༥. ཨ་ས་ངྐ་མ་ན་པ་ཊི་ས་ནྡ་ཧ་ན་པ་ཉྷོ

༥. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ན ཙ ས་ངྐ་མ་ཏི པ་ཊི་ས་ནྡ་ཧ་ཏི ཙཱ’’ཏི? ‘‘ཨཱ་མ, མ་ཧཱ་རཱ་ཛ, ན ཙ ས་ངྐ་མ་ཏི པ་ཊི་ས་ནྡ་ཧ་ཏི ཙཱ’’ཏི. ‘‘ཀ་ཐཾ, བྷ་ནྟེ ནཱ་ག་སེ་ན, ན ཙ ས་ངྐ་མ་ཏི པ་ཊི་ས་ནྡ་ཧ་ཏི ཙ, ཨོ་པ་མྨཾ ཀ་རོ་ཧཱི’’ཏི? ‘‘ཡ་ཐཱ, མ་ཧཱ་རཱ་ཛ, ཀོ་ཙི་དེ་ཝ པུ་རི་སོ པ་དཱི་པ་ཏོ པ་དཱི་པཾ པ་དཱི་པེ་ཡྻ, ཀིཾ་ནུ ཁོ སོ, མ་ཧཱ་རཱ་ཛ, པ་དཱི་པོ པ་དཱི་པ་མྷཱ ས་ངྐ་ནྟོ’’ཏི? ‘‘ན ཧི, བྷ་ནྟེ’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, ན ཙ ས་ངྐ་མ་ཏི པ་ཊི་ས་ནྡ་ཧ་ཏི ཙཱ’’ཏི.

‘‘བྷི་ཡྻོ ཨོ་པ་མྨཾ ཀ་རོ་ཧཱི’’ཏི. ‘‘ཨ་བྷི་ཛཱ་ནཱ་སི ནུ, ཏྭཾ མ་ཧཱ་རཱ་ཛ, ད་ཧ་ར་ཀོ ས་ནྟོ སི་ལོ་ཀཱ་ཙ་རི་ཡ་སྶ ས་ནྟི་ཀེ ཀི་ཉྩི སི་ལོ་ཀཾ ག་ཧི་ཏ’’ནྟི? ‘‘ཨཱ་མ, བྷ་ནྟེ’’ཏི. ‘‘ཀིཾ་ནུ ཁོ, མ་ཧཱ་རཱ་ཛ, སོ སི་ལོ་ཀོ ཨཱ་ཙ་རི་ཡ་མྷཱ ས་ངྐ་ནྟོ’’ཏི? ‘‘ན ཧི, བྷ་ནྟེ’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, ན ཙ ས་ངྐ་མ་ཏི པ་ཊི་ས་ནྡ་ཧ་ཏི ཙཱ་ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཨ་ས་ངྐ་མ་ན་པ་ཊི་ས་ནྡ་ཧ་ན་པ་ཉྷོ པ་ཉྩ་མོ.