༡༠. བུ་དྡྷ་ནི་ད་སྶ་ན་པ་ཉྷོ

༡༠. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, བུ་དྡྷོ ཨ་ཏྠཱི’’ཏི? ‘‘ཨཱ་མ, མ་ཧཱ་རཱ་ཛ, བྷ་ག་ཝཱ ཨ་ཏྠཱི’’ཏི. ‘‘ས་ཀྐཱ པ་ན, བྷ་ནྟེ ནཱ་ག་སེ་ན, བུ་དྡྷོ ནི་ད་སྶེ་ཏུཾ ཨི་དྷ་ཝཱ ཨི་དྷ་ཝཱ’’ཏི? ‘‘པ་རི་ནི་བྦུ་ཏོ, མ་ཧཱ་རཱ་ཛ, བྷ་ག་ཝཱ ཨ་ནུ་པཱ་དི་སེ་སཱ་ཡ ནི་བྦཱ་ན་དྷཱ་ཏུ་ཡཱ, ན ས་ཀྐཱ བྷ་ག་ཝཱ ནི་ད་སྶེ་ཏུཾ ‘ཨི་དྷ ཝཱ ཨི་དྷ ཝཱ’’’ཏི.

‘‘ཨོ་པ་མྨཾ ཀ་རོ་ཧཱི’’ཏི. ‘‘ཏཾ ཀིཾ མ་ཉྙ་སི, མ་ཧཱ་རཱ་ཛ, མ་ཧ་ཏོ ཨ་གྒི་ཀྑ་ནྡྷ་སྶ ཛ་ལ་མཱ་ན་སྶ ཡཱ ཨ་ཙྩི ཨ་ཏྠ་ངྒ་ཏཱ, ས་ཀྐཱ སཱ ཨ་ཙྩི ད་སྶེ་ཏུཾ ‘ཨི་དྷ ཝཱ ཨི་དྷ ཝཱ’’’ཏི? ‘‘ན ཧི, བྷ་ནྟེ, ནི་རུ་དྡྷཱ སཱ ཨ་ཙྩི ཨ་པྤ་ཉྙ་ཏྟིཾ ག་ཏཱ’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, བྷ་ག་ཝཱ ཨ་ནུ་པཱ་དི་སེ་སཱ་ཡ ནི་བྦཱ་ན་དྷཱ་ཏུ་ཡཱ པ་རི་ནི་བྦུ་ཏོ ཨ་ཏྠ་ངྒ་ཏོ, ན ས་ཀྐཱ བྷ་ག་ཝཱ ནི་ད་སྶེ་ཏུཾ ‘ཨི་དྷ ཝཱ ཨི་དྷ ཝཱ’ ཏི, དྷ་མྨ་ཀཱ་ཡེ་ན པ་ན ཁོ, མ་ཧཱ་རཱ་ཛ, ས་ཀྐཱ བྷ་ག་ཝཱ ནི་ད་སྶེ་ཏུཾ. དྷ་མྨོ ཧི, མ་ཧཱ་རཱ་ཛ, བྷ་ག་ཝ་ཏཱ དེ་སི་ཏོ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

བུ་དྡྷ་ནི་ད་སྶ་ན་པ་ཉྷོ ད་ས་མོ.

བུ་དྡྷ་ཝ་གྒོ པ་ཉྩ་མོ.

ཨི་མ་སྨིཾ ཝ་གྒེ ད་ས པ་ཉྷཱ.