༢. ནཱ་ག་སེ་ན་པ་ཉྷོ

༢. ཐེ་རོ ཨཱ་ཧ ‘‘ལོ་ཎཾ, མ་ཧཱ་རཱ་ཛ, ཙ་ཀྑུ་ཝི་ཉྙེ་ཡྻ’’ནྟི. ‘‘ཨཱ་མ, བྷ་ནྟེ, ཙ་ཀྑུ་ཝི་ཉྙེ་ཡྻ’’ནྟི. ‘‘སུ་ཊྛུ ཁོ, མ་ཧཱ་རཱ་ཛ, ཛཱ་ནཱ་ཧཱི’’ཏི. ‘‘ཀིཾ པ་ན, བྷ་ནྟེ, ཛི་ཝ྄ཧཱ་ཝི་ཉྙེ་ཡྻ’’ནྟི? ‘‘ཨཱ་མ, མ་ཧཱ་རཱ་ཛ, ཛི་ཝ྄ཧཱ་ཝི་ཉྙེ་ཡྻ’’ནྟི. ‘‘ཀིཾ པ་ན, བྷ་ནྟེ, ས་བྦཾ ལོ་ཎཾ ཛི་ཝ྄ཧཱ་ཡ ཝི་ཛཱ་ནཱ་ཏཱི’’ཏི? ‘‘ཨཱ་མ, མ་ཧཱ་རཱ་ཛ, ས་བྦཾ ལོ་ཎཾ ཛི་ཝ྄ཧཱ་ཡ ཝི་ཛཱ་ནཱ་ཏི’’.

‘‘ཡ་དི, བྷ་ནྟེ, ས་བྦཾ ལོ་ཎཾ ཛི་ཝ྄ཧཱ་ཡ ཝི་ཛཱ་ནཱ་ཏི, ཀི་སྶ པ་ན ཏཾ ས་ཀ་ཊེ་ཧི བ་ལཱི་བ་དྡཱ [བ་ལི་བ་དྡཱ (སཱི. པཱི.)] ཨཱ་ཧ་ར་ནྟི, ན་ནུ ལོ་ཎ་མེ་ཝ ཨཱ་ཧ་རི་ཏ་བྦ’’ནྟི? ‘‘ན ས་ཀྐཱ, མ་ཧཱ་རཱ་ཛ, ལོ་ཎ་མེ་ཝ ཨཱ་ཧ་རི་ཏུཾ ཨེ་ཀ་ཏོ་བྷཱ་ཝ་ག་ཏཱ ཨེ་ཏེ དྷ་མྨཱ གོ་ཙ་ར་ནཱ་ན་ཏྟ་ག་ཏཱ ལོ་ཎཾ ག་རུ་བྷཱ་ཝོ ཙཱ་ཏི. ས་ཀྐཱ པ་ན, མ་ཧཱ་རཱ་ཛ, ལོ་ཎཾ ཏུ་ལཱ་ཡ ཏུ་ལ་ཡི་ཏུ’’ནྟི? ‘‘ཨཱ་མ, བྷ་ནྟེ, ས་ཀྐཱ’’ཏི. ‘‘ན ས་ཀྐཱ, མ་ཧཱ་རཱ་ཛ, ལོ་ཎཾ ཏུ་ལཱ་ཡ ཏུ་ལ་ཡི་ཏུཾ, ག་རུ་བྷཱ་ཝོ ཏུ་ལཱ་ཡ ཏུ་ལི་ཡ་ཏཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ནཱ་ག་སེ་ན་པ་ཉྷོ དུ་ཏི་ཡོ.