༡. བྲཱ་ཧྨ་ཎ་དྷ་མྨ་ཡཱ་ག་སུ་ཏྟཾ

༡༠༠. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨ་ཧ་མ་སྨི, བྷི་ཀྑ་ཝེ, བྲཱ་ཧྨ་ཎོ ཡཱ་ཙ་ཡོ་གོ ས་དཱ པ་ཡ་ཏ་པཱ་ཎི [པ་ཡ་ཏ་པཱ་ཎཱི (སཱི. སྱཱ.)] ཨ་ནྟི་མ་དེ་ཧ་དྷ་རོ ཨ་ནུ་ཏྟ་རོ བྷི་ས་ཀྐོ ས་ལླ་ཀ་ཏྟོ. ཏ་སྶ མེ ཏུ་མྷེ པུ་ཏྟཱ ཨོ་ར་སཱ མུ་ཁ་ཏོ ཛཱ་ཏཱ དྷ་མྨ་ཛཱ དྷ་མྨ་ནི་མྨི་ཏཱ དྷ་མྨ་དཱ་ཡཱ་དཱ, ནོ ཨཱ་མི་ས་དཱ་ཡཱ་དཱ.

‘‘དྭེ་མཱ་ནི, བྷི་ཀྑ་ཝེ, དཱ་ནཱ་ནི – ཨཱ་མི་ས་དཱ་ན་ཉྩ དྷ་མྨ་དཱ་ན་ཉྩ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ དཱ་ནཱ་ནཾ ཡ་དི་དཾ – དྷ་མྨ་དཱ་ནཾ.

‘‘དྭེ་མེ, བྷི་ཀྑ་ཝེ, སཾ་ཝི་བྷཱ་གཱ – ཨཱ་མི་ས་སཾ་ཝི་བྷཱ་གོ ཙ དྷ་མྨ་སཾ་ཝི་བྷཱ་གོ ཙ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ སཾ་ཝི་བྷཱ་གཱ་ནཾ ཡ་དི་དཾ – དྷ་མྨ་སཾ་ཝི་བྷཱ་གོ.

‘‘དྭེ་མེ, བྷི་ཀྑ་ཝེ, ཨ་ནུ་གྒ་ཧཱ – ཨཱ་མི་སཱ་ནུ་གྒ་ཧོ ཙ དྷ་མྨཱ་ནུ་གྒ་ཧོ ཙ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ཨ་ནུ་གྒ་ཧཱ་ནཾ ཡ་དི་དཾ – དྷ་མྨཱ་ནུ་གྒ་ཧོ.

‘‘དྭེ་མེ, བྷི་ཀྑ་ཝེ, ཡཱ་གཱ – ཨཱ་མི་ས་ཡཱ་གོ ཙ དྷ་མྨ་ཡཱ་གོ ཙ. ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ ཡཱ་གཱ་ནཾ ཡ་དི་དཾ – དྷ་མྨ་ཡཱ་གོ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཡོ དྷ་མྨ་ཡཱ་གཾ ཨ་ཡ་ཛཱི ཨ་མ་ཙྪ་རཱི, ཏ་ཐཱ་ག་ཏོ ས་བྦ་བྷཱུ་ཏཱ་ནུ་ཀ་མྤཱི [ས་བྦ་ས་ཏྟཱ་ནུ་ཀ་མྤཱི (སྱཱ.) ཨ་ཊྛ་ཀ་ཐཱ་ཡ་མྤི];

ཏཾ ཏཱ་དི་སཾ དེ་ཝ་མ་ནུ་སྶ་སེ་ཊྛཾ, ས་ཏྟཱ ན་མ་སྶ་ནྟི བྷ་ཝ་སྶ པཱ་ར་གུ’’ནྟི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཋ་མཾ.