༣. པ་ཙྩཱ་ག་མ་ནི་ཡ་ཏྠེ་ར་ཨ་པ་དཱ་ནཾ
༡༣. ‘‘སི་ནྡྷུ་ཡཱ ན་དི་ཡཱ ཏཱི་རེ, ཙ་ཀྐ་ཝཱ་ཀོ ཨ་ཧཾ ཏ་དཱ;
སུ་དྡྷ་སེ་ཝཱ་ལ་བྷ་ཀྑོ་ཧཾ, པཱ་པེ་སུ ཙ སུ་ས་ཉྙ་ཏོ.
༡༤. ‘‘ཨ་དྡ་སཾ ཝི་ར་ཛཾ བུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ;
ཏུ་ཎྜེ་ན སཱ་ལཾ པ་གྒ་ཡ྄ཧ, ཝི་པ་སྶི་སྶཱ་བྷི་རོ་པ་ཡིཾ.
༡༥. ‘‘ཡ་སྶ ས་དྡྷཱ ཏ་ཐཱ་ག་ཏེ, ཨ་ཙ་ལཱ སུ་པ་ཏི་ཊྛི་ཏཱ;
ཏེ་ན ཙི་ཏྟ་པྤ་སཱ་དེ་ན, དུ་གྒ་ཏིཾ སོ ན ག་ཙྪ་ཏི.
༡༦. ‘‘སྭཱ་ག་ཏཾ ཝ་ཏ མེ ཨཱ་སི, བུ་དྡྷ་སེ་ཊྛ་སྶ ས་ནྟི་ཀེ;
ཝི་ཧ་ངྒ་མེ་ན ས་ནྟེ་ན, སུ་བཱི་ཛཾ རོ་པི་ཏཾ མ་ཡཱ.
༡༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ [པུ་པྥ་པཱུ་ཛཱ་ཡི་དཾ (སཱི.)] ཕ་ལཾ.
༡༨. ‘‘སུ་ཙཱ་རུ་ད་སྶ་ནཱ ནཱ་མ, ཨ་ཊྛེ་ཏེ ཨེ་ཀ་ནཱ་མ་ཀཱ;
ཀ་པྤེ ས་ཏྟ་ར་སེ ཨཱ་སུཾ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཙྩཱ་ག་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཙྩཱ་ག་མ་ནི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.