༩. སུ་མ་ན་ཏྠེ་ར་ཨ་པ་དཱ་ནཾ
༦༢. ‘‘སུ་མ་ནོ ནཱ་མ ནཱ་མེ་ན, མཱ་ལཱ་ཀཱ་རོ ཨ་ཧཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ལོ་ཀཱ་ཧུ་ཏི་པ་ཊི་གྒ་ཧཾ.
༦༣. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, སུ་མ་ནཾ པུ་པྥ་མུ་ཏྟ་མཾ;
བུ་དྡྷ་སྶ ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.
༦༤. ‘‘ཨི་མཱ་ཡ པུ་པྥ་པཱུ་ཛཱ་ཡ, ཙེ་ཏ་ནཱ་པ་ཎི་དྷཱི་ཧི ཙ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༦༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ [པུ་པྥ་པཱུ་ཛཱ་ཡི་དཾ (སཱི.)] ཕ་ལཾ.
༦༦. ‘‘ཚ་བྦཱི་ས་ཏི་མྷི ཀ་པྤ་མྷི, ཙ་ཏྟཱ་རོ་སུཾ མ་ཧཱ་ཡ་སཱ;
ས་ཏྟ་ར་ཏ་ན་ས་མྤ་ནྣཱ, རཱ་ཛཱ་ནོ ཙ་ཀྐ་ཝ་ཏྟི་ནོ.
༦༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་མ་ནོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་མ་ན་ཏྠེ་ར་སྶཱ་པ་དཱ་ནཾ ན་ཝ་མཾ.