༨. མ་ན་སི་ཀཱ་ར་ལ་ཀྑ་ཎ་པ་ཉྷོ

༨. རཱ་ཛཱ ཨཱ་ཧ ‘‘ཀིཾ་ལ་ཀྑ་ཎོ, བྷ་ནྟེ ནཱ་ག་སེ་ན, མ་ན་སི་ཀཱ་རོ, ཀིཾ་ལ་ཀྑ་ཎཱ པ་ཉྙཱ’’ཏི? ‘‘ཨཱུ་ཧ་ན་ལ་ཀྑ་ཎོ ཁོ, མ་ཧཱ་རཱ་ཛ, མ་ན་སི་ཀཱ་རོ, ཚེ་ད་ན་ལ་ཀྑ་ཎཱ པ་ཉྙཱ’’ཏི.

‘‘ཀ་ཐཾ ཨཱུ་ཧ་ན་ལ་ཀྑ་ཎོ མ་ན་སི་ཀཱ་རོ, ཀ་ཐཾ ཚེ་ད་ན་ལ་ཀྑ་ཎཱ པ་ཉྙཱ, ཨོ་པ་མྨཾ ཀ་རོ་ཧཱི’’ཏི. ‘‘ཛཱ་ནཱ་སི, ཏྭཾ མ་ཧཱ་རཱ་ཛ, ཡ་ཝ་ལཱ་ཝ་ཀེ’’ཏི. ‘‘ཨཱ་མ, བྷ་ནྟེ, ཛཱ་ནཱ་མཱི’’ཏི. ‘‘ཀ་ཐཾ, མ་ཧཱ་རཱ་ཛ, ཡ་ཝ་ལཱ་ཝ་ཀཱ ཡ་ཝཾ ལུ་ན་ནྟཱི’’ཏི? ‘‘ཝཱ་མེ་ན, བྷ་ནྟེ, ཧ་ཏྠེ་ན ཡ་ཝ་ཀ་ལཱ་པཾ ག་ཧེ་ཏྭཱ ད་ཀྑི་ཎེ་ན ཧ་ཏྠེ་ན དཱ་ཏྟཾ ག་ཧེ་ཏྭཱ དཱ་ཏྟེ་ན ཚི་ནྡ་ནྟཱི’’ཏི.

‘‘ཡ་ཐཱ, མ་ཧཱ་རཱ་ཛ, ཡ་ཝ་ལཱ་ཝ་ཀོ ཝཱ་མེ་ན ཧ་ཏྠེ་ན ཡ་ཝ་ཀ་ལཱ་པཾ ག་ཧེ་ཏྭཱ ད་ཀྑི་ཎེ་ན ཧ་ཏྠེ་ན དཱ་ཏྟཾ ག་ཧེ་ཏྭཱ ཡ་ཝཾ ཚི་ནྡ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གཱ་ཝ་ཙ་རོ མ་ན་སི་ཀཱ་རེ་ན མཱ་ན་སཾ ག་ཧེ་ཏྭཱ པ་ཉྙཱ་ཡ ཀི་ལེ་སེ ཚི་ནྡ་ཏི, ཨེ་ཝཾ ཁོ, མ་ཧཱ་རཱ་ཛ, ཨཱུ་ཧ་ན་ལ་ཀྑ་ཎོ མ་ན་སི་ཀཱ་རོ, ཨེ་ཝཾ ཚེ་ད་ན་ལ་ཀྑ་ཎཱ པ་ཉྙཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

མ་ན་སི་ཀཱ་ར་ལ་ཀྑ་ཎ་པ་ཉྷོ ཨ་ཊྛ་མོ.