༢. དེ་ས་ནཱ་སུ་ཏྟཾ

༣༩. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏ་ཐཱ་ག་ཏ་སྶ, བྷི་ཀྑ་ཝེ, ཨ་ར་ཧ་ཏོ ས་མྨཱ་ས་མྦུ་དྡྷ་སྶ དྭེ དྷ་མྨ་དེ་ས་ནཱ པ་རི་ཡཱ་ཡེ་ན བྷ་ཝ་ནྟི. ཀ་ཏ་མཱ དྭེ? ‘པཱ་པཾ པཱ་པ་ཀ་ཏོ པ་སྶ་ཐཱ’ཏི – ཨ་ཡཾ པ་ཋ་མཱ དྷ་མྨ་དེ་ས་ནཱ; ‘པཱ་པཾ པཱ་པ་ཀ་ཏོ དི་སྭཱ ཏ་ཏྠ ནི་བྦི་ནྡ་ཐ ཝི་ར་ཛྫ་ཐ ཝི་མུ་ཙྩ་ཐཱ’ཏི – ཨ་ཡཾ དུ་ཏི་ཡཱ དྷ་མྨ་དེ་ས་ནཱ. ཏ་ཐཱ་ག་ཏ་སྶ, བྷི་ཀྑ་ཝེ, ཨ་ར་ཧ་ཏོ ས་མྨཱ་ས་མྦུ་དྡྷ་སྶ ཨི་མཱ དྭེ དྷ་མྨ་དེ་ས་ནཱ པ་རི་ཡཱ་ཡེ་ན བྷ་ཝ་ནྟཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཏ་ཐཱ་ག་ཏ་སྶ བུ་དྡྷ་སྶ, ས་བྦ་བྷཱུ་ཏཱ་ནུ་ཀ་མྤི་ནོ;

པ་རི་ཡཱ་ཡ་ཝ་ཙ་ནཾ པ་སྶ, དྭེ ཙ དྷ་མྨཱ པ་ཀཱ་སི་ཏཱ.

‘‘པཱ་པ་ཀཾ པ་སྶ་ཐ ཙེ་ཏཾ [ཙེ་ཀཾ (སཱི. པཱི.), ཚེ་ཀཱ (སྱཱ.)], ཏ་ཏྠ ཙཱ་པི ཝི་ར་ཛྫ་ཐ;

ཏ་ཏོ ཝི་ར་ཏྟ་ཙི་ཏྟཱ་སེ, དུ་ཀྑ་སྶ་ནྟཾ ཀ་རི་སྶ་ཐཱ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. དུ་ཏི་ཡཾ.