༩. དུ་ཏི་ཡ་ན་ཀུ་ཧ་ན་སུ་ཏྟཾ
༣༦. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –
‘‘ན་ཡི་དཾ, བྷི་ཀྑ་ཝེ, བྲ་ཧྨ་ཙ་རི་ཡཾ ཝུ་སྶ་ཏི ཛ་ན་ཀུ་ཧ་ན་ཏྠཾ, ན ཛ་ན་ལ་པ་ན་ཏྠཾ, ན ལཱ་བྷ་ས་ཀྐཱ་ར་སི་ལོ་ཀཱ་ནི་སཾ་ས་ཏྠཾ, ན ‘ཨི་ཏི མཾ ཛ་ནོ ཛཱ་ནཱ་ཏཱུ’ཏི. ཨ་ཐ ཁོ ཨི་དཾ, བྷི་ཀྑ་ཝེ, བྲ་ཧྨ་ཙ་རི་ཡཾ ཝུ་སྶ་ཏི ཨ་བྷི་ཉྙ་ཏྠ་ཉྩེ་ཝ པ་རི་ཉྙ་ཏྠ་ཉྩཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –
‘‘ཨ་བྷི་ཉྙ་ཏྠཾ པ་རི་ཉྙ་ཏྠཾ, བྲ་ཧྨ་ཙ་རི་ཡཾ ཨ་ནཱི་ཏི་ཧཾ;
ཨ་དེ་ས་ཡི སོ བྷ་ག་ཝཱ, ནི་བྦཱ་ནོ་ག་དྷ་གཱ་མི་ནཾ.
‘‘ཨེ་ས མ་གྒོ མ་ཧ་ཏྟེ་ཧི, ཨ་ནུ་ཡཱ་ཏོ མ་ཧེ་སི་བྷི;
ཡེ ཡེ ཏཾ པ་ཊི་པ་ཛྫ་ནྟི, ཡ་ཐཱ བུ་དྡྷེ་ན དེ་སི་ཏཾ;
དུ་ཀྑ་སྶ་ནྟཾ ཀ་རི་སྶ་ནྟི, ས་ཏྠུ་སཱ་ས་ན་ཀཱ་རི་ནོ’’ཏི.
ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ན་ཝ་མཾ.