༣. ཝི་ཛྫཱ་སུ་ཏྟཾ

༤༠. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨ་ཝི་ཛྫཱ, བྷི་ཀྑ་ཝེ, པུ་བྦ་ངྒ་མཱ ཨ་ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ ཨ་ནྭ་དེ་ཝ ཨ་ཧི་རི་ཀཾ ཨ་ནོ་ཏྟ་པྤཾ; ཝི་ཛྫཱ ཙ ཁོ, བྷི་ཀྑ་ཝེ, པུ་བྦ་ངྒ་མཱ ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ ཨ་ནྭ་དེ་ཝ ཧི་རོ་ཏྟ་པྤ’’ནྟི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཡཱ ཀཱ་ཙི་མཱ དུ་གྒ་ཏི་ཡོ, ཨ་སྨིཾ ལོ་ཀེ པ་ར་མྷི ཙ;

ཨ་ཝི་ཛྫཱ་མཱུ་ལི་ཀཱ ས་བྦཱ, ཨི་ཙྪཱ་ལོ་བྷ་ས་མུ་སྶ་ཡཱ.

‘‘ཡ་ཏོ ཙ ཧོ་ཏི པཱ་པི་ཙྪོ, ཨ་ཧི་རཱི་ཀོ ཨ་ནཱ་ད་རོ;

ཏ་ཏོ པཱ་པཾ པ་ས་ཝ་ཏི, ཨ་པཱ་ཡཾ ཏེ་ན ག་ཙྪ་ཏི.

‘‘ཏ་སྨཱ ཚ་ནྡ་ཉྩ ལོ་བྷ་ཉྩ, ཨ་ཝི་ཛྫ་ཉྩ ཝི་རཱ་ཛ་ཡཾ;

ཝི་ཛྫཾ ཨུ་པྤཱ་ད་ཡཾ བྷི་ཀྑུ, ས་བྦཱ དུ་གྒ་ཏི་ཡོ ཛ་ཧེ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཏ་ཏི་ཡཾ.