༤. ག་ནྡྷོ་ད་ཀི་ཡ་ཏྠེ་ར་ཨ་པ་དཱ་ནཾ
༢༥. ‘‘པ་དུ་མུ་ཏྟ་ར་བུ་དྡྷ་སྶ, མ་ཧཱ་བོ་དྷི་མ་ཧོ ཨ་ཧུ;
ཝི་ཙི་ཏྟཾ གྷ་ཊ་མཱ་དཱ་ཡ, ག་ནྡྷོ་ད་ཀ་མ་དཱ་ས་ཧཾ.
༢༦. ‘‘ནྷཱ་ན་ཀཱ་ལེ ཙ བོ་དྷི་ཡཱ, མ་ཧཱ་མེ་གྷོ པ་ཝ་སྶ་ཐ;
ནི་ནྣཱ་དོ ཙ མ་ཧཱ ཨཱ་སི, ཨ་ས་ནི་ཡཱ ཕ་ལ་ནྟི་ཡཱ.
༢༧. ‘‘ཏེ་ནེ་ཝཱ་ས་ནི་ཝེ་གེ་ན, ཏ་ཏྠ ཀཱ་ལ་ངྐ་ཏོ [ཀཱ་ལ་ཀ་ཏོ (སཱི. སྱཱ.)] ཨ་ཧཾ [ཨ་ཧུཾ (སཱི.)];
དེ་ཝ་ལོ་ཀེ ཋི་ཏོ ས་ནྟོ, ཨི་མཱ གཱ་ཐཱ ཨ་བྷཱ་ས་ཧཾ.
༢༨. ‘‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ་ས་མྤ་དཱ;
ཀ་ལེ༹་ཝ་རཾ [ཀ་ལེ་བ་རཾ (སཱི.)] མེ པ་ཏི་ཏཾ, དེ་ཝ་ལོ་ཀེ ར་མཱ་མ་ཧཾ.
༢༩. ‘‘‘ཨུ་བྦི་དྡྷཾ བྷ་ཝ་ནཾ མ་ཡ྄ཧཾ, ས་ཏ་བྷཱུ་མཾ ས་མུ་གྒ་ཏཾ;
ཀ་ཉྙཱ་ས་ཏ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ.
༣༠. ‘‘‘ཨཱ་བཱ་དྷཱ མེ ན ཝི་ཛྫ་ནྟི, སོ་ཀོ མ་ཡ྄ཧཾ ན ཝི་ཛྫ་ཏི;
པ་རི་ལཱ༹་ཧཾ ན པ་སྶཱ་མི, པུ་ཉྙ་ཀ་མྨ་སྶི་དཾ ཕ་ལཾ.
༣༡. ‘‘‘ཨ་ཊྛ་ཝཱི་སེ ཀ་པྤ་ས་ཏེ, རཱ་ཛཱ སཾ་ཝ་སི་ཏོ ཨ་ཧུཾ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ’.
༣༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ནྡྷོ་ད་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ནྡྷོ་ད་ཀི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.