༤. ཨ་ཊྛི་པུ་ཉྫ་སུ་ཏྟཾ

༢༤. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨེ་ཀ་པུ་གྒ་ལ་སྶ, བྷི་ཀྑ་ཝེ, ཀ་པྤཾ ས་ནྡྷཱ་ཝ་ཏོ སཾ་ས་ར་ཏོ སི་ཡཱ ཨེ་ཝཾ མ་ཧཱ ཨ་ཊྛི་ཀ་ངྐ་ལོ ཨ་ཊྛི་པུ་ཉྫོ ཨ་ཊྛི་རཱ་སི ཡ་ཐཱ་ཡཾ ཝེ་པུ་ལློ པ་བྦ་ཏོः ས་ཙེ སཾ་ཧཱ་ར་ཀོ ཨ་སྶ, ས་མྦྷ་ཏ་ཉྩ ན ཝི་ན་སྶེ་ཡྻཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨེ་ཀ་སྶེ་ཀེ་ན ཀ་པྤེ་ན, པུ་གྒ་ལ་སྶ་ཊྛི་ས་ཉྩ་ཡོ;

སི་ཡཱ པ་བྦ་ཏ་ས་མོ རཱ་སི, ཨི་ཏི ཝུ་ཏྟཾ མ་ཧེ་སི་ནཱ.

‘‘སོ ཁོ པ་ནཱ་ཡཾ ཨ་ཀྑཱ་ཏོ, ཝེ་པུ་ལློ པ་བྦ་ཏོ མ་ཧཱ;

ཨུ་ཏྟ་རོ གི་ཛ྄ཛྷ་ཀཱུ་ཊ་སྶ, མ་ག་དྷཱ་ནཾ གི་རི་བྦ་ཛེ.

‘‘ཡ་ཏོ ཙ ཨ་རི་ཡ་ས་ཙྩཱ་ནི, ས་མྨ་པྤ་ཉྙཱ་ཡ པ་སྶ་ཏི;

དུ་ཀྑཾ དུ་ཀྑ་ས་མུ་པྤཱ་དཾ, དུ་ཀྑ་སྶ ཙ ཨ་ཏི་ཀྐ་མཾ;

ཨ་རི་ཡ་ཉྩ་ཊྛ་ངྒི་ཀཾ མ་གྒཾ, དུ་ཀྑཱུ་པ་ས་མ་གཱ་མི་ནཾ.

‘‘ས ས་ཏྟ་ཀྑ་ཏྟུཾ པ་ར་མཾ, ས་ནྡྷཱ་ཝི་ཏྭཱ་ན པུ་གྒ་ལོ;

དུ་ཀྑ་སྶ་ནྟ་ཀ་རོ ཧོ་ཏི, ས་བྦ་སཾ་ཡོ་ཛ་ན་ཀྑ་ཡཱ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཙ་ཏུ་ཏྠཾ.