ས་མྤ་དཱ་ཡ… གྷཱ་ན་ས་མྤ་དཱ་ཡ… ཛི་ཝ྄ཧཱ་ས་མྤ་དཱ་ཡ… ཀཱ་ཡ་ས་མྤ་དཱ་ཡ… མ་ནོ་ས་མྤ་དཱ་ཡ མཱ་ནཾ ཛ་ནེ་ཏི. ས་ཏྟ་ཝི་དྷེ་ན མཱ་ནོ – མཱ་ནོ, ཨ་ཏི་མཱ་ནོ, མཱ་ནཱ་ཏི་མཱ་ནོ, ཨོ་མཱ་ནོ, ཨ་དྷི་མཱ་ནོ, ཨ་སྨི་མཱ་ནོ, མི་ཙྪཱ་མཱ་ནོ. ཨ་ཊྛ་ཝི་དྷེ་ན མཱ་ནོ – ལཱ་བྷེ་ན མཱ་ནཾ ཛ་ནེ་ཏི, ཨ་ལཱ་བྷེ་ན ཨོ་མཱ་ནཾ ཛ་ནེ་ཏི, ཡ་སེ་ན མཱ་ནཾ ཛ་ནེ་ཏི, ཨ་ཡ་སེ་ན ཨོ་མཱ་ནཾ ཛ་ནེ་ཏི, པ་སཾ་སཱ་ཡ མཱ་ནཾ ཛ་ནེ་ཏི, ནི་ནྡཱ་ཡ ཨོ་མཱ་ནཾ ཛ་ནེ་ཏི, སུ་ཁེ་ན མཱ་ནཾ ཛ་ནེ་ཏི, དུ་ཀྑེ་ན ཨོ་མཱ་ནཾ ཛ་ནེ་ཏི. ན་ཝ་ཝི་དྷེ་ན མཱ་ནོ – སེ་ཡྻ་སྶ སེ་ཡྻོ་ཧ་མ་སྨཱི་ཏི མཱ་ནོ, སེ་ཡྻ་སྶ ས་དི་སོ་ཧ་མ་སྨཱི་ཏི མཱ་ནོ, སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ, ས་དི་ས་སྶ སེ་ཡྻོ་ཧ་མ་སྨཱི་ཏི མཱ་ནོ, ས་དི་ས་སྶ ས་དི་སོ་ཧ་མ་སྨཱི་ཏི མཱ་ནོ, ས་དི་ས་སྶ ཧཱི་ནོ་ཧ་མ་སྨཱི་ཏི མཱ་ནོ, ཧཱི་ན་སྶ སེ་ཡྻོ་ཧ་མ་སྨཱི་ཏི མཱ་ནོ, ཧཱི་ན་སྶ ས་དི་སོ་ཧ་མ་སྨཱི་ཏི མཱ་ནོ, ཧཱི་ན་སྶ ཧཱི་ནོ་ཧ་མ་སྨཱི་ཏི མཱ་ནོ. ད་ས་ཝི་དྷེ་ན མཱ་ནོ – ཨི་དྷེ་ཀ་ཙྩོ མཱ་ནཾ ཛ་ནེ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝཱ ཝ་ཏྠུ་ནཱ. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ [ཨུ་ཎྞ་མོ (སྱཱ. ཀ.)] དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི མཱ་ནོ. མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོཏི. དྷོ་ནོ མཱ་ཡ་ཉྩ མཱ་ན་ཉྩ པ་ཧཱ་ཡ པ་ཛ་ཧི་ཏྭཱ ཝི་ནོ་དེ་ཏྭཱ བྱ་ནྟིཾ ཀ་རི་ཏྭཱ ཨ་ན་བྷཱ་ཝཾ ག་མེ་ཏྭཱ་ཏི – མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོ.
ས ཀེ་ན ག་ཙྪེ་ཡྻ ཨ་ནཱུ་པ་ཡོ སོཏི. ཨུ་པ་ཡཱཏི དྭེ ཨུ་པ་ཡཱ – ཏ་ཎྷཱུ་པ་ཡོ ཙ དི་ཊྛཱུ་པ་ཡོ ཙ…པེ… ཨ་ཡཾ ཏ་ཎྷཱུ་པ་ཡོ…པེ… ཨ་ཡཾ དི་ཊྛཱུ་པ་ཡོ. ཏ་སྶ ཏ་ཎྷཱུ་པ་ཡོ པ་ཧཱི་ནོ, དི་ཊྛཱུ་པ་ཡོ པ་ཊི་ནི་སྶ་ཊྛོ. ཏ་ཎྷཱུ་པ་ཡ་སྶ པ་ཧཱི་ན་ཏྟཱ, དི་ཊྛཱུ་པ་ཡ་སྶ པ་ཊི་ནི་སྶ་ཊྛ་ཏྟཱ ཨ་ནཱུ་པ་ཡོ པུ་གྒ་ལོ ཀེ་ན རཱ་གེ་ན ག་ཙྪེ་ཡྻ, ཀེ་ན དོ་སེ་ན ག་ཙྪེ་ཡྻ, ཀེ་ན མོ་ཧེ་ན ག་ཙྪེ་ཡྻ, ཀེ་ན མཱ་ནེ་ན ག་ཙྪེ་ཡྻ, ཀཱ་ཡ དི་ཊྛི་ཡཱ ག་ཙྪེ་ཡྻ, ཀེ་ན ཨུ་དྡྷ་ཙྩེ་ན ག་ཙྪེ་ཡྻ, ཀཱ་ཡ ཝི་ཙི་ཀི་ཙྪཱ་ཡ ག་ཙྪེ་ཡྻ, ཀེ་ཧི ཨ་ནུ་ས་ཡེ་ཧི ག་ཙྪེ་ཡྻ – ར་ཏྟོ་ཏི ཝཱ དུ་ཊྛོ་ཏི ཝཱ མཱུ་ལ༹ྷོ་ཏི ཝཱ ཝི་ནི་བ་དྡྷོ་ཏི ཝཱ པ་རཱ་མ་ཊྛོ་ཏི ཝཱ ཝི་ཀྑེ་པ་ག་ཏོ་ཏི ཝཱ ཨ་ནི་ཊྛ་ངྒ་ཏོ་ཏི ཝཱ ཐཱ་མ་ག་ཏོ་ཏི ཝཱ. ཏེ ཨ་བྷི་ས་ངྑཱ་རཱ པ་ཧཱི་ནཱ. ཨ་བྷི་ས་ངྑཱ་རཱ་ནཾ པ་ཧཱི་ན་ཏྟཱ ག་ཏི་ཡོ ཀེ་ན ག་ཙྪེ་ཡྻ – ནེ་ར་ཡི་ཀོ་ཏི ཝཱ ཏི་ར་ཙྪཱ་ན་ཡོ་ནི་ཀོ་ཏི ཝཱ པེ་ཏྟི་ཝི་ས་ཡི་ཀོ་ཏི ཝཱ མ་ནུ་སྶོ་ཏི ཝཱ དེ་ཝོ་ཏི ཝཱ རཱུ་པཱི་ཏི ཝཱ ཨ་རཱུ་པཱི་ཏི ཝཱ ས་ཉྙཱི་ཏི ཝཱ ཨ་ས་ཉྙཱི་ཏི ཝཱ ནེ་ཝ་ས་ཉྙཱི་ནཱ་ས་ཉྙཱི་ཏི ཝཱ. སོ ཧེ་ཏུ ན་ཏྠི པ་ཙྩ་ཡོ ན་ཏྠི ཀཱ་ར་ཎཾ ན་ཏྠི, ཡེ་ན ག་ཙྪེ་ཡྻཱ་ཏི – ས ཀེ་ན ག་ཙྪེ་ཡྻ ཨ་ནཱུ་པ་ཡོ སོ.
ཏེ་ནཱ་ཧ བྷ་ག་ཝཱ –
‘‘དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ, པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སུ;
མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོ, ས ཀེ་ན ག་ཙྪེ་ཡྻ ཨ་ནཱུ་པ་ཡོ སོ’’ཏི.
༢༢. ཨུ་པ་ཡོ ཧི དྷ་མྨེ་སུ ཨུ་པེ་ཏི ཝཱ་དཾ,ཨ་ནཱུ་པ་ཡཾ ཀེ་ན ཀ་ཐཾ ཝ་དེ་ཡྻ;
ཨ་ཏྟཱ ནི་ར་ཏྟཱ ན ཧི ཏ་སྶ ཨ་ཏྠི, ཨ་དྷོ་སི སོ དི་ཊྛི་མི་དྷེ་ཝ ས་བྦཾ.
ཨུ་པ་ཡོ ཧི དྷ་མྨེ་སུ ཨུ་པེ་ཏི ཝཱ་དནྟི. ཨུ་པ་ཡཱཏི དྭེ ཨུ་པ་ཡཱ – ཏ་ཎྷཱུ་པ་ཡོ ཙ དི་ཊྛཱུ་པ་ཡོ ཙ…པེ… ཨ་ཡཾ ཏ་ཎྷཱུ་པ་ཡོ…པེ… ཨ་ཡཾ དི་ཊྛཱུ་པ་ཡོ. ཏ་སྶ ཏ་ཎྷཱུ་པ་ཡོ ཨ་པྤ་ཧཱི་ནོ, དི་ཊྛཱུ་པ་ཡོ ཨ་པྤ་ཊི་ནི་སྶ་ཊྛོ. ཏ་ཎྷཱུ་པ་ཡ་སྶ ཨ་པྤ་ཧཱི་ན་ཏྟཱ, དི་ཊྛཱུ་པ་ཡ་སྶ ཨ་པྤ་ཊི་ནི་སྶ་ཊྛ་ཏྟཱ དྷ་མྨེ་སུ ཝཱ་དཾ ཨུ་པེ་ཏི – ར་ཏྟོ་ཏི ཝཱ དུ་ཊྛོ་ཏི ཝཱ མཱུ་ལ༹ྷོ་ཏི ཝཱ ཝི་ནི་བ་དྡྷོ་ཏི ཝཱ པ་རཱ་མ་ཊྛོ་ཏི ཝཱ ཝི་ཀྑེ་པ་ག་ཏོ་ཏི ཝཱ ཨ་ནི་ཊྛ་ངྒ་ཏོ་ཏི ཝཱ ཐཱ་མ་ག་ཏོ་ཏི ཝཱ. ཏེ ཨ་བྷི་ས་ངྑཱ་རཱ ཨ་པྤ་ཧཱི་ནཱ. ཨ་བྷི་ས་ངྑཱ་རཱ་ནཾ ཨ་པྤ་ཧཱི་ན་ཏྟཱ ག་ཏི་ཡཱ ཝཱ་དཾ ཨུ་པེ་ཏི. ནེ་ར་ཡི་ཀོ་ཏི ཝཱ ཏི་ར་ཙྪཱ་ན་ཡོ་ནི་ཀོ་ཏི ཝཱ པེ་ཏྟི་ཝི་ས་ཡི་ཀོ་ཏི ཝཱ མ་ནུ་སྶོ་ཏི ཝཱ དེ་ཝོ་ཏི ཝཱ རཱུ་པཱི་ཏི ཝཱ ཨ་རཱུ་པཱི་ཏི ཝཱ ས་ཉྙཱི་ཏི ཝཱ ཨ་ས་ཉྙཱི་ཏི ཝཱ ནེ་ཝ་ས་ཉྙཱི་ནཱ་ས་ཉྙཱི་ཏི ཝཱ ཝཱ་དཾ ཨུ་པེ་ཏི ཨུ་པ་ག་ཙྪ་ཏི ག་ཎྷཱ་ཏི པ་རཱ་མ་ས་ཏི ཨ་བྷི་ནི་ཝི་ས་ཏཱི་ཏི – ཨུ་པ་ཡོ ཧི དྷ་མྨེ་སུ ཨུ་པེ་ཏི ཝཱ་དཾ.
ཨ་ནཱུ་པ་ཡཾ ཀེ་ན ཀ་ཐཾ ཝ་དེ་ཡྻཱཏི. ཨུ་པ་ཡཱཏི དྭེ ཨུ་པ་ཡཱ – ཏ་ཎྷཱུ་པ་ཡོ ཙ དི་ཊྛཱུ་པ་ཡོ ཙ…པེ… ཨ་ཡཾ ཏ་ཎྷཱུ་པ་ཡོ…པེ… ཨ་ཡཾ དི་ཊྛཱུ་པ་ཡོ. ཏ་སྶ ཏ་ཎྷཱུ་པ་ཡོ པ་ཧཱི་ནོ, དི་ཊྛཱུ་པ་ཡོ པ་ཊི་ནི་སྶ་ཊྛོ. ཏ་ཎྷཱུ་པ་ཡ་སྶ པ་ཧཱི་ན་ཏྟཱ, དི་ཊྛཱུ་པ་ཡ་སྶ པ་ཊི་ནི་སྶ་ཊྛ་ཏྟཱ ཨ་ནཱུ་པ་ཡཾ པུ་གྒ་ལཾ ཀེ་ན རཱ་གེ་ན ཝ་དེ་ཡྻ, ཀེ་ན དོ་སེ་ན ཝ་དེ་ཡྻ, ཀེ་ན མོ་ཧེ་ན ཝ་དེ་ཡྻ, ཀེ་ན མཱ་ནེ་ན ཝ་དེ་ཡྻ, ཀཱ་ཡ དི་ཊྛི་ཡཱ ཝ་དེ་ཡྻ, ཀེ་ན ཨུ་དྡྷ་ཙྩེ་ན ཝ་དེ་ཡྻ, ཀཱ་ཡ ཝི་ཙི་ཀི་ཙྪཱ་ཡ ཝ་དེ་ཡྻ, ཀེ་ཧི ཨ་ནུ་ས་ཡེ་ཧི ཝ་དེ་ཡྻ – ར་ཏྟོ་ཏི ཝཱ དུ་ཊྛོ་ཏི ཝཱ མཱུ་ལ༹ྷོ་ཏི ཝཱ ཝི་ནི་བ་དྡྷོ་ཏི ཝཱ པ་རཱ་མ་ཊྛོ་ཏི ཝཱ ཝི་ཀྑེ་པ་ག་ཏོ་ཏི ཝཱ ཨ་ནི་ཊྛ་ངྒ་ཏོ་ཏི ཝཱ ཐཱ་མ་ག་ཏོ་ཏི ཝཱ. ཏེ ཨ་བྷི་ས་ངྑཱ་རཱ པ་ཧཱི་ནཱ. ཨ་བྷི་ས་ངྑཱ་རཱ་ནཾ པ་ཧཱི་ན་ཏྟཱ ག་ཏི་ཡོ ཀེ་ན ཝ་དེ་ཡྻ – ནེ་ར་ཡི་ཀོ་ཏི ཝཱ…པེ… ནེ་ཝ་ས་ཉྙཱི་ནཱ་ས་ཉྙཱི་ཏི ཝཱ. སོ ཧེ་ཏུ ན་ཏྠི, པ་ཙྩ་ཡོ ན་ཏྠི, ཀཱ་ར་ཎཾ ན་ཏྠི, ཡེ་ན ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻཱ་ཏི – ཨ་ནཱུ་པ་ཡཾ ཀེ་ན ཀ་ཐཾ ཝ་དེ་ཡྻ.
ཨ་ཏྟཱ ནི་ར་ཏྟཱ ན ཧི ཏ་སྶ ཨ་ཏྠཱིཏི. ཨ་ཏྟཱཏི ཨ་ཏྟཱ་ནུ་དི་ཊྛི ན་ཏྠི. ནི་ར་ཏྟཱཏི ཨུ་ཙྪེ་ད་དི་ཊྛི ན་ཏྠི. ཨ་ཏྟཱཏི ག་ཧི་ཏཾ ན་ཏྠི. ནི་ར་ཏྟཱཏི མུ་ཉྩི་ཏ་བྦཾ ན་ཏྠི. ཡ་སྶ་ཏྠི ག་ཧི་ཏཾ, ཏ་སྶ་ཏྠི མུ་ཉྩི་ཏ་བྦཾ; ཡ་སྶ་ཏྠི མུ་ཉྩི་ཏ་བྦཾ, ཏ་སྶ་ཏྠི ག་ཧི་ཏཾ. ག་ཧ་ཎཾ མུ་ཉྩ་ནཱ ས་མ་ཏི་ཀྐ་ནྟོ ཨ་ར་ཧཱ བུ་དྡྷི་པ་རི་ཧཱ་ནི་ཝཱི་ཏི་ཝ་ཏྟོ. སོ ཝུ་ཊྛ་ཝཱ་སོ ཙི་ཎྞ་ཙ་ར་ཎོ ག་ཏ་དྡྷོ ག་ཏ་དི་སོ ཛཱ་ཏི་མ་ར་ཎ་སཾ་སཱ་རོ, ན་ཏྠི ཏ་སྶ པུ་ན་བྦྷ་ཝོ་ཏི – ཨ་ཏྟཱ ནི་ར་ཏྟཱ ན ཧི ཏ་སྶ ཨ་ཏྠི.
ཨ་དྷོ་སི སོ དི་ཊྛི་མི་དྷེ་ཝ ས་བྦནྟི ཏ་སྶ དྭཱ་ས་ཊྛི དི་ཊྛི་ག་ཏཱ་ནི པ་ཧཱི་ནཱ་ནི ས་མུ་ཙྪི་ནྣཱ་ནི ཝཱུ་པ་ས་ནྟཱ་ནི པ་ཊི་པ་སྶ་དྡྷཱ་ནི ཨ་བྷ་བྦུ་པྤ་ཏྟི་ཀཱ་ནི ཉཱ་ཎ་གྒི་ནཱ ད་ཌྜྷཱ་ནི. སོ ས་བྦ་དི་ཊྛི་ག་ཏཾ ཨི་དྷེ་ཝ ཨ་དྷོ་སི དྷུ་ནི ས་ནྡྷུ་ནི ནི་དྡྷུ་ནི པ་ཛ་ཧི ཝི་ནོ་དེ་སི བྱ་ནྟིཾ ཨ་ཀཱ་སི ཨ་ན་བྷཱ་ཝཾ ག་མེ་སཱི་ཏི – ཨ་དྷོ་སི སོ དི་ཊྛི་མི་དྷེ་ཝ ས་བྦཾ.
ཏེ་ནཱ་ཧ བྷ་ག་ཝཱ –
‘‘ཨུ་པ་ཡོ ཧི དྷ་མྨེ་སུ ཨུ་པེ་ཏི ཝཱ་དཾ, ཨ་ནཱུ་པ་ཡཾ ཀེ་ན ཀ་ཐཾ ཝ་དེ་ཡྻ;
ཨ་ཏྟཱ ནི་ར་ཏྟཱ ན ཧི ཏ་སྶ ཨ་ཏྠི, ཨ་དྷོ་སི སོ དི་ཊྛི་མི་དྷེ་ཝ ས་བྦ’’ནྟི.
དུ་ཊྛ་ཊྛ་ཀ་སུ་ཏྟ་ནི་དྡེ་སོ ཏ་ཏི་ཡོ.