༧. ས་བྦ་པ་རི་ཉྙཱ་སུ་ཏྟཾ

༧. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ས་བྦཾ, བྷི་ཀྑ་ཝེ, ཨ་ན་བྷི་ཛཱ་ནཾ ཨ་པ་རི་ཛཱ་ནཾ ཏ་ཏྠ ཙི་ཏྟཾ ཨ་ཝི་རཱ་ཛ་ཡཾ ཨ་པྤ་ཛ་ཧཾ ཨ་བྷ་བྦོ དུ་ཀྑ་ཀྑ་ཡཱ་ཡ. ས་བྦ་ཉྩ ཁོ, བྷི་ཀྑ་ཝེ, ཨ་བྷི་ཛཱ་ནཾ པ་རི་ཛཱ་ནཾ ཏ་ཏྠ ཙི་ཏྟཾ ཝི་རཱ་ཛ་ཡཾ པ་ཛ་ཧཾ བྷ་བྦོ དུ་ཀྑ་ཀྑ་ཡཱ་ཡཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཡོ ས་བྦཾ ས་བྦ་ཏོ ཉ་ཏྭཱ, ས་བྦ་ཏྠེ་སུ ན ར་ཛྫ་ཏི;

ས ཝེ ས་བྦ་པ་རི་ཉྙཱ [ས་བྦཾ པ་རི་ཉྙཱ (སྱཱ. པཱི.)] སོ, ས་བྦ་དུ་ཀྑ་མུ་པ་ཙྩ་གཱ’’ཏི [ས་བྦཾ དུ་ཀྑཾ ཨུ་པ་ཙྩ་གཱ་ཏི (སྱཱ.), ས་བྦ་དུ་ཀྑཾ ཨུ་པ་ཙྩ་གཱ་ཏི (པཱི. ཨ་ཊྛ.)].

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ས་ཏྟ་མཾ.