༩. ཨ་དྡྷཱ་ན་པ་ཉྷོ

༩. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཡཾ པ་ནེ་ཏཾ བྲཱུ་སི ‘དཱི་གྷ་མ་དྡྷཱ་ན’ནྟི, ཀི་མེ་ཏཾ ཨ་དྡྷཱ་ནཾ ནཱ་མཱ’’ཏི? ‘‘ཨ་ཏཱི་ཏོ, མ་ཧཱ་རཱ་ཛ, ཨ་དྡྷཱ, ཨ་ནཱ་ག་ཏོ ཨ་དྡྷཱ, པ་ཙྩུ་པྤ་ནྣོ ཨ་དྡྷཱ’’ཏི. ‘‘ཀིཾ པ་ན, བྷ་ནྟེ, ས་བྦེ ཨ་དྡྷཱ ཨ་ཏྠཱི’’ཏི? ‘‘ཀོ་ཙི, མ་ཧཱ་རཱ་ཛ, ཨ་དྡྷཱ ཨ་ཏྠི, ཀོ་ཙི ན་ཏྠཱི’’ཏི. ‘‘ཀ་ཏ་མོ པ་ན, བྷ་ནྟེ, ཨ་ཏྠི, ཀ་ཏ་མོ ན་ཏྠཱི’’ཏི? ‘‘ཡེ ཏེ, མ་ཧཱ་རཱ་ཛ, ས་ངྑཱ་རཱ ཨ་ཏཱི་ཏཱ ཝི་ག་ཏཱ ནི་རུ་དྡྷཱ ཝི་པ་རི་ཎ་ཏཱ, སོ ཨ་དྡྷཱ ན་ཏྠི, ཡེ དྷ་མྨཱ ཝི་པཱ་ཀཱ, ཡེ ཙ ཝི་པཱ་ཀ་དྷ་མྨ་དྷ་མྨཱ, ཡེ ཙ ཨ་ཉྙ་ཏྲ པ་ཊི་ས་ནྡྷིཾ དེ་ནྟི, སོ ཨ་དྡྷཱ ཨ་ཏྠི. ཡེ ས་ཏྟཱ ཀཱ་ལ་ངྐ་ཏཱ ཨ་ཉྙ་ཏྲ ཨུ་པྤ་ནྣཱ, སོ ཙ ཨ་དྡྷཱ ཨ་ཏྠི. ཡེ ས་ཏྟཱ ཀཱ་ལ་ངྐ་ཏཱ ཨ་ཉྙ་ཏྲ ཨ་ནུ་པྤ་ནྣཱ, སོ ཨ་དྡྷཱ ན་ཏྠི. ཡེ ཙ ས་ཏྟཱ པ་རི་ནི་བྦུ་ཏཱ, སོ ཙ ཨ་དྡྷཱ ན་ཏྠི པ་རི་ནི་བྦུ་ཏ་ཏྟཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཨ་དྡྷཱ་ན་པ་ཉྷོ ན་ཝ་མོ.

ཨ་དྡྷཱ་ན་ཝ་གྒོ དུ་ཏི་ཡོ.

ཨི་མ་སྨིཾ ཝ་གྒེ ན་ཝ པ་ཉྷཱ.