༨. ཛ་ལཱུ་ཀ་ངྒ་པ་ཉྷོ

༨. ‘‘བྷ་ནྟེ ནཱ་ག་སེ་ན, ‘ཛ་ལཱུ་ཀཱ་ཡ ཨེ་ཀཾ ཨ་ངྒཾ ག་ཧེ་ཏ་བྦ’ནྟི ཡཾ ཝ་དེ་སི, ཀ་ཏ་མཾ ཏཾ ཨེ་ཀཾ ཨ་ངྒཾ ག་ཧེ་ཏ་བྦ’’ནྟི? ‘‘ཡ་ཐཱ, མ་ཧཱ་རཱ་ཛ, ཛ་ལཱུ་ཀཱ ཡ་ཏྠ ཨ་ལླཱི་ཡ་ཏི, ཏ་ཏྠེ་ཝ ད་ལ༹ྷཾ ཨ་ལླཱི་ཡི་ཏྭཱ རུ་ཧི་རཾ པི་ཝ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན ཡ་སྨིཾ ཨཱ་ར་མྨ་ཎེ ཙི་ཏྟཾ ཨ་ལླཱི་ཡ་ཏི, ཏཾ ཨཱ་ར་མྨ་ཎཾ ཝ་ཎྞ་ཏོ ཙ ས་ཎྛཱ་ན་ཏོ ཙ དི་ས་ཏོ ཙ ཨོ་ཀཱ་ས་ཏོ ཙ པ་རི་ཙྪེ་ད་ཏོ ཙ ལི་ངྒ་ཏོ ཙ ནི་མི་ཏྟ་ཏོ ཙ ད་ལ༹ྷཾ པ་ཏི་ཊྛཱ་པེ་ཏྭཱ ཏེ་ནེ་ཝཱ་ར་མྨ་ཎེ་ན ཝི་མུ་ཏྟི་ར་ས་མ་སེ་ཙ་ན་ཀཾ པཱ་ཏ་བྦཾ. ཨི་དཾ, མ་ཧཱ་རཱ་ཛ, ཛ་ལཱུ་ཀཱ་ཡ ཨེ་ཀཾ ཨ་ངྒཾ ག་ཧེ་ཏ་བྦཾ. བྷཱ་སི་ཏ་མྤེ་ཏཾ, མ་ཧཱ་རཱ་ཛ, ཐེ་རེ་ན ཨ་ནུ་རུ་དྡྷེ་ན –

‘‘‘པ་རི་སུ་དྡྷེ་ན ཙི་ཏྟེ་ན, ཨཱ་ར་མྨ་ཎེ པ་ཏི་ཊྛཱ་ཡ;

ཏེ་ན ཙི་ཏྟེ་ན པཱ་ཏ་བྦཾ, ཝི་མུ་ཏྟི་ར་ས་མ་སེ་ཙ་ན’’’ནྟི.

ཛ་ལཱུ་ཀ་ངྒ་པ་ཉྷོ ཨ་ཊྛ་མོ.