༡. ཏི་མི་ར་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ནུ་སོ་ཏཾ ཝ་ཛཱ་མ་ཧཾ;
ནི་སི་ནྣཾ ས་མ་ཎཾ དི་སྭཱ, ཝི་པྤ་ས་ནྣ་མ་ནཱ་ཝི་ལཾ.
༢. ‘‘ཏ་ཏྠ ཙི་ཏྟཾ པ་སཱ་དེ་ཏྭཱ [པ་སཱ་དེ་སིཾ (སྱཱ.)], ཨེ་ཝཾ ཙི་ནྟེ་ས་ཧཾ ཏ་དཱ;
ཏཱ་ར་ཡི་སྶ་ཏི ཏི་ཎྞོ་ཡཾ, ད་ནྟོ་ཡཾ ད་མ་ཡི་སྶ་ཏི.
༣. ‘‘ཨ་སྶཱ་སི་སྶ་ཏི ཨ་སྶ་ཏྠོ, ས་ནྟོ ཙ ས་མ་ཡི་སྶ་ཏི;
མོ་ཙ་ཡི་སྶ་ཏི མུ་ཏྟོ ཙ, ནི་བྦཱ་པེ་སྶ་ཏི ནི་བྦུ་ཏོ.
༤. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, སི་དྡྷ་ཏྠ་སྶ མ་ཧེ་སི་ནོ;
ག་ཧེ་ཏྭཱ ཏི་མི་ར་པུ་པྥཾ, མ་ཏྠ་ཀེ ཨོ་ཀི་རིཾ ཨ་ཧཾ [ཏ་དཱ (སྱཱ.)].
༥. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཀ་ཏྭཱ ཙ ནཾ པ་ད་ཀྑི་ཎཾ;
ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ ཨ་པ་རཾ དི་སཾ.
༦. ‘‘ཨ་ཙི་རཾ ག་ཏ་མ་ཏྟཾ མཾ, མི་ག་རཱ་ཛཱ ཝི་ཧེ་ཋ་ཡི;
པ་པཱ་ཏ་མ་ནུ་ག་ཙྪ་ནྟོ, ཏ་ཏྠེ་ཝ པ་པ་ཏིཾ ཨ་ཧཾ.
༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ [བུ་དྡྷ་པཱུ་ཛཱ་ཡི་དཾ (སཱི. སྱཱ.)] ཕ་ལཾ.
༨. ‘‘ཚ་པྤ་ཉྙཱ་ས་མྷི ཀ་པྤ་མྷི, ས་ཏྟེ་ཝཱ་སུཾ མ་ཧཱ་ཡ་སཱ [མ་ཧཱ་ར་ཧཱ (སྱཱ. ཀ.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༩. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་མི་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་མི་ར་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.