༣.མ་ཀྑ་པ་རི་ཉྙཱ་སུ་ཏྟཾ

༡༣. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘མ་ཀྑཾ, བྷི་ཀྑ་ཝེ, ཨ་ན་བྷི་ཛཱ་ནཾ ཨ་པ་རི་ཛཱ་ནཾ ཏ་ཏྠ ཙི་ཏྟཾ ཨ་ཝི་རཱ་ཛ་ཡཾ ཨ་པྤ་ཛ་ཧཾ ཨ་བྷ་བྦོ དུ་ཀྑ་ཀྑ་ཡཱ་ཡ. མ་ཀྑ་ཉྩ ཁོ, བྷི་ཀྑ་ཝེ, ཨ་བྷི་ཛཱ་ནཾ པ་རི་ཛཱ་ནཾ ཏ་ཏྠ ཙི་ཏྟཾ ཝི་རཱ་ཛ་ཡཾ པ་ཛ་ཧཾ བྷ་བྦོ དུ་ཀྑ་ཀྑ་ཡཱ་ཡཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཡེ་ན མ་ཀྑེ་ན མ་ཀྑཱ་སེ, ས་ཏྟཱ ག་ཙྪ་ནྟི དུ་གྒ་ཏིཾ;

ཏཾ མ་ཀྑཾ ས་མྨ་ད་ཉྙཱ་ཡ, པ་ཛ་ཧ་ནྟི ཝི་པ་སྶི་ནོ;

པ་ཧཱ་ཡ ན པུ་ནཱ་ཡ་ནྟི, ཨི་མཾ ལོ་ཀཾ ཀུ་དཱ་ཙ་ན’’ནྟི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཏ་ཏི་ཡཾ.