༡༠. སོ་མ་ན་སྶ་སུ་ཏྟཾ

༣༧. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘དྭཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ སུ་ཁ་སོ་མ་ན་སྶ་བ་ཧུ་ལོ ཝི་ཧ་ར་ཏི, ཡོ་ནི ཙ་སྶ [ཡོ་ནི་སོ (སཱི. སྱཱ. པཱི.), ཡོ་ནི་སྶ (ཀ.)] ཨཱ་ར་དྡྷཱ ཧོ་ཏི ཨཱ་ས་ཝཱ་ནཾ ཁ་ཡཱ་ཡ. ཀ་ཏ་མེ་ཧི དྭཱི་ཧི? སཾ་ཝེ་ཛ་ནཱི་ཡེ་སུ ཋཱ་ནེ་སུ སཾ་ཝེ་ཛ་ནེ་ན, སཾ་ཝི་གྒ་སྶ ཙ ཡོ་ནི་སོ པ་དྷཱ་ནེ་ན. ཨི་མེ་ཧི ཁོ, བྷི་ཀྑ་ཝེ, དྭཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ དི་ཊྛེ་ཝ དྷ་མྨེ སུ་ཁ་སོ་མ་ན་སྶ་བ་ཧུ་ལོ ཝི་ཧ་ར་ཏི, ཡོ་ནི ཙ་སྶ ཨཱ་ར་དྡྷཱ ཧོ་ཏི ཨཱ་ས་ཝཱ་ནཾ ཁ་ཡཱ་ཡཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘སཾ་ཝེ་ཛ་ནཱི་ཡ་ཊྛཱ་ནེ་སུ [སཾ་ཝེ་ཛ་ནཱི་ཡེ་སུ ཋཱ་ནེ་སུ (སྱཱ. པཱི.)], སཾ་ཝི་ཛྫེ་ཐེ་ཝ པ་ཎྜི་ཏོ;

ཨཱ་ཏཱ་པཱི ནི་པ་ཀོ བྷི་ཀྑུ, པ་ཉྙཱ་ཡ ས་མ་ཝེ་ཀྑི་ཡ.

‘‘ཨེ་ཝཾ ཝི་ཧཱ་རཱི ཨཱ་ཏཱ་པཱི, ས་ནྟ་ཝུ་ཏྟི ཨ་ནུ་དྡྷ་ཏོ;

ཙེ་ཏོ་ས་མ་ཐ་མ་ནུ་ཡུ་ཏྟོ, ཁ་ཡཾ དུ་ཀྑ་སྶ པཱ་པུ་ཎེ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ད་ས་མཾ.

པ་ཋ་མོ ཝ་གྒོ ནི་ཊྛི་ཏོ.

ཏ་སྶུ་དྡཱ་ནཾ –

དྭེ ཙ བྷི་ཀྑཱུ ཏ་པ་ནཱི་ཡཱ, ཏ་པ་ནཱི་ཡཱ པ་ར་ཏྠེ་ཧི;

ཨཱ་ཏཱ་པཱི [དྭེ པཱ་དཱ (ཀ.), དྭེ ཨཱ་ཏཱ་པཱི (སཱི.)] ན་ཀུ་ཧ་ནཱ དྭེ [ན ཀུ་ཧ་ནཱ ཙ (ས་བྦ་ཏྠ)], སོ་མ་ན་སྶེ་ན ཏེ ད་སཱ་ཏི.