༩. མེ་ཏྟ་སུ་ཏྟཾ

༡. ཀ་ར་ཎཱི་ཡ་མ་ཏྠ་ཀུ་ས་ལེ་ན, ཡ་ནྟ་ས་ནྟཾ པ་དཾ ཨ་བྷི་ས་མེ་ཙྩ;

ས་ཀྐོ ཨུ་ཛཱུ ཙ སུ་ཧུ་ཛཱུ [སཱུ་ཛཱུ (སཱི.)] ཙ, སུ་ཝ་ཙོ ཙ་སྶ མུ་དུ ཨ་ན་ཏི་མཱ་ནཱི.

༢. ས་ནྟུ་སྶ་ཀོ ཙ སུ་བྷ་རོ ཙ, ཨ་པྤ་ཀི་ཙྩོ ཙ ས་ལླ་ཧུ་ཀ་ཝུ་ཏྟི;

ས་ནྟི་ནྡྲི་ཡོ ཙ ནི་པ་ཀོ ཙ, ཨ་པྤ་ག་བྦྷོ ཀུ་ལེ་སྭ་ན་ནུ་གི་དྡྷོ.

༣. ན ཙ ཁུ་དྡ་མཱ་ཙ་རེ ཀི་ཉྩི, ཡེ་ན ཝི་ཉྙཱུ པ་རེ ཨུ་པ་ཝ་དེ་ཡྻུཾ;

སུ་ཁི་ནོ་ཝ ཁེ་མི་ནོ ཧོ་ནྟུ, ས་བྦ་ས་ཏྟཱ [ས་བྦེ ས་ཏྟཱ (སཱི. སྱཱ.)] བྷ་ཝ་ནྟུ སུ་ཁི་ཏ་ཏྟཱ.

༤. ཡེ ཀེ་ཙི པཱ་ཎ་བྷཱུ་ཏ་ཏྠི, ཏ་སཱ ཝཱ ཐཱ་ཝ་རཱ ཝ་ན་ཝ་སེ་སཱ;

དཱི་གྷཱ ཝཱ ཡེ་ཝ མ་ཧ་ནྟཱ [མ་ཧ་ནྟ (?)], མ་ཛ྄ཛྷི་མཱ ར་སྶ་ཀཱ ཨ་ཎུ་ཀ་ཐཱུ་ལཱ.

༥. དི་ཊྛཱ ཝཱ ཡེ་ཝ ཨ་དི་ཊྛཱ [ཨ་དི་ཊྛ (?)], ཡེ ཝ [ཡེ ཙ (སཱི. སྱཱ. ཀཾ. པཱི.)] དཱུ་རེ ཝ་ས་ནྟི ཨ་ཝི་དཱུ་རེ;

བྷཱུ་ཏཱ ཝ [ཝཱ (སྱཱ. ཀཾ. པཱི. ཀ.)] ས་མྦྷ་ཝེ་སཱི ཝ [ཝཱ (སཱི. སྱཱ. ཀཾ. པཱི.)], ས་བྦ་ས་ཏྟཱ བྷ་ཝ་ནྟུ སུ་ཁི་ཏ་ཏྟཱ.

༦. ན པ་རོ པ་རཾ ནི་ཀུ་བྦེ་ཐ, ནཱ་ཏི་མ་ཉྙེ་ཐ ཀ་ཏྠ་ཙི ན ཀ་ཉྩི [ནཾ ཀ་ཉྩི (སཱི. པཱི.), ནཾ ཀི་ཉྩི (སྱཱ.), ན ཀི་ཉྩི (ཀ.)];

བྱཱ་རོ་ས་ནཱ པ་ཊི་གྷ་ས་ཉྙཱ, ནཱ་ཉྙ་མ་ཉྙ་སྶ དུ་ཀྑ་མི་ཙྪེ་ཡྻ.

༧. མཱ་ཏཱ ཡ་ཐཱ ནི་ཡཾ པུ་ཏྟ་མཱ་ཡུ་སཱ ཨེ་ཀ་པུ་ཏྟ་མ་ནུ་ར་ཀྑེ;

ཨེ་ཝ་མྤི ས་བྦ་བྷཱུ་ཏེ་སུ, མཱ་ན་སཾ བྷཱ་ཝ་ཡེ ཨ་པ་རི་མཱ་ཎཾ.

༨. མེ་ཏྟ་ཉྩ ས་བྦ་ལོ་ཀ་སྨི, མཱ་ན་སཾ བྷཱ་ཝ་ཡེ ཨ་པ་རི་མཱ་ཎཾ;

ཨུ་དྡྷཾ ཨ་དྷོ ཙ ཏི་རི་ཡ་ཉྩ, ཨ་ས་མྦཱ་དྷཾ ཨ་ཝེ་ར་མ་ས་པ་ཏྟཾ.

༩. ཏི་ཊྛཾ ཙ་རཾ ནི་སི་ནྣོ ཝ [ཝཱ (སཱི. སྱཱ. ཀཾ. པཱི.)], ས་ཡཱ་ནོ ཡཱ་ཝ་ཏཱ་སྶ ཝི་ཏ་མི་དྡྷོ [ཝི་ག་ཏ་མི་དྡྷོ (བ་ཧཱུ་སུ)];

ཨེ་ཏཾ ས་ཏིཾ ཨ་དྷི་ཊྛེ་ཡྻ, བྲ་ཧྨ་མེ་ཏཾ ཝི་ཧཱ་ར་མི་དྷ་མཱ་ཧུ.

༡༠. དི་ཊྛི་ཉྩ ཨ་ནུ་པ་གྒ་མྨ, སཱི་ལ་ཝཱ ད་སྶ་ནེ་ན ས་མྤ་ནྣོ;

ཀཱ་མེ་སུ ཝི་ན་ཡ [ཝི་ནེ་ཡྻ (སཱི.)] གེ་དྷཾ, ན ཧི ཛཱ་ཏུ་གྒ་བྦྷ་སེ་ཡྻ པུ་ན རེ་ཏཱི་ཏི.

མེ་ཏྟ་སུ་ཏྟཾ ནི་ཊྛི་ཏཾ.