༥. ཨུ་ལཱུ་ཀ་ངྒ་པ་ཉྷོ

༥. ‘‘བྷ་ནྟེ ནཱ་ག་སེ་ན, ‘ཨུ་ལཱུ་ཀ་སྶ དྭེ ཨ་ངྒཱ་ནི ག་ཧེ་ཏ་བྦཱ་ནཱི’ཏི ཡཾ ཝ་དེ་སི, ཀ་ཏ་མཱ་ནི ཏཱ་ནི དྭེ ཨ་ངྒཱ་ནི ག་ཧེ་ཏ་བྦཱ་ནཱི’’ཏི? ‘‘ཡ་ཐཱ, མ་ཧཱ་རཱ་ཛ, ཨུ་ལཱུ་ཀོ ཀཱ་ཀེ་ཧི པ་ཊི་ཝི་རུ་དྡྷོ, ར་ཏྟིཾ ཀཱ་ཀ་ས་ངྒྷཾ ག་ནྟྭཱ བ་ཧཱུ་པི ཀཱ་ཀེ ཧ་ན་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན ཨ་ཉྙཱ་ཎེ་ན པ་ཊི་ཝི་རུ་དྡྷོ ཀཱ་ཏ་བྦོ, ཨེ་ཀེ་ན ར་ཧོ ནི་སཱི་དི་ཏྭཱ ཨ་ཉྙཱ་ཎཾ ས་མྤ་མ་དྡི་ཏ་བྦཾ, མཱུ་ལ་ཏོ ཚི་ནྡི་ཏ་བྦཾ. ཨི་དཾ, མ་ཧཱ་རཱ་ཛ, ཨུ་ལཱུ་ཀ་སྶ པ་ཋ་མཾ ག་ཧེ་ཏ་བྦཾ.

‘‘པུ་ན ཙ་པ་རཾ, མ་ཧཱ་རཱ་ཛ, ཨུ་ལཱུ་ཀོ སུ་པྤ་ཊི་ས་ལླཱི་ནོ ཧོ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན པ་ཊི་ས་ལླཱ་ནཱ་རཱ་མེ་ན བྷ་ཝི་ཏ་བྦཾ པ་ཊི་ས་ལླཱ་ན་ར་ཏེ་ན. ཨི་དཾ, མ་ཧཱ་རཱ་ཛ, ཨུ་ལཱུ་ཀ་སྶ དུ་ཏི་ཡཾ ཨ་ངྒཾ ག་ཧེ་ཏ་བྦཾ. བྷཱ་སི་ཏ་མྤེ་ཏཾ, མ་ཧཱ་རཱ་ཛ, བྷ་ག་ཝ་ཏཱ དེ་ཝཱ་ཏི་དེ་ཝེ་ན སཾ་ཡུ་ཏྟ་ནི་ཀཱ་ཡ་ཝ་རེ –

‘‘‘ཨི་དྷ, བྷི་ཀྑ་ཝེ, བྷི་ཀྑུ པ་ཊི་ས་ལླཱ་ནཱ་རཱ་མོ པ་ཊི་ས་ལླཱ་ན་ར་ཏོ ‘‘ཨི་དཾ དུ་ཀྑ’’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ས་མུ་ད་ཡོ’’ཏི ཡ་ཐཱ བྷཱུ་ཐཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ནི་རོ་དྷོ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, ‘‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏཱི’’’ཏི.

ཨུ་ལཱུ་ཀ་ངྒ་པ་ཉྷོ པ་ཉྩ་མོ.