༧. ཀཱུ་པ་ངྒ་པ་ཉྷོ

༧. ‘‘བྷ་ནྟེ ནཱ་ག་སེ་ན, ‘ཀཱུ་པ་སྶ ཨེ་ཀཾ ཨ་ངྒཾ ག་ཧེ་ཏ་བྦ’ནྟི ཡཾ ཝ་དེ་སི, ཀ་ཏ་མཾ ཏཾ ཨེ་ཀཾ ཨ་ངྒཾ ག་ཧེ་ཏ་བྦ’’ནྟི? ‘‘ཡ་ཐཱ, མ་ཧཱ་རཱ་ཛ, ཀཱུ་པོ ར་ཛྫུ་ཉྩ ཝ་ར་ཏྟ་ཉྩ ལ་ངྐཱ་ར་ཉྩ དྷཱ་རེ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན ས་ཏི་ས་མྤ་ཛ་ཉྙ་ས་མ་ནྣཱ་ག་ཏེ་ན བྷ་ཝི་ཏ་བྦཾ, ཨ་བྷི་ཀྐ་ནྟེ པ་ཊི་ཀྐ་ནྟེ ཨཱ་ལོ་ཀི་ཏེ ཝི་ལོ་ཀི་ཏེ ས་མི་ཉྫི་ཏེ པ་སཱ་རི་ཏེ ས་ངྒྷཱ་ཊི་པ་ཏྟ་ཙཱི་ཝ་ར་དྷཱ་ར་ཎེ ཨ་སི་ཏེ པཱི་ཏེ ཁཱ་ཡི་ཏེ སཱ་ཡི་ཏེ ཨུ་ཙྩཱ་ར་པ་སྶཱ་ཝ་ཀ་མྨེ ག་ཏེ ཋི་ཏེ ནི་སི་ནྣེ སུ་ཏྟེ ཛཱ་ག་རི་ཏེ བྷཱ་སི་ཏེ ཏུ་ཎྷཱི་བྷཱ་ཝེ ས་མྤ་ཛཱ་ན་ཀཱ་རི་ནཱ བྷ་ཝི་ཏ་བྦཾ. ཨི་དཾ, མ་ཧཱ་རཱ་ཛ, ཀཱུ་པ་སྶ ཨེ་ཀཾ ཨ་ངྒཾ ག་ཧེ་ཏ་བྦཾ. བྷཱ་སི་ཏ་མྤེ་ཏཾ, མ་ཧཱ་རཱ་ཛ, བྷ་ག་ཝ་ཏཱ དེ་ཝཱ་ཏི་དེ་ཝེ་ན ‘ས་ཏོ, བྷི་ཀྑ་ཝེ, བྷི་ཀྑུ ཝི་ཧ་རེ་ཡྻ ས་མྤ་ཛཱ་ནོ, ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’’ཏི.

ཀཱུ་པ་ངྒ་པ་ཉྷོ ས་ཏྟ་མོ.