༤. ཨ་ཝི་ཛྫཱ་ནཱི་ཝ་ར་ཎ་སུ་ཏྟཾ

༡༤. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ནཱ་ཧཾ, བྷི་ཀྑ་ཝེ, ཨ་ཉྙཾ ཨེ་ཀ་ནཱི་ཝ་ར་ཎ་མྤི ས་མ་ནུ་པ་སྶཱ་མི ཡེ་ན [ཡེ་ནེ་ཝཾ (?)] ནཱི་ཝ་ར་ཎེ་ན ནི་ཝུ་ཏཱ པ་ཛཱ དཱི་གྷ་ར་ཏྟཾ ས་ནྡྷཱ་ཝ་ནྟི སཾ་ས་ར་ནྟི ཡ་ཐ་ཡི་དཾ, བྷི་ཀྑ་ཝེ, ཨ་ཝི་ཛྫཱ་ནཱི་ཝ་ར་ཎཾ [ཨ་ཝི་ཛྫཱ་ནཱི་ཝ་ར་ཎེ་ན (?)]. ཨ་ཝི་ཛྫཱ་ནཱི་ཝ་ར་ཎེ་ན ཧི, བྷི་ཀྑ་ཝེ, ནི་ཝུ་ཏཱ པ་ཛཱ དཱི་གྷ་ར་ཏྟཾ ས་ནྡྷཱ་ཝ་ནྟི སཾ་ས་ར་ནྟཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ན་ཏྠ་ཉྙོ ཨེ་ཀ་དྷ་མྨོ་པི, ཡེ་ནེ་ཝཾ [ཡེ་ནེ་ཝ (སཱི. པཱི. ཀ.)] ནི་ཝུ་ཏཱ པ་ཛཱ;

སཾ་ས་ར་ནྟི ཨ་ཧོ་ར་ཏྟཾ, ཡ་ཐཱ མོ་ཧེ་ན ཨཱ་ཝུ་ཏཱ.

‘‘ཡེ ཙ མོ་ཧཾ པ་ཧ་ནྟྭཱ་ན, ཏ་མོ་ཁ་ནྡྷཾ [ཏ་མོ་ཀྑ་ནྡྷཾ (སཱི. སྱཱ. པཱི.)] པ་དཱ་ལ་ཡུཾ;

ན ཏེ པུ་ན སཾ་ས་ར་ནྟི, ཧེ་ཏུ ཏེ་སཾ ན ཝི་ཛྫ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཙ་ཏུ་ཏྠཾ.