༩. བོ་དྷི་སི་ཉྩ་ཀ་ཏྠེ་ར་ཨ་པ་དཱ་ནཾ
༤༦. ‘‘ཝི་པ་སྶི་སྶ བྷ་ག་ཝ་ཏོ, མ་ཧཱ་བོ་དྷི་མ་ཧོ ཨ་ཧུ;
པ་བྦ་ཛྫུ་པ་ག་ཏོ ས་ནྟོ, ཨུ་པ་ག་ཙྪིཾ ཨ་ཧཾ ཏ་དཱ.
༤༧. ‘‘ཀུ་སུ་མོ་ད་ཀ་མཱ་དཱ་ཡ, བོ་དྷི་ཡཱ ཨོ་ཀི་རིཾ ཨ་ཧཾ;
མོ་ཙ་ཡི་སྶ་ཏི ནོ མུ་ཏྟོ, ནི་བྦཱ་པེ་སྶ་ཏི ནི་བྦུ་ཏོ.
༤༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ བོ་དྷི་མ་བྷི་སི་ཉྩ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བོ་དྷི་སི་ཉྩཱ་ཡི་དཾ ཕ་ལཾ.
༤༩. ‘‘ཏེ་ཏྟིཾ་སེ ཝ་ཏྟ་མཱ་ན་མྷི, ཀ་པྤེ ཨཱ་སུཾ ཛ་ནཱ་དྷི་པཱ;
ཨུ་ད་ཀ་སེ་ཙ་ནཱ ནཱ་མ, ཨ་ཊྛེ་ཏེ ཙ་ཀྐ་ཝ་ཏྟི་ནོ.
༥༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བོ་དྷི་སི་ཉྩ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བོ་དྷི་སི་ཉྩ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.