༨. ནི་དྷི་ཀ་ཎྜ་སུ་ཏྟཾ
༡. ནི་དྷིཾ ནི་དྷེ་ཏི པུ་རི་སོ, ག་མྦྷཱི་རེ ཨོ་ད་ཀ་ནྟི་ཀེ;
ཨ་ཏྠེ ཀི་ཙྩེ ས་མུ་པྤ་ནྣེ, ཨ་ཏྠཱ་ཡ མེ བྷ་ཝི་སྶ་ཏི.
༢. རཱ་ཛ་ཏོ ཝཱ དུ་རུ་ཏྟ་སྶ, ཙོ་ར་ཏོ པཱི་ལི༹་ཏ་སྶ ཝཱ;
ཨི་ཎ་སྶ ཝཱ པ་མོ་ཀྑཱ་ཡ, དུ་བྦྷི་ཀྑེ ཨཱ་པ་དཱ་སུ ཝཱ;
ཨེ་ཏ་ད་ཏྠཱ་ཡ ལོ་ཀ་སྨིཾ, ནི་དྷི ནཱ་མ ནི་དྷཱི་ཡ་ཏི.
༣. ཏཱ་ཝ་སྶུ་ནི་ཧི་ཏོ [ཏཱ་ཝ སུ་ནི་ཧི་ཏོ (སཱི.)] ས་ནྟོ, ག་མྦྷཱི་རེ ཨོ་ད་ཀ་ནྟི་ཀེ;
ན ས་བྦོ ས་བྦ་དཱ ཨེ་ཝ, ཏ་སྶ ཏཾ ཨུ་པ་ཀ་པྤ་ཏི.
༤. ནི་དྷི ཝཱ ཋཱ་ནཱ ཙ་ཝ་ཏི, ས་ཉྙཱ ཝཱ་སྶ ཝི་མུ་ཡ྄ཧ་ཏི;
ནཱ་གཱ ཝཱ ཨ་པ་ནཱ་མེ་ནྟི, ཡ་ཀྑཱ ཝཱ་པི ཧ་ར་ནྟི ནཾ.
༥. ཨ་པྤི་ཡཱ ཝཱ་པི དཱ་ཡཱ་དཱ, ཨུ་དྡྷ་ར་ནྟི ཨ་པ་སྶ་ཏོ;
ཡ་དཱ པུ་ཉྙ་ཀྑ་ཡོ ཧོ་ཏི, ས་བྦ་མེ་ཏཾ ཝི་ན་སྶ་ཏི.
༦. ཡ་སྶ དཱ་ནེ་ན སཱི་ལེ་ན, སཾ་ཡ་མེ་ན ད་མེ་ན ཙ;
ནི་དྷཱི སུ་ནི་ཧི་ཏོ ཧོ་ཏི, ཨི་ཏྠི་ཡཱ པུ་རི་ས་སྶ ཝཱ.
༧. ཙེ་ཏི་ཡ་མྷི ཙ ས་ངྒྷེ ཝཱ, པུ་གྒ་ལེ ཨ་ཏི་ཐཱི་སུ ཝཱ;
མཱ་ཏ་རི པི་ཏ་རི ཙཱ་པི [ཝཱ་པི (སྱཱ. ཀཾ.)], ཨ་ཐོ ཛེ་ཊྛ་མྷི བྷཱ་ཏ་རི.
༨. ཨེ་སོ ནི་དྷི སུ་ནི་ཧི་ཏོ, ཨ་ཛེ་ཡྻོ ཨ་ནུ་གཱ་མི་ཀོ;
པ་ཧཱ་ཡ ག་མ་ནཱི་ཡེ་སུ, ཨེ་ཏཾ ཨཱ་དཱ་ཡ ག་ཙྪ་ཏི.
༩. ཨ་སཱ་དྷཱ་ར་ཎ་མ་ཉྙེ་སཾ, ཨ་ཙོ་རཱ་ཧ་ར་ཎོ ནི་དྷི;
ཀ་ཡི་རཱ་ཐ དྷཱི་རོ པུ་ཉྙཱ་ནི, ཡོ ནི་དྷི ཨ་ནུ་གཱ་མི་ཀོ.
༡༠. ཨེ་ས དེ་ཝ་མ་ནུ་སྶཱ་ནཾ, ས་བྦ་ཀཱ་མ་ད་དོ ནི་དྷི;
ཡཾ ཡ་དེ་ཝཱ་བྷི་པ་ཏྠེ་ནྟི, ས་བྦ་མེ་ཏེ་ན ལ་བྦྷ་ཏི.
༡༡. སུ་ཝ་ཎྞ་ཏཱ སུ་ས་ར་ཏཱ, སུ་ས་ཎྛཱ་ནཱ སུ་རཱུ་པ་ཏཱ [སུ་ས་ཎྛཱ་ན་སུ་རཱུ་པ་ཏཱ (སཱི.), སུ་ས་ཎྛཱ་ནཾ སུ་རཱུ་པ་ཏཱ (སྱཱ. ཀཾ.)];
ཨཱ་དྷི་པ་ཙྩ་པ་རི་ཝཱ་རོ, ས་བྦ་མེ་ཏེ་ན ལ་བྦྷ་ཏི.
༡༢. པ་དེ་ས་ར་ཛྫཾ ཨི་སྶ་རི་ཡཾ, ཙ་ཀྐ་ཝ་ཏྟི་སུ་ཁཾ པི་ཡཾ;
དེ་ཝ་ར་ཛྫ་མྤི དི་བྦེ་སུ, ས་བྦ་མེ་ཏེ་ན ལ་བྦྷ་ཏི.
༡༣. མཱ་ནུ་སྶི་ཀཱ ཙ ས་མྤ་ཏྟི, དེ་ཝ་ལོ་ཀེ ཙ ཡཱ ར་ཏི;
ཡཱ ཙ ནི་བྦཱ་ན་ས་མྤ་ཏྟི, ས་བྦ་མེ་ཏེ་ན ལ་བྦྷ་ཏི.
༡༤. མི་ཏྟ་ས་མྤ་ད་མཱ་ག་མྨ, ཡོ་ནི་སོ་ཝ [ཡོ་ནི་སོ ཝེ (སཱི.), ཡོ་ནི་སོ ཙེ (སྱཱ.), ཡོ་ནི་སོ ཙ (?)] པ་ཡུ་ཉྫ་ཏོ;
ཝི་ཛྫཱ ཝི་མུ་ཏྟི ཝ་སཱི་བྷཱ་ཝོ, ས་བྦ་མེ་ཏེ་ན ལ་བྦྷ་ཏི.
༡༥. པ་ཊི་ས་མྦྷི་དཱ ཝི་མོ་ཀྑཱ ཙ, ཡཱ ཙ སཱ་ཝ་ཀ་པཱ་ར་མཱི;
པ་ཙྩེ་ཀ་བོ་དྷི བུ་དྡྷ་བྷཱུ་མི, ས་བྦ་མེ་ཏེ་ན ལ་བྦྷ་ཏི.
༡༦. ཨེ་ཝཾ མ་ཧ་ཏྠི་ཀཱ ཨེ་སཱ, ཡ་དི་དཾ པུ་ཉྙ་ས་མྤ་དཱ;
ཏ་སྨཱ དྷཱི་རཱ པ་སཾ་ས་ནྟི, པ་ཎྜི་ཏཱ ཀ་ཏ་པུ་ཉྙ་ཏ་ནྟི.
ནི་དྷི་ཀ་ཎྜ་སུ་ཏྟཾ ནི་ཊྛི་ཏཾ.