༧. སོ་ཙེ་ཡྻ་སུ་ཏྟཾ

༦༦. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏཱི་ཎི་མཱ་ནི, བྷི་ཀྑ་ཝེ, སོ་ཙེ་ཡྻཱ་ནི. ཀ་ཏ་མཱ་ནི ཏཱི་ཎི? ཀཱ་ཡ་སོ་ཙེ་ཡྻཾ, ཝ་ཙཱི་སོ་ཙེ་ཡྻཾ, མ་ནོ་སོ་ཙེ་ཡྻཾ – ཨི་མཱ་ནི ཁོ, བྷི་ཀྑ་ཝེ, ཏཱི་ཎི སོ་ཙེ་ཡྻཱ་ནཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཀཱ་ཡ་སུ་ཙིཾ ཝ་ཙཱི་སུ་ཙིཾ [ཝཱ་ཙཱ་སུ་ཙིཾ (ཀ.)], ཙེ་ཏོ་སུ་ཙི་མ་ནཱ་ས་ཝཾ;

སུ་ཙིཾ སོ་ཙེ་ཡྻ་ས་མྤ་ནྣཾ, ཨཱ་ཧུ ས་བྦ་པྤ་ཧཱ་ཡི་ན’’ནྟི [ཨཱ་ཧུ ནི་ནྷཱ་ཏ་པཱ་པ་ཀ་ནྟི (ཨ. ནི. ༣.༡༢༢) ཡུ་ཏྟ་ཏ་རཾ].

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ས་ཏྟ་མཾ.