༨. མཱ་ན་པ་རི་ཉྙཱ་སུ་ཏྟཾ

༨. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘མཱ་ནཾ, བྷི་ཀྑ་ཝེ, ཨ་ན་བྷི་ཛཱ་ནཾ ཨ་པ་རི་ཛཱ་ནཾ ཏ་ཏྠ ཙི་ཏྟཾ ཨ་ཝི་རཱ་ཛ་ཡཾ ཨ་པྤ་ཛ་ཧཾ ཨ་བྷ་བྦོ དུ་ཀྑ་ཀྑ་ཡཱ་ཡ. མཱ་ན་ཉྩ ཁོ, བྷི་ཀྑ་ཝེ, ཨ་བྷི་ཛཱ་ནཾ པ་རི་ཛཱ་ནཾ ཏ་ཏྠ ཙི་ཏྟཾ ཝི་རཱ་ཛ་ཡཾ པ་ཛ་ཧཾ བྷ་བྦོ དུ་ཀྑ་ཀྑ་ཡཱ་ཡཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘མཱ་ནུ་པེ་ཏཱ ཨ་ཡཾ པ་ཛཱ, མཱ་ན་ག་ནྠཱ བྷ་ཝེ ར་ཏཱ;

མཱ་ནཾ ཨ་པ་རི་ཛཱ་ན་ནྟཱ, ཨཱ་ག་ནྟཱ་རོ པུ་ན་བྦྷ་ཝཾ.

‘‘ཡེ ཙ མཱ་ནཾ པ་ཧ་ནྟྭཱ་ན, ཝི་མུ་ཏྟཱ མཱ་ན་ས་ངྑ་ཡེ;

ཏེ མཱ་ན་ག་ནྠཱ་བྷི་བྷུ་ནོ, ས་བྦ་དུ་ཀྑ་མུ་པ་ཙྩ་གུ’’ནྟི [ས་བྦ་དུ་ཀྑཾ ཨུ་པ་ཙྩ་གུ་ནྟི (པཱི.), ས་བྦཾ དུ་ཀྑཾ ཨུ་པ་ཙྩ་གུ་ནྟི (ཨ་ཊྛ་ཀ་ཐཱ)].

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཨ་ཊྛ་མཾ.