༢. བུ་དྡྷ་གུ་ཎ་ས་ཏི་པ་ཊི་ལཱ་བྷ་པ་ཉྷོ

༢. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཏུ་མྷེ ཨེ་ཏཾ བྷ་ཎ་ཐ ‘ཡོ ཝ་སྶ་ས་ཏཾ ཨ་ཀུ་ས་ལཾ ཀ་རེ་ཡྻ, མ་ར་ཎ་ཀཱ་ལེ ཙ ཨེ་ཀཾ བུ་དྡྷ་གུ་ཎཾ ས་ཏིཾ པ་ཊི་ལ་བྷེ་ཡྻ, སོ དེ་ཝེ་སུ ཨུ་པྤ་ཛྫེ་ཡྻཱ’ཏི ཨེ་ཏཾ ན ས་དྡ་ཧཱ་མི, ཨེ་ཝ་ཉྩ པ་ན ཝ་དེ་ཐ ‘ཨེ་ཏེ་ན པཱ་ཎཱ་ཏི་པཱ་ཏེ་ན ནི་ར་ཡེ ཨུ་པྤ་ཛྫེ་ཡྻཱ’ཏི ཨེ་ཏ་མྤི ན ས་དྡ་ཧཱ་མཱི’’ཏི.

‘‘ཏཾ ཀིཾ མ་ཉྙ་སི, མ་ཧཱ་རཱ་ཛ, ཁུ་དྡ་ཀོ་པི པཱ་སཱ་ཎོ ཝི་ནཱ ནཱ་ཝཱ་ཡ ཨུ་ད་ཀེ ཨུ་པྤི་ལ་ཝེ་ཡྻཱ’’ཏི. ‘‘ན ཧི, བྷ་ནྟེ’’ཏི. ‘‘ཀིཾ ནུ ཁོ, མ་ཧཱ་རཱ་ཛ, ཝཱ་ཧ་ས་ཏ་མྤི པཱ་སཱ་ཎཱ་ནཾ ནཱ་ཝཱ་ཡ ཨཱ་རོ་པི་ཏཾ ཨུ་ད་ཀེ ཨུ་པྤི་ལ་ཝེ་ཡྻཱ’’ཏི? ‘‘ཨཱ་མ, བྷ་ནྟེ’’ཏི. ‘‘ཡ་ཐཱ, མ་ཧཱ་རཱ་ཛ, ནཱ་ཝཱ, ཨེ་ཝཾ ཀུ་ས་ལཱ་ནི ཀ་མྨཱ་ནི ད་ཊྛ་བྦཱ་ནཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

བུ་དྡྷ་གུ་ཎ་ས་ཏི་པ་ཊི་ལཱ་བྷ་པ་ཉྷོ དུ་ཏི་ཡོ.