༩. ཨུ་ཏྟ་ར་ཀུ་རུ་ཀཱ་དི་ག་མ་ན་པ་ཉྷོ

༩. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཨ་ཏྠི ཀོ་ཙི, ཡོ ཨི་མི་ནཱ ས་རཱི་རེ་ན ཨུ་ཏྟ་ར་ཀུ་རུཾ ཝཱ ག་ཙྪེ་ཡྻ, བྲ་ཧྨ་ལོ་ཀཾ ཝཱ, ཨ་ཉྙཾ ཝཱ པ་ན དཱི་པ’’ནྟི? ‘‘ཨ་ཏྠི, མ་ཧཱ་རཱ་ཛ, ཡོ ཨི་མི་ནཱ ཙཱ་ཏུ་མྨ་ཧཱ་བྷཱུ་ཏི་ཀེ་ན ཀཱ་ཡེ་ན ཨུ་ཏྟ་ར་ཀུ་རུཾ ཝཱ ག་ཙྪེ་ཡྻ, བྲ་ཧྨ་ལོ་ཀཾ ཝཱ, ཨ་ཉྙཾ ཝཱ པ་ན དཱི་པ’’ནྟི.

‘‘ཀ་ཐཾ, བྷ་ནྟེ ནཱ་ག་སེ་ན, ཨི་མི་ནཱ ཙཱ་ཏུ་མྨ་ཧཱ་བྷཱུ་ཏི་ཀེ་ན ཀཱ་ཡེ་ན ཨུ་ཏྟ་ར་ཀུ་རུཾ ཝཱ ག་ཙྪེ་ཡྻ, བྲ་ཧྨ་ལོ་ཀཾ ཝཱ, ཨ་ཉྙཾ ཝཱ པ་ན དཱི་པ’’ནྟི? ‘‘ཨ་བྷི་ཛཱ་ནཱ་སི ནུ, ཏྭཾ མ་ཧཱ་རཱ་ཛ, ཨི་མི་སྶཱ པ་ཐ་ཝི་ཡཱ ཝི་ད་ཏྠིཾ ཝཱ ར་ཏ་ནཾ ཝཱ ལ་ངྒྷི་ཏཱ’’ཏི? ‘‘ཨཱ་མ, བྷ་ནྟེ, ཨ་བྷི་ཛཱ་ནཱ་མི ‘ཨ་ཧཾ, བྷ་ནྟེ ནཱ་ག་སེ་ན, ཨ་ཊྛ་པི ར་ཏ་ནི་ཡོ ལ་ངྒྷེ་མཱི’’’ཏི. ‘‘ཀ་ཐཾ, ཏྭཾ མ་ཧཱ་རཱ་ཛ, ཨ་ཊྛ་པི ར་ཏ་ནི་ཡོ ལ་ངྒྷེ་སཱི’’ཏི? ‘‘ཨ་ཧ་ཉྷི, བྷ་ནྟེ, ཙི་ཏྟཾ ཨུ་པྤཱ་དེ་མི ‘ཨེ་ཏྠ ནི་པ་ཏི་སྶཱ་མཱི’ཏི ས་ཧ ཙི་ཏྟུ་པྤཱ་དེ་ན ཀཱ་ཡོ མེ ལ་ཧུ་ཀོ ཧོ་ཏཱི’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, ཨི་དྡྷི་མཱ བྷི་ཀྑུ ཙེ་ཏོ་ཝ་སི་པྤ་ཏྟོ ཀཱ་ཡཾ ཙི་ཏྟེ ས་མཱ་རོ་པེ་ཏྭཱ ཙི་ཏྟ་ཝ་སེ་ན ཝེ་ཧཱ་སཾ ག་ཙྪ་ཏཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཨུ་ཏྟ་ར་ཀུ་རུ་ཀཱ་དི་ག་མ་ན་པ་ཉྷོ ན་ཝ་མོ.