༥. མུ་སཱ་ཝཱ་ད་སུ་ཏྟཾ

༢༥. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨེ་ཀ་དྷ་མྨཾ ཨ་ཏཱི་ཏ་སྶ, བྷི་ཀྑ་ཝེ, པུ་རི་ས་པུ་གྒ་ལ་སྶ ནཱ་ཧཾ ཏ་སྶ ཀི་ཉྩི པཱ་པ་ཀ་མྨཾ ཨ་ཀ་ར་ཎཱི་ཡ་ནྟི ཝ་དཱ་མི. ཀ་ཏ་མཾ ཨེ་ཀ་དྷ་མྨཾ? ཡ་དི་དཾ [ཡ་ཐ་ཡི་དཾ (སཱི. སྱཱ. ཀ.), ཡ་ཐཱ་ཡི་དཾ (པཱི.)] བྷི་ཀྑ་ཝེ, ས་མྤ་ཛཱ་ན་མུ་སཱ་ཝཱ་དོ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨེ་ཀ་དྷ་མྨཾ ཨ་ཏཱི་ཏ་སྶ, མུ་སཱ་ཝཱ་དི་སྶ ཛ་ནྟུ་ནོ;

ཝི་ཏི་ཎྞ་པ་ར་ལོ་ཀ་སྶ, ན་ཏྠི པཱ་པཾ ཨ་ཀཱ་རི་ཡ’’ནྟི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཉྩ་མཾ.