༣. ཨུ་བྷ་ཡ་ཏྠ་སུ་ཏྟཾ

༢༣. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨེ་ཀ་དྷ་མྨོ, བྷི་ཀྑ་ཝེ, བྷཱ་ཝི་ཏོ བ་ཧུ་ལཱི་ཀ་ཏོ ཨུ་བྷོ ཨ་ཏྠེ ས་མ་དྷི་ག་ཡ྄ཧ ཏི་ཊྛ་ཏི – དི་ཊྛ་དྷ་མྨི་ཀ་ཉྩེ་ཝ ཨ་ཏྠཾ ས་མྤ་རཱ་ཡི་ཀ་ཉྩ. ཀ་ཏ་མོ ཨེ་ཀ་དྷ་མྨོ? ཨ་པྤ་མཱ་དོ ཀུ་ས་ལེ་སུ དྷ་མྨེ་སུ. ཨ་ཡཾ ཁོ, བྷི་ཀྑ་ཝེ, ཨེ་ཀ་དྷ་མྨོ བྷཱ་ཝི་ཏོ བ་ཧུ་ལཱི་ཀ་ཏོ ཨུ་བྷོ ཨ་ཏྠེ ས་མ་དྷི་ག་ཡ྄ཧ ཏི་ཊྛ་ཏི – དི་ཊྛ་དྷ་མྨི་ཀ་ཉྩེ་ཝ ཨ་ཏྠཾ ས་མྤ་རཱ་ཡི་ཀ་ཉྩཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨ་པྤ་མཱ་དཾ པ་སཾ་ས་ནྟི, པུ་ཉྙ་ཀི་རི་ཡཱ་སུ པ་ཎྜི་ཏཱ;

ཨ་པྤ་མ་ཏྟོ ཨུ་བྷོ ཨ་ཏྠེ, ཨ་དྷི་ག་ཎྷཱ་ཏི པ་ཎྜི་ཏོ.

‘‘དི་ཊྛེ དྷ་མྨེ ཙ ཡོ ཨ་ཏྠོ, ཡོ ཙ་ཏྠོ ས་མྤ་རཱ་ཡི་ཀོ;

ཨ་ཏྠཱ་བྷི་ས་མ་ཡཱ དྷཱི་རོ, པ་ཎྜི་ཏོ་ཏི པ་ཝུ་ཙྩ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཏ་ཏི་ཡཾ.