༣. ནི་པ་ནྣ་ཉྫ་ལི་ཀ་ཏྠེ་ར་ཨ་པ་དཱ་ནཾ
༡༦. ‘‘རུ་ཀྑ་མཱུ་ལེ ནི་སི་ནྣོ་ཧཾ, བྱཱ་དྷི་ཏོ པ་ར་མེ་ན ཙ;
པ་ར་མ་ཀཱ་རུ་ཉྙ་པ་ཏྟོ་མྷི, ཨ་ར་ཉྙེ ཀཱ་ན་ནེ ཨ་ཧཾ.
༡༧. ‘‘ཨ་ནུ་ཀ་མྤཾ ཨུ་པཱ་དཱ་ཡ, ཏི་སྶོ ས་ཏྠཱ ཨུ་པེ་སི མཾ;
སོ་ཧཾ ནི་པ་ནྣ་ཀོ ས་ནྟོ, སི་རེ ཀ་ཏྭཱ་ན ཨ་ཉྫ་ལིཾ.
༡༨. ‘‘པ་ས་ནྣ་ཙི་ཏྟོ སུ་མ་ནོ, ས་བྦ་ས་ཏྟཱ་ན་མུ་ཏྟ་མཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཏ་ཏྠ ཀཱ་ལ་ངྐ་ཏོ ཨ་ཧཾ.
༡༩. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཝ་ནྡིཾ པུ་རི་སུ་ཏྟ་མཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝ་ནྡ་ནཱ་ཡ ཨི་དཾ ཕ་ལཾ.
༢༠. ‘‘ཨི་ཏོ པ་ཉྩ་མ་ཀེ ཀ་པྤེ, པ་ཉྩེ་ཝཱ་སུཾ མ་ཧཱ་སི་ཁཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནི་པ་ནྣ་ཉྫ་ལི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནི་པ་ནྣ་ཉྫ་ལི་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.