༢. གུ་ཧ་ཊྛ་ཀ་སུ་ཏྟ་ནི་དྡེ་སོ
ཨ་ཐ གུ་ཧ་ཊྛ་ཀ་སུ་ཏྟ་ནི་དྡེ་སཾ ཝ་ཀྑ་ཏི –
༧. ས་ཏྟོ གུ་ཧཱ་ཡཾ བ་ཧུ་ནཱ་བྷི་ཚ་ནྣོ, ཏི་ཊྛཾ ན་རོ མོ་ཧ་ན་སྨིཾ པ་གཱ་ལ༹ྷོ;
དཱུ་རེ ཝི་ཝེ་ཀཱ ཧི ཏ་ཐཱ་ཝི་དྷོ སོ, ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱ.
ས་ཏྟོ གུ་ཧཱ་ཡཾ བ་ཧུ་ནཱ་བྷི་ཚ་ནྣོཏི. ས་ཏྟོ་ཏི ཧི ཁོ ཝུ་ཏྟཾ, ཨ་པི ཙ གུ་ཧཱ ཏཱ་ཝ ཝ་ཏྟ་བྦཱ. གུ་ཧཱ ཝུ་ཙྩ་ཏི ཀཱ་ཡོ. ཀཱ་ཡོ་ཏི ཝཱ གུ་ཧཱ་ཏི ཝཱ དེ་ཧོ་ཏི ཝཱ ས་ནྡེ་ཧོ་ཏི ཝཱ ནཱ་ཝཱ་ཏི ཝཱ ར་ཐོ་ཏི ཝཱ དྷ་ཛོ་ཏི ཝཱ ཝ་མྨི་ཀོ་ཏི ཝཱ ན་ག་ར་ནྟི ཝཱ ནི་ཌྜ་ནྟི ཝཱ ཀུ་ཊཱི་ཏི ཝཱ ག་ཎྜོ་ཏི ཝཱ ཀུ་མྦྷོ་ཏི ཝཱ ནཱ་གོ་ཏི ཝཱ ཀཱ་ཡ་སྶེ་ཏཾ ཨ་དྷི་ཝ་ཙ་ནཾ. ས་ཏྟོ གུ་ཧཱ་ཡནྟི གུ་ཧཱ་ཡཾ ས་ཏྟོ ཝི་ས་ཏྟོ ཨཱ་ས་ཏྟོ ལ་གྒོ ལ་གྒི་ཏོ པ་ལི་བུ་དྡྷོ. ཡ་ཐཱ བྷི་ཏྟི་ཁི་ལེ ཝཱ ནཱ་ག་ད་ནྟེ ཝཱ ག་ཎྜཾ ས་ཏྟཾ ཝི་ས་ཏྟཾ ཨཱ་ས་ཏྟཾ ལ་གྒཾ ལ་གྒི་ཏཾ པ་ལི་བུ་དྡྷཾ; ཨེ་ཝ་མེ་ཝ གུ་ཧཱ་ཡཾ ས་ཏྟོ ཝི་ས་ཏྟོ ཨཱ་ས་ཏྟོ ལ་གྒོ ལ་གྒི་ཏོ པ་ལི་བུ་དྡྷོ. ཝུ་ཏྟ་ཉྷེ་ཏཾ བྷ་ག་ཝ་ཏཱ –
‘‘རཱུ་པེ ཁོ, རཱ་དྷ, ཡོ ཚ་ནྡོ ཡོ རཱ་གོ ཡཱ ན་ནྡཱི ཡཱ ཏ་ཎྷཱ ཡེ ཨུ་པ་ཡཱུ་པཱ་དཱ་ནཱ ཙེ་ཏ་སོ ཨ་དྷི་ཊྛཱ་ནཱ་བྷི་ནི་ཝེ་སཱ་ནུ་ས་ཡཱ, ཏ་ཏྲ ས་ཏྟོ ཏ་ཏྲ ཝི་ས་ཏྟོ; ཏ་སྨཱ ས་ཏྟོ་ཏི ཝུ་ཙྩ་ཏི. ཝེ་ད་ནཱ་ཡ ཁོ, རཱ་དྷ…པེ… ས་ཉྙཱ་ཡ ཁོ, རཱ་དྷ… ས་ངྑཱ་རེ་སུ ཁོ, རཱ་དྷ… ཝི་ཉྙཱ་ཎེ ཁོ, རཱ་དྷ, ཡོ ཚ་ནྡོ ཡོ རཱ་གོ ཡཱ ན་ནྡཱི ཡཱ ཏ་ཎྷཱ ཡེ ཨུ་པ་ཡཱུ་པཱ་དཱ་ནཱ ཙེ་ཏ་སོ ཨ་དྷི་ཊྛཱ་ནཱ་བྷི་ནི་ཝེ་སཱ་ནུ་ས་ཡཱ, ཏ་ཏྲ ས་ཏྟོ ཏ་ཏྲ ཝི་ས་ཏྟོ; ཏ་སྨཱ ས་ཏྟོ་ཏི ཝུ་ཙྩ་ཏི. ས་ཏྟོ་ཏི ལ་གྒ་ནཱ་དྷི་ཝ་ཙ་ན’’ནྟི – ས་ཏྟོ གུ་ཧཱ་ཡཾ. བ་ཧུ་ནཱ་བྷི་ཚ་ནྣོཏི བ་ཧུ་ཀེ་ཧི ཀི་ལེ་སེ་ཧི ཚ་ནྣོ, རཱ་གེ་ན ཚ་ནྣོ དོ་སེ་ན ཚ་ནྣོ མོ་ཧེ་ན ཚ་ནྣོ ཀོ་དྷེ་ན ཚ་ནྣོ ཨུ་པ་ནཱ་ཧེ་ན ཚ་ནྣོ མ་ཀྑེ་ན ཚ་ནྣོ པ་ལཱ༹་སེ་ན ཚ་ནྣོ ཨི་སྶཱ་ཡ ཚ་ནྣོ མ་ཙྪ་རི་ཡེ་ན ཚ་ནྣོ མཱ་ཡཱ་ཡ ཚ་ནྣོ སཱ་ཋེ་ཡྻེ་ན ཚ་ནྣོ ཐ་མྦྷེ་ན ཚ་ནྣོ སཱ་ར་མྦྷེ་ན ཚ་ནྣོ མཱ་ནེ་ན ཚ་ནྣོ ཨ་ཏི་མཱ་ནེ་ན ཚ་ནྣོ མ་དེ་ན ཚ་ནྣོ པ་མཱ་དེ་ན ཚ་ནྣོ. ས་བྦ་ཀི་ལེ་སེ་ཧི ས་བྦ་དུ་ཙྩ་རི་ཏེ་ཧི ས་བྦ་ད་ར་ཐེ་ཧི ས་བྦ་པ་རི་ལཱ༹་ཧེ་ཧི ས་བྦ་ས་ནྟཱ་པེ་ཧི ས་བྦཱ་ཀུ་ས་ལཱ་བྷི་ས་ངྑཱ་རེ་ཧི ཚ་ནྣོ ཝི་ཚ་ནྣོ ཨུ་ཙྪ་ནྣོ ཨཱ་ཝུ་ཏོ ནི་ཝུ་ཏོ ཨོ་ཝུ་ཏོ [ཨོ་ཕུ་ཏོ (སྱཱ.)] པི་ཧི་ཏོ པ་ཊི་ཙྪ་ནྣོ པ་ཊི་ཀུ་ཛྫི་ཏོ་ཏི – ས་ཏྟོ གུ་ཧཱ་ཡཾ བ་ཧུ་ནཱ་བྷི་ཚ་ནྣོ.
ཏི་ཊྛཾ ན་རོ མོ་ཧ་ན་སྨིཾ པ་གཱ་ལ༹ྷོཏི ཏི་ཊྛ་ནྟོ ན་རོ ར་ཏྟོ རཱ་ག་ཝ་སེ་ན ཏི་ཊྛ་ཏི, དུ་ཊྛོ དོ་ས་ཝ་སེ་ན ཏི་ཊྛ་ཏི, མཱུ་ལ༹ྷོ མོ་ཧ་ཝ་སེ་ན ཏི་ཊྛ་ཏི, ཝི་ནི་བ་དྡྷོ མཱ་ན་ཝ་སེ་ན ཏི་ཊྛ་ཏི, པ་རཱ་མ་ཊྛོ དི་ཊྛི་ཝ་སེ་ན ཏི་ཊྛ་ཏི, ཝི་ཀྑེ་པ་ག་ཏོ ཨུ་དྡྷ་ཙྩ་ཝ་སེ་ན ཏི་ཊྛ་ཏི, ཨ་ནི་ཊྛ་ངྒ་ཏོ ཝི་ཙི་ཀི་ཙྪཱ་ཝ་སེ་ན ཏི་ཊྛ་ཏི, ཐཱ་མ་ག་ཏོ ཨ་ནུ་ས་ཡ་ཝ་སེ་ན ཏི་ཊྛ་ཏི. ཨེ་ཝ་མྤི ཏི་ཊྛཾ ན་རོ.
ཝུ་ཏྟ་ཉྷེ་ཏཾ བྷ་ག་ཝ་ཏཱ – ‘‘ས་ནྟི, བྷི་ཀྑ་ཝེ, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ, ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏི. ས་ནྟི, བྷི་ཀྑ་ཝེ, སོ་ཏ་ཝི་ཉྙེ་ཡྻཱ ས་དྡཱ…པེ… གྷཱ་ན་ཝི་ཉྙེ་ཡྻཱ ག་ནྡྷཱ… ཛི་ཝ྄ཧཱ་ཝི་ཉྙེ་ཡྻཱ ར་སཱ… ཀཱ་ཡ་ཝི་ཉྙེ་ཡྻཱ ཕོ་ཊྛ་བྦཱ… མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ, ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏཱི’’ཏི. ཨེ་ཝ་མྤི ཏི་ཊྛཾ ན་རོ.
ཝུ་ཏྟ་ཉྷེ་ཏཾ བྷ་ག་ཝ་ཏཱ – ‘‘རཱུ་པཱུ་པ་ཡཾ ཝཱ, བྷི་ཀྑ་ཝེ, ཝི་ཉྙཱ་ཎཾ ཏི་ཊྛ་མཱ་ནཾ ཏི་ཊྛ་ཏི, རཱུ་པཱ་ར་མྨ་ཎཾ རཱུ་པ་པ་ཏི་ཊྛཾ ན་ནྡཱུ་པ་སེ་ཙ་ནཾ ཝུ་དྡྷིཾ ཝི་རཱུ་ལ༹ྷིཾ ཝེ་པུ་ལླཾ ཨཱ་པ་ཛྫ་ཏི. ཝེ་ད་ནཱུ་པ་ཡཾ ཝཱ, བྷི་ཀྑ་ཝེ…པེ… ས་ཉྙཱུ་པ་ཡཾ… ས་ངྑཱ་རཱུ་པ་ཡཾ ཝཱ, བྷི་ཀྑ་ཝེ, ཝི་ཉྙཱ་ཎཾ ཏི་ཊྛ་མཱ་ནཾ ཏི་ཊྛ་ཏི, ས་ངྑཱ་རཱ་ར་མྨ་ཎཾ ས་ངྑཱ་ར་པ་ཏི་ཊྛཾ ན་ནྡཱུ་པ་སེ་ཙ་ནཾ ཝུ་དྡྷིཾ ཝི་རཱུ་ལ༹ྷིཾ ཝེ་པུ་ལླཾ ཨཱ་པ་ཛྫ་ཏཱི’’ཏི. ཨེ་ཝ་མྤི ཏི་ཊྛཾ ན་རོ.
ཝུ་ཏྟ་མྤི ཧེ་ཏཾ བྷ་ག་ཝ་ཏཱ – ‘‘ཀ་བ་ལཱི༹་ཀཱ་རེ ཙེ, བྷི་ཀྑ་ཝེ, ཨཱ་ཧཱ་རེ ཨ་ཏྠི རཱ་གོ ཨ་ཏྠི ན་ནྡཱི ཨ་ཏྠི ཏ་ཎྷཱ, པ་ཏི་ཊྛི་ཏཾ ཏ་ཏྠ ཝི་ཉྙཱ་ཎཾ ཝི་རཱུ་ལ༹ྷཾ. ཡ་ཏྠ པ་ཏི་ཊྛི་ཏཾ ཝི་ཉྙཱ་ཎཾ ཝི་རཱུ་ལ༹ྷཾ, ཨ་ཏྠི ཏ་ཏྠ ནཱ་མ་རཱུ་པ་སྶཱ་ཝ་ཀྐ་ནྟི. ཡ་ཏྠ ཨ་ཏྠི ནཱ་མ་རཱུ་པ་སྶཱ་ཝ་ཀྐ་ནྟི, ཨ་ཏྠི ཏ་ཏྠ ས་ངྑཱ་རཱ་ནཾ ཝུ་དྡྷི. ཡ་ཏྠ ཨ་ཏྠི ས་ངྑཱ་རཱ་ནཾ ཝུ་དྡྷི, ཨ་ཏྠི ཏ་ཏྠ ཨཱ་ཡ་ཏིཾ པུ་ན་བྦྷ་ཝཱ་བྷི་ནི་བྦ་ཏྟི. ཡ་ཏྠ ཨ་ཏྠི ཨཱ་ཡ་ཏིཾ པུ་ན་བྦྷ་ཝཱ་བྷི་ནི་བྦ་ཏྟི, ཨ་ཏྠི ཏ་ཏྠ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ. ཡ་ཏྠ ཨ་ཏྠི ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ, ས་སོ་ཀཾ ཏཾ, བྷི་ཀྑ་ཝེ, ས་ར་ཛཾ ས་ཨུ་པཱ་ཡཱ་ས་ནྟི ཝ་དཱ་མཱི’’ཏི. ཨེ་ཝ་མྤི ཏི་ཊྛཾ ན་རོ.
‘‘ཕ་སྶེ ཙེ, བྷི་ཀྑ་ཝེ, ཨཱ་ཧཱ་རེ…པེ… མ་ནོ་ས་ཉྩེ་ཏ་ནཱ་ཡ ཙེ, བྷི་ཀྑ་ཝེ, ཨཱ་ཧཱ་རེ… ཝི་ཉྙཱ་ཎེ ཙེ, བྷི་ཀྑ་ཝེ, ཨཱ་ཧཱ་རེ ཨ་ཏྠི རཱ་གོ ཨ་ཏྠི ན་ནྡཱི ཨ་ཏྠི ཏ་ཎྷཱ, པ་ཏི་ཊྛི་ཏཾ ཏ་ཏྠ ཝི་ཉྙཱ་ཎཾ ཝི་རཱུ་ལ༹ྷཾ. ཡ་ཏྠ པ་ཏི་ཊྛི་ཏཾ ཝི་ཉྙཱ་ཎཾ ཝི་རཱུ་ལ༹ྷཾ, ཨ་ཏྠི ཏ་ཏྠ ནཱ་མ་རཱུ་པ་སྶཱ་ཝ་ཀྐ་ནྟི. ཡ་ཏྠ ཨ་ཏྠི ནཱ་མ་རཱུ་པ་སྶཱ་ཝ་ཀྐ་ནྟི, ཨ་ཏྠི ཏ་ཏྠ ས་ངྑཱ་རཱ་ནཾ ཝུ་དྡྷི. ཡ་ཏྠ ཨ་ཏྠི ས་ངྑཱ་རཱ་ནཾ ཝུ་དྡྷི, ཨ་ཏྠི ཏ་ཏྠ ཨཱ་ཡ་ཏིཾ པུ་ན་བྦྷ་ཝཱ་བྷི་ནི་བྦ་ཏྟི. ཡ་ཏྠ ཨ་ཏྠི ཨཱ་ཡ་ཏིཾ པུ་ན་བྦྷ་ཝཱ་བྷི་ནི་བྦ་ཏྟི, ཨ་ཏྠི ཏ་ཏྠ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ. ཡ་ཏྠ ཨ་ཏྠི ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎཾ, ས་སོ་ཀཾ ཏཾ, བྷི་ཀྑ་ཝེ, ས་ར་ཛཾ ས་ཨུ་པཱ་ཡཱ་ས་ནྟི ཝ་དཱ་མཱི’’ཏི. ཨེ་ཝ་མྤི ཏི་ཊྛཾ ན་རོ.
མོ་ཧ་ན་སྨིཾ པ་གཱ་ལ༹ྷོཏི. མོ་ཧ་ནཱ ཝུ་ཙྩ་ནྟི པ་ཉྩ ཀཱ་མ་གུ་ཎཱ. ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ; སོ་ཏ་ཝི་ཉྙེ་ཡྻཱ ས་དྡཱ… གྷཱ་ན་ཝི་ཉྙེ་ཡྻཱ ག་ནྡྷཱ… ཛི་ཝ྄ཧཱ་ཝི་ཉྙེ་ཡྻཱ ར་སཱ… ཀཱ་ཡ་ཝི་ཉྙེ་ཡྻཱ ཕོ་ཊྛ་བྦཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཀིཾ ཀཱ་ར་ཎཱ མོ་ཧ་ནཱ ཝུ་ཙྩ་ནྟི པ་ཉྩ ཀཱ་མ་གུ་ཎཱ? ཡེ་བྷུ་ཡྻེ་ན དེ་ཝ་མ་ནུ་སྶཱ པ་ཉྩ་སུ ཀཱ་མ་གུ་ཎེ་སུ མུ་ཡ྄ཧ་ནྟི ས་མྨུ་ཡ྄ཧ་ནྟི ས་མྤ་མུ་ཡ྄ཧ་ནྟི, མཱུ་ལ༹ྷཱ ས་མྨཱུ་ལ༹ྷཱ ས་མྤ་མཱུ་ལ༹ྷཱ ཨ་ཝི་ཛྫཱ་ཡ ཨ་ནྡྷཱི་ཀ་ཏཱ ཨཱ་ཝུ་ཏཱ ནི་ཝུ་ཏཱ ཨོ་ཝུ་ཏཱ པི་ཧི་ཏཱ པ་ཊི་ཙྪ་ནྣཱ པ་ཊི་ཀུ་ཛྫི་ཏཱ, ཏཾ ཀཱ་ར་ཎཱ མོ་ཧ་ནཱ ཝུ་ཙྩ་ནྟི པ་ཉྩ ཀཱ་མ་གུ་ཎཱ. མོ་ཧ་ན་སྨིཾ པ་གཱ་ལ༹ྷོཏི མོ་ཧ་ན་སྨིཾ པ་གཱ་ལ༹ྷོ ཨོ་གཱ་ལ༹ྷོ ཨ་ཛ྄ཛྷོ་གཱ་ལ༹ྷོ ནི་མུ་གྒོ་ཏི – ཏི་ཊྛཾ ན་རོ མོ་ཧ་ན་སྨིཾ པ་གཱ་ལ༹ྷོ.
དཱུ་རེ ཝི་ཝེ་ཀཱ ཧི ཏ་ཐཱ་ཝི་དྷོ སོཏི. ཝི་ཝེ་ཀཱཏི ཏ་ཡོ ཝི་ཝེ་ཀཱ – ཀཱ་ཡ་ཝི་ཝེ་ཀོ, ཙི་ཏྟ་ཝི་ཝེ་ཀོ, ཨུ་པ་དྷི་ཝི་ཝེ་ཀོ. ཀ་ཏ་མོ ཀཱ་ཡ་ཝི་ཝེ་ཀོ? ཨི་དྷ བྷི་ཀྑུ ཝི་ཝི་ཏྟཾ སེ་ནཱ་ས་ནཾ བྷ་ཛ་ཏི ཨ་ར་ཉྙཾ རུ་ཀྑ་མཱུ་ལཾ པ་བྦ་ཏཾ ཀ་ནྡ་རཾ གི་རི་གུ་ཧཾ སུ་སཱ་ནཾ ཝ་ན་པ་ཏྠཾ ཨ་བྦྷོ་ཀཱ་སཾ པ་ལཱ་ལ་པུ་ཉྫཾ. ཀཱ་ཡེ་ན ཝི་ཝི་ཏྟོ ཝི་ཧ་ར་ཏི. སོ ཨེ་ཀོ ག་ཙྪ་ཏི, ཨེ་ཀོ ཏི་ཊྛ་ཏི, ཨེ་ཀོ ནི་སཱི་ད་ཏི, ཨེ་ཀོ སེ་ཡྻཾ ཀ་པྤེ་ཏི, ཨེ་ཀོ གཱ་མཾ པི་ཎྜཱ་ཡ པ་ཝི་ས་ཏི, ཨེ་ཀོ པ་ཊི་ཀྐ་མ་ཏི, ཨེ་ཀོ ར་ཧོ ནི་སཱི་ད་ཏི, ཨེ་ཀོ ཙ་ངྐ་མཾ ཨ་དྷི་ཊྛཱ་ཏི, ཨེ་ཀོ ཙ་ར་ཏི ཝི་ཧ་ར་ཏི ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི. ཨ་ཡཾ ཀཱ་ཡ་ཝི་ཝེ་ཀོ.
ཀ་ཏ་མོ ཙི་ཏྟ་ཝི་ཝེ་ཀོ? པ་ཋ་མཾ ཛྷཱ་ནཾ ས་མཱ་པ་ནྣ་སྶ ནཱི་ཝ་ར་ཎེ་ཧི ཙི་ཏྟཾ ཝི་ཝི་ཏྟཾ ཧོ་ཏི. དུ་ཏི་ཡཾ ཛྷཱ་ནཾ ས་མཱ་པ་ནྣ་སྶ ཝི་ཏ་ཀྐ་ཝི་ཙཱ་རེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ཏ་ཏི་ཡཾ ཛྷཱ་ནཾ ས་མཱ་པ་ནྣ་སྶ པཱི་ཏི་ཡཱ ཙི་ཏྟཾ ཝི་ཝི་ཏྟཾ ཧོ་ཏི. ཙ་ཏུ་ཏྠཾ ཛྷཱ་ནཾ ས་མཱ་པ་ནྣ་སྶ སུ་ཁ་དུ་ཀྑེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ་ཡ པ་ཊི་གྷ་ས་ཉྙཱ་ཡ ནཱ་ན་ཏྟ་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི. ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི. ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི. ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ་ཡ ཙི་ཏྟཾ ཝི་ཝི་ཏྟཾ ཧོ་ཏི. སོ་ཏཱ་པ་ནྣ་སྶ ས་ཀྐཱ་ཡ་དི་ཊྛི་ཡཱ ཝི་ཙི་ཀི་ཙྪཱ་ཡ སཱི་ལ་བྦ་ཏ་པ་རཱ་མཱ་སཱ དི་ཊྛཱ་ནུ་ས་ཡཱ ཝི་ཙི་ཀི་ཙྪཱ་ནུ་ས་ཡཱ, ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ས་ཀ་དཱ་གཱ་མི་སྶ ཨོ་ལཱ༹་རི་ཀཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨོ་ལཱ༹་རི་ཀཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ, ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ཨ་ནཱ་གཱ་མི་སྶ ཨ་ནུ་ས་ཧ་ག་ཏཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨ་ནུ་ས་ཧ་ག་ཏཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ, ཏ་དེ་ཀ་ཊྛེ་ཧི ཙ ཀི་ལེ་སེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ཨ་ར་ཧ་ཏོ རཱུ་པཱ་རཱུ་པ་རཱ་གཱ མཱ་ནཱ ཨུ་དྡྷ་ཙྩཱ ཨ་ཝི་ཛྫཱ་ཡ མཱ་ནཱ་ནུ་ས་ཡཱ བྷ་ཝ་རཱ་གཱ་ནུ་ས་ཡཱ ཨ་ཝི་ཛྫཱ་ནུ་ས་ཡཱ, ཏ་དེ་ཀ་ཊྛེ་ཧི ཙ ཀི་ལེ་སེ་ཧི བ་ཧི་དྡྷཱ ཙ ས་བྦ་ནི་མི་ཏྟེ་ཧི ཙི་ཏྟཾ ཝི་ཝི་ཏྟཾ ཧོ་ཏི. ཨ་ཡཾ ཙི་ཏྟ་ཝི་ཝེ་ཀོ.
ཀ་ཏ་མོ ཨུ་པ་དྷི་ཝི་ཝེ་ཀོ? ཨུ་པ་དྷི ཝུ་ཙྩ་ནྟི ཀི་ལེ་སཱ ཙ ཁ་ནྡྷཱ ཙ ཨ་བྷི་ས་ངྑཱ་རཱ ཙ. ཨུ་པ་དྷི་ཝི་ཝེ་ཀོ ཝུ་ཙྩ་ཏི ཨ་མ་ཏཾ ནི་བྦཱ་ནཾ. ཡོ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ནཾ. ཨ་ཡཾ ཨུ་པ་དྷི་ཝི་ཝེ་ཀོ. ཀཱ་ཡ་ཝི་ཝེ་ཀོ ཙ ཝི་ཝེ་ཀ་ཊྛ་ཀཱ་ཡཱ་ནཾ [ཝཱུ་པ་ཀ་ཊྛ་ཀཱ་ཡཱ་ནཾ (སྱཱ.)] ནེ་ཀྑ་མྨཱ་བྷི་ར་ཏཱ་ནཾ, ཙི་ཏྟ་ཝི་ཝེ་ཀོ ཙ པ་རི་སུ་དྡྷ་ཙི་ཏྟཱ་ནཾ པ་ར་མ་ཝོ་དཱ་ན་པྤ་ཏྟཱ་ནཾ, ཨུ་པ་དྷི་ཝི་ཝེ་ཀོ ཙ ནི་རཱུ་པ་དྷཱི་ནཾ པུ་གྒ་ལཱ་ནཾ ཝི་ས་ངྑཱ་ར་ག་ཏཱ་ནཾ.
དཱུ་རེ ཝི་ཝེ་ཀཱ ཧཱིཏི. ཡོ སོ ཨེ་ཝཾ གུ་ཧཱ་ཡཾ ས་ཏྟོ, ཨེ་ཝཾ བ་ཧུ་ཀེ་ཧི ཀི་ལེ་སེ་ཧི ཚ་ནྣོ, ཨེ་ཝཾ མོ་ཧ་ན་སྨིཾ པ་གཱ་ལ༹ྷོ, སོ ཀཱ་ཡ་ཝི་ཝེ་ཀཱ་པི དཱུ་རེ, ཙི་ཏྟ་ཝི་ཝེ་ཀཱ་པི དཱུ་རེ, ཨུ་པ་དྷི་ཝི་ཝེ་ཀཱ་པི དཱུ་རེ ཝི་དཱུ་རེ སུ་ཝི་དཱུ་རེ ན ས་ནྟི་ཀེ ན སཱ་མ་ནྟཱ ཨ་ནཱ་ས་ནྣེ ཝི་ཝེ་ཀ་ཊྛེ [ཝ་ཝ་ཀ་ཊྛེ (སཱི.), ཨ་ནུ་པ་ཀ་ཊྛེ (སྱཱ.)]. ཏ་ཐཱ་ཝི་དྷོཏི ཏཱ་དི་སོ ཏ་སྶ་ཎྛི་ཏོ ཏ་པྤ་ཀཱ་རོ ཏ་པྤ་ཊི་བྷཱ་གོ ཡོ སོ མོ་ཧ་ན་སྨིཾ པ་གཱ་ལ༹ྷོ་ཏི – དཱུ་རེ ཝི་ཝེ་ཀཱ ཧི ཏ་ཐཱ་ཝི་དྷོ སོ.
ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱཏི. ཀཱ་མཱཏི ཨུ་དྡཱ་ན་ཏོ དྭེ ཀཱ་མཱ – ཝ་ཏྠུ་ཀཱ་མཱ ཙ ཀི་ལེ་ས་ཀཱ་མཱ ཙ. ཀ་ཏ་མེ ཝ་ཏྠུ་ཀཱ་མཱ? མ་ནཱ་པི་ཀཱ རཱུ་པཱ མ་ནཱ་པི་ཀཱ ས་དྡཱ མ་ནཱ་པི་ཀཱ ག་ནྡྷཱ མ་ནཱ་པི་ཀཱ ར་སཱ མ་ནཱ་པི་ཀཱ ཕོ་ཊྛ་བྦཱ, ཨ་ཏྠ་ར་ཎཱ པཱ་ཝུ་ར་ཎཱ དཱ་སི་དཱ་སཱ ཨ་ཛེ་ལ༹་ཀཱ ཀུ་ཀྐུ་ཊ་སཱུ་ཀ་རཱ ཧ་ཏྠི་ག་ཝཱ་སྶ་ཝ་ལ༹་ཝཱ, ཁེ་ཏྟཾ ཝ་ཏྠུ ཧི་ར་ཉྙཾ སུ་ཝ་ཎྞཾ, གཱ་མ་ནི་ག་མ་རཱ་ཛ་དྷཱ་ནི་ཡོ ར་ཊྛ་ཉྩ ཛ་ན་པ་དོ ཙ ཀོ་སོ ཙ ཀོ་ཊྛཱ་གཱ་ར་ཉྩ, ཡཾ ཀི་ཉྩི ར་ཛ་ནཱི་ཡཾ ཝ་ཏྠུ – ཝ་ཏྠུ་ཀཱ་མཱ. ཨ་པི ཙ ཨ་ཏཱི་ཏཱ ཀཱ་མཱ ཨ་ནཱ་ག་ཏཱ ཀཱ་མཱ པ་ཙྩུ་པྤ་ནྣཱ ཀཱ་མཱ, ཨ་ཛ྄ཛྷ་ཏྟཱ ཀཱ་མཱ བ་ཧི་དྡྷཱ ཀཱ་མཱ ཨ་ཛ྄ཛྷ་ཏྟ་བ་ཧི་དྡྷཱ ཀཱ་མཱ, ཧཱི་ནཱ ཀཱ་མཱ མ་ཛ྄ཛྷི་མཱ ཀཱ་མཱ པ་ཎཱི་ཏཱ ཀཱ་མཱ, ཨཱ་པཱ་ཡི་ཀཱ ཀཱ་མཱ མཱ་ནུ་སི་ཀཱ ཀཱ་མཱ དི་བྦཱ ཀཱ་མཱ པ་ཙྩུ་པ་ཊྛི་ཏཱ ཀཱ་མཱ, ནི་མྨི་ཏཱ ཀཱ་མཱ ཨ་ནི་མྨི་ཏཱ ཀཱ་མཱ པ་ར་ནི་མྨི་ཏཱ ཀཱ་མཱ, པ་རི་གྒ་ཧི་ཏཱ ཀཱ་མཱ ཨ་པ་རི་གྒ་ཧི་ཏཱ ཀཱ་མཱ, མ་མཱ་ཡི་ཏཱ ཀཱ་མཱ ཨ་མ་མཱ་ཡི་ཏཱ ཀཱ་མཱ, ས་བྦེ་པི ཀཱ་མཱ་ཝ་ཙ་རཱ དྷ་མྨཱ, ས་བྦེ་པི རཱུ་པཱ་ཝ་ཙ་རཱ དྷ་མྨཱ, ས་བྦེ་པི ཨ་རཱུ་པཱ་ཝ་ཙ་རཱ དྷ་མྨཱ, ཏ་ཎྷཱ་ཝ་ཏྠུ་ཀཱ ཏ་ཎྷཱ་ར་མྨ་ཎཱ ཀཱ་མ་ནཱི་ཡ་ཊྛེ་ན ར་ཛ་ནཱི་ཡ་ཊྛེ་ན མ་ད་ནཱི་ཡ་ཊྛེ་ན ཀཱ་མཱ. ཨི་མེ ཝུ་ཙྩ་ནྟི ཝ་ཏྠུ་ཀཱ་མཱ.
ཀ་ཏ་མེ ཀི་ལེ་ས་ཀཱ་མཱ? ཚ་ནྡོ ཀཱ་མོ རཱ་གོ ཀཱ་མོ ཚ་ནྡ་རཱ་གོ ཀཱ་མོ, ས་ངྐ་པྤོ ཀཱ་མོ རཱ་གོ ཀཱ་མོ ས་ངྐ་པྤ་རཱ་གོ ཀཱ་མོ, ཡོ ཀཱ་མེ་སུ ཀཱ་མ་ཙྪ་ནྡོ ཀཱ་མ་རཱ་གོ ཀཱ་མ་ན་ནྡཱི ཀཱ་མ་ཏ་ཎྷཱ ཀཱ་མ་སྣེ་ཧོ ཀཱ་མ་པ་རི་ལཱ༹་ཧོ ཀཱ་མ་མུ་ཙྪཱ ཀཱ་མ་ཛ྄ཛྷོ་སཱ་ནཾ ཀཱ་མོ་གྷོ ཀཱ་མ་ཡོ་གོ ཀཱ་མུ་པཱ་དཱ་ནཾ ཀཱ་མ་ཙྪ་ནྡ་ནཱི་ཝ་ར་ཎཾ.
‘‘ཨ་དྡ་སཾ ཀཱ་མ ཏེ མཱུ་ལཾ, ས་ངྐ་པྤཱ ཀཱ་མ ཛཱ་ཡ་སི;
ན ཏཾ ས་ངྐ་པྤ་ཡི་སྶཱ་མི, ཨེ་ཝཾ ཀཱ་མ ན ཧོ་ཧི་སཱི’’ཏི. –
ཨི་མེ ཝུ་ཙྩ་ནྟི ཀི་ལེ་ས་ཀཱ་མཱ. ལོ་ཀེཏི ཨ་པཱ་ཡ་ལོ་ཀེ མ་ནུ་སྶ་ལོ་ཀེ དེ་ཝ་ལོ་ཀེ, ཁ་ནྡྷ་ལོ་ཀེ དྷཱ་ཏུ་ལོ་ཀེ ཨཱ་ཡ་ཏ་ན་ལོ་ཀེ. ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱཏི. ཀཱ་མཱ ཧི ལོ་ཀེ དུ་པྤ་ཧཱ་ཡཱ དུ་ཙྩ་ཛྫཱ དུ་པྤ་རི་ཙྩ་ཛྫཱ དུ་ནྣི་མྨ་ད་ཡཱ དུ་ནྣི་ཝེ་ཋ་ཡཱ དུ་བྦི་ནི་ཝེ་ཋ་ཡཱ དུ་ཏྟ་རཱ དུ་པྤ་ཏ་རཱ དུ་སྶ་མ་ཏི་ཀྐ་མཱ དུ་བྦི་ནི་ཝ་ཏྟཱ་ཏི – ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱ.
ཏེ་ནཱ་ཧ བྷ་ག་ཝཱ –
‘‘ས་ཏྟོ གུ་ཧཱ་ཡཾ བ་ཧུ་ནཱ་བྷི་ཚ་ནྣོ, ཏི་ཊྛཾ ན་རོ མོ་ཧ་ན་སྨིཾ པ་གཱ་ལ༹ྷོ;
དཱུ་རེ ཝི་ཝེ་ཀཱ ཧི ཏ་ཐཱ་ཝི་དྷོ སོ, ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱ’’ཏི.
༨. ཨི་ཙྪཱ་ནི་དཱ་ནཱ བྷ་ཝ་སཱ་ཏ་བ་དྡྷཱ, ཏེ དུ་པྤ་མུ་ཉྩཱ ན ཧི ཨ་ཉྙ་མོ་ཀྑཱ;
པ་ཙྪཱ པུ་རེ ཝཱ་པི ཨ་པེ་ཀྑ་མཱ་ནཱ, ཨི་མེ ཝ ཀཱ་མེ པུ་རི་མེ ཝ ཛ་པྤཾ.
ཨི་ཙྪཱ་ནི་དཱ་ནཱ བྷ་ཝ་སཱ་ཏ་བ་དྡྷཱཏི. ཨི་ཙྪཱ ཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ ཨ་ནུ་ན་ཡོ ཨ་ནུ་རོ་དྷོ ན་ནྡཱི ན་ནྡི་རཱ་གོ, ཙི་ཏྟ་སྶ སཱ་རཱ་གོ ཨི་ཙྪཱ མུ་ཙྪཱ ཨ་ཛ྄ཛྷོ་སཱ་ནཾ གེ་དྷོ པ་ལི་གེ་དྷོ ས་ངྒོ པ་ངྐོ, ཨེ་ཛཱ མཱ་ཡཱ ཛ་ནི་ཀཱ ས་ཉྫ་ན་ནཱི སི་བྦི་ནཱི ཛཱ་ལི་ནཱི ས་རི་ཏཱ ཝི་ས་ཏྟི་ཀཱ, སུ་ཏྟཾ ཝི་ས་ཊཱ ཨཱ་ཡཱུ་ཧི་ནཱི དུ་ཏི་ཡཱ པ་ཎི་དྷི བྷ་ཝ་ནེ་ཏྟི, ཝ་ནཾ ཝ་ན་ཐོ ས་ནྡྷ་ཝོ སྣེ་ཧོ ཨ་པེ་ཀྑཱ པ་ཊི་བ་ནྡྷུ, ཨཱ་སཱ ཨཱ་སཱི་ས་ནཱ ཨཱ་སཱི་སི་ཏ་ཏྟཾ, རཱུ་པཱ་སཱ ས་དྡཱ་སཱ ག་ནྡྷཱ་སཱ ར་སཱ་སཱ ཕོ་ཊྛ་བྦཱ་སཱ, ལཱ་བྷཱ་སཱ དྷ་ནཱ་སཱ པུ་ཏྟཱ་སཱ ཛཱི་ཝི་ཏཱ་སཱ, ཛ་པྤཱ པ་ཛ་པྤཱ ཨ་བྷི་ཛ་པྤཱ ཛ་པྤ་ནཱ ཛ་པྤི་ཏ་ཏྟཾ ལོ་ལུ་པྤཾ ལོ་ལུ་པྤཱ་ཡ་ནཱ ལོ་ལུ་པྤཱ་ཡི་ཏ་ཏྟཾ པུ་ཙྪ་ཉྪི་ཀ་ཏཱ སཱ་དྷུ་ཀ་མྱ་ཏཱ, ཨ་དྷ་མྨ་རཱ་གོ ཝི་ས་མ་ལོ་བྷོ ནི་ཀ་ནྟི ནི་ཀཱ་མ་ནཱ པ་ཏྠ་ནཱ པི་ཧ་ནཱ ས་མྤ་ཏྠ་ནཱ, ཀཱ་མ་ཏ་ཎྷཱ བྷ་ཝ་ཏ་ཎྷཱ ཝི་བྷ་ཝ་ཏ་ཎྷཱ, རཱུ་པ་ཏ་ཎྷཱ ཨ་རཱུ་པ་ཏ་ཎྷཱ ནི་རོ་དྷ་ཏ་ཎྷཱ, རཱུ་པ་ཏ་ཎྷཱ ས་དྡ་ཏ་ཎྷཱ ག་ནྡྷ་ཏ་ཎྷཱ ར་ས་ཏ་ཎྷཱ ཕོ་ཊྛ་བྦ་ཏ་ཎྷཱ དྷ་མྨ་ཏ་ཎྷཱ, ཨོ་གྷོ ཡོ་གོ ག་ནྠོ ཨུ་པཱ་དཱ་ནཾ ཨཱ་ཝ་ར་ཎཾ ནཱི་ཝ་ར་ཎཾ ཚ་ད་ནཾ བ་ནྡྷ་ནཾ, ཨུ་པ་ཀྐི་ལེ་སོ ཨ་ནུ་ས་ཡོ པ་རི་ཡུ་ཊྛཱ་ནཾ ལ་ཏཱ ཝེ་ཝི་ཙྪཾ, དུ་ཀྑ་མཱུ་ལཾ དུ་ཀྑ་ནི་དཱ་ནཾ དུ་ཀྑ་པྤ་བྷ་ཝོ མཱ་ར་པཱ་སོ མཱ་ར་བ་ལི༹་སཾ མཱ་ར་ཝི་ས་ཡོ, ཏ་ཎྷཱ་ན་དཱི ཏ་ཎྷཱ་ཛཱ་ལཾ ཏ་ཎྷཱ་ག་དྡུ་ལཾ ཏ་ཎྷཱ་ས་མུ་དྡོ ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཨི་ཙྪཱ་ནི་དཱ་ནཱཏི ཨི་ཙྪཱ་ནི་དཱ་ན་ཀཱ ཨི་ཙྪཱ་ཧེ་ཏུ་ཀཱ ཨི་ཙྪཱ་པ་ཙྩ་ཡཱ ཨི་ཙྪཱ་ཀཱ་ར་ཎཱ ཨི་ཙྪཱ་པ་བྷ་ཝཱ་ཏི – ཨི་ཙྪཱ་ནི་དཱ་ནཱ.
བྷ་ཝ་སཱ་ཏ་བ་དྡྷཱཏི. ཨེ་ཀཾ བྷ་ཝ་སཱ་ཏཾ – སུ་ཁཱ ཝེ་ད་ནཱ. དྭེ བྷ་ཝ་སཱ་ཏཱ་ནི – སུ་ཁཱ ཙ ཝེ་ད་ནཱ ཨི་ཊྛ་ཉྩ ཝ་ཏྠུ. ཏཱི་ཎི བྷ་ཝ་སཱ་ཏཱ་ནི – ཡོ་བྦ་ཉྙཾ, ཨཱ་རོ་གྱཾ, ཛཱི་ཝི་ཏཾ. ཙ་ཏྟཱ་རི བྷ་ཝ་སཱ་ཏཱ་ནི – ལཱ་བྷོ, ཡ་སོ, པ་སཾ་སཱ, སུ་ཁཾ. པ་ཉྩ བྷ་ཝ་སཱ་ཏཱ་ནི – མ་ནཱ་པི་ཀཱ རཱུ་པཱ, མ་ནཱ་པི་ཀཱ ས་དྡཱ, མ་ནཱ་པི་ཀཱ ག་ནྡྷཱ, མ་ནཱ་པི་ཀཱ ར་སཱ, མ་ནཱ་པི་ཀཱ ཕོ་ཊྛ་བྦཱ. ཚ བྷ་ཝ་སཱ་ཏཱ་ནི – ཙ་ཀྑུ་ས་མྤ་དཱ, སོ་ཏ་ས་མྤ་དཱ, གྷཱ་ན་ས་མྤ་དཱ, ཛི་ཝ྄ཧཱ་ས་མྤ་དཱ, ཀཱ་ཡ་ས་མྤ་དཱ, མ་ནོ་ས་མྤ་དཱ. བྷ་ཝ་སཱ་ཏ་བ་དྡྷཱ, སུ་ཁཱ་ཡ ཝེ་ད་ནཱ་ཡ སཱ་ཏ་བ་དྡྷཱ, ཨི་ཊྛ་སྨིཾ ཝ་ཏྠུ་སྨིཾ བ་དྡྷཱ, ཡོ་བྦ་ཉྙེ བ་དྡྷཱ, ཨཱ་རོ་གྱེ བ་དྡྷཱ, ཛཱི་ཝི་ཏེ བ་དྡྷཱ, ལཱ་བྷེ བ་དྡྷཱ, ཡ་སེ བ་དྡྷཱ, པ་སཾ་སཱ་ཡཾ བ་དྡྷཱ, སུ་ཁེ བ་དྡྷཱ, མ་ནཱ་པི་ཀེ་སུ རཱུ་པེ་སུ བ་དྡྷཱ, ས་དྡེ་སུ… ག་ནྡྷེ་སུ… ར་སེ་སུ… མ་ནཱ་པི་ཀེ་སུ ཕོ་ཊྛ་བྦེ་སུ བ་དྡྷཱ, ཙ་ཀྑུ་ས་མྤ་དཱ་ཡ བ་དྡྷཱ, སོ་ཏ་གྷཱ་ན་ཛི་ཝ྄ཧཱ་ཀཱ་ཡ་མ་ནོ་ས་མྤ་དཱ་ཡ བ་དྡྷཱ, ཝི་བ་དྡྷཱ ཨཱ་བ་དྡྷཱ ལ་གྒཱ ལ་གྒི་ཏཱ པ་ལི་བ་དྡྷཱ་ཏི – ཨི་ཙྪཱ་ནི་དཱ་ནཱ བྷ་ཝ་སཱ་ཏ་བ་དྡྷཱ.
ཏེ དུ་པྤ་མུ་ཉྩཱ ན ཧི ཨ་ཉྙ་མོ་ཀྑཱཏི ཏེ ཝཱ བྷ་ཝ་སཱ་ཏ་ཝ་ཏྠཱུ དུ་པྤ་མུ་ཉྩཱ, ས་ཏྟཱ ཝཱ ཨེ་ཏྟོ དུ་མྨོ་ཙ་ཡཱ. ཀ་ཐཾ ཏེ བྷ་ཝ་སཱ་ཏ་ཝ་ཏྠཱུ དུ་པྤ་མུ་ཉྩཱ? སུ་ཁཱ ཝེ་ད་ནཱ དུ་པྤ་མུ་ཉྩཱ, ཨི་ཊྛཾ ཝ་ཏྠུ དུ་པྤ་མུ་ཉྩཾ, ཡོ་བྦ་ཉྙཾ དུ་པྤ་མུ་ཉྩཾ, ཨཱ་རོ་གྱཾ དུ་པྤ་མུ་ཉྩཾ, ཛཱི་ཝི་ཏཾ དུ་པྤ་མུ་ཉྩཾ, ལཱ་བྷོ དུ་པྤ་མུ་ཉྩོ, ཡ་སོ དུ་པྤ་མུ་ཉྩོ, པ་སཾ་སཱ དུ་པྤ་མུ་ཉྩཱ, སུ་ཁཾ དུ་པྤ་མུ་ཉྩཾ, མ་ནཱ་པི་ཀཱ རཱུ་པཱ དུ་པྤ་མུ་ཉྩཱ, མ་ནཱ་པི་ཀཱ ས་དྡཱ… ག་ནྡྷཱ… ར་སཱ… ཕོ་ཊྛ་བྦཱ དུ་པྤ་མུ་ཉྩཱ, ཙ་ཀྑུ་ས་མྤ་དཱ དུ་པྤ་མུ་ཉྩཱ, སོ་ཏ་གྷཱ་ན་ཛི་ཝ྄ཧཱ་ཀཱ་ཡ་མ་ནོ་ས་མྤ་དཱ དུ་པྤ་མུ་ཉྩཱ དུ་མྨོ་ཙ་ཡཱ དུ་པྤ་མོ་ཙ་ཡཱ དུ་ནྣི་ཝེ་ཋ་ཡཱ དུ་བྦི་ནི་ཝེ་ཋ་ཡཱ, དུ་ཏྟ་རཱ དུ་པྤ་ཏ་རཱ དུ་སྶ་མ་ཏི་ཀྐ་མཱ དུ་བྦི་ནི་ཝ་ཏྟཱ. ཨེ་ཝཾ ཏེ བྷ་ཝ་སཱ་ཏ་ཝ་ཏྠཱུ དུ་པྤ་མུ་ཉྩཱ.
ཀ་ཐཾ ས་ཏྟཱ ཨེ་ཏྟོ དུ་མྨོ་ཙ་ཡཱ? སུ་ཁཱ་ཡ ཝེ་ད་ནཱ་ཡ ས་ཏྟཱ དུ་མྨོ་ཙ་ཡཱ, ཨི་ཊྛ་སྨཱ ཝ་ཏྠུ་སྨཱ དུ་མྨོ་ཙ་ཡཱ, ཡོ་བྦ་ཉྙཱ དུ་མྨོ་ཙ་ཡཱ, ཨཱ་རོ་གྱཱ དུ་མྨོ་ཙ་ཡཱ, ཛཱི་ཝི་ཏཱ དུ་མྨོ་ཙ་ཡཱ, ལཱ་བྷཱ དུ་མྨོ་ཙ་ཡཱ, ཡ་སཱ དུ་མྨོ་ཙ་ཡཱ, པ་སཾ་སཱ་ཡ དུ་མྨོ་ཙ་ཡཱ, སུ་ཁཱ དུ་མྨོ་ཙ་ཡཱ, མ་ནཱ་པི་ཀེ་ཧི རཱུ་པེ་ཧི དུ་མྨོ་ཙ་ཡཱ, མ་ནཱ་པི་ཀེ་ཧི ས་དྡེ་ཧི… ག་ནྡྷེ་ཧི… ར་སེ་ཧི… ཕོ་ཊྛ་བྦེ་ཧི དུ་མྨོ་ཙ་ཡཱ, ཙ་ཀྑུ་ས་མྤ་དཱ་ཡ དུ་མྨོ་ཙ་ཡཱ, སོ་ཏ་གྷཱ་ན་ཛི་ཝ྄ཧཱ་ཀཱ་ཡ་མ་ནོ་ས་མྤ་དཱ་ཡ དུ་མྨོ་ཙ་ཡཱ དུ་རུ་དྡྷ་རཱ [དུ་དྡྷ་རཱ (ཀ.)], དུ་སྶ་མུ་དྡྷ་རཱ དུ་བྦུ་ཊྛཱ་པ་ཡཱ དུ་སྶ་མུ་ཊྛཱ་པ་ཡཱ དུ་ནྣི་ཝེ་ཋ་ཡཱ དུ་བྦི་ནི་ཝེ་ཋ་ཡཱ དུ་ཏྟ་རཱ དུ་པྤ་ཏ་རཱ དུ་སྶ་མ་ཏི་ཀྐ་མཱ དུ་བྦི་ནི་ཝ་ཏྟཱ. ཨེ་ཝཾ ས་ཏྟཱ ཨེ་ཏྟོ དུ་མྨོ་ཙ་ཡཱ་ཏི – ཏེ དུ་པྤ་མུ་ཉྩཱ.
ན ཧི ཨ་ཉྙ་མོ་ཀྑཱཏི ཏེ ཨ་ཏྟ་ནཱ པ་ལི་པ་པ་ལི་པ་ནྣཱ ན ས་ཀྐོ་ནྟི པ་རཾ པ་ལི་པ་པ་ལི་པ་ནྣཾ ཨུ་དྡྷ་རི་ཏུཾ. ཝུ་ཏྟ་ཉྷེ་ཏཾ བྷ་ག་ཝ་ཏཱ – ‘‘སོ ཝ་ཏ, ཙུ་ནྡ, ཨ་ཏྟ་ནཱ པ་ལི་པ་པ་ལི་པ་ནྣོ པ་རཾ པ་ལི་པ་པ་ལི་པ་ནྣཾ ཨུ་དྡྷ་རི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. སོ ཝ་ཏ, ཙུ་ནྡ, ཨ་ཏྟ་ནཱ ཨ་ད་ནྟོ ཨ་ཝི་ནཱི་ཏོ ཨ་པ་རི་ནི་བྦུ་ཏོ པ་རཾ ད་མེ་སྶ་ཏི ཝི་ནེ་སྶ་ཏི པ་རི་ནི་བྦཱ་པེ་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏཱི’’ཏི. ཨེ་ཝ་མྤི ན ཧི ཨ་ཉྙ་མོ་ཀྑཱ.
ཨ་ཐ ཝཱ ན་ཏྠ་ཉྙོ ཀོ་ཙི མོ་ཙེ་ཏཱ. ཏེ ཡ་དི མུ་ཉྩེ་ཡྻུཾ, ས་ཀེ་ན ཐཱ་མེ་ན ས་ཀེ་ན བ་ལེ་ན ས་ཀེ་ན ཝཱི་རི་ཡེ་ན ས་ཀེ་ན པ་ར་ཀྐ་མེ་ན ས་ཀེ་ན པུ་རི་ས་ཐཱ་མེ་ན ས་ཀེ་ན པུ་རི་ས་བ་ལེ་ན ས་ཀེ་ན པུ་རི་ས་ཝཱི་རི་ཡེ་ན ས་ཀེ་ན པུ་རི་ས་པ་ར་ཀྐ་མེ་ན ཨ་ཏྟ་ནཱ ས་མྨཱ་པ་ཊི་པ་དཾ ཨ་ནུ་ལོ་མ་པ་ཊི་པ་དཾ ཨ་པ་ཙྩ་ནཱི་ཀ་པ་ཊི་པ་དཾ ཨ་ནྭ་ཏྠ་པ་ཊི་པ་དཾ དྷ་མྨཱ་ནུ་དྷ་མྨ་པ་ཊི་པ་དཾ པ་ཊི་པ་ཛྫ་མཱ་ནཱ མུ་ཉྩེ་ཡྻུ་ནྟི. ཨེ་ཝ་མྤི ན ཧི ཨ་ཉྙ་མོ་ཀྑཱ.
ཝུ་ཏྟ་མྤི ཧེ་ཏཾ བྷ་ག་ཝ་ཏཱ –
‘‘ནཱ་ཧཾ ས་ཧི་སྶཱ་མི པ་མོ་ཙ་ནཱ་ཡ, ཀ་ཐཾ་ཀ་ཐིཾ དྷོ་ཏ་ཀ ཀི་ཉྩི ལོ་ཀེ;
དྷ་མྨ་ཉྩ སེ་ཊྛཾ ཨ་བྷི་ཛཱ་ན་མཱ་ནོ, ཨེ་ཝཾ ཏུ་ཝཾ ཨོ་གྷ་མི་མཾ ཏ་རེ་སཱི’’ཏི.
ཨེ་ཝ་མྤི ན ཧི ཨ་ཉྙ་མོ་ཀྑཱ.
ཝུ་ཏྟ་མྤི ཧེ་ཏཾ བྷ་ག་ཝ་ཏཱ –
‘‘ཨ་ཏྟ་ནཱ་ཝ ཀ་ཏཾ པཱ་པཾ, ཨ་ཏྟ་ནཱ སཾ་ཀི་ལི་སྶ་ཏི;
ཨ་ཏྟ་ནཱ ཨ་ཀ་ཏཾ པཱ་པཾ, ཨ་ཏྟ་ནཱ་ཝ ཝི་སུ་ཛ྄ཛྷ་ཏི;
སུ་དྡྷཱི ཨ་སུ་དྡྷི པ་ཙྩ་ཏྟཾ, ནཱ་ཉྙོ ཨ་ཉྙཾ ཝི་སོ་དྷ་ཡེ’’ཏི.
ཨེ་ཝ་མྤི ན ཧི ཨ་ཉྙ་མོ་ཀྑཱ.
ཝུ་ཏྟ་མྤི ཧེ་ཏཾ བྷ་ག་ཝ་ཏཱ – ‘‘ཨེ་ཝ་མེ་ཝ ཁོ, བྲཱ་ཧྨ་ཎ, ཏི་ཊྛ་ཏེ་ཝ ནི་བྦཱ་ནཾ, ཏི་ཊྛ་ཏི ནི་བྦཱ་ན་གཱ་མི་མ་གྒོ, ཏི་ཊྛཱ་མ་ཧཾ ས་མཱ་ད་པེ་ཏཱ. ཨ་ཐ ཙ པ་ན མ་མ སཱ་ཝ་ཀཱ མ་ཡཱ ཨེ་ཝཾ ཨོ་ཝ་དི་ཡ་མཱ་ནཱ ཨེ་ཝཾ ཨ་ནུ་སཱ་སི་ཡ་མཱ་ནཱ ཨ་པྤེ་ཀ་ཙྩེ ཨ་ཙྩ་ནྟ་ནི་ཊྛཾ ནི་བྦཱ་ནཾ ཨཱ་རཱ་དྷེ་ནྟི, ཨེ་ཀ་ཙྩེ ནཱ་རཱ་དྷེ་ནྟི. ཨེ་ཏྠ ཀྱཱ་ཧཾ, བྲཱ་ཧྨ་ཎ, ཀ་རོ་མི? མ་གྒ་ཀྑཱ་ཡཱི, བྲཱ་ཧྨ་ཎ, ཏ་ཐཱ་ག་ཏོ. མ་གྒཾ བུ་དྡྷོ ཨཱ་ཙི་ཀྑ་ཏི. ཨ་ཏྟ་ནཱ པ་ཊི་པ་ཛྫ་མཱ་ནཱ མུ་ཉྩེ་ཡྻུ’’ནྟི. ཨེ་ཝ་མྤི ན ཧི ཨ་ཉྙ་མོ་ཀྑཱ་ཏི – ཏེ དུ་པྤ་མུ་ཉྩཱ ན ཧི ཨ་ཉྙ་མོ་ཀྑཱ.
པ་ཙྪཱ པུ་རེ ཝཱ་པི ཨ་པེ་ཀྑ་མཱ་ནཱཏི. པ་ཙྪཱ ཝུ་ཙྩ་ཏི ཨ་ནཱ་ག་ཏཾ, པུ་རེ ཝུ་ཙྩ་ཏི ཨ་ཏཱི་ཏཾ. ཨ་པི ཙ ཨ་ཏཱི་ཏཾ ཨུ་པཱ་དཱ་ཡ ཨ་ནཱ་ག་ཏ་ཉྩ པ་ཙྩུ་པྤ་ནྣ་ཉྩ པ་ཙྪཱ, ཨ་ནཱ་ག་ཏཾ ཨུ་པཱ་དཱ་ཡ ཨ་ཏཱི་ཏ་ཉྩ པ་ཙྩུ་པྤ་ནྣ་ཉྩ པུ་རེ. ཀ་ཐཾ པུ་རེ ཨ་པེ་ཀྑཾ ཀ་རོ་ཏི? ‘‘ཨེ་ཝཾ་རཱུ་པོ ཨ་ཧོ་སིཾ ཨ་ཏཱི་ཏ་མ་དྡྷཱ་ན’’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི. ‘‘ཨེ་ཝཾ་ཝེ་ད་ནོ ཨ་ཧོ་སིཾ… ཨེ་ཝཾ་ས་ཉྙོ ཨ་ཧོ་སིཾ… ཨེ་ཝཾ་ས་ངྑཱ་རོ ཨ་ཧོ་སིཾ… ཨེ་ཝཾ་ཝི་ཉྙཱ་ཎོ ཨ་ཧོ་སིཾ ཨ་ཏཱི་ཏ་མ་དྡྷཱ་ན’’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི. ཨེ་ཝ་མྤི པུ་རེ ཨ་པེ་ཀྑཾ ཀ་རོ་ཏི.
ཨ་ཐ ཝཱ ‘‘ཨི་ཏི མེ ཙ་ཀྑུ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི རཱུ་པཱ’’ཏི – ཏ་ཏྠ ཚ་ནྡ་རཱ་ག་པ་ཊི་བ་དྡྷཾ ཧོ་ཏི ཝི་ཉྙཱ་ཎཾ. ཚ་ནྡ་རཱ་ག་པ་ཊི་བ་དྡྷ་ཏྟཱ ཝི་ཉྙཱ་ཎ་སྶ ཏ་ད་བྷི་ན་ནྡ་ཏི. ཏ་ད་བྷི་ན་ནྡ་ནྟོ ཨེ་ཝ་མྤི པུ་རེ ཨ་པེ་ཀྑཾ ཀ་རོ་ཏི. ‘‘ཨི་ཏི མེ སོ་ཏཾ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི ས་དྡཱ’’ཏི…པེ… ‘‘ཨི་ཏི མེ གྷཱ་ནཾ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི ག་ནྡྷཱ’’ཏི… ‘‘ཨི་ཏི མེ ཛི་ཝ྄ཧཱ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི ར་སཱ’’ཏི… ‘‘ཨི་ཏི མེ ཀཱ་ཡོ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི ཕོ་ཊྛ་བྦཱ’’ཏི… ‘‘ཨི་ཏི མེ མ་ནོ ཨ་ཧོ་སི ཨ་ཏཱི་ཏ་མ་དྡྷཱ་ནཾ, ཨི་ཏི དྷ་མྨཱ’’ཏི – ཏ་ཏྠ ཚ་ནྡ་རཱ་ག་པ་ཊི་བ་དྡྷཾ ཧོ་ཏི ཝི་ཉྙཱ་ཎཾ. ཚ་ནྡ་རཱ་ག་པ་ཊི་བ་དྡྷ་ཏྟཱ ཝི་ཉྙཱ་ཎ་སྶ ཏ་ད་བྷི་ན་ནྡ་ཏི. ཏ་ད་བྷི་ན་ནྡ་ནྟོ ཨེ་ཝ་མྤི པུ་རེ ཨ་པེ་ཀྑཾ ཀ་རོ་ཏི.
ཨ་ཐ ཝཱ ཡཱ་ནི་སྶ ཏཱ་ནི པུ་བྦེ མཱ་ཏུ་གཱ་མེ་ན ས་དྡྷིཾ ཧ་སི་ཏ་ལ་པི་ཏ་ཀཱི་ལི༹་ཏཱ་ནི ཏ་ད་སྶཱ་དེ་ཏི ཏཾ ནི་ཀཱ་མེ་ཏི, ཏེ་ན ཙ ཝི་ཏྟིཾ ཨཱ་པ་ཛྫ་ཏི. ཨེ་ཝ་མྤི པུ་རེ ཨ་པེ་ཀྑཾ ཀ་རོ་ཏི.
ཀ་ཐཾ པ་ཙྪཱ ཨ་པེ་ཀྑཾ ཀ་རོ་ཏི? ‘‘ཨེ་ཝཾ་རཱུ་པོ སི་ཡཾ ཨ་ནཱ་ག་ཏ་མ་དྡྷཱ་ན’’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི. ‘‘ཨེ་ཝཾ་ཝེ་ད་ནོ སི་ཡཾ… ཨེ་ཝཾ་ས་ཉྙོ སི་ཡཾ… ཨེ་ཝཾ་ས་ངྑཱ་རོ སི་ཡཾ… ཨེ་ཝཾ་ཝི་ཉྙཱ་ཎོ སི་ཡཾ ཨ་ནཱ་ག་ཏ་མ་དྡྷཱ་ན’’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི. ཨེ་ཝ་མྤི པ་ཙྪཱ ཨ་པེ་ཀྑཾ ཀ་རོ་ཏི.
ཨ་ཐ ཝཱ ‘‘ཨི་ཏི མེ ཙ་ཀྑུ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི རཱུ་པཱ’’ཏི – ཨ་པྤ་ཊི་ལ་དྡྷ་སྶ པ་ཊི་ལཱ་བྷཱ་ཡ ཙི་ཏྟཾ པ་ཎི་ད་ཧ་ཏི. ཙེ་ཏ་སོ པ་ཎི་དྷཱ་ན་པ་ཙྩ་ཡཱ ཏ་ད་བྷི་ན་ནྡ་ཏི. ཏ་ད་བྷི་ན་ནྡ་ནྟོ ཨེ་ཝ་མྤི པ་ཙྪཱ ཨ་པེ་ཀྑཾ ཀ་རོ་ཏི. ‘‘ཨི་ཏི མེ སོ་ཏཾ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི ས་དྡཱ’’ཏི… ‘‘ཨི་ཏི མེ གྷཱ་ནཾ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི ག་ནྡྷཱ’’ཏི… ‘‘ཨི་ཏི མེ ཛི་ཝ྄ཧཱ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི ར་སཱ’’ཏི… ‘‘ཨི་ཏི མེ ཀཱ་ཡོ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི ཕོ་ཊྛ་བྦཱ’’ཏི… ‘‘ཨི་ཏི མེ མ་ནོ སི་ཡཱ ཨ་ནཱ་ག་ཏ་མ་དྡྷཱ་ནཾ, ཨི་ཏི དྷ་མྨཱ’’ཏི – ཨ་པྤ་ཊི་ལ་དྡྷ་སྶ པ་ཊི་ལཱ་བྷཱ་ཡ ཙི་ཏྟཾ པ་ཎི་ད་ཧ་ཏི. ཙེ་ཏ་སོ པ་ཎི་དྷཱ་ན་པ་ཙྩ་ཡཱ ཏ་ད་བྷི་ན་ནྡ་ཏི. ཏ་ད་བྷི་ན་ནྡ་ནྟོ ཨེ་ཝ་མྤི པ་ཙྪཱ ཨ་པེ་ཀྑཾ ཀ་རོ་ཏི.
ཨ་ཐ ཝཱ ‘‘ཨི་མི་ནཱ་ཧཾ སཱི་ལེ་ན ཝཱ ཝ་ཏེ་ན ཝཱ ཏ་པེ་ན ཝཱ བྲ་ཧྨ་ཙ་རི་ཡེ་ན ཝཱ དེ་ཝོ ཝཱ བྷ་ཝི་སྶཱ་མི དེ་ཝ་ཉྙ་ཏ་རོ ཝཱ’’ཏི – ཨ་པྤ་ཊི་ལ་དྡྷ་སྶ པ་ཊི་ལཱ་བྷཱ་ཡ ཙི་ཏྟཾ པ་ཎི་ད་ཧ་ཏི. ཙེ་ཏ་སོ པ་ཎི་དྷཱ་ན་པ་ཙྩ་ཡཱ ཏ་ད་བྷི་ན་ནྡ་ཏི. ཏ་ད་བྷི་ན་ནྡ་ནྟོ ཨེ་ཝ་མྤི པ་ཙྪཱ ཨ་པེ་ཀྑཾ ཀ་རོ་ཏཱི་ཏི – པ་ཙྪཱ པུ་རེ ཝཱ་པི ཨ་པེ་ཀྑ་མཱ་ནཱ.
ཨི་མེ ཝ ཀཱ་མེ པུ་རི་མེ ཝ ཛ་པྤནྟི. ཨི་མེ ཝ ཀཱ་མེཏི པ་ཙྩུ་པྤ་ནྣེ པ་ཉྩ ཀཱ་མ་གུ་ཎེ ཨི་ཙྪ་ནྟཱ སཱ་དི་ཡ་ནྟཱ པ་ཏྠ་ཡ་ནྟཱ པི་ཧ་ཡ་ནྟཱ ཨ་བྷི་ཛ་པྤ་ནྟཱ. པུ་རི་མེ ཝ ཛ་པྤ་ནྟི ཨ་ཏཱི་ཏེ པ་ཉྩ ཀཱ་མ་གུ་ཎེ ཛ་པྤ་ནྟཱ པ་ཛ་པྤ་ནྟཱ ཨ་བྷི་ཛ་པྤ་ནྟཱ་ཏི – ཨི་མེ ཝ ཀཱ་མེ པུ་རི་མེ ཝ ཛ་པྤཾ.
ཏེ་ནཱ་ཧ བྷ་ག་ཝཱ –
‘‘ཨི་ཙྪཱ་ནི་དཱ་ནཱ བྷ་ཝ་སཱ་ཏ་བ་དྡྷཱ, ཏེ དུ་པྤ་མུ་ཉྩཱ ན ཧི ཨ་ཉྙ་མོ་ཀྑཱ;
པ་ཙྪཱ པུ་རེ ཝཱ་པི ཨ་པེ་ཀྑ་མཱ་ནཱ, ཨི་མེ ཝ ཀཱ་མེ པུ་རི་མེ ཝ ཛ་པྤ’’ནྟི.
༩. ཀཱ་མེ་སུ གི་དྡྷཱ པ་སུ་ཏཱ པ་མཱུ་ལ༹ྷཱ, ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ;
དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི, ཀིཾ་སཱུ བྷ་ཝི་སྶཱ་མ ཨི་ཏོ ཙུ་ཏཱ་སེ.
ཀཱ་མེ་སུ གི་དྡྷཱ པ་སུ་ཏཱ པ་མཱུ་ལ༹ྷཱཏི. ཀཱ་མཱཏི ཨུ་དྡཱ་ན་ཏོ དྭེ ཀཱ་མཱ – ཝ་ཏྠུ་ཀཱ་མཱ ཙ ཀི་ལེ་ས་ཀཱ་མཱ ཙ…པེ… ཨི་མེ ཝུ་ཙྩ་ནྟི ཝ་ཏྠུ་ཀཱ་མཱ…པེ… ཨི་མེ ཝུ་ཙྩ་ནྟི ཀི་ལེ་ས་ཀཱ་མཱ. གེ་དྷོ ཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཀི་ལེ་ས་ཀཱ་མེ་ན ཝ་ཏྠུ་ཀཱ་མེ་སུ ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་ས་ནྣཱ [ཨ་ཛ྄ཛྷོ་པ་ནྣཱ (སཱི. སྱཱ.)] ལ་གྒཱ ལ་གྒི་ཏཱ པ་ལི་བུ་དྡྷཱ་ཏི – ཀཱ་མེ་སུ གི་དྡྷཱ.
པ་སུ་ཏཱཏི ཡེ་པི ཀཱ་མེ ཨེ་ས་ནྟི ག་ཝེ་ས་ནྟི པ་རི་ཡེ་ས་ནྟི, ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ ཨེ་ས་ནྟི ག་ཝེ་ས་ནྟི པ་རི་ཡེ་ས་ནྟི… ས་དྡེ… ག་ནྡྷེ… ར་སེ… ཕོ་ཊྛ་བྦེ…པེ… པ་རི་ཡེ་ས་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ པ་ཊི་ལ་བྷ་ནྟི… ས་དྡེ… ག་ནྡྷེ … ར་སེ… ཕོ་ཊྛ་བྦེ པ་ཊི་ལ་བྷ་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ པ་རི་བྷུ་ཉྫ་ནྟི … ས་དྡེ… ག་ནྡྷེ… ར་སེ… ཕོ་ཊྛ་བྦེ པ་རི་བྷུ་ཉྫ་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡ་ཐཱ ཀ་ལ་ཧ་ཀཱ་ར་ཀོ ཀ་ལ་ཧ་པ་སུ་ཏོ, ཀ་མྨ་ཀཱ་ར་ཀོ ཀ་མྨ་པ་སུ་ཏོ, གོ་ཙ་རེ ཙ་ར་ནྟོ གོ་ཙ་ར་པ་སུ་ཏོ, ཛྷཱ་ཡཱི ཛྷཱ་ན་པ་སུ་ཏོ; ཨེ་ཝ་མེ་ཝ ཡེ་པི ཀཱ་མེ ཨེ་ས་ནྟི ག་ཝེ་ས་ཏི པ་རི་ཡེ་ས་ནྟི, ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ ཨེ་ས་ནྟི ག་ཝེ་ས་ནྟི པ་རི་ཡེ་ས་ནྟི… ས་དྡེ… ག་ནྡྷེ… ར་སེ… ཕོ་ཊྛ་བྦེ…པེ… པ་རི་ཡེ་ས་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ པ་ཊི་ལ་བྷ་ནྟི… ས་དྡེ… ག་ནྡྷེ… ར་སེ… ཕོ་ཊྛ་བྦེ པ་ཊི་ལ་བྷ་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ. ཡེ་པི ཏ་ཎྷཱ་ཝ་སེ་ན རཱུ་པེ པ་རི་བྷུ་ཉྫ་ནྟི… ས་དྡེ… ག་ནྡྷེ… ར་སེ… ཕོ་ཊྛ་བྦེ པ་རི་བྷུ་ཉྫ་ནྟི ཏ་ཙྩ་རི་ཏཱ ཏ་བྦ་ཧུ་ལཱ ཏ་གྒ་རུ་ཀཱ, ཏ་ནྣི་ནྣཱ ཏ་པྤོ་ཎཱ ཏ་པྤ་བྦྷཱ་རཱ ཏ་ད་དྷི་མུ་ཏྟཱ ཏ་ད་དྷི་པ་ཏེ་ཡྻཱ, ཏེ་པི ཀཱ་མ་པ་སུ་ཏཱ.
པ་མཱུ་ལ༹ྷཱཏི ཡེ་བྷུ་ཡྻེ་ན དེ་ཝ་མ་ནུ་སྶཱ པ་ཉྩ་སུ ཀཱ་མ་གུ་ཎེ་སུ མུ་ཡ྄ཧ་ནྟི ས་མྨུ་ཡ྄ཧ་ནྟི ས་མྤ་མུ་ཡ྄ཧ་ནྟི མཱུ་ལ༹ྷཱ ས་མྨཱུ་ལ༹ྷཱ ས་མྤ་མཱུ་ལ༹ྷཱ ཨ་ཝི་ཛྫཱ་ཡ ཨ་ནྡྷཱི་ཀ་ཏཱ ཨཱ་ཝུ་ཏཱ ནི་ཝུ་ཏཱ ཨོ་ཝུ་ཏཱ པི་ཧི་ཏཱ པ་ཊི་ཙྪ་ནྣཱ པ་ཊི་ཀུ་ཛྫི་ཏཱ་ཏི – ཀཱ་མེ་སུ གི་དྡྷཱ པ་སུ་ཏཱ པ་མཱུ་ལ༹ྷཱ.
ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱཏི. ཨ་ཝ་དཱ་ནི་ཡཱཏི ཨ་ཝ་ག་ཙྪ་ནྟཱི་ཏི་པི ཨ་ཝ་དཱ་ནི་ཡཱ, མ་ཙྪ་རི་ནོ་པི ཝུ་ཙྩ་ནྟི ཨ་ཝ་དཱ་ནི་ཡཱ, བུ་དྡྷཱ་ནཾ སཱ་ཝ་ཀཱ་ནཾ ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སི་ཊྛིཾ ནཱ་དི་ཡ་ནྟཱི་ཏི – ཨ་ཝ་དཱ་ནི་ཡཱ. ཀ་ཐཾ ཨ་ཝ་ག་ཙྪ་ནྟཱི་ཏི ཨ་ཝ་དཱ་ནི་ཡཱ? ནི་ར་ཡཾ ག་ཙྪ་ནྟི, ཏི་ར་ཙྪཱ་ན་ཡོ་ནིཾ ག་ཙྪ་ནྟི, པེ་ཏྟི་ཝི་ས་ཡཾ ག་ཙྪ་ནྟཱི་ཏི, ཨེ་ཝཾ ཨཱ་ག་ཙྪ་ནྟཱི་ཏི – ཨ་ཝ་དཱ་ནི་ཡཱ. ཀ་ཐཾ མ་ཙྪ་རི་ནོ ཝུ་ཙྩ་ནྟི ཨ་ཝ་དཱ་ནི་ཡཱ? པ་ཉྩ མ་ཙྪ་རི་ཡཱ་ནི – ཨཱ་ཝཱ་ས་མ་ཙྪ་རི་ཡཾ, ཀུ་ལ་མ་ཙྪ་རི་ཡཾ, ལཱ་བྷ་མ་ཙྪ་རི་ཡཾ, ཝ་ཎྞ་མ་ཙྪ་རི་ཡཾ, དྷ་མྨ་མ་ཙྪ་རི་ཡཾ. ཡཾ ཨེ་ཝ་རཱུ་པཾ མ་ཙྪ་རི་ཡཾ མ་ཙྪ་རཱ་ཡ་ནཱ མ་ཙྪ་རཱ་ཡི་ཏ་ཏྟཾ ཝེ་ཝི་ཙྪཾ ཀ་ད་རི་ཡཾ ཀ་ཊུ་ཀ་ཉྩུ་ཀ་ཏཱ ཨ་གྒ་ཧི་ཏ་ཏྟཾ ཙི་ཏྟ་སྶ, ཨི་དཾ ཝུ་ཙྩ་ཏི མ་ཙྪ་རི་ཡཾ. ཨ་པི ཙ, ཁ་ནྡྷ་མ་ཙྪ་རི་ཡ་མྤི མ་ཙྪ་རི་ཡཾ, དྷཱ་ཏུ་མ་ཙྪ་རི་ཡ་མྤི མ་ཙྪ་རི་ཡཾ, ཨཱ་ཡ་ཏ་ན་མ་ཙྪ་རི་ཡ་མྤི མ་ཙྪ་རི་ཡཾ གཱ་ཧོ. ཨི་དཾ ཝུ་ཙྩ་ཏི མ་ཙྪ་རི་ཡཾ. ཨི་མི་ནཱ མ་ཙྪ་རི་ཡེ་ན ཨ་ཝ་ད་ཉྙུ་ཏཱ་ཡ ས་མ་ནྣཱ་ག་ཏཱ ཛ་ནཱ པ་མ་ཏྟཱ. ཨེ་ཝཾ མ་ཙྪ་རི་ནོ ཝུ་ཙྩ་ནྟི ཨ་ཝ་དཱ་ནི་ཡཱ. ཀ་ཐཾ བུ་དྡྷཱ་ནཾ སཱ་ཝ་ཀཱ་ནཾ ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སི་ཊྛིཾ ནཱ་དི་ཡ་ནྟཱི་ཏི – ཨ་ཝ་དཱ་ནི་ཡཱ? བུ་དྡྷཱ་ནཾ སཱ་ཝ་ཀཱ་ནཾ ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སི་ཊྛིཾ ན ཨཱ་དི་ཡ་ནྟི ན སུ་སྶུ་ས་ནྟི, ན སོ་ཏཾ ཨོ་ད་ཧ་ནྟི, ན ཨ་ཉྙཱ ཙི་ཏྟཾ ཨུ་པ་ཊྛ་པེ་ནྟི, ཨ་ན་སྶ་ཝཱ ཨ་ཝ་ཙ་ན་ཀ་རཱ པ་ཊི་ལོ་མ་ཝུ་ཏྟི་ནོ, ཨ་ཉྙེ་ནེ་ཝ མུ་ཁཾ ཀ་རོ་ནྟི. ཨེ་ཝཾ བུ་དྡྷཱ་ནཾ སཱ་ཝ་ཀཱ་ནཾ [བུ་དྡྷཱ་ནཾ བུ་དྡྷ་སཱ་ཝ་ཀཱ་ནཾ (སཱི. སྱཱ.)] ཝ་ཙ་ནཾ བྱ་པྤ་ཐཾ དེ་ས་ནཾ ཨ་ནུ་སི་ཊྛིཾ ནཱ་དི་ཡ་ནྟཱི་ཏི ཨ་ཝ་དཱ་ནི་ཡཱ་ཏི – ཨ་ཝ་དཱ་ནི་ཡཱ.
ཏེ ཝི་ས་མེ ནི་ཝི་ཊྛཱཏི ཝི་ས་མེ ཀཱ་ཡ་ཀ་མྨེ ནི་ཝི་ཊྛཱ, ཝི་ས་མེ ཝ་ཙཱི་ཀ་མྨེ ནི་ཝི་ཊྛཱ, ཝི་ས་མེ མ་ནོ་ཀ་མྨེ ནི་ཝི་ཊྛཱ, ཝི་ས་མེ པཱ་ཎཱ་ཏི་པཱ་ཏེ ནི་ཝི་ཊྛཱ, ཝི་ས་མེ ཨ་དི་ནྣཱ་དཱ་ནེ ནི་ཝི་ཊྛཱ, ཝི་ས་མེ ཀཱ་མེ་སུ་མི་ཙྪཱ་ཙཱ་རེ ནི་ཝི་ཊྛཱ, ཝི་ས་མེ མུ་སཱ་ཝཱ་དེ ནི་ཝི་ཊྛཱ, ཝི་ས་མཱ་ཡ པི་སུ་ཎཱ་ཡ ཝཱ་ཙཱ་ཡ ནི་ཝི་ཊྛཱ, ཝི་ས་མཱ་ཡ ཕ་རུ་སཱ་ཡ ཝཱ་ཙཱ་ཡ… ཝི་ས་མེ ས་མྥ་པྤ་ལཱ་པེ… ཝི་ས་མཱ་ཡ ཨ་བྷི་ཛ྄ཛྷཱ་ཡ ནི་ཝི་ཊྛཱ, ཝི་ས་མེ བྱཱ་པཱ་དེ… ཝི་ས་མཱ་ཡ མི་ཙྪཱ་དི་ཊྛི་ཡཱ ནི་ཝི་ཊྛཱ, ཝི་ས་མེ་སུ ས་ངྑཱ་རེ་སུ ནི་ཝི་ཊྛཱ, ཝི་ས་མེ་སུ པ་ཉྩ་སུ ཀཱ་མ་གུ་ཎེ་སུ ནི་ཝི་ཊྛཱ, ཝི་ས་མེ་སུ པ་ཉྩ་སུ ནཱི་ཝ་ར་ཎེ་སུ ནི་ཝི་ཊྛཱ ཝི་ནི་ཝི་ཊྛཱ པ་ཏི་ཊྛི་ཏཱ ཨ་ལླཱི་ནཱ ཨུ་པ་ག་ཏཱ ཨ་ཛ྄ཛྷོ་སི་ཏཱ ཨ་དྷི་མུ་ཏྟཱ ལ་གྒཱ ལ་གྒི་ཏཱ པ་ལི་བུ་དྡྷཱ་ཏི – ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ.
དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟཱིཏི. དུ་ཀྑཱུ་པ་ནཱི་ཏཱཏི དུ་ཀྑ་པྤ་ཏྟཱ དུ་ཀྑ་ས་མྤ་ཏྟཱ དུ་ཀྑཱུ་པ་ག་ཏཱ, མཱ་ར་པྤ་ཏྟཱ མཱ་ར་ས་མྤ་ཏྟཱ མཱ་རཱུ་པ་ག་ཏཱ, མ་ར་ཎ་པྤ་ཏྟཱ མ་ར་ཎ་ས་མྤ་ཏྟཱ མ་ར་ཎཱུ་པ་ག་ཏཱ. པ་རི་དེ་ཝ་ཡ་ནྟཱིཏི ལ་པ་ནྟི ལཱ་ལ་པ་ནྟི [ས་ལླ་པ་ནྟི (སཱི.)], སོ་ཙ་ནྟི ཀི་ལ་མ་ནྟི པ་རི་དེ་ཝ་ནྟི ཨུ་ར་ཏྟཱ་ལི༹ཾ ཀ་ནྡ་ནྟི ས་མྨོ་ཧཾ ཨཱ་པ་ཛྫ་ནྟཱི་ཏི – དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི.
ཀིཾ་སཱུ བྷ་ཝི་སྶཱ་མ ཨི་ཏོ ཙུ་ཏཱ་སེཏི ཨི་ཏོ ཙུ་ཏཱ ཀིཾ བྷ་ཝི་སྶཱ་མ? ནེ་ར་ཡི་ཀཱ བྷ་ཝི་སྶཱ་མ, ཏི་ར་ཙྪཱ་ན་ཡོ་ནི་ཀཱ བྷ་ཝི་སྶཱ་མ, པེ་ཏྟི་ཝི་ས་ཡི་ཀཱ བྷ་ཝི་སྶཱ་མ, མ་ནུ་སྶཱ བྷ་ཝི་སྶཱ་མ, དེ་ཝཱ བྷ་ཝི་སྶཱ་མ, རཱུ་པཱི བྷ་ཝི་སྶཱ་མ, ཨ་རཱུ་པཱི བྷ་ཝི་སྶཱ་མ, ས་ཉྙཱི བྷ་ཝི་སྶཱ་མ, ཨ་ས་ཉྙཱི བྷ་ཝི་སྶཱ་མ, ནེ་ཝ་ས་ཉྙཱི་ནཱ་ས་ཉྙཱི བྷ་ཝི་སྶཱ་མ, ‘‘བྷ་ཝི་སྶཱ་མ ནུ ཁོ མ་ཡཾ ཨ་ནཱ་ག་ཏ་མ་དྡྷཱ་ནཾ, ན་ནུ ཁོ བྷ་ཝི་སྶཱ་མ ཨ་ནཱ་ག་ཏ་མ་དྡྷཱ་ནཾ, ཀིཾ ནུ ཁོ བྷ་ཝི་སྶཱ་མ ཨ་ནཱ་ག་ཏ་མ་དྡྷཱ་ནཾ, ཀ་ཐཾ ནུ ཁོ བྷ་ཝི་སྶཱ་མ ཨ་ནཱ་ག་ཏ་མ་དྡྷཱ་ནཾ, ཀིཾ ཧུ་ཏྭཱ ཀིཾ བྷ་ཝི་སྶཱ་མ ནུ ཁོ མ་ཡཾ ཨ་ནཱ་ག་ཏ་མ་དྡྷཱ་ན’’ནྟི སཾ་ས་ཡ་པ་ཀྑ་ནྡཱ ཝི་མ་ཏི་པ་ཀྑ་ནྡཱ དྭེ་ལ༹ྷ་ཀ་ཛཱ་ཏཱ ལ་པ་ནྟི ལཱ་ལ་པ་ནྟི, སོ་ཙ་ནྟི ཀི་ལ་མ་ནྟི པ་རི་དེ་ཝ་ནྟི ཨུ་ར་ཏྟཱ་ལི༹ཾ ཀ་ནྡ་ནྟི ས་མྨོ་ཧཾ ཨཱ་པ་ཛྫ་ནྟཱི་ཏི – ཀིཾ་སཱུ བྷ་ཝི་སྶཱ་མ ཨི་ཏོ ཙུ་ཏཱ་སེ.
ཏེ་ནཱ་ཧ བྷ་ག་ཝཱ –
‘‘ཀཱ་མེ་སུ གི་དྡྷཱ པ་སུ་ཏཱ པ་མཱུ་ལ༹ྷཱ, ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ;
དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི, ཀིཾ་སཱུ བྷ་ཝི་སྶཱ་མ ཨི་ཏོ ཙུ་ཏཱ་སེ’’ཏི.
༡༠. ཏ་སྨཱ ཧི སི་ཀྑེ་ཐ ཨི་དྷེ་ཝ ཛ་ནྟུ,ཡཾ ཀི་ཉྩི ཛ་ཉྙཱ ཝི་ས་མ་ནྟི ལོ་ཀེ;
ན ཏ་སྶ ཧེ་ཏཱུ ཝི་ས་མཾ ཙ་རེ་ཡྻ, ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱ.
ཏ་སྨཱ ཧི སི་ཀྑེ་ཐ ཨི་དྷེ་ཝ ཛ་ནྟཱུཏི. ཏ་སྨཱཏི ཏཾ་ཀཱ་ར་ཎཱ ཏཾ་ཧེ་ཏུ ཏ་པྤ་ཙྩ་ཡཱ ཏ་ནྣི་དཱ་ནཱ, ཨེ་ཏ་མཱ་དཱི་ན་ཝཾ ས་མྤ་སྶ་མཱ་ནོ ཀཱ་མེ་སཱུ་ཏི – ཏ་སྨཱ. སི་ཀྑེ་ཐཱཏི ཏི་སྶོ སི་ཀྑཱ – ཨ་དྷི་སཱི་ལ་སི་ཀྑཱ, ཨ་དྷི་ཙི་ཏྟ་སི་ཀྑཱ, ཨ་དྷི་པ་ཉྙཱ་སི་ཀྑཱ.
ཀ་ཏ་མཱ ཨ་དྷི་སཱི་ལ་སི་ཀྑཱ? ཨི་དྷ བྷི་ཀྑུ སཱི་ལ་ཝཱ ཧོ་ཏི, པཱ་ཏི་མོ་ཀྑ་སཾ་ཝ་ར་སཾ་ཝུ་ཏོ ཝི་ཧ་ར་ཏི ཨཱ་ཙཱ་ར་གོ་ཙ་ར་ས་མྤ་ནྣོ, ཨ་ཎུ་མ་ཏྟེ་སུ ཝ་ཛྫེ་སུ བྷ་ཡ་ད་སྶཱ་ཝཱི, ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ. ཁུ་དྡ་ཀོ སཱི་ལ་ཀྑ་ནྡྷོ, མ་ཧ་ནྟོ སཱི་ལ་ཀྑ་ནྡྷོ, སཱི་ལཾ པ་ཏི་ཊྛཱ ཨཱ་དི ཙ་ར་ཎཾ སཾ་ཡ་མོ སཾ་ཝ་རོ མོ་ཀྑཾ པཱ་མོ་ཀྑཾ ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ – ཨ་ཡཾ ཨ་དྷི་སཱི་ལ་སི་ཀྑཱ.
ཀ་ཏ་མཱ ཨ་དྷི་ཙི་ཏྟ་སི་ཀྑཱ? ཨི་དྷ བྷི་ཀྑུ ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. པཱི་ཏི་ཡཱ ཙ ཝི་རཱ་གཱ ཨུ་པེ་ཀྑ་ཀོ ཙ ཝི་ཧ་ར་ཏི ས་ཏོ ཙ ས་མྤ་ཛཱ་ནོ སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་ཏི, ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི – ‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’ཏི ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི – ཨ་ཡཾ ཨ་དྷི་ཙི་ཏྟ་སི་ཀྑཱ.
ཀ་ཏ་མཱ ཨ་དྷི་པ་ཉྙཱ་སི་ཀྑཱ? ཨི་དྷ བྷི་ཀྑུ པ་ཉྙ་ཝཱ ཧོ་ཏི ཨུ་ད་ཡ་ཏྠ་གཱ་མི་ནི་ཡཱ པ་ཉྙཱ་ཡ ས་མ་ནྣཱ་ག་ཏོ, ཨ་རི་ཡཱ་ཡ ནི་བྦེ་དྷི་ཀཱ་ཡ ས་མྨཱ་དུ་ཀྑ་ཀྑ་ཡ་གཱ་མི་ནི་ཡཱ. སོ ‘‘ཨི་དཾ དུ་ཀྑ’’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ས་མུ་ད་ཡོ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ནི་རོ་དྷོ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི. ‘‘ཨི་མེ ཨཱ་ས་ཝཱ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ ཨཱ་ས་ཝ་ས་མུ་ད་ཡོ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ ཨཱ་ས་ཝ་ནི་རོ་དྷོ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ ཨཱ་ས་ཝ་ནི་རོ་དྷ་གཱ་མི་ནཱི པ་ཊི་པ་དཱ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི – ཨ་ཡཾ ཨ་དྷི་པ་ཉྙཱ་སི་ཀྑཱ.
ཨི་མཱ ཏི་སྶོ སི་ཀྑཱ་ཡོ ཨཱ་ཝ་ཛྫ་ནྟོ སི་ཀྑེ་ཡྻ, ཛཱ་ན་ནྟོ སི་ཀྑེ་ཡྻ, པ་སྶ་ནྟོ སི་ཀྑེ་ཡྻ, པ་ཙྩ་ཝེ་ཀྑ་ནྟོ སི་ཀྑེ་ཡྻ, ཙི་ཏྟཾ ཨ་དྷི་ཊྛ་ཧ་ནྟོ སི་ཀྑེ་ཡྻ, ས་དྡྷཱ་ཡ ཨ་དྷི་མུ་ཙྩ་ནྟོ སི་ཀྑེ་ཡྻ, ཝཱི་རི་ཡཾ པ་གྒ་ཎྷ་ནྟོ སི་ཀྑེ་ཡྻ, ས་ཏིཾ ཨུ་པ་ཊྛ་པེ་ནྟོ སི་ཀྑེ་ཡྻ, ཙི་ཏྟཾ ས་མཱ་ད་ཧ་ནྟོ སི་ཀྑེ་ཡྻ, པ་ཉྙཱ་ཡ པ་ཛཱ་ན་ནྟོ སི་ཀྑེ་ཡྻ, ཨ་བྷི་ཉྙེ་ཡྻཾ ཨ་བྷི་ཛཱ་ན་ནྟོ སི་ཀྑེ་ཡྻ, པ་རི་ཉྙེ་ཡྻཾ པ་རི་ཛཱ་ན་ནྟོ སི་ཀྑེ་ཡྻ, པ་ཧཱ་ཏ་བྦཾ པ་ཛ་ཧ་ནྟོ སི་ཀྑེ་ཡྻ, བྷཱ་ཝེ་ཏ་བྦཾ བྷཱ་ཝེ་ནྟོ སི་ཀྑེ་ཡྻ, ས་ཙྪི་ཀཱ་ཏ་བྦཾ ས་ཙྪི་ཀ་རོ་ནྟོ སི་ཀྑེ་ཡྻ ཨཱ་ཙ་རེ་ཡྻ ས་མཱ་ཙ་རེ་ཡྻ ས་མཱ་དཱ་ཡ ཝ་ཏྟེ་ཡྻ.
ཨི་དྷཱཏི ཨི་མི་སྶཱ དི་ཊྛི་ཡཱ ཨི་མི་སྶཱ ཁ་ནྟི་ཡཱ ཨི་མི་སྶཱ རུ་ཙི་ཡཱ ཨི་མ་སྨིཾ ཨཱ་དཱ་ཡེ ཨི་མ་སྨིཾ དྷ་མྨེ ཨི་མ་སྨིཾ ཝི་ན་ཡེ ཨི་མ་སྨིཾ དྷ་མྨ་ཝི་ན་ཡེ ཨི་མ་སྨིཾ པཱ་ཝ་ཙ་ནེ ཨི་མ་སྨིཾ བྲ་ཧྨ་ཙ་རི་ཡེ ཨི་མ་སྨིཾ ས་ཏྠུ་སཱ་ས་ནེ ཨི་མ་སྨིཾ ཨ་ཏྟ་བྷཱ་ཝེ ཨི་མ་སྨིཾ མ་ནུ་སྶ་ལོ་ཀེ – ཏེ་ན ཝུ་ཙྩ་ཏི ཨི་དྷཱ་ཏི. ཛ་ནྟཱུཏི ས་ཏྟོ ན་རོ…པེ… མ་ནུ་ཛོ་ཏི – ཏ་སྨཱ ཧི སི་ཀྑེ་ཐ ཨི་དྷེ་ཝ ཛ་ནྟུ.
ཡཾ ཀི་ཉྩི ཛ་ཉྙཱ ཝི་ས་མ་ནྟི ལོ་ཀེཏི. ཡཾ ཀི་ཉྩཱིཏི ས་བྦེ་ན ས་བྦཾ ས་བྦ་ཐཱ ས་བྦཾ ཨ་སེ་སཾ ནི་སྶེ་སཾ པ་རི་ཡཱ་དི་ཡ་ན་ཝ་ཙ་ན་མེ་ཏཾ [པ་རི་དཱ་ཡ་ཝ་ཙ་ན་མེ་ཏཾ (སྱཱ.)] – ཡཾ ཀི་ཉྩཱི་ཏི. ཝི་ས་མ་ནྟི ཛ་ཉྙཱཏི ཝི་ས་མཾ ཀཱ་ཡ་ཀ་མྨཾ ཝི་ས་མ་ནྟི ཛཱ་ནེ་ཡྻ, ཝི་ས་མཾ ཝ་ཙཱི་ཀ་མྨཾ ཝི་ས་མ་ནྟི ཛཱ་ནེ་ཡྻ, ཝི་ས་མཾ མ་ནོ་ཀ་མྨཾ ཝི་ས་མ་ནྟི ཛཱ་ནེ་ཡྻ, ཝི་ས་མཾ པཱ་ཎཱ་ཏི་པཱ་ཏཾ ཝི་ས་མོ་ཏི ཛཱ་ནེ་ཡྻ, ཝི་ས་མཾ ཨ་དི་ནྣཱ་དཱ་ནཾ ཝི་ས་མ་ནྟི ཛཱ་ནེ་ཡྻ, ཝི་ས་མཾ ཀཱ་མེ་སུ་མི་ཙྪཱ་ཙཱ་རཾ ཝི་ས་མོ་ཏི ཛཱ་ནེ་ཡྻ, ཝི་ས་མཾ མུ་སཱ་ཝཱ་དཾ ཝི་ས་མོ་ཏི ཛཱ་ནེ་ཡྻ, ཝི་ས་མཾ པི་སུ་ཎཾ ཝཱ་ཙཾ ཝི་ས་མཱ་ཏི ཛཱ་ནེ་ཡྻ, ཝི་ས་མཾ ཕ་རུ་སཾ ཝཱ་ཙཾ ཝི་ས་མཱ་ཏི ཛཱ་ནེ་ཡྻ, ཝི་ས་མཾ ས་མྥ་པྤ་ལཱ་པཾ ཝི་ས་མོ་ཏི ཛཱ་ནེ་ཡྻ, ཝི་ས་མཾ ཨ་བྷི་ཛ྄ཛྷཾ ཝི་ས་མཱ་ཏི ཛཱ་ནེ་ཡྻ, ཝི་ས་མཾ བྱཱ་པཱ་དཾ ཝི་ས་མོ་ཏི ཛཱ་ནེ་ཡྻ, ཝི་ས་མཾ མི་ཙྪཱ་དི་ཊྛིཾ ཝི་ས་མཱ་ཏི ཛཱ་ནེ་ཡྻ, ཝི་ས་མེ ས་ངྑཱ་རེ ཝི་ས་མཱ་ཏི ཛཱ་ནེ་ཡྻ, ཝི་ས་མེ པ་ཉྩ ཀཱ་མ་གུ་ཎེ ཝི་ས་མཱ་ཏི ཛཱ་ནེ་ཡྻ, ཝི་ས་མེ པ་ཉྩ ནཱི་ཝ་ར་ཎེ ཝི་ས་མཱ་ཏི ཛཱ་ནེ་ཡྻ ཨཱ་ཛཱ་ནེ་ཡྻ ཝི་ཛཱ་ནེ་ཡྻ པ་ཊི་ཝི་ཛཱ་ནེ་ཡྻ པ་ཊི་ཝི་ཛ྄ཛྷེ་ཡྻ. ལོ་ཀེཏི ཨ་པཱ་ཡ་ལོ་ཀེ…པེ… ཨཱ་ཡ་ཏ་ན་ལོ་ཀེ་ཏི – ཡཾ ཀི་ཉྩི ཛ་ཉྙཱ ཝི་ས་མ་ནྟི ལོ་ཀེ.
ན ཏ་སྶ ཧེ་ཏཱུ ཝི་ས་མཾ ཙ་རེ་ཡྻཱཏི. ཝི་ས་མ་སྶ ཀཱ་ཡ་ཀ་མྨ་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ ཝ་ཙཱི་ཀ་མྨ་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ མ་ནོ་ཀ་མྨ་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ པཱ་ཎཱ་ཏི་པཱ་ཏ་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ ཨ་དི་ནྣཱ་དཱ་ན་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ ཀཱ་མེ་སུ་མི་ཙྪཱ་ཙཱ་ར་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ མུ་སཱ་ཝཱ་ད་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ པི་སུ་ཎཱ་ཡ ཝཱ་ཙཱ་ཡ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ ཕ་རུ་སཱ་ཡ ཝཱ་ཙཱ་ཡ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ ས་མྥ་པྤ་ལཱ་པ་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ ཨ་བྷི་ཛ྄ཛྷཱ་ཡ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མ་སྶ བྱཱ་པཱ་ད་སྶ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ མི་ཙྪཱ་དི་ཊྛི་ཡཱ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ནཾ ས་ངྑཱ་རཱ་ནཾ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ནཾ པ་ཉྩ་ནྣཾ ཀཱ་མ་གུ་ཎཱ་ནཾ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ནཾ པ་ཉྩ་ནྣཾ ནཱི་ཝ་ར་ཎཱ་ནཾ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ ཙེ་ཏ་ནཱ་ཡ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ པ་ཏྠ་ནཱ་ཡ ཧེ་ཏུ ཝི་ས་མཾ ན ཙ་རེ་ཡྻ, ཝི་ས་མཱ་ཡ པ་ཎི་དྷི་ཡཱ ཧེ་ཏུ ཝི་ས་མཾ ན ཙ་རེ་ཡྻ ན ཨཱ་ཙ་རེ་ཡྻ ན ས་མཱ་ཙ་རེ་ཡྻ ན ས་མཱ་དཱ་ཡ ཝ་ཏྟེ་ཡྻཱ་ཏི – ན ཏ་སྶ ཧེ་ཏཱུ ཝི་ས་མཾ ཙ་རེ་ཡྻ.
ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱཏི. ཛཱི་ཝི་ཏནྟི ཨཱ་ཡུ ཋི་ཏི ཡ་པ་ནཱ ཡཱ་པ་ནཱ ཨི་རི་ཡ་ནཱ ཝ་ཏྟ་ནཱ པཱ་ལ་ནཱ ཛཱི་ཝི་ཏཾ ཛཱི་ཝི་ཏི་ནྡྲི་ཡཾ. ཨ་པི ཙ, དྭཱི་ཧི ཀཱ་ར་ཎེ་ཧི ཨ་པྤ་ཀཾ ཛཱི་ཝི་ཏཾ – ཋི་ཏི་པ་རི་ཏྟ་ཏཱ་ཡ ཝཱ ཨ་པྤ་ཀཾ ཛཱི་ཝི་ཏཾ, ས་ར་ས་པ་རི་ཏྟ་ཏཱ་ཡ ཝཱ ཨ་པྤ་ཀཾ ཛཱི་ཝི་ཏཾ. ཀ་ཐཾ ཋི་ཏི་པ་རི་ཏྟ་ཏཱ་ཡ ཨ་པྤ་ཀཾ ཛཱི་ཝི་ཏཾ? ཨ་ཏཱི་ཏེ ཙི་ཏྟ་ཀྑ་ཎེ ཛཱི་ཝི་ཏྠ, ན ཛཱི་ཝ་ཏི ན ཛཱི་ཝི་སྶ་ཏི; ཨ་ནཱ་ག་ཏེ ཙི་ཏྟ་ཀྑ་ཎེ ཛཱི་ཝི་སྶ་ཏི, ན ཛཱི་ཝ་ཏི ན ཛཱི་ཝི་ཏྠ; པ་ཙྩུ་པྤ་ནྣེ ཙི་ཏྟ་ཀྑ་ཎེ ཛཱི་ཝ་ཏི, ན ཛཱི་ཝི་ཏྠ ན ཛཱི་ཝི་སྶ་ཏི.
‘‘ཛཱི་ཝི་ཏཾ ཨ་ཏྟ་བྷཱ་ཝོ ཙ, སུ་ཁ་དུ་ཀྑཱ ཙ ཀེ་ཝ་ལཱ;
ཨེ་ཀ་ཙི་ཏྟ་ས་མཱ་ཡུ་ཏྟཱ, ལ་ཧུ་སོ ཝ་ཏྟ་ཏེ ཁ་ཎོ.
‘‘ཙུ་ལླཱ་སཱི་ཏི་ས་ཧ་སྶཱ་ནི, ཀ་པྤཱ ཏི་ཊྛ་ནྟི ཡེ མ་རཱུ;
ན་ཏྭེ་ཝ ཏེ་པི ཛཱི་ཝ་ནྟི, དྭཱི་ཧི ཙི་ཏྟེ་ཧི སཾ་ཡུ་ཏཱ.
‘‘ཡེ ནི་རུ་དྡྷཱ མ་ར་ནྟ་སྶ, ཏི་ཊྛ་མཱ་ན་སྶ ཝཱ ཨི་དྷ;
ས་བྦེ་པི ས་དི་སཱ ཁ་ནྡྷཱ, ག་ཏཱ ཨ་པྤ་ཊི་ས་ནྡྷི་ཀཱ.
‘‘ཨ་ན་ནྟ་རཱ ཙ ཡེ བྷ་གྒཱ [བྷ་ངྒཱ (སཱི. སྱཱ.)], ཡེ ཙ བྷ་གྒཱ ཨ་ནཱ་ག་ཏཱ;
ཏ་ད་ནྟ་རེ ནི་རུ་དྡྷཱ་ནཾ, ཝེ་ས་མཾ ན་ཏྠི ལ་ཀྑ་ཎེ.
‘‘ཨ་ནི་བྦ་ཏྟེ་ན ན ཛཱ་ཏོ, པ་ཙྩུ་པྤ་ནྣེ་ན ཛཱི་ཝ་ཏི;
ཙི་ཏྟ་བྷ་གྒཱ མ་ཏོ ལོ་ཀོ, པ་ཉྙ་ཏྟི པ་ར་མ་ཏྠི་ཡཱ.
‘‘ཡ་ཐཱ ནི་ནྣཱ པ་ཝ་ཏྟ་ནྟི, ཚ་ནྡེ་ན པ་རི་ཎཱ་མི་ཏཱ;
ཨ་ཙྪི་ནྣ་དྷཱ་རཱ ཝ་ཏྟ་ནྟི, ས་ལཱ༹་ཡ་ཏ་ན་པ་ཙྩ་ཡཱ.
‘‘ཨ་ནི་དྷཱ་ན་ག་ཏཱ བྷ་གྒཱ, པུ་ཉྫོ ན་ཏྠི ཨ་ནཱ་ག་ཏེ;
ནི་བྦ་ཏྟཱ ཡེ ཙ [ནི་བྦ་ཏྟཱ་ཡེ་ཝ (ས་བྦ་ཏྠ)] ཏི་ཊྛ་ནྟི, ཨཱ་ར་གྒེ སཱ་ས་པཱུ་པ་མཱ.
‘‘ནི་བྦ་ཏྟཱ་ན་ཉྩ དྷ་མྨཱ་ནཾ, བྷ་ངྒོ ནེ་སཾ པུ་ར་ཀྑ་ཏོ;
པ་ལོ་ཀ་དྷ་མྨཱ ཏི་ཊྛ་ནྟི, པུ་རཱ་ཎེ་ཧི ཨ་མི་སྶི་ཏཱ.
‘‘ཨ་ད་སྶ་ན་ཏོ ཨཱ་ཡ་ནྟི, བྷ་ངྒཱ ག་ཙྪ་ནྟི ད་སྶ་ནཾ;
ཝི་ཛྫུ་པྤཱ་དོ་ཝ ཨཱ་ཀཱ་སེ, ཨུ་པྤ་ཛྫ་ནྟི ཝ་ཡ་ནྟི ཙཱ’’ཏི.
ཨེ་ཝཾ ཋི་ཏི་པ་རི་ཏྟ་ཏཱ་ཡ ཨ་པྤ་ཀཾ ཛཱི་ཝི་ཏཾ.
ཀ་ཐཾ ས་ར་ས་པ་རི་ཏྟ་ཏཱ་ཡ ཨ་པྤ་ཀཾ ཛཱི་ཝི་ཏཾ? ཨ་སྶཱ་སཱུ་པ་ནི་བ་ནྡྷཾ ཛཱི་ཝི་ཏཾ, པ་སྶཱ་སཱུ་པ་ནི་བ་ནྡྷཾ ཛཱི་ཝི་ཏཾ, ཨ་སྶཱ་ས་པ་སྶཱ་སཱུ་པ་ནི་བ་ནྡྷཾ ཛཱི་ཝི་ཏཾ, མ་ཧཱ་བྷཱུ་ཏཱུ་པ་ནི་བ་ནྡྷཾ ཛཱི་ཝི་ཏཾ, ཀ་བ་ལཱི༹་ཀཱ་རཱ་ཧཱ་རཱུ་པ་ནི་བ་ནྡྷཾ ཛཱི་ཝི་ཏཾ, ཨུ་སྨཱུ་པ་ནི་བ་ནྡྷཾ ཛཱི་ཝི་ཏཾ, ཝི་ཉྙཱ་ཎཱུ་པ་ནི་བ་ནྡྷཾ ཛཱི་ཝི་ཏཾ. མཱུ་ལ་མྤི ཨི་མེ་སཾ དུ་བྦ་ལཾ, པུ་བྦ་ཧེ་ཏཱུ་པི ཨི་མེ་སཾ དུ་བྦ་ལཱ. ཡེ པ་ཙྩ་ཡཱ ཏེ་པི དུ་བྦ་ལཱ, ཡེ་པི པ་བྷཱ་ཝི་ཀཱ ཏེ་པི དུ་བྦ་ལཱ. ས་ཧ་བྷཱུ་མི ཨི་མེ་སཾ དུ་བྦ་ལཱ, ས་མྤ་ཡོ་གཱ་པི ཨི་མེ་སཾ དུ་བྦ་ལཱ, ས་ཧ་ཛཱ་པི ཨི་མེ་སཾ དུ་བྦ་ལཱ, ཡཱ་པི པ་ཡོ་ཛི་ཀཱ སཱ་པི དུ་བྦ་ལཱ, ཨ་ཉྙ་མ་ཉྙཾ ཨི་མེ ནི་ཙྩ་དུ་བྦ་ལཱ, ཨ་ཉྙ་མ་ཉྙཾ ཨ་ན་ཝ་ཊྛི་ཏཱ ཨི་མེ. ཨ་ཉྙ་མ་ཉྙཾ པ་རི་པཱ་ཏ་ཡ་ནྟི ཨི་མེ, ཨ་ཉྙ་མ་ཉྙ་སྶ ཧི ན་ཏྠི ཏཱ་ཡི་ཏཱ, ན ཙཱ་པི ཋ་པེ་ནྟི ཨ་ཉྙ་མ་ཉྙཾ ཨི་མེ. ཡོ་པི ནི་བྦ་ཏྟ་ཀོ སོ ན ཝི་ཛྫ་ཏི.
‘‘ན ཙ ཀེ་ན་ཙི ཀོ་ཙི ཧཱ་ཡ་ཏི, ག་ནྡྷ་བྦཱ ཙ ཨི་མེ ཧི ས་བྦ་སོ;
པུ་རི་མེ་ཧི པ་བྷཱ་ཝི་ཀཱ ཨི་མེ, ཡེ་པི པ་བྷཱ་ཝི་ཀཱ ཏེ པུ་རེ མ་ཏཱ;
པུ་རི་མཱ་པི ཙ པ་ཙྪི་མཱ་པི ཙ, ཨ་ཉྙ་མ་ཉྙཾ ན ཀ་དཱ་ཙི མ་དྡ་སཾ་སཱུ’’ཏི.
ཨེ་ཝཾ ས་ར་ས་པ་རི་ཏྟ་ཏཱ་ཡ ཨ་པྤ་ཀཾ ཛཱི་ཝི་ཏཾ.
ཨ་པི ཙ ཙཱ་ཏུ་མ་ཧཱ་རཱ་ཛི་ཀཱ་ནཾ དེ་ཝཱ་ནཾ ཛཱི་ཝི་ཏཾ ཨུ་པཱ་དཱ་ཡ མ་ནུ་སྶཱ་ནཾ ཨ་པྤ་ཀཾ ཛཱི་ཝི་ཏཾ པ་རི་ཏྟ་ཀཾ ཛཱི་ཝི་ཏཾ ཐོ་ཀཾ [ཐོ་ཀ་ཀཾ (ཀ.)] ཛཱི་ཝི་ཏཾ ཁ་ཎི་ཀཾ ཛཱི་ཝི་ཏཾ ལ་ཧུ་ཀཾ ཛཱི་ཝི་ཏཾ ཨི་ཏྟ་རཾ ཛཱི་ཝི་ཏཾ ཨ་ན་དྡྷ་ནཱི་ཡཾ ཛཱི་ཝི་ཏཾ ན་ཙི་ར་ཊྛི་ཏི་ཀཾ ཛཱི་ཝི་ཏཾ. ཏཱ་ཝ་ཏིཾ་སཱ་ནཾ དེ་ཝཱ་ནཾ…པེ… ཡཱ་མཱ་ནཾ དེ་ཝཱ་ནཾ… ཏུ་སི་ཏཱ་ནཾ དེ་ཝཱ་ནཾ… ནི་མྨཱ་ན་ར་ཏཱི་ནཾ དེ་ཝཱ་ནཾ… པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ… བྲ་ཧྨ་ཀཱ་ཡི་ཀཱ་ནཾ དེ་ཝཱ་ནཾ ཛཱི་ཝི་ཏཾ ཨུ་པཱ་དཱ་ཡ མ་ནུ་སྶཱ་ནཾ ཨ་པྤ་ཀཾ ཛཱི་ཝི་ཏཾ པ་རི་ཏྟ་ཀཾ ཛཱི་ཝི་ཏཾ ཐོ་ཀཾ ཛཱི་ཝི་ཏཾ ཁ་ཎི་ཀཾ ཛཱི་ཝི་ཏཾ ལ་ཧུ་ཀཾ ཛཱི་ཝི་ཏཾ ཨི་ཏྟ་རཾ ཛཱི་ཝི་ཏཾ ཨ་ན་དྡྷ་ནཱི་ཡཾ ཛཱི་ཝི་ཏཾ ན་ཙི་ར་ཊྛི་ཏི་ཀཾ ཛཱི་ཝི་ཏཾ.
ཝུ་ཏྟ་ཉྷེ་ཏཾ བྷ་ག་ཝ་ཏཱ –
‘‘ཨ་པྤ་མི་དཾ, བྷི་ཀྑ་ཝེ, མ་ནུ་སྶཱ་ནཾ ཨཱ་ཡུ. ག་མ་ནི་ཡོ ས་མྤ་རཱ་ཡོ མ་ནྟཱ་ཡ བོ་དྡྷ་བྦཾ, ཀ་ཏྟ་བྦཾ ཀུ་ས་ལཾ, ཙ་རི་ཏ་བྦཾ བྲ་ཧྨ་ཙ་རི་ཡཾ, ན་ཏྠི ཛཱ་ཏ་སྶ ཨ་མ་ར་ཎཾ. ཡོ, བྷི་ཀྑ་ཝེ, ཙི་རཾ ཛཱི་ཝ་ཏི སོ ཝ་སྶ་ས་ཏཾ ཨ་པྤཾ ཝཱ བྷི་ཡྻོ’’.
‘‘ཨ་པྤ་མཱ་ཡུ མ་ནུ་སྶཱ་ནཾ, ཧཱི་ལེ༹་ཡྻ ནཾ སུ་པོ་རི་སོ;
ཙ་རེ་ཡྻཱ་དི་ཏྟ་སཱི་སོ་ཝ ན་ཏྠི མ་ཙྩུ་སྶ་ནཱ་ག་མོ.
‘‘ཨ་ཙྩ་ཡ་ནྟི ཨ་ཧོ་ར་ཏྟཱ, ཛཱི་ཝི་ཏཾ ཨུ་པ་རུ་ཛ྄ཛྷ་ཏི;
ཨཱ་ཡུ ཁི་ཡྻ་ཏི མ་ཙྩཱ་ནཾ, ཀུ་ནྣ་དཱི་ནཾ་ཝ ཨོ་ད་ཀ’’ནྟི.
ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱཏི. དྷཱི་རཱ་ཏི དྷཱི་རཱ, དྷི་ཏི་མཱ་ཏི དྷཱི་རཱ, དྷི་ཏི་ས་མྤ་ནྣཱ་ཏི དྷཱི་རཱ, དྷཱི་ཀ་ཏ་པཱ་པཱ་ཏི དྷཱི་རཱ. དྷཱི ཝུ་ཙྩ་ཏི པ་ཉྙཱ. ཡཱ པ་ཉྙཱ པ་ཛཱ་ན་ནཱ ཝི་ཙ་ཡོ པ་ཝི་ཙ་ཡོ དྷ་མྨ་ཝི་ཙ་ཡོ ས་ལླ་ཀྑ་ཎཱ ཨུ་པ་ལ་ཀྑ་ཎཱ པ་ཙྩུ་པ་ལ་ཀྑ་ཎཱ པ་ཎྜི་ཙྩཾ ཀོ་ས་ལླཾ ནེ་པུ་ཉྙཾ ཝེ་བྷ་བྱཱ ཙི་ནྟཱ ཨུ་པ་པ་རི་ཀྑཱ བྷཱུ་རི མེ་དྷཱ པ་རི་ཎཱ་ཡི་ཀཱ ཝི་པ་སྶ་ནཱ ས་མྤ་ཛ་ཉྙཾ པ་ཏོ་དོ པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ པ་ཉྙཱ་ས་ཏྠཾ པ་ཉྙཱ་པཱ་སཱ་དོ པ་ཉྙཱ་ཨཱ་ལོ་ཀོ པ་ཉྙཱ་ཨོ་བྷཱ་སོ པ་ཉྙཱ་པ་ཛྫོ་ཏོ པ་ཉྙཱ་ར་ཏ་ནཾ ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི, ཏཱ་ཡ པ་ཉྙཱ་ཡ ས་མ་ནྣཱ་ག་ཏ་ཏྟཱ དྷཱི་རཱ. ཨ་པི ཙ ཁ་ནྡྷ་དྷཱི་རཱ དྷཱ་ཏུ་དྷཱི་རཱ ཨཱ་ཡ་ཏ་ན་དྷཱི་རཱ, པ་ཊི་ཙྩ་ས་མུ་པྤཱ་ད་དྷཱི་རཱ ས་ཏི་པ་ཊྛཱ་ན་དྷཱི་རཱ ས་མྨ་པྤ་དྷཱ་ན་དྷཱི་རཱ ཨི་དྡྷི་པཱ་ད་དྷཱི་རཱ, ཨི་ནྡྲི་ཡ་དྷཱི་རཱ བ་ལ་དྷཱི་རཱ བོ་ཛ྄ཛྷ་ངྒ་དྷཱི་རཱ མ་གྒ་དྷཱི་རཱ ཕ་ལ་དྷཱི་རཱ ནི་བྦཱ་ན་དྷཱི་རཱ. ཏེ དྷཱི་རཱ ཨེ་ཝ་མཱ་ཧཾ་སུ – ‘‘མ་ནུ་སྶཱ་ནཾ ཨ་པྤ་ཀཾ ཛཱི་ཝི་ཏཾ, པ་རི་ཏྟ་ཀཾ ཛཱི་ཝི་ཏཾ, ཐོ་ཀཾ ཛཱི་ཝི་ཏཾ, ཁ་ཎི་ཀཾ ཛཱི་ཝི་ཏཾ, ལ་ཧུ་ཀཾ ཛཱི་ཝི་ཏཾ, ཨི་ཏྟ་རཾ ཛཱི་ཝི་ཏཾ, ཨ་ན་དྡྷ་ནཱི་ཡཾ ཛཱི་ཝི་ཏཾ, ན་ཙི་ར་ཊྛི་ཏི་ཀཾ ཛཱི་ཝི་ཏ’’ནྟི. ཨེ་ཝ་མཱ་ཧཾ་སུ ཨེ་ཝཾ ཀ་ཐེ་ནྟི ཨེ་ཝཾ བྷ་ཎ་ནྟི ཨེ་ཝཾ དཱི་པ་ཡ་ནྟི ཨེ་ཝཾ ཝོ་ཧ་ར་ནྟཱི་ཏི – ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱ.
ཏེ་ནཱ་ཧ བྷ་ག་ཝཱ –
‘‘ཏ་སྨཱ ཧི སི་ཀྑེ་ཐ ཨི་དྷེ་ཝ ཛ་ནྟུ, ཡཾ ཀི་ཉྩི ཛ་ཉྙཱ ཝི་ས་མ་ནྟི ལོ་ཀེ;
ན ཏ་སྶ ཧེ་ཏཱུ ཝི་ས་མཾ ཙ་རེ་ཡྻ, ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱ’’ཏི.
༡༡. པ་སྶཱ་མི ལོ་ཀེ པ་རི་ཕ་ནྡ་མཱ་ནཾ, པ་ཛཾ ཨི་མཾ ཏ་ཎྷ་ག་ཏཾ བྷ་ཝེ་སུ;
ཧཱི་ནཱ ན་རཱ མ་ཙྩུ་མུ་ཁེ ལ་པ་ནྟི, ཨ་ཝཱི་ཏ་ཏ་ཎྷཱ་སེ བྷ་ཝཱ་བྷ་ཝེ་སུ.
པ་སྶཱ་མི ལོ་ཀེ པ་རི་ཕ་ནྡ་མཱ་ནནྟི. པ་སྶཱ་མཱིཏི མཾ་ས་ཙ་ཀྑུ་ནཱ་པི པ་སྶཱ་མི, དི་བྦ་ཙ་ཀྑུ་ནཱ་པི པ་སྶཱ་མི, པ་ཉྙཱ་ཙ་ཀྑུ་ནཱ་པི པ་སྶཱ་མི, བུ་དྡྷ་ཙ་ཀྑུ་ནཱ་པི པ་སྶཱ་མི, ས་མ་ནྟ་ཙ་ཀྑུ་ནཱ་པི པ་སྶཱ་མི ད་ཀྑཱ་མི ཨོ་ལོ་ཀེ་མི ནི་ཛ྄ཛྷཱ་ཡཱ་མི ཨུ་པ་པ་རི་ཀྑཱ་མི. ལོ་ཀེཏི ཨ་པཱ་ཡ་ལོ་ཀེ མ་ནུ་སྶ་ལོ་ཀེ དེ་ཝ་ལོ་ཀེ ཁ་ནྡྷ་ལོ་ཀེ དྷཱ་ཏུ་ལོ་ཀེ ཨཱ་ཡ་ཏ་ན་ལོ་ཀེ.
པ་རི་ཕ་ནྡ་མཱ་ནནྟི ཏ་ཎྷཱ་ཕ་ནྡ་ནཱ་ཡ ཕ་ནྡ་མཱ་ནཾ, དི་ཊྛི་ཕ་ནྡ་ནཱ་ཡ ཕ་ནྡ་མཱ་ནཾ, ཀི་ལེ་ས་ཕ་ནྡ་ནཱ་ཡ ཕ་ནྡ་མཱ་ནཾ, པ་ཡོ་ག་ཕ་ནྡ་ནཱ་ཡ ཕ་ནྡ་མཱ་ནཾ, ཝི་པཱ་ཀ་ཕ་ནྡ་ནཱ་ཡ ཕ་ནྡ་མཱ་ནཾ, དུ་ཙྩ་རི་ཏ་ཕ་ནྡ་ནཱ་ཡ ཕ་ནྡ་མཱ་ནཾ, ར་ཏྟཾ རཱ་གེ་ན ཕ་ནྡ་མཱ་ནཾ, དུ་ཊྛཾ དོ་སེ་ན ཕ་ནྡ་མཱ་ནཾ, མཱུ་ལ༹ྷཾ མོ་ཧེ་ན ཕ་ནྡ་མཱ་ནཾ, ཝི་ནི་བ་དྡྷཾ མཱ་ནེ་ན ཕ་ནྡ་མཱ་ནཾ, པ་རཱ་མ་ཊྛཾ དི་ཊྛི་ཡཱ ཕ་ནྡ་མཱ་ནཾ, ཝི་ཀྑེ་པ་ག་ཏཾ ཨུ་དྡྷ་ཙྩེ་ན ཕ་ནྡ་མཱ་ནཾ, ཨ་ནི་ཊྛ་ངྒ་ཏཾ ཝི་ཙི་ཀི་ཙྪཱ་ཡ ཕ་ནྡ་མཱ་ནཾ, ཐཱ་མ་ག་ཏཾ ཨ་ནུ་ས་ཡེ་ཧི ཕ་ནྡ་མཱ་ནཾ, ལཱ་བྷེ་ན ཕ་ནྡ་མཱ་ནཾ, ཨ་ལཱ་བྷེ་ན ཕ་ནྡ་མཱ་ནཾ, ཡ་སེ་ན ཕ་ནྡ་མཱ་ནཾ, ཨ་ཡ་སེ་ན ཕ་ནྡ་མཱ་ནཾ, པ་སཾ་སཱ་ཡ ཕ་ནྡ་མཱ་ནཾ, ནི་ནྡཱ་ཡ ཕ་ནྡ་མཱ་ནཾ, སུ་ཁེ་ན ཕ་ནྡ་མཱ་ནཾ, དུ་ཀྑེ་ན ཕ་ནྡ་མཱ་ནཾ, ཛཱ་ཏི་ཡཱ ཕ་ནྡ་མཱ་ནཾ, ཛ་རཱ་ཡ ཕ་ནྡ་མཱ་ནཾ, བྱཱ་དྷི་ནཱ ཕ་ནྡ་མཱ་ནཾ, མ་ར་ཎེ་ན ཕ་ནྡ་མཱ་ནཾ, སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སེ་ཧི ཕ་ནྡ་མཱ་ནཾ, ནེ་ར་ཡི་ཀེ་ན དུ་ཀྑེ་ན ཕ་ནྡ་མཱ་ནཾ, ཏི་ར་ཙྪཱ་ན་ཡོ་ནི་ཀེ་ན དུ་ཀྑེ་ན ཕ་ནྡ་མཱ་ནཾ, པེ་ཏྟི་ཝི་ས་ཡི་ཀེ་ན དུ་ཀྑེ་ན ཕ་ནྡ་མཱ་ནཾ, མཱ་ནུ་སི་ཀེ་ན དུ་ཀྑེ་ན ཕ་ནྡ་མཱ་ནཾ, ག་བྦྷོ་ཀྐ་ནྟི་མཱུ་ལ་ཀེ་ན དུ་ཀྑེ་ན ཕ་ནྡ་མཱ་ནཾ, ག་བྦྷེ ཋི་ཏི་མཱུ་ལ་ཀེ་ན དུ་ཀྑེ་ན ཕ་ནྡ་མཱ་ནཾ, ག་བྦྷཱ ཝུ་ཊྛཱ་ན་མཱུ་ལ་ཀེ་ན དུ་ཀྑེ་ན ཕ་ནྡ་མཱ་ནཾ, ཛཱ་ཏ་སྶཱུ་པ་ནི་བ་ནྡྷ་ཀེ་ན དུ་ཀྑེ་ན ཕ་ནྡ་མཱ་ནཾ, ཛཱ་ཏ་སྶ པ་རཱ་དྷེ་ཡྻ་ཀེ་ན དུ་ཀྑེ་ན ཕ་ནྡ་མཱ་ནཾ, ཨ་ཏྟཱུ་པ་ཀྐ་མེ་ན དུ་ཀྑེ་ན ཕ་ནྡ་མཱ་ནཾ, པ་རཱུ་པ་ཀྐ་མེ་ན དུ་ཀྑེ་ན ཕ་ནྡ་མཱ་ནཾ, དུ་ཀྑ་དུ་ཀྑེ་ན ཕ་ནྡ་མཱ་ནཾ, ས་ངྑཱ་ར་དུ་ཀྑེ་ན ཕ་ནྡ་མཱ་ནཾ, ཝི་པ་རི་ཎཱ་མ་དུ་ཀྑེ་ན ཕ་ནྡ་མཱ་ནཾ, ཙ་ཀྑུ་རོ་གེ་ན དུ་ཀྑེ་ན ཕ་ནྡ་མཱ་ནཾ, སོ་ཏ་རོ་གེ་ན དུ་ཀྑེ་ན ཕ་ནྡ་མཱ་ནཾ, གྷཱ་ན་རོ་གེ་ན དུ་ཀྑེ་ན…པེ… ཛི་ཝ྄ཧཱ་རོ་གེ་ན… ཀཱ་ཡ་རོ་གེ་ན… སཱི་ས་རོ་གེ་ན… ཀ་ཎྞ་རོ་གེ་ན… མུ་ཁ་རོ་གེ་ན… ད་ནྟ་རོ་གེ་ན… ཀཱ་སེ་ན… སཱ་སེ་ན… པི་ནཱ་སེ་ན… དཱ་ཧེ་ན… ཛ་རེ་ན… ཀུ་ཙྪི་རོ་གེ་ན… མུ་ཙྪཱ་ཡ… པ་ཀྑ་ནྡི་ཀཱ་ཡ… སཱུ་ལཱ་ཡ … ཝི་སུ་ཙི་ཀཱ་ཡ… ཀུ་ཊྛེ་ན… ག་ཎྜེ་ན… ཀི་ལཱ་སེ་ན… སོ་སེ་ན… ཨ་པ་མཱ་རེ་ན… ད་དྡུ་ཡཱ… ཀ་ཎྜུ་ཡཱ… ཀ་ཙྪུ་ཡཱ… ར་ཁ་སཱ་ཡ… ཝི་ཏ་ཙྪི་ཀཱ་ཡ… ལོ་ཧི་ཏེ་ན… པི་ཏྟེ་ན… མ་དྷུ་མེ་ཧེ་ན… ཨཾ་སཱ་ཡ… པི་ལ༹་ཀཱ་ཡ… བྷ་ག་ནྡ་ལེ་ན [བྷ་ག་ནྡ་ལཱ་ཡ (སྱཱ.)] … པི་ཏྟ་ས་མུ་ཊྛཱ་ནེ་ན ཨཱ་བཱ་དྷེ་ན… སེ་མྷ་ས་མུ་ཊྛཱ་ནེ་ན ཨཱ་བཱ་དྷེ་ན… ཝཱ་ཏ་ས་མུ་ཊྛཱ་ནེ་ན ཨཱ་བཱ་དྷེ་ན… ས་ནྣི་པཱ་ཏི་ཀེ་ན ཨཱ་བཱ་དྷེ་ན… ཨུ་ཏུ་པ་རི་ཎཱ་མ་ཛེ་ན ཨཱ་བཱ་དྷེ་ན… ཝི་ས་མ་པ་རི་ཧཱ་ར་ཛེ་ན ཨཱ་བཱ་དྷེ་ན… ཨོ་པ་ཀྐ་མི་ཀེ་ན ཨཱ་བཱ་དྷེ་ན … ཀ་མྨ་ཝི་པཱ་ཀ་ཛེ་ན ཨཱ་བཱ་དྷེ་ན… སཱི་ཏེ་ན… ཨུ་ཎྷེ་ན… ཛི་གྷ་ཙྪཱ་ཡ… པི་པཱ་སཱ་ཡ … ཨུ་ཙྩཱ་རེ་ན… པ་སྶཱ་ཝེ་ན… ཌཾ་ས་མ་ཀ་ས་ཝཱ་ཏཱ་ཏ་པ་ས་རཱི་ས་པ་ས་མྥ་སྶེ་ན དུ་ཀྑེ་ན… མཱ་ཏུ་མ་ར་ཎེ་ན དུ་ཀྑེ་ན… པི་ཏུ་མ་ར་ཎེ་ན དུ་ཀྑེ་ན… བྷཱ་ཏུ་མ་ར་ཎེ་ན དུ་ཀྑེ་ན… བྷ་གི་ནི་མ་ར་ཎེ་ན དུ་ཀྑེ་ན… པུ་ཏྟ་མ་ར་ཎེ་ན དུ་ཀྑེ་ན… དྷཱི་ཏུ་མ་ར་ཎེ་ན དུ་ཀྑེ་ན… ཉཱ་ཏི་བྱ་ས་ནེ་ན… བྷོ་ག་བྱ་ས་ནེ་ན… རོ་ག་བྱ་ས་ནེ་ན… སཱི་ལ་བྱ་ས་ནེ་ན… དི་ཊྛི་བྱ་ས་ནེ་ན དུ་ཀྑེ་ན ཕ་ནྡ་མཱ་ནཾ ས་མྥ་ནྡ་མཱ་ནཾ ཝི་པྥ་ནྡ་མཱ་ནཾ ཝེ་དྷ་མཱ་ནཾ པ་ཝེ་དྷ་མཱ་ནཾ ས་མྤ་ཝེ་དྷ་མཱ་ནཾ པ་སྶཱ་མི ད་ཀྑཱ་མི ཨོ་ལོ་ཀེ་མི ནི་ཛ྄ཛྷཱ་ཡཱ་མི ཨུ་པ་པ་རི་ཀྑཱ་མཱི་ཏི – པ་སྶཱ་མི ལོ་ཀེ པ་རི་ཕ་ནྡ་མཱ་ནཾ.
པ་ཛཾ ཨི་མཾ ཏ་ཎྷ་ག་ཏཾ བྷ་ཝེ་སཱུཏི. པ་ཛཱཏི ས་ཏྟཱ་དྷི་ཝ་ཙ་ནཾ. ཏ་ཎྷཱཏི རཱུ་པ་ཏ་ཎྷཱ, ས་དྡ་ཏ་ཎྷཱ, ག་ནྡྷ་ཏ་ཎྷཱ, ར་ས་ཏ་ཎྷཱ, ཕོ་ཊྛ་བྦ་ཏ་ཎྷཱ, དྷ་མྨ་ཏ་ཎྷཱ. ཏ་ཎྷ་ག་ཏནྟི ཏ་ཎྷཱ་ག་ཏཾ ཏ་ཎྷཱ་ནུ་ག་ཏཾ ཏ་ཎྷཱ་ཡཱ་ནུ་ས་ཊཾ ཏ་ཎྷཱ་ཡཱ་ས་ནྣཾ ཏ་ཎྷཱ་ཡ པཱ་ཏི་ཏཾ ཨ་བྷི་བྷཱུ་ཏཾ པ་རི་ཡཱ་དི་ནྣ་ཙི་ཏྟཾ. བྷ་ཝེ་སཱུཏི ཀཱ་མ་བྷ་ཝེ རཱུ་པ་བྷ་ཝེ ཨ་རཱུ་པ་བྷ་ཝེ་ཏི – པ་ཛཾ ཨི་མཾ ཏ་ཎྷ་ག་ཏཾ བྷ་ཝེ་སུ.
ཧཱི་ནཱ ན་རཱ མ་ཙྩུ་མུ་ཁེ ལ་པ་ནྟཱིཏི. ཧཱི་ནཱ ན་རཱཏི ཧཱི་ནཱ ན་རཱ ཧཱི་ནེ་ན ཀཱ་ཡ་ཀ་མྨེ་ན ས་མ་ནྣཱ་ག་ཏཱ་ཏི ཧཱི་ནཱ ན་རཱ, ཧཱི་ནེ་ན ཝ་ཙཱི་ཀ་མྨེ་ན ས་མ་ནྣཱ་ག་ཏཱ་ཏི ཧཱི་ནཱ ན་རཱ, ཧཱི་ནེ་ན མ་ནོ་ཀ་མྨེ་ན ས་མ་ནྣཱ་ག་ཏཱ་ཏི ཧཱི་ནཱ ན་རཱ, ཧཱི་ནེ་ན པཱ་ཎཱ་ཏི་པཱ་ཏེ་ན ས་མ་ནྣཱ་ག་ཏཱ་ཏི ཧཱི་ནཱ ན་རཱ, ཧཱི་ནེ་ན ཨ་དི་ནྣཱ་དཱ་ནེ་ན…པེ… ཧཱི་ནེ་ན ཀཱ་མེ་སུ་མི་ཙྪཱ་ཙཱ་རེ་ན… ཧཱི་ནེ་ན མུ་སཱ་ཝཱ་དེ་ན… ཧཱི་ནཱ་ཡ པི་སུ་ཎཱ་ཡ ཝཱ་ཙཱ་ཡ… ཧཱི་ནཱ་ཡ ཕ་རུ་སཱ་ཡ ཝཱ་ཙཱ་ཡ… ཧཱི་ནེ་ན ས་མྥ་པྤ་ལཱ་པེ་ན… ཧཱི་ནཱ་ཡ ཨ་བྷི་ཛ྄ཛྷཱ་ཡ… ཧཱི་ནེ་ན བྱཱ་པཱ་དེ་ན… ཧཱི་ནཱ་ཡ མི་ཙྪཱ་དི་ཊྛི་ཡཱ… ཧཱི་ནེ་ཧི ས་ངྑཱ་རེ་ཧི… ཧཱི་ནེ་ཧི པ་ཉྩ་ཧི ཀཱ་མ་གུ་ཎེ་ཧི ནཱི་ཝ་ར་ཎེ་ཧི… ཧཱི་ནཱ་ཡ ཙེ་ཏ་ནཱ་ཡ… ཧཱི་ནཱ་ཡ པ་ཏྠ་ནཱ་ཡ… ཧཱི་ནཱ་ཡ པ་ཎི་དྷི་ཡཱ ས་མ་ནྣཱ་ག་ཏཱ་ཏི ཧཱི་ནཱ ན་རཱ ཧཱི་ནཱ ནི་ཧཱི་ནཱ ཨོ་ཧཱི་ནཱ ཨོ་མ་ཀཱ ལཱ་མ་ཀཱ ཚ་ཏུ་ཀྐཱ པ་རི་ཏྟཱ་ཏི – ཧཱི་ནཱ ན་རཱ. མ་ཙྩུ་མུ་ཁེ ལ་པ་ནྟཱིཏི. མ་ཙྩུ་མུ་ཁེཏི མཱ་ར་མུ་ཁེ མ་ར་ཎ་མུ་ཁེ, མ་ཙྩུ་པྤ་ཏྟཱ མ་ཙྩུ་ས་མྤ་ཏྟཱ མ་ཙྩཱུ་པཱ་ག་ཏཱ, མཱ་ར་པྤ་ཏྟཱ མཱ་ར་ས་མྤ་ཏྟཱ མཱ་རཱུ་པཱ་ག་ཏཱ, མ་ར་ཎ་པྤ་ཏྟཱ མ་ར་ཎ་ས་མྤ་ཏྟཱ མ་ར་ཎཱུ་པཱ་ག་ཏཱ ལ་པ་ནྟི ལཱ་ལ་པ་ནྟི སོ་ཙ་ནྟི ཀི་ལ་མ་ནྟི པ་རི་དེ་ཝ་ནྟི ཨུ་ར་ཏྟཱ་ལི༹ཾ ཀ་ནྡ་ནྟི ས་མྨོ་ཧཾ ཨཱ་པ་ཛྫ་ནྟཱི་ཏི – ཧཱི་ནཱ ན་རཱ མ་ཙྩུ་མུ་ཁེ ལ་པ་ནྟི.
ཨ་ཝཱི་ཏ་ཏ་ཎྷཱ་སེ བྷ་ཝཱ་བྷ་ཝེ་སཱུཏི. ཏ་ཎྷཱཏི རཱུ་པ་ཏ་ཎྷཱ…པེ… དྷ་མྨ་ཏ་ཎྷཱ. བྷ་ཝཱ་བྷ་ཝེ་སཱུཏི བྷ་ཝཱ་བྷ་ཝེ ཀ་མྨ་བྷ་ཝེ པུ་ན་བྦྷ་ཝེ ཀཱ་མ་བྷ་ཝེ, ཀ་མྨ་བྷ་ཝེ ཀཱ་མ་བྷ་ཝེ པུ་ན་བྦྷ་ཝེ རཱུ་པ་བྷ་ཝེ, ཀ་མྨ་བྷ་ཝེ རཱུ་པ་བྷ་ཝེ པུ་ན་བྦྷ་ཝེ ཨ་རཱུ་པ་བྷ་ཝེ, ཀ་མྨ་བྷ་ཝེ ཨ་རཱུ་པ་བྷ་ཝེ པུ་ན་བྦྷ་ཝེ པུ་ན་པྤུ་ན་བྦྷ་ཝེ, པུ་ན་པྤུ་ན་ག་ཏི་ཡཱ པུ་ན་པྤུ་ན་ཨུ་པ་པ་ཏྟི་ཡཱ པུ་ན་པྤུ་ན་པ་ཊི་ས་ནྡྷི་ཡཱ པུ་ན་པྤུ་ན་ཨ་ཏྟ་བྷཱ་ཝཱ་བྷི་ནི་བྦ་ཏྟི་ཡཱ, ཨ་ཝཱི་ཏ་ཏ་ཎྷཱ ཨ་ཝི་ག་ཏ་ཏ་ཎྷཱ ཨ་ཙ་ཏྟ་ཏ་ཎྷཱ ཨ་ཝ་ནྟ་ཏ་ཎྷཱ. ཨ་མུ་ཏྟ་ཏ་ཎྷཱ ཨ་པྤ་ཧཱི་ན་ཏ་ཎྷཱ ཨ་པྤ་ཊི་ནི་སྶ་ཊྛ་ཏ་ཎྷཱ་ཏི – ཨ་ཝཱི་ཏ་ཏ་ཎྷཱ་སེ བྷ་ཝཱ་བྷ་ཝེ་སུ.
ཏེ་ནཱ་ཧ བྷ་ག་ཝཱ –
‘‘པ་སྶཱ་མི ལོ་ཀེ པ་རི་ཕ་ནྡ་མཱ་ནཾ, པ་ཛཾ ཨི་མཾ ཏ་ཎྷ་ག་ཏཾ བྷ་ཝེ་སུ;
ཧཱི་ནཱ ན་རཱ མ་ཙྩུ་མུ་ཁེ ལ་པ་ནྟི, ཨ་ཝཱི་ཏ་ཏ་ཎྷཱ་སེ བྷ་ཝཱ་བྷ་ཝེ་སཱུ’’ཏི.
༡༢. མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ,མ་ཙྪེ་ཝ [མ་ཙྪོ་ཝ (སཱི.)] ཨ་པྤོ་ད་ཀེ ཁཱི་ཎ་སོ་ཏེ;
ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ, བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ.
མ་མཱ་ཡི་ཏེ པ་སྶ་ཐ ཕ་ནྡ་མཱ་ནེཏི. མ་མ་ཏྟཱཏི དྭེ མ་མ་ཏྟཱ – ཏ་ཎྷཱ་མ་མ་ཏྟ་ཉྩ དི་ཊྛི་མ་མ་ཏྟ་ཉྩ. ཀ་ཏ་མཾ ཏ་ཎྷཱ་མ་མ་ཏྟཾ? ཡཱ་ཝ་ཏཱ ཏ་ཎྷཱ་ས་ངྑཱ་ཏེ་ན སཱི་མ་ཀ་ཏཾ མ་རི་ཡཱ་དི་ཀ་ཏཾ ཨོ་དྷི་ཀ་ཏཾ པ་རི་ཡ་ནྟ་ཀ་ཏཾ པ་རི་གྒ་ཧི་ཏཾ མ་མཱ་ཡི་ཏཾ. ཨི་དཾ མ་མཾ, ཨེ་ཏཾ མ་མཾ, ཨེ་ཏྟ་ཀཾ མ་མཾ, ཨེ་ཏྟཱ་ཝ་ཏཱ མ་མཾ, མ་མ རཱུ་པཱ ས་དྡཱ ག་ནྡྷཱ ར་སཱ ཕོ་ཊྛ་བྦཱ, ཨ་ཏྠ་ར་ཎཱ པཱ་ཝུ་ར་ཎཱ དཱ་སི་དཱ་སཱ ཨ་ཛེ་ལ༹་ཀཱ ཀུ་ཀྐུ་ཊ་སཱུ་ཀ་རཱ ཧ་ཏྠི་ག་ཝཱ་སྶ་ཝ་ལ༹་ཝཱ ཁེ་ཏྟཾ ཝ་ཏྠུ ཧི་ར་ཉྙཾ སུ་ཝ་ཎྞཾ གཱ་མ་ནི་ག་མ་རཱ་ཛ་དྷཱ་ནི་ཡོ ར་ཊྛ་ཉྩ ཛ་ན་པ་དོ ཙ ཀོ་སོ ཙ ཀོ་ཊྛཱ་གཱ་ར་ཉྩ, ཀེ་ཝ་ལ་མྤི མ་ཧཱ་པ་ཐ་ཝིཾ ཏ་ཎྷཱ་ཝ་སེ་ན མ་མཱ་ཡ་ཏི. ཡཱ་ཝ་ཏཱ ཨ་ཊྛ་ས་ཏཾ ཏ་ཎྷཱ་ཝི་ཙ་རི་ཏཾ, ཨི་དཾ ཏ་ཎྷཱ་མ་མ་ཏྟཾ.
ཀ་ཏ་མཾ དི་ཊྛི་མ་མ་ཏྟཾ? ཝཱི་ས་ཏི་ཝ་ཏྠུ་ཀཱ ས་ཀྐཱ་ཡ་དི་ཊྛི, ད་ས་ཝ་ཏྠུ་ཀཱ མི་ཙྪཱ་དི་ཊྛི, ད་ས་ཝ་ཏྠུ་ཀཱ ཨ་ནྟ་གྒཱ་ཧི་ཀཱ དི་ཊྛི; ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ དི་ཊྛི་ཝི་པྥ་ནྡི་ཀཾ དི་ཊྛི་ས་ཉྙོ་ཛ་ནཾ གཱ་ཧོ པ་ཊི་གྒཱ་ཧོ ཨ་བྷི་ནི་ཝེ་སོ པ་རཱ་མཱ་སོ ཀུ་མྨ་གྒོ མི་ཙྪཱ་པ་ཐོ མི་ཙྪ་ཏྟཾ ཏི་ཏྠཱ་ཡ་ཏ་ནཾ ཝི་པ་རི་ཡེ་ས་གྒཱ་ཧོ ཝི་པ་རཱི་ཏ་གྒཱ་ཧོ ཝི་པ་ལླཱ་ས་གྒཱ་ཧོ མི་ཙྪཱ་གཱ་ཧོ ‘‘ཨ་ཡཱ་ཐཱ་ཝ་ཀ་སྨིཾ ཡཱ་ཐཱ་ཝ་ཀ’’ནྟི གཱ་ཧོ. ཡཱ་ཝ་ཏཱ དྭཱ་ས་ཊྛི་དི་ཊྛི་ག་ཏཱ་ནི, ཨི་དཾ དི་ཊྛི་མ་མ་ཏྟཾ. མ་མཱ་ཡི་ཏེ པ་སྶ་ཐ ཕ་ནྡ་མཱ་ནེཏི མ་མཱ་ཡི་ཏཾ ཝ་ཏྠུཾ ཨ་ཙྪེ་ད་སཾ་ཀི་ནོ་པི ཕ་ནྡ་ནྟི, ཨ་ཙྪི་ནྡ་ནྟེ་པི ཕ་ནྡ་ནྟི, ཨ་ཙྪི་ནྣེ་པི ཕ་ནྡ་ནྟི, མ་མཱ་ཡི་ཏཾ ཝ་ཏྠུཾ ཝི་པ་རི་ཎཱ་མ་སཾ་ཀི་ནོ་པི ཕ་ནྡ་ནྟི, ཝི་པ་རི་ཎཱ་མ་ནྟེ་པི ཕ་ནྡ་ནྟི, ཝི་པ་རི་ཎ་ཏེ་པི ཕ་ནྡ་ནྟི པ་ཕ་ནྡ་ནྟི ས་མྥ་ནྡ་ནྟི ཝི་པྥ་ནྡ་ནྟི ཝེ་དྷ་ནྟི [ཝེ་དྷེ་ནྟི (སྱཱ.)] པ་ཝེ་དྷ་ནྟི ས་མྤ་ཝེ་དྷ་ནྟི. ཨེ་ཝཾ ཕ་ནྡ་མཱ་ནེ པ་ཕ་ནྡ་མཱ་ནེ ས་མྥ་ནྡ་མཱ་ནེ ཝི་པྥ་ནྡ་མཱ་ནེ ཝེ་དྷ་མཱ་ནེ པ་ཝེ་དྷ་མཱ་ནེ ས་མྤ་ཝེ་དྷ་མཱ་ནེ པ་སྶ་ཐ ད་ཀྑ་ཐ ཨོ་ལོ་ཀེ་ཐ ནི་ཛ྄ཛྷཱ་ཡ་ཐ ཨུ་པ་པ་རི་ཀྑ་ཐཱ་ཏི – མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ.
མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེཏི. ཡ་ཐཱ མ་ཙྪཱ ཨ་པྤོ་ད་ཀེ པ་རི་ཏྟོ་ད་ཀེ ཨུ་ད་ཀ་པ་རི་ཡཱ་དཱ་ནེ ཀཱ་ཀེ་ཧི ཝཱ ཀུ་ལ་ལེ་ཧི ཝཱ བ་ལཱ་ཀཱ་ཧི ཝཱ པ་རི་པཱ་ཏི་ཡ་མཱ་ནཱ ཨུ་ཀྑི་པི་ཡ་མཱ་ནཱ ཁ་ཛྫ་མཱ་ནཱ ཕ་ནྡ་ནྟི པ་ཕ་ནྡ་ནྟི ས་མྥ་ནྡ་ནྟི ཝི་པྥ་ནྡ་ནྟི ཝེ་དྷ་ནྟི པ་ཝེ་དྷ་ནྟི ས་མྤ་ཝེ་དྷ་ནྟི; ཨེ་ཝ་མེ་ཝ པ་ཛཱ མ་མཱ་ཡི་ཏཾ ཝ་ཏྠུཾ ཨ་ཙྪེ་ད་སཾ་ཀི་ནོ་པི ཕ་ནྡ་ནྟི, ཨ་ཙྪི་ནྡ་ནྟེ་པི ཕ་ནྡ་ནྟི, ཨ་ཙྪི་ནྣེ་པི ཕ་ནྡ་ནྟི, མ་མཱ་ཡི་ཏཾ ཝ་ཏྠུཾ ཝི་པ་རི་ཎཱ་མ་སཾ་ཀི་ནོ་པི ཕ་ནྡ་ནྟི, ཝི་པ་རི་ཎཱ་མ་ནྟེ་པི ཕ་ནྡ་ནྟི, ཝི་པ་རི་ཎ་ཏེ་པི ཕ་ནྡ་ནྟི པ་ཕ་ནྡ་ནྟི ས་མྥ་ནྡ་ནྟི ཝི་པྥ་ནྡ་ནྟི ཝེ་དྷ་ནྟི པ་ཝེ་དྷ་ནྟི ས་མྤ་ཝེ་དྷ་ནྟཱི་ཏི – མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེ.
ཨེ་ཏ་མྤི དི་སྭཱ ཨ་མ་མོ ཙ་རེ་ཡྻཱཏི. ཨེ་ཏཾ ཨཱ་དཱི་ན་ཝཾ དི་སྭཱ པ་སྶི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ [ཏི་ར་ཡི་ཏྭཱ (ཀ.)] ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ མ་མ་ཏྟེ་སཱུ་ཏི – ཨེ་ཏ་མྤི དི་སྭཱ. ཨ་མ་མོ ཙ་རེ་ཡྻཱཏི མ་མ་ཏྟཱཏི དྭེ མ་མ་ཏྟཱ – ཏ་ཎྷཱ་མ་མ་ཏྟ་ཉྩ དི་ཊྛི་མ་མ་ཏྟ་ཉྩ…པེ… ཨི་དཾ ཏ་ཎྷཱ་མ་མ་ཏྟཾ…པེ… ཨི་དཾ དི་ཊྛི་མ་མ་ཏྟཾ. ཏ་ཎྷཱ་མ་མ་ཏྟཾ པ་ཧཱ་ཡ དི་ཊྛི་མ་མ་ཏྟཾ པ་ཊི་ནི་སྶ་ཛྫི་ཏྭཱ ཙ་ཀྑུཾ ཨ་མ་མཱ་ཡ་ནྟོ སོ་ཏཾ ཨ་མ་མཱ་ཡ་ནྟོ གྷཱ་ནཾ ཨ་མ་མཱ་ཡ་ནྟོ ཛི་ཝ྄ཧཾ ཨ་མ་མཱ་ཡ་ནྟོ ཀཱ་ཡཾ ཨ་མ་མཱ་ཡ་ནྟོ མ་ནཾ ཨ་མ་མཱ་ཡ་ནྟོ རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ… དྷ་མྨེ… ཀུ་ལཾ… ག་ཎཾ… ཨཱ་ཝཱ་སཾ… ལཱ་བྷཾ… ཡ་སཾ… པ་སཾ་སཾ… སུ་ཁཾ… ཙཱི་ཝ་རཾ… པི་ཎྜ་པཱ་ཏཾ… སེ་ནཱ་ས་ནཾ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ… ཀཱ་མ་དྷཱ་ཏུཾ… རཱུ་པ་དྷཱ་ཏུཾ… ཨ་རཱུ་པ་དྷཱ་ཏུཾ… ཀཱ་མ་བྷ་ཝཾ… རཱུ་པ་བྷ་ཝཾ… ཨ་རཱུ་པ་བྷ་ཝཾ… ས་ཉྙཱ་བྷ་ཝཾ… ཨ་ས་ཉྙཱ་བྷ་ཝཾ… ནེ་ཝ་ས་ཉྙཱ་ནཱ་ས་ཉྙཱ་བྷ་ཝཾ… ཨེ་ཀ་ཝོ་ཀཱ་ར་བྷ་ཝཾ… ཙ་ཏུ་ཝོ་ཀཱ་ར་བྷ་ཝཾ… པ་ཉྩ་ཝོ་ཀཱ་ར་བྷ་ཝཾ… ཨ་ཏཱི་ཏཾ… ཨ་ནཱ་ག་ཏཾ… པ་ཙྩུ་པྤ་ནྣཾ… དི་ཊྛ་སུ་ཏ་མུ་ཏ་ཝི་ཉྙཱ་ཏ་བྦེ དྷ་མྨེ ཨ་མ་མཱ་ཡ་ནྟོ ཨ་ག་ཎྷ་ནྟོ ཨ་པ་རཱ་མ་ས་ནྟོ ཨ་ན་བྷི་ནི་ཝི་ས་ནྟོ ཙ་རེ་ཡྻ ཝི་ཧ་རེ་ཡྻ ཨི་རི་ཡེ་ཡྻ ཝ་ཏྟེ་ཡྻ པཱ་ལེ་ཡྻ ཡ་པེ་ཡྻ ཡཱ་པེ་ཡྻཱ་ཏི – ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ.
བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོཏི. བྷ་ཝེ་སཱུཏི ཀཱ་མ་བྷ་ཝེ རཱུ་པ་བྷ་ཝེ ཨ་རཱུ་པ་བྷ་ཝེ. ཨཱ་ས་ཏྟི ཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོཏི. བྷ་ཝེ་སུ ཨཱ་ས་ཏྟིཾ ཨ་ཀུ་བྦ་མཱ་ནོ, ཚ་ནྡཾ པེ་མཾ རཱ་གཾ ཁ་ནྟིཾ ཨ་ཀུ་བྦ་མཱ་ནོ ཨ་ཛ་ན་ཡ་མཱ་ནོ ཨ་ས་ཉྫ་ན་ཡ་མཱ་ནོ ཨ་ནི་བྦ་ཏྟ་ཡ་མཱ་ནོ ཨ་ན་བྷི་ནི་བྦ་ཏྟ་ཡ་མཱ་ནོ་ཏི – བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ.
ཏེ་ནཱ་ཧ བྷ་ག་ཝཱ –
‘‘མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ, མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེ;
ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ, བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ’’ཏི.
༡༣. ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡཾ, ཕ་སྶཾ པ་རི་ཉྙཱ་ཡ ཨ་ནཱ་ནུ་གི་དྡྷོ;
ཡ་ད་ཏྟ་ག་ར་ཧཱི ཏ་ད་ཀུ་བྦ་མཱ་ནོ, ན ལི་མྤ་ཏཱི [ན ལི་པྤ་ཏི (སཱི.)] དི་ཊྛ་སུ་ཏེ་སུ དྷཱི་རོ.
ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡནྟི. ཨ་ནྟཱཏི ཕ་སྶོ ཨེ་ཀོ ཨ་ནྟོ ཕ་སྶ་ས་མུ་ད་ཡོ དུ་ཏི་ཡོ ཨ་ནྟོ, ཨ་ཏཱི་ཏོ ཨེ་ཀོ ཨ་ནྟོ ཨ་ནཱ་ག་ཏོ དུ་ཏི་ཡོ ཨ་ནྟོ, སུ་ཁཱ ཝེ་ད་ནཱ ཨེ་ཀོ ཨ་ནྟོ དུ་ཀྑཱ ཝེ་ད་ནཱ དུ་ཏི་ཡོ ཨ་ནྟོ, ནཱ་མཾ ཨེ་ཀོ ཨ་ནྟོ རཱུ་པཾ དུ་ཏི་ཡོ ཨ་ནྟོ, ཚ ཨ་ཛ྄ཛྷ་ཏྟི་ཀཱ་ནི ཨཱ་ཡ་ཏ་ནཱ་ནི ཨེ་ཀོ ཨ་ནྟོ ཚ བཱ་ཧི་རཱ་ནི ཨཱ་ཡ་ཏ་ནཱ་ནི དུ་ཏི་ཡོ ཨ་ནྟོ, ས་ཀྐཱ་ཡོ ཨེ་ཀོ ཨ་ནྟོ ས་ཀྐཱ་ཡ་ས་མུ་ད་ཡོ དུ་ཏི་ཡོ ཨ་ནྟོ. ཚ་ནྡོཏི ཡོ ཀཱ་མེ་སུ ཀཱ་མ་ཙྪ་ནྡོ ཀཱ་མ་རཱ་གོ ཀཱ་མ་ན་ནྡཱི ཀཱ་མ་ཏ་ཎྷཱ ཀཱ་མ་སྣེ་ཧོ ཀཱ་མ་པ་རི་ལཱ༹་ཧོ ཀཱ་མ་མུ་ཙྪཱ ཀཱ་མ་ཛ྄ཛྷོ་སཱ་ནཾ ཀཱ་མོ་གྷོ ཀཱ་མ་ཡོ་གོ ཀཱ་མུ་པཱ་དཱ་ནཾ ཀཱ་མ་ཙྪ་ནྡ་ནཱི་ཝ་ར་ཎཾ. ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡནྟི ཨུ་བྷོ་སུ ཨ་ནྟེ་སུ ཚ་ནྡཾ ཝི་ནེ་ཡྻ པ་ཊི་ཝི་ནེ་ཡྻ པ་ཛ་ཧེ་ཡྻ ཝི་ནོ་དེ་ཡྻ བྱ་ནྟིཾ ཀ་རེ་ཡྻ ཨ་ན་བྷཱ་ཝཾ ག་མེ་ཡྻཱ་ཏི – ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡཾ.
ཕ་སྶཾ པ་རི་ཉྙཱ་ཡ ཨ་ནཱ་ནུ་གི་དྡྷོཏི. ཕ་སྶོཏི ཙ་ཀྑུ་ས་མྥ་སྶོ སོ་ཏ་ས་མྥ་སྶོ གྷཱ་ན་ས་མྥ་སྶོ ཛི་ཝ྄ཧཱ་ས་མྥ་སྶོ ཀཱ་ཡ་ས་མྥ་སྶོ མ་ནོ་ས་མྥ་སྶོ, ཨ་དྷི་ཝ་ཙ་ན་ས་མྥ་སྶོ, པ་ཊི་གྷ་ས་མྥ་སྶོ, སུ་ཁ་ཝེ་ད་ནཱི་ཡོ ས་མྥ་སྶོ དུ་ཀྑ་ཝེ་ད་ནཱི་ཡོ ས་མྥ་སྶོ ཨ་དུ་ཀྑ་མ་སུ་ཁ་ཝེ་ད་ནཱི་ཡོ ས་མྥ་སྶོ, ཀུ་ས་ལོ ཕ་སྶོ ཨ་ཀུ་ས་ལོ ཕ་སྶོ ཨ་བྱཱ་ཀ་ཏོ ཕ་སྶོ, ཀཱ་མཱ་ཝ་ཙ་རོ ཕ་སྶོ རཱུ་པཱ་ཝ་ཙ་རོ ཕ་སྶོ ཨ་རཱུ་པཱ་ཝ་ཙ་རོ ཕ་སྶོ, སུ་ཉྙ་ཏོ ཕ་སྶོ ཨ་ནི་མི་ཏྟོ ཕ་སྶོ ཨ་པྤ་ཎི་ཧི་ཏོ ཕ་སྶོ, ལོ་ཀི་ཡོ ཕ་སྶོ ལོ་ཀུ་ཏྟ་རོ ཕ་སྶོ, ཨ་ཏཱི་ཏོ ཕ་སྶོ ཨ་ནཱ་ག་ཏོ ཕ་སྶོ པ་ཙྩུ་པྤ་ནྣོ ཕ་སྶོ, ཡོ ཨེ་ཝ་རཱུ་པོ ཕ་སྶོ ཕུ་ས་ནཱ ས་མྥུ་ས་ནཱ ས་མྥུ་སི་ཏ་ཏྟཾ – ཨ་ཡཾ ཝུ་ཙྩ་ཏི ཕ་སྶོ.
ཕ་སྶཾ པ་རི་ཉྙཱ་ཡཱཏི ཕ་སྶཾ ཏཱི་ཧི པ་རི་ཉྙཱ་ཧི པ་རི་ཛཱ་ནི་ཏྭཱ – ཉཱ་ཏ་པ་རི་ཉྙཱ་ཡ, ཏཱི་ར་ཎ་པ་རི་ཉྙཱ་ཡ [ཏི་ར་ཎ་པ་རི་ཉྙཱ་ཡ (སྱཱ.)], པ་ཧཱ་ན་པ་རི་ཉྙཱ་ཡ. ཀ་ཏ་མཱ ཉཱ་ཏ་པ་རི་ཉྙཱ? ཕ་སྶཾ ཛཱ་ནཱ་ཏི – ཨ་ཡཾ ཙ་ཀྑུ་ས་མྥ་སྶོ, ཨ་ཡཾ སོ་ཏ་ས་མྥ་སྶོ, ཨ་ཡཾ གྷཱ་ན་ས་མྥ་སྶོ, ཨ་ཡཾ ཛི་ཝ྄ཧཱ་ས་མྥ་སྶོ, ཨ་ཡཾ ཀཱ་ཡ་ས་མྥ་སྶོ, ཨ་ཡཾ མ་ནོ་ས་མྥ་སྶོ, ཨ་ཡཾ ཨ་དྷི་ཝ་ཙ་ན་ས་མྥ་སྶོ, ཨ་ཡཾ པ་ཊི་གྷ་ས་མྥ་སྶོ, ཨ་ཡཾ སུ་ཁ་ཝེ་ད་ནཱི་ཡོ ཕ་སྶོ, ཨ་ཡཾ དུ་ཀྑ་ཝེ་ད་ནཱི་ཡོ ཕ་སྶོ, ཨ་ཡཾ ཨ་དུ་ཀྑ་མ་སུ་ཁ་ཝེ་ད་ནཱི་ཡོ ཕ་སྶོ, ཨ་ཡཾ ཀུ་ས་ལོ ཕ་སྶོ, ཨ་ཡཾ ཨ་ཀུ་ས་ལོ ཕ་སྶོ, ཨ་ཡཾ ཨ་བྱཱ་ཀ་ཏོ ཕ་སྶོ, ཨ་ཡཾ ཀཱ་མཱ་ཝ་ཙ་རོ ཕ་སྶོ, ཨ་ཡཾ རཱུ་པཱ་ཝ་ཙ་རོ ཕ་སྶོ, ཨ་ཡཾ ཨ་རཱུ་པཱ་ཝ་ཙ་རོ ཕ་སྶོ, ཨ་ཡཾ སུ་ཉྙ་ཏོ ཕ་སྶོ, ཨ་ཡཾ ཨ་ནི་མི་ཏྟོ ཕ་སྶོ, ཨ་ཡཾ ཨ་པྤ་ཎི་ཧི་ཏོ ཕ་སྶོ, ཨ་ཡཾ ལོ་ཀི་ཡོ ཕ་སྶོ, ཨ་ཡཾ ལོ་ཀུ་ཏྟ་རོ ཕ་སྶོ, ཨ་ཡཾ ཨ་ཏཱི་ཏོ ཕ་སྶོ, ཨ་ཡཾ ཨ་ནཱ་ག་ཏོ ཕ་སྶོ, ཨ་ཡཾ པ་ཙྩུ་པྤ་ནྣོ ཕ་སྶོ་ཏི ཛཱ་ནཱ་ཏི པ་སྶ་ཏི – ཨ་ཡཾ ཉཱ་ཏ་པ་རི་ཉྙཱ.
ཀ་ཏ་མཱ ཏཱི་ར་ཎ་པ་རི་ཉྙཱ? ཨེ་ཝཾ ཉཱ་ཏཾ ཀ་ཏྭཱ ཕ་སྶཾ ཏཱི་རེ་ཏི. ཨ་ནི་ཙྩ་ཏོ དུ་ཀྑ་ཏོ རོ་ག་ཏོ ག་ཎྜ་ཏོ ས་ལླ་ཏོ ཨ་གྷ་ཏོ ཨཱ་བཱ་དྷ་ཏོ པ་ར་ཏོ པ་ལོ་ཀ་ཏོ ཨཱི་ཏི་ཏོ ཨུ་པ་དྡ་ཝ་ཏོ བྷ་ཡ་ཏོ ཨུ་པ་ས་གྒ་ཏོ ཙ་ལ་ཏོ པ་བྷ་ངྒུ་ཏོ ཨ་དྷུ་ཝ་ཏོ ཨ་ཏཱ་ཎ་ཏོ ཨ་ལེ་ཎ་ཏོ ཨ་ས་ར་ཎ་ཏོ རི་ཏྟ་ཏོ ཏུ་ཙྪ་ཏོ སུ་ཉྙ་ཏོ ཨ་ན་ཏྟ་ཏོ ཨཱ་དཱི་ན་ཝ་ཏོ ཝི་པ་རི་ཎཱ་མ་དྷ་མྨ་ཏོ ཨ་སཱ་ར་ཀ་ཏོ ཨ་གྷ་མཱུ་ལ་ཏོ ཝ་དྷ་ཀ་ཏོ ཝི་བྷ་ཝ་ཏོ སཱ་ས་ཝ་ཏོ ས་ངྑ་ཏ་ཏོ མཱ་རཱ་མི་ས་ཏོ ཛཱ་ཏི་ཛ་རཱ་བྱཱ་དྷི་མ་ར་ཎ་དྷ་མྨ་ཏོ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་ས་དྷ་མྨ་ཏོ སཾ་ཀི་ལེ་ས་དྷ་མྨ་ཏོ ས་མུ་ད་ཡ་ཏོ ཨ་ཏྠ་ངྒ་མ་ཏོ ཨ་སྶཱ་ད་ཏོ ཨཱ་དཱི་ན་ཝ་ཏོ ནི་སྶ་ར་ཎ་ཏོ ཏཱི་རེ་ཏི – ཨ་ཡཾ ཏཱི་ར་ཎ་པ་རི་ཉྙཱ.
ཀ་ཏ་མཱ པ་ཧཱ་ན་པ་རི་ཉྙཱ? ཨེ་ཝཾ ཏཱི་ར་ཡི་ཏྭཱ ཕ་སྶེ ཚ་ནྡ་རཱ་གཾ པ་ཛ་ཧ་ཏི ཝི་ནོ་དེ་ཏི བྱ་ནྟིཾ ཀ་རོ་ཏི ཨ་ན་བྷཱ་ཝཾ ག་མེ་ཏི. ཝུ་ཏྟ་ཉྷེ་ཏཾ བྷ་ག་ཝ་ཏཱ – ‘‘ཡོ, བྷི་ཀྑ་ཝེ, ཕ་སྶེ་སུ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ སོ ཕ་སྶོ པ་ཧཱི་ནོ བྷ་ཝི་སྶ་ཏི ཨུ་ཙྪི་ནྣ་མཱུ་ལོ ཏཱ་ལཱ་ཝ་ཏྠུ་ཀ་ཏོ ཨ་ན་བྷཱ་ཝཾ ཀ་ཏོ ཨཱ་ཡ་ཏིཾ ཨ་ནུ་པྤཱ་ད་དྷ་མྨོ’’ཏི – ཨ་ཡཾ པ་ཧཱ་ན་པ་རི་ཉྙཱ. ཕ་སྶཾ པ་རི་ཉྙཱ་ཡཱཏི. ཕ་སྶཾ ཨི་མཱ་ཧི ཏཱི་ཧི པ་རི་ཉྙཱ་ཧི པ་རི་ཛཱ་ནི་ཏྭཱ. ཨ་ནཱ་ནུ་གི་དྡྷོཏི. གེ་དྷོཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཡ་སྶེ་སོ གེ་དྷོ པ་ཧཱི་ནོ ས་མུ་ཙྪི་ནྣོ ཝཱུ་པ་ས་ནྟོ པ་ཊི་པ་སྶ་དྡྷོ ཨ་བྷ་བྦུ་པྤ་ཏྟི་ཀོ ཉཱ་ཎ་གྒི་ནཱ ད་ཌྜྷོ, སོ ཝུ་ཙྩ་ཏི ཨ་གི་དྡྷོ. སོ རཱུ་པེ ཨ་གི་དྡྷོ ས་དྡེ ཨ་གི་དྡྷོ ག་ནྡྷེ ཨ་གི་དྡྷོ ར་སེ ཨ་གི་དྡྷོ ཕོ་ཊྛ་བྦེ ཨ་གི་དྡྷོ ཀུ་ལེ… ག་ཎེ… ཨཱ་ཝཱ་སེ… ལཱ་བྷེ… ཡ་སེ… པ་སཾ་སཱ་ཡ… སུ་ཁེ… ཙཱི་ཝ་རེ… པི་ཎྜ་པཱ་ཏེ… སེ་ནཱ་ས་ནེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རེ ཨ་གི་དྡྷོ ཀཱ་མ་དྷཱ་ཏུ་ཡཱ… རཱུ་པ་དྷཱ་ཏུ་ཡཱ… ཨ་རཱུ་པ་དྷཱ་ཏུ་ཡཱ… ཀཱ་མ་བྷ་ཝེ… རཱུ་པ་བྷ་ཝེ… ཨ་རཱུ་པ་བྷ་ཝེ… ས་ཉྙཱ་བྷ་ཝེ… ཨ་ས་ཉྙཱ་བྷ་ཝེ… ནེ་ཝ་ས་ཉྙཱ་ནཱ་ས་ཉྙཱ་བྷ་ཝེ… ཨེ་ཀ་ཝོ་ཀཱ་ར་བྷ་ཝེ… ཙ་ཏུ་ཝོ་ཀཱ་ར་བྷ་ཝེ… པ་ཉྩ་ཝོ་ཀཱ་ར་བྷ་ཝེ… ཨ་ཏཱི་ཏེ… ཨ་ནཱ་ག་ཏེ… པ་ཙྩུ་པྤ་ནྣེ… དི་ཊྛ་སུ་ཏ་མུ་ཏ་ཝི་ཉྙཱ་ཏ་བྦེ་སུ དྷ་མྨེ་སུ ཨ་གི་དྡྷོ ཨ་ག་དྷི་ཏོ ཨ་མུ་ཙྪི་ཏོ ཨ་ན་ཛ྄ཛྷཱ་པ་ནྣོ ཝཱི་ཏ་གེ་དྷོ ཝི་ག་ཏ་གེ་དྷོ ཙ་ཏྟ་གེ་དྷོ ཝ་ནྟ་གེ་དྷོ མུ་ཏྟ་གེ་དྷོ པ་ཧཱི་ན་གེ་དྷོ པ་ཊི་ནི་སྶ་ཊྛ་གེ་དྷོ ཝཱི་ཏ་རཱ་གོ ཝི་ག་ཏ་རཱ་གོ ཙ་ཏྟ་རཱ་གོ ཝ་ནྟ་རཱ་གོ མུ་ཏྟ་རཱ་གོ པ་ཧཱི་ན་རཱ་གོ པ་ཊི་ནི་སྶ་ཊྛ་རཱ་གོ ནི་ཙྪཱ་ཏོ ནི་བྦུ་ཏོ སཱི་ཏི་བྷཱུ་ཏོ སུ་ཁ་པ་ཊི་སཾ་ཝེ་དཱི བྲ་ཧྨ་བྷཱུ་ཏེ་ན ཨ་ཏྟ་ནཱ ཝི་ཧ་ར་ཏཱི་ཏི – ཕ་སྶཾ པ་རི་ཉྙཱ་ཡ ཨ་ནཱ་ནུ་གི་དྡྷོ.
ཡ་ད་ཏྟ་ག་ར་ཧཱི ཏ་ད་ཀུ་བྦ་མཱ་ནོཏི. ཡ་དནྟི ཡཾ. ཨ་ཏྟ་ག་ར་ཧཱིཏི དྭཱི་ཧི ཀཱ་ར་ཎེ་ཧི ཨ་ཏྟཱ་ནཾ ག་ར་ཧ་ཏི – ཀ་ཏ་ཏྟཱ ཙ ཨ་ཀ་ཏ་ཏྟཱ ཙ. ཀ་ཐཾ ཀ་ཏ་ཏྟཱ ཙ ཨ་ཀ་ཏ་ཏྟཱ ཙ ཨ་ཏྟཱ་ནཾ ག་ར་ཧ་ཏི? ཀ་ཏཾ མེ ཀཱ་ཡ་དུ་ཙྩ་རི་ཏཾ, ཨ་ཀ་ཏཾ མེ ཀཱ་ཡ་སུ་ཙ་རི་ཏ་ནྟི – ཨ་ཏྟཱ་ནཾ ག་ར་ཧ་ཏི. ཀ་ཏཾ མེ ཝ་ཙཱི་དུ་ཙྩ་རི་ཏཾ, ཨ་ཀ་ཏཾ མེ ཝ་ཙཱི་སུ་ཙ་རི་ཏ་ནྟི – ཨ་ཏྟཱ་ནཾ ག་ར་ཧ་ཏི. ཀ་ཏཾ མེ མ་ནོ་དུ་ཙྩ་རི་ཏཾ, ཨ་ཀ་ཏཾ མེ མ་ནོ་སུ་ཙ་རི་ཏ་ནྟི – ཨ་ཏྟཱ་ནཾ ག་ར་ཧ་ཏི. ཀ་ཏོ མེ པཱ་ཎཱ་ཏི་པཱ་ཏོ, ཨ་ཀ་ཏཱ མེ པཱ་ཎཱ་ཏི་པཱ་ཏཱ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏཾ མེ ཨ་དི་ནྣཱ་དཱ་ནཾ, ཨ་ཀ་ཏཱ མེ ཨ་དི་ནྣཱ་དཱ་ནཱ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏོ མེ ཀཱ་མེ་སུ་མི་ཙྪཱ་ཙཱ་རོ, ཨ་ཀ་ཏཱ མེ ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏོ མེ མུ་སཱ་ཝཱ་དོ, ཨ་ཀ་ཏཱ མེ མུ་སཱ་ཝཱ་དཱ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏཱ མེ པི་སུ་ཎཱ ཝཱ་ཙཱ, ཨ་ཀ་ཏཱ མེ པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏཱ མེ ཕ་རུ་སཱ ཝཱ་ཙཱ, ཨ་ཀ་ཏཱ མེ ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏོ མེ ས་མྥ་པྤ་ལཱ་པོ, ཨ་ཀ་ཏཱ མེ ས་མྥ་པྤ་ལཱ་པཱ ཝེ་ར་མ་ཎཱི་ཏི – ཨ་ཏྟཱ་ནཾ ག་ར་ཧ་ཏི. ཀ་ཏཱ མེ ཨ་བྷི་ཛ྄ཛྷཱ, ཨ་ཀ་ཏཱ མེ ཨ་ན་བྷི་ཛ྄ཛྷཱ་ཏི – ཨ་ཏྟཱ་ནཾ ག་ར་ཧ་ཏི. ཀ་ཏོ མེ བྱཱ་པཱ་དོ, ཨ་ཀ་ཏོ མེ ཨ་བྱཱ་པཱ་དོ་ཏི – ཨ་ཏྟཱ་ནཾ ག་ར་ཧ་ཏི. ཀ་ཏཱ མེ མི་ཙྪཱ་དི་ཊྛི, ཨ་ཀ་ཏཱ མེ ས་མྨཱ་དི་ཊྛཱི་ཏི – ཨ་ཏྟཱ་ནཾ ག་ར་ཧ་ཏི. ཨེ་ཝཾ ཀ་ཏ་ཏྟཱ ཙ ཨ་ཀ་ཏ་ཏྟཱ ཙ ཨ་ཏྟཱ་ནཾ ག་ར་ཧ་ཏི. ཨ་ཐ ཝཱ, སཱི་ལེ་སུ་མྷི ན པ་རི་པཱུ་ར་ཀཱ་རཱི་ཏི – ཨ་ཏྟཱ་ནཾ ག་ར་ཧ་ཏི. ཨི་ནྡྲི་ཡེ་སུ་མྷི ཨ་གུ་ཏྟ་དྭཱ་རོ་ཏི – ཨ་ཏྟཱ་ནཾ ག་ར་ཧ་ཏི. བྷོ་ཛ་ནེ་མྷི [བྷོ་ཛ་ནེ (སྱཱ.)] ཨ་མ་ཏྟ་ཉྙཱུ་ཏི – ཨ་ཏྟཱ་ནཾ ག་ར་ཧ་ཏི. ཛཱ་ག་རི་ཡཾ ཨ་ན་ནུ་ཡུ་ཏྟོ་ཏི – ཨ་ཏྟཱ་ནཾ ག་ར་ཧ་ཏི. ས་ཏི་ས་མྤ་ཛ་ཉྙེ་ན ཨ་ས་མ་ནྣཱ་ག་ཏོ་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ མེ ཙ་ཏྟཱ་རོ ས་ཏི་པ་ཊྛཱ་ནཱ་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ མེ ཙ་ཏྟཱ་རོ ས་མྨ་པྤ་དྷཱ་ནཱ་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ མེ ཙ་ཏྟཱ་རོ ཨི་དྡྷི་པཱ་དཱ་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ་ནི མེ པ་ཉྩི་ནྡྲི་ཡཱ་ནཱི་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ་ནི མེ པ་ཉྩ བ་ལཱ་ནཱི་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏཱ མེ ས་ཏྟ བོ་ཛ྄ཛྷ་ངྒཱ་ཏི – ཨ་ཏྟཱ་ནཾ ག་ར་ཧ་ཏི. ཨ་བྷཱ་ཝི་ཏོ མེ ཨ་རི་ཡོ ཨ་ཊྛ་ངྒི་ཀོ མ་གྒོ་ཏི – ཨ་ཏྟཱ་ནཾ ག་ར་ཧ་ཏི. དུ་ཀྑཾ མེ ཨ་པ་རི་ཉྙཱ་ཏ་ནྟི – ཨ་ཏྟཱ་ནཾ ག་ར་ཧ་ཏི. ས་མུ་ད་ཡོ མེ ཨ་པྤ་ཧཱི་ནོ་ཏི – ཨ་ཏྟཱ་ནཾ ག་ར་ཧ་ཏི. མ་གྒོ མེ ཨ་བྷཱ་ཝི་ཏོ་ཏི – ཨ་ཏྟཱ་ནཾ ག་ར་ཧ་ཏི. ནི་རོ་དྷོ མེ ཨ་ས་ཙྪི་ཀ་ཏོ་ཏི – ཨ་ཏྟཱ་ནཾ ག་ར་ཧ་ཏི. ཨེ་ཝཾ ཀ་ཏ་ཏྟཱ ཙ ཨ་ཀ་ཏ་ཏྟཱ ཙ ཨ་ཏྟཱ་ནཾ ག་ར་ཧ་ཏི. ཨེ་ཝཾ ཨ་ཏྟ་ག་ར་ཧི་ཏཾ ཀ་མྨཾ ཨ་ཀུ་བྦ་མཱ་ནོ ཨ་ཛ་ན་ཡ་མཱ་ནོ ཨ་ས་ཉྫ་ན་ཡ་མཱ་ནོ ཨ་ནི་བྦ་ཏྟ་ཡ་མཱ་ནོ ཨ་ན་བྷི་ནི་བྦ་ཏྟ་ཡ་མཱ་ནོ་ཏི – ཡ་ད་ཏྟ་ག་ར་ཧཱི ཏ་ད་ཀུ་བྦ་མཱ་ནོ. ན ལི་མྤ་ཏཱི དི་ཊྛ་སུ་ཏེ་སུ དྷཱི་རོཏི. ལེ་པོཏི དྭེ ལེ་པཱ – ཏ་ཎྷཱ་ལེ་པོ ཙ དི་ཊྛི་ལེ་པོ ཙ…པེ… ཨ་ཡཾ ཏ་ཎྷཱ་ལེ་པོ…པེ… ཨ་ཡཾ དི་ཊྛི་ལེ་པོ. དྷཱི་རོཏི པ་ཎྜི་ཏོ པ་ཉྙ་ཝཱ བུ་དྡྷི་མཱ ཉཱ་ཎཱི ཝི་བྷཱ་ཝཱི མེ་དྷཱ་ཝཱི. དྷཱི་རོ ཏ་ཎྷཱ་ལེ་པཾ པ་ཧཱ་ཡ དི་ཊྛི་ལེ་པཾ པ་ཊི་ནི་སྶ་ཛྫི་ཏྭཱ དི་ཊྛེ ན ལི་མྤ་ཏི, སུ་ཏེ ན ལི་མྤ་ཏི, མུ་ཏེ ན ལི་མྤ་ཏི, ཝི་ཉྙཱ་ཏེ ན ལི་མྤ་ཏི, ན པ་ལི་མྤ་ཏི [ན སཾ་ལི་མྤ་ཏི (སྱཱ.)], ན ཨུ་པ་ལི་མྤ་ཏི. ཨ་ལི་ཏྟོ ཨ་པ་ལི་ཏྟོ [ཨ་སཾ་ལི་ཏྟོ (སྱཱ.)] ཨ་ནུ་པ་ལི་ཏྟོ ནི་ཀྑ་ནྟོ ནི་སྶ་ཊོ ཝི་པྤ་མུ་ཏྟོ ཝི་ས་ཉྙུ་ཏྟོ ཝི་མ་རི་ཡཱ་དི་ཀ་ཏེ་ན ཙེ་ཏ་སཱ ཝི་ཧ་ར་ཏཱི་ཏི – ན ལི་མྤ་ཏཱི དི་ཊྛ་སུ་ཏེ་སུ དྷཱི་རོ་ཏི.
ཏེ་ནཱ་ཧ བྷ་ག་ཝཱ –
‘‘ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡཾ, ཕ་སྶཾ པ་རི་ཉྙཱ་ཡ ཨ་ནཱ་ནུ་གི་དྡྷོ;
ཡ་ད་ཏྟ་ག་ར་ཧཱི ཏ་ད་ཀུ་བྦ་མཱ་ནོ, ན ལི་མྤ་ཏཱི དི་ཊྛ་སུ་ཏེ་སུ དྷཱི་རོ’’ཏི.
༡༤. ས་ཉྙཾ པ་རི་ཉྙཱ ཝི་ཏ་རེ་ཡྻ ཨོ་གྷཾ, པ་རི་གྒ་ཧེ་སུ མུ་ནི ནོ་པ་ལི་ཏྟོ;
ཨ་བྦཱུ་ལ༹ྷ་ས་ལློ ཙ་ར་མ་པྤ་མ་ཏྟོ, ནཱ་སཱི་ས་ཏཱི ལོ་ཀ་མི་མཾ པ་ར་ཉྩ.
ས་ཉྙཾ པ་རི་ཉྙཱ ཝི་ཏ་རེ་ཡྻ ཨོ་གྷནྟི. ས་ཉྙཱཏི ཀཱ་མ་ས་ཉྙཱ བྱཱ་པཱ་ད་ས་ཉྙཱ ཝི་ཧིཾ་སཱ་ས་ཉྙཱ ནེ་ཀྑ་མྨ་ས་ཉྙཱ ཨ་བྱཱ་པཱ་ད་ས་ཉྙཱ ཨ་ཝི་ཧིཾ་སཱ་ས་ཉྙཱ རཱུ་པ་ས་ཉྙཱ ས་དྡ་ས་ཉྙཱ ག་ནྡྷ་ས་ཉྙཱ ར་ས་ས་ཉྙཱ ཕོ་ཊྛ་བྦ་ས་ཉྙཱ དྷ་མྨ་ས་ཉྙཱ – ཡཱ ཨེ་ཝ་རཱུ་པཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཝུ་ཙྩ་ཏི ས་ཉྙཱ. ས་ཉྙཾ པ་རི་ཉྙཱཏི ས་ཉྙཾ ཏཱི་ཧི པ་རི་ཉྙཱ་ཧི པ་རི་ཛཱ་ནི་ཏྭཱ – ཉཱ་ཏ་པ་རི་ཉྙཱ་ཡ, ཏཱི་ར་ཎ་པ་རི་ཉྙཱ་ཡ, པ་ཧཱ་ན་པ་རི་ཉྙཱ་ཡ.
ཀ་ཏ་མཱ ཉཱ་ཏ་པ་རི་ཉྙཱ? ས་ཉྙཾ ཛཱ་ནཱ་ཏི – ཨ་ཡཾ ཀཱ་མ་ས་ཉྙཱ, ཨ་ཡཾ བྱཱ་པཱ་ད་ས་ཉྙཱ, ཨ་ཡཾ ཝི་ཧིཾ་སཱ་ས་ཉྙཱ, ཨ་ཡཾ ནེ་ཀྑ་མྨ་ས་ཉྙཱ, ཨ་ཡཾ ཨ་བྱཱ་པཱ་ད་ས་ཉྙཱ, ཨ་ཡཾ ཨ་ཝི་ཧིཾ་སཱ་ས་ཉྙཱ, ཨ་ཡཾ རཱུ་པ་ས་ཉྙཱ, ཨ་ཡཾ ས་དྡ་ས་ཉྙཱ, ཨ་ཡཾ ག་ནྡྷ་ས་ཉྙཱ, ཨ་ཡཾ ར་ས་ས་ཉྙཱ, ཨ་ཡཾ ཕོ་ཊྛ་བྦ་ས་ཉྙཱ, ཨ་ཡཾ དྷ་མྨ་ས་ཉྙཱ་ཏི ཛཱ་ནཱ་ཏི པ་སྶ་ཏི – ཨ་ཡཾ ཉཱ་ཏ་པ་རི་ཉྙཱ.
ཀ་ཏ་མཱ ཏཱི་ར་ཎ་པ་རི་ཉྙཱ? ཨེ་ཝཾ ཉཱ་ཏཾ ཀ་ཏྭཱ ས་ཉྙཾ ཏཱི་རེ་ཏི. ཨ་ནི་ཙྩ་ཏོ དུ་ཀྑ་ཏོ རོ་ག་ཏོ ག་ཎྜ་ཏོ ས་ལླ་ཏོ ཨ་གྷ་ཏོ ཨཱ་བཱ་དྷ་ཏོ པ་ར་ཏོ པ་ལོ་ཀ་ཏོ ཨཱི་ཏི་ཏོ ཨུ་པ་དྡ་ཝ་ཏོ བྷ་ཡ་ཏོ ཨུ་པ་ས་གྒ་ཏོ ཙ་ལ་ཏོ པ་བྷ་ངྒུ་ཏོ…པེ… ས་མུ་ད་ཡ་ཏོ ཨ་ཏྠ་ངྒ་མ་ཏོ ཨ་སྶཱ་ད་ཏོ ཨཱ་དཱི་ན་ཝ་ཏོ ནི་སྶ་ར་ཎ་ཏོ ཏཱི་རེ་ཏི – ཨ་ཡཾ ཏཱི་ར་ཎ་པ་རི་ཉྙཱ.
ཀ་ཏ་མཱ པ་ཧཱ་ན་པ་རི་ཉྙཱ? ཨེ་ཝཾ ཏཱི་ར་ཡི་ཏྭཱ ས་ཉྙཱ་ཡ ཚ་ནྡ་རཱ་གཾ པ་ཛ་ཧ་ཏི ཝི་ནོ་དེ་ཏི ཨ་ན་བྷཱ་ཝཾ ག་མེ་ཏི. ཝུ་ཏྟ་མྤི ཧེ་ཏཾ བྷ་ག་ཝ་ཏཱ – ‘‘ཡོ, བྷི་ཀྑ་ཝེ, ས་ཉྙཱ་ཡ ཚ་ནྡ་རཱ་གོ, ཏཾ པ་ཛ་ཧ་ཐ. ཨེ་ཝཾ སཱ ས་ཉྙཱ པ་ཧཱི་ནཱ བྷ་ཝི་སྶ་ཏི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ’’ཏི – ཨ་ཡཾ པ་ཧཱ་ན་པ་རི་ཉྙཱ. ས་ཉྙཾ པ་རི་ཉྙཱཏི ས་ཉྙཾ ཨི་མཱ་ཧི ཏཱི་ཧི པ་རི་ཉྙཱ་ཧི པ་རི་ཛཱ་ནི་ཏྭཱ. ཝི་ཏ་རེ་ཡྻ ཨོ་གྷནྟི ཀཱ་མོ་གྷཾ བྷ་ཝོ་གྷཾ དི་ཊྛོ་གྷཾ ཨ་ཝི་ཛྫོ་གྷཾ ཏ་རེ་ཡྻ ཨུ་ཏྟ་རེ་ཡྻ པ་ཏ་རེ་ཡྻ ས་མ་ཏི་ཀྐ་མེ་ཡྻ ཝཱི་ཏི་ཝ་ཏྟེ་ཡྻཱ་ཏི – ས་ཉྙཾ པ་རི་ཉྙཱ ཝི་ཏ་རེ་ཡྻ ཨོ་གྷཾ.
པ་རི་གྒ་ཧེ་སུ མུ་ནི ནོ་པ་ལི་ཏྟོཏི. པ་རི་གྒ་ཧཱཏི དྭེ པ་རི་གྒ་ཧཱ – ཏ་ཎྷཱ་པ་རི་གྒ་ཧོ ཙ དི་ཊྛི་པ་རི་གྒ་ཧོ ཙ…པེ… ཨ་ཡཾ ཏ་ཎྷཱ་པ་རི་གྒ་ཧོ…པེ… ཨ་ཡཾ དི་ཊྛི་པ་རི་གྒ་ཧོ. མུ་ནཱིཏི. མོ་ནཾ ཝུ་ཙྩ་ཏི ཉཱ་ཎཾ. ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི, ཏེ་ན ཉཱ་ཎེ་ན ས་མ་ནྣཱ་ག་ཏོ མུ་ནི མོ་ན་པྤ་ཏྟོ་ཏི. ཏཱི་ཎི མོ་ནེ་ཡྻཱ་ནི – ཀཱ་ཡ་མོ་ནེ་ཡྻཾ, ཝ་ཙཱི་མོ་ནེ་ཡྻཾ, མ་ནོ་མོ་ནེ་ཡྻཾ.
ཀ་ཏ་མཾ ཀཱ་ཡ་མོ་ནེ་ཡྻཾ? ཏི་ཝི་དྷ་ཀཱ་ཡ་དུ་ཙྩ་རི་ཏཱ་ནཾ པ་ཧཱ་ནཾ ཀཱ་ཡ་མོ་ནེ་ཡྻཾ, ཏི་ཝི་དྷཾ ཀཱ་ཡ་སུ་ཙ་རི་ཏཾ ཀཱ་ཡ་མོ་ནེ་ཡྻཾ, ཀཱ་ཡཱ་ར་མྨ་ཎེ ཉཱ་ཎཾ ཀཱ་ཡ་མོ་ནེ་ཡྻཾ, ཀཱ་ཡ་པ་རི་ཉྙཱ ཀཱ་ཡ་མོ་ནེ་ཡྻཾ, པ་རི་ཉྙཱ་ས་ཧ་ག་ཏོ མ་གྒོ ཀཱ་ཡ་མོ་ནེ་ཡྻཾ, ཀཱ་ཡེ ཚ་ནྡ་རཱ་ག་སྶ པ་ཧཱ་ནཾ ཀཱ་ཡ་མོ་ནེ་ཡྻཾ, ཀཱ་ཡ་ས་ངྑཱ་ར་ནི་རོ་དྷོ ཙ་ཏུ་ཏྠ་ཛ྄ཛྷཱ་ན་ས་མཱ་པ་ཏྟི ཀཱ་ཡ་མོ་ནེ་ཡྻཾ – ཨི་དཾ ཀཱ་ཡ་མོ་ནེ་ཡྻཾ.
ཀ་ཏ་མཾ ཝ་ཙཱི་མོ་ནེ་ཡྻཾ? ཙ་ཏུ་བྦི་དྷ་ཝ་ཙཱི་དུ་ཙྩ་རི་ཏཱ་ནཾ པ་ཧཱ་ནཾ ཝ་ཙཱི་མོ་ནེ་ཡྻཾ, ཙ་ཏུ་བྦི་དྷཾ ཝ་ཙཱི་སུ་ཙ་རི་ཏཾ ཝ་ཙཱི་མོ་ནེ་ཡྻཾ, ཝཱ་ཙཱ་ར་མྨ་ཎེ ཉཱ་ཎཾ ཝ་ཙཱི་མོ་ནེ་ཡྻཾ, ཝཱ་ཙཱ་པ་རི་ཉྙཱ ཝ་ཙཱི་མོ་ནེ་ཡྻཾ, པ་རི་ཉྙཱ་ས་ཧ་ག་ཏོ མ་གྒོ ཝ་ཙཱི་མོ་ནེ་ཡྻཾ, ཝཱ་ཙཱ་ཡ ཚ་ནྡ་རཱ་ག་སྶ པ་ཧཱ་ནཾ ཝ་ཙཱི་མོ་ནེ་ཡྻཾ, ཝ་ཙཱི་ས་ངྑཱ་ར་ནི་རོ་དྷོ དུ་ཏི་ཡ་ཛ྄ཛྷཱ་ན་ས་མཱ་པ་ཏྟི ཝ་ཙཱི་མོ་ནེ་ཡྻཾ – ཨི་དཾ ཝ་ཙཱི་མོ་ནེ་ཡྻཾ.