༥. རཾ་སི་ས་ཉྙ་ཀ་ཏྠེ་ར་ཨ་པ་དཱ་ནཾ
༣༠. ‘‘པ་བྦ་ཏེ ཧི་མ་ཝ་ནྟ་མྷི, ཝཱ་སཾ ཀ་པྤེ་ས་ཧཾ པུ་རེ;
ཨ་ཛི་ནུ་ཏྟ་ར་ཝཱ་སོ་ཧཾ, ཝ་སཱ་མི པ་བྦ་ཏ་ནྟ་རེ.
༣༡. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ས་ཏ་རཾ་སིཾ་ཝ བྷཱ་ཎུ་མཾ;
ཝ་ན་ནྟ་ར་ག་ཏཾ དི་སྭཱ, སཱ་ལ་རཱ་ཛཾ་ཝ པུ་པྥི་ཏཾ.
༣༢. ‘‘རཾ་སྱཱ [རཾ་སེ (སྱཱ. ཀ.)] ཙི་ཏྟཾ པ་སཱ་དེ་ཏྭཱ, ཝི་པ་སྶི་སྶ མ་ཧེ་སི་ནོ;
པ་གྒ་ཡ྄ཧ ཨ་ཉྫ་ལིཾ ཝ་ནྡིཾ, སི་ར་སཱ ཨུ་ཀྐུ་ཊཱི [སི་ར་སཱ ཨུ་ཀྐུ་ཊི་ཀོ (སྱཱ.), སི་ར་སུ་ཀྐུ་ཊི་ཀོ (ཀ.)] ཨ་ཧཾ.
༣༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, རཾ་སི་ས་ཉྙཱ་ཡི་དཾ ཕ་ལཾ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ རཾ་སི་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
རཾ་སི་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.