༩. སཱུ་རི་ཡ་ཏ་པ་ན་པ་ཉྷོ

༩. ‘‘བྷ་ནྟེ ནཱ་ག་སེ་ན, ཨ་ཡཾ སཱུ་རི་ཡོ ས་བྦ་ཀཱ་ལཾ ཀ་ཋི་ནཾ ཏ་པ་ཏི, ཨུ་དཱ་ཧུ ཀི་ཉྩི་ཀཱ་ལཾ མ་ནྡཾ ཏ་པ་ཏཱི’’ཏི? ‘‘ས་བྦ་ཀཱ་ལཾ, མ་ཧཱ་རཱ་ཛ, སཱུ་རི་ཡོ ཀ་ཋི་ནཾ ཏ་པ་ཏི, ན ཀི་ཉྩི་ཀཱ་ལཾ མ་ནྡཾ ཏ་པ་ཏཱི’’ཏི. ‘‘ཡ་དི, བྷ་ནྟེ ནཱ་ག་སེ་ན, སཱུ་རི་ཡོ ས་བྦ་ཀཱ་ལཾ ཀ་ཋི་ནཾ ཏ་པ་ཏི, ཀི་སྶ པ་ན ཨ་པྤེ་ཀ་དཱ སཱུ་རི་ཡོ ཀ་ཋི་ནཾ ཏ་པ་ཏི, ཨ་པྤེ་ཀ་དཱ མ་ནྡཾ ཏ་པ་ཏཱི’’ཏི? ‘‘ཙ་ཏྟཱ་རོ་མེ, མ་ཧཱ་རཱ་ཛ, སཱུ་རི་ཡ་སྶ རོ་གཱ, ཡེ་སཾ ཨ་ཉྙ་ཏ་རེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏི. ཀ་ཏ་མེ ཙ་ཏྟཱ་རོ? ཨ་བྦྷཾ, མ་ཧཱ་རཱ་ཛ, སཱུ་རི་ཡ་སྶ རོ་གོ, ཏེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏི. མ་ཧི་ཀཱ, མ་ཧཱ་རཱ་ཛ, སཱུ་རི་ཡ་སྶ རོ་གོ, ཏེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏི. མེ་གྷོ, མ་ཧཱ་རཱ་ཛ, སཱུ་རི་ཡ་སྶ རོ་གོ, ཏེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏི. རཱ་ཧུ, མ་ཧཱ་རཱ་ཛ, སཱུ་རི་ཡ་སྶ རོ་གོ, ཏེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏི. ཨི་མེ ཁོ, མ་ཧཱ་རཱ་ཛ, ཙ་ཏྟཱ་རོ སཱུ་རི་ཡ་སྶ རོ་གཱ, ཡེ་སཾ ཨ་ཉྙ་ཏ་རེ་ན རོ་གེ་ན པ་ཊི་པཱི་ལི༹་ཏོ སཱུ་རི་ཡོ མ་ནྡཾ ཏ་པ་ཏཱི’’ཏི. ‘‘ཨ་ཙྪ་རི་ཡཾ, བྷ་ནྟེ ནཱ་ག་སེ་ན, ཨ་བྦྷུ་ཏཾ, བྷ་ནྟེ ནཱ་ག་སེ་ན, སཱུ་རི་ཡ་སྶ་པི ཏཱ་ཝ ཏེ་ཛོ་ས་མྤ་ནྣ་སྶ རོ་གོ ཨུ་པྤ་ཛྫི་སྶ་ཏི, ཀི་མ་ངྒཾ པ་ན ཨ་ཉྙེ་སཾ ས་ཏྟཱ་ནཾ, ན་ཏྠི, བྷ་ནྟེ, ཨེ་སཱ ཝི་བྷ་ཏྟི ཨ་ཉྙ་སྶ ཨ་ཉྙ་ཏྲ ཏ་ཝཱ་དི་སེ་ན བུ་དྡྷི་མ་ཏཱ’’ཏི.

སཱུ་རི་ཡ་ཏ་པ་ན་པ་ཉྷོ ན་ཝ་མོ.