༢. ས་བྦ་ཉྙཱུ་བྷཱ་ཝ་པ་ཉྷོ

༢. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, བུ་དྡྷོ ས་བྦ་ཉྙཱུ ས་བྦ་ད་སྶཱ་ཝཱི’’ཏི? ‘‘ཨཱ་མ, མ་ཧཱ་རཱ་ཛ, བྷ་ག་ཝཱ ས་བྦ་ཉྙཱུ ས་བྦ་ད་སྶཱ་ཝཱི’’ཏི. ‘‘ཨ་ཐ ཀི་སྶ ནུ ཁོ, བྷ་ནྟེ ནཱ་ག་སེ་ན, སཱ་ཝ་ཀཱ་ནཾ ཨ་ནུ་པུ་བྦེ་ན སི་ཀྑཱ་པ་དཾ པ་ཉྙ་པེ་སཱི’’ཏི? ‘‘ཨ་ཏྠི པ་ན ཏེ མ་ཧཱ་རཱ་ཛ, ཀོ་ཙི ཝེ་ཛྫོ, ཡོ ཨི་མི་སྶཾ པ་ཐ་ཝི་ཡཾ ས་བྦ་བྷེ་ས་ཛྫཱ་ནི ཛཱ་ནཱ་ཏཱི’’ཏི? ‘‘ཨཱ་མ, བྷ་ནྟེ, ཨ་ཏྠཱི’’ཏི. ‘‘ཀིཾ་ནུ ཁོ, མ་ཧཱ་རཱ་ཛ, སོ ཝེ་ཛྫོ གི་ལཱ་ན་ཀཾ ས་མྤ་ཏྟེ ཀཱ་ལེ བྷེ་ས་ཛྫཾ པཱ་ཡེ་ཏི, ཨུ་དཱ་ཧུ ཨ་ས་མྤ་ཏྟེ ཀཱ་ལེ’’ཏི? ‘‘ས་མྤ་ཏྟེ ཀཱ་ལེ, བྷ་ནྟེ, གི་ལཱ་ན་ཀཾ བྷེ་ས་ཛྫཾ པཱ་ཡེ་ཏི, ནོ ཨ་ས་མྤ་ཏྟེ ཀཱ་ལེ’’ཏི? ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, བྷ་ག་ཝཱ ས་བྦ་ཉྙཱུ ས་བྦ་ད་སྶཱ་ཝཱི ན ཨ་ས་མྤ་ཏྟེ ཀཱ་ལེ སཱ་ཝ་ཀཱ་ནཾ སི་ཀྑཱ་པ་དཾ པ་ཉྙཱ་པེ་ཏི, ས་མྤ་ཏྟེ ཀཱ་ལེ སཱ་ཝ་ཀཱ་ནཾ སི་ཀྑཱ་པ་དཾ པ་ཉྙཱ་པེ་ཏི ཡཱ་ཝ་ཛཱི་ཝཾ ཨ་ན་ཏི་ཀྐ་མ་ནཱི་ཡ’’ནྟི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ས་བྦ་ཉྙཱུ་བྷཱ་ཝ་པ་ཉྷོ དུ་ཏི་ཡོ.