༡. ཨུ་པ་ཙི་ཀ་ངྒ་པ་ཉྷོ

༡. ‘‘བྷ་ནྟེ ནཱ་ག་སེ་ན, ‘ཨུ་པ་ཙི་ཀཱ་ཡ ཨེ་ཀཾ ཨ་ངྒཾ ག་ཧེ་ཏ་བྦ’ནྟི ཡཾ ཝ་དེ་སི, ཀ་ཏ་མཾ ཏཾ ཨེ་ཀཾ ཨ་ངྒཾ ག་ཧེ་ཏ་བྦ’’ནྟི? ‘‘ཡ་ཐཱ, མ་ཧཱ་རཱ་ཛ, ཨུ་པ་ཙི་ཀཱ ཨུ་པ་རི ཚ་ད་ནཾ ཀ་ཏྭཱ ཨ་ཏྟཱ་ནཾ པི་ད་ཧི་ཏྭཱ གོ་ཙ་རཱ་ཡ ཙ་ར་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན སཱི་ལ་སཾ་ཝ་ར་ཚ་ད་ནཾ ཀ་ཏྭཱ མཱ་ན་སཾ པི་ད་ཧི་ཏྭཱ པི་ཎྜཱ་ཡ ཙ་རི་ཏ་བྦཾ, སཱི་ལ་སཾ་ཝ་ར་ཚ་ད་ནེ་ན ཁོ, མ་ཧཱ་རཱ་ཛ, ཡོ་གཱི ཡོ་གཱ་ཝ་ཙ་རོ ས་བྦ་བྷ་ཡ་ས་མ་ཏི་ཀྐ་ནྟོ ཧོ་ཏི. ཨི་དཾ, མ་ཧཱ་རཱ་ཛ, ཨུ་པ་ཙི་ཀཱ་ཡ ཨེ་ཀཾ ཨ་ངྒཾ ག་ཧེ་ཏ་བྦཾ, བྷཱ་སི་ཏ་མྤེ་ཏཾ, མ་ཧཱ་རཱ་ཛ, ཐེ་རེ་ན ཨུ་པ་སེ་ནེ་ན ཝ་ངྒ་ནྟ་པུ་ཏྟེ་ན –

‘‘‘སཱི་ལ་སཾ་ཝ་ར་ཚ་ད་ནཾ, ཡོ་གཱི ཀ་ཏྭཱ་ན མཱ་ན་སཾ;

ཨ་ནུ་པ་ལི་ཏྟོ ལོ་ཀེ་ན, བྷ་ཡཱ ཙ པ་རི་མུ་ཙྩ་ཏཱི’’’ཏི.

ཨུ་པ་ཙི་ཀ་ངྒ་པ་ཉྷོ པ་ཋ་མོ.