༦. ཨུ་ཏྟ་ར་ཏྠེ་ར་ཨ་པ་དཱ་ནཾ

༥༥. ‘‘སུ་མེ་དྷོ ནཱ་མ ས་མྦུ་དྡྷོ, བཱ་ཏྟིཾ་ས་ཝ་ར་ལ་ཀྑ་ཎོ;

ཝི་ཝེ་ཀ་ཀཱ་མོ བྷ་ག་ཝཱ, ཧི་མ་ཝ་ནྟ་མུ་པཱ་ག་མི.

༥༦. ‘‘ཨ་ཛ྄ཛྷོ་གཱ་ཧེ་ཏྭཱ ཧི་མ་ཝ་ནྟཾ, ཨ་གྒོ ཀཱ་རུ་ཎི་ཀོ མུ་ནི;

པ་ལླ་ངྐཾ ཨཱ་བྷུ་ཛི་ཏྭཱ་ན, ནི་སཱི་དི པུ་རི་སུ་ཏྟ་མོ.

༥༧. ‘‘ཝི་ཛྫ་དྷ་རོ ཏ་དཱ ཨཱ་སིཾ, ཨ་ནྟ་ལི་ཀྑ་ཙ་རོ ཨ་ཧཾ;

ཏི་སཱུ་ལཾ སུ་ག་ཏཾ ག་ཡ྄ཧ, ག་ཙྪཱ་མི ཨ་མྦ་རེ ཏ་དཱ.

༥༨. ‘‘པ་བྦ་ཏ་གྒེ ཡ་ཐཱ ཨ་གྒི, པུ་ཎྞ་མཱ་ཡེ་ཝ ཙ་ནྡི་མཱ;

ཝ་ནཾ ཨོ་བྷཱ་ས་ཏེ བུ་དྡྷོ, སཱ་ལ་རཱ་ཛཱ་ཝ ཕུ་ལླི་ཏོ.

༥༩. ‘‘ཝ་ན་གྒཱ ནི་ཀྑ་མི་ཏྭཱ་ན, བུ་དྡྷ་རཾ་སཱི་བྷི་དྷཱ་ཝ་རེ [བུ་དྡྷ་རཾ་སཱི ཝི་དྷཱ་ཝ་རེ (སཱི. ཀ.)];

ན་ལ༹་གྒི་ཝ་ཎྞ་ས་ངྐཱ་སཱ [ན་ལ༹་གྒི་ཝ ན་ས་ངྐཱ་སཾ (སཱི.)], དི་སྭཱ ཙི་ཏྟཾ པ་སཱ་ད་ཡིཾ.

༦༠. ‘‘ཝི་ཙི་ནཾ ཨ་དྡ་སཾ པུ་པྥཾ, ཀ་ཎི་ཀཱ་རཾ དེ་ཝ་ག་ནྡྷི་ཀཾ;

ཏཱི་ཎི པུ་པྥཱ་ནི ཨཱ་དཱ་ཡ, བུ་དྡྷ་སེ་ཊྛ་མ་པཱུ་ཛ་ཡིཾ.

༦༡. ‘‘བུ་དྡྷ་སྶ ཨཱ་ནུ་བྷཱ་ཝེ་ན, ཏཱི་ཎི པུ་པྥཱ་ནི མེ ཏ་དཱ;

ཨུ་དྡྷཾ ཝ་ཎྚཱ ཨ་དྷོ་པ་ཏྟཱ, ཚཱ་ཡཾ ཀུ་བྦ་ནྟི ས་ཏྠུ་ནོ.

༦༢. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;

ཛ་ཧི་ཏྭཱ མཱ་ནུ་སཾ དེ་ཧཾ ཏཱ་ཝ་ཏིཾ་ས་མ་ག་ཙྪ་ཧཾ.

༦༣. ‘‘ཏ་ཏྠ མེ སུ་ཀ་ཏཾ བྱ་མྷཾ, ཀ་ཎི་ཀཱ་རཱི་ཏི [ཀ་ཎི་ཀཱ་རོ་ཏི (སཱི.)] ཉཱ་ཡ་ཏི;

ས་ཊྛི་ཡོ་ཛ་ན་མུ་བྦེ་དྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.

༦༤. ‘‘ས་ཧ་སྶ་ཀ་ཎྜཾ ས་ཏ་བྷེ་ཎྜུ, དྷ་ཛཱ་ལུ ཧ་རི་ཏཱ་མ་ཡཾ;

ས་ཏ་ས་ཧ་སྶ་ནི་ཡྻཱུ་ཧཱ [ས་ཏ་ས་ཧ་སྶཱ་ནི བྱཱུ་ཧཱ་ནི (སཱི.)], བྱ་མྷེ པཱ་ཏུ་བྷ་ཝིཾ་སུ [པཱ་ཏུ་ར་ཧཾ་སུ (སཱི.), པཱ་ཏུ་ར་ཧིཾ་སུ (ཀ.)] མེ.

༦༥. ‘‘སོ་ཎྞ་མ་ཡཱ མ་ཎི་མ་ཡཱ, ལོ་ཧི་ཏ་ངྐ་མ་ཡཱ་པི ཙ;

ཕ་ལི་ཀཱ་པི ཙ པ་ལླ་ངྐཱ, ཡེ་ནི་ཙྪ་ཀཱ ཡ་དི་ཙྪ་ཀཱ.

༦༦. ‘‘མ་ཧཱ་ར་ཧ་ཉྩ ས་ཡ་ནཾ, ཏཱུ་ལི་ཀཱ ཝི་ཀ་ཏཱི་ཡུ་ཏཾ;

ཨུ་དྡྷ་ལོ་མི་ཉྩ ཨེ་ཀ་ནྟཾ, བི་མྦོ་ཧ་ན་ས་མཱ་ཡུ་ཏཾ.

༦༧. ‘‘བྷ་ཝ་ནཱ ནི་ཀྑ་མི་ཏྭཱ་ན, ཙ་ར་ནྟོ དེ་ཝ་ཙཱ་རི་ཀཾ;

ཡ་ཐཱ ཨི་ཙྪཱ་མི [ཡ་ཐཱ ག་ཙྪཱ་མི (སཱི.)] ག་མ་ནཾ, དེ་ཝ་ས་ངྒྷ་པུ་ར་ཀྑ་ཏོ.

༦༨. ‘‘པུ་པྥ་སྶ ཧེ་ཊྛཱ ཏི་ཊྛཱ་མི, ཨུ་པ་རི་ཙྪ་ད་ནཾ མ་མ;

ས་མ་ནྟཱ ཡོ་ཛ་ན་ས་ཏཾ, ཀ་ཎི་ཀཱ་རེ་ཧི ཚཱ་དི་ཏཾ.

༦༩. ‘‘ས་ཊྛི་ཏུ་རི་ཡ་ས་ཧ་སྶཱ་ནི, སཱ་ཡ་པཱ་ཏཾ ཨུ་པ་ཊྛ་ཧུཾ;

པ་རི་ཝཱ་རེ་ནྟི མཾ ནི་ཙྩཾ, ར་ཏྟི་ནྡི་ཝ་མ་ཏ་ནྡི་ཏཱ.

༧༠. ‘‘ཏ་ཏྠ ན་ཙྩེ་ཧི གཱི་ཏེ་ཧི, ཏཱ་ལེ་ཧི ཝཱ་དི་ཏེ་ཧི ཙ;

ར་མཱ་མི ཁི་ཌྜཱ ར་ཏི་ཡཱ, མོ་དཱ་མི ཀཱ་མ་ཀཱ་མ་ཧཾ.

༧༡. ‘‘ཏ་ཏྠ བྷུ་ཏྭཱ པི་ཝི་ཏྭཱ ཙ, མོ་དཱ་མི ཏི་ད་སེ ཏ་དཱ;

ནཱ་རཱི་ག་ཎེ་ཧི ས་ཧི་ཏོ, མོ་དཱ་མི བྱ་མྷ་མུ་ཏྟ་མེ.

༧༢. ‘‘ས་ཏཱ་ནཾ པ་ཉྩ་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ;

ས་ཏཱ་ནཾ ཏཱི་ཎི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;

པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.

༧༣. ‘‘བྷ་ཝེ བྷ་ཝེ སཾ་ས་ར་ནྟོ, མ་ཧཱ་བྷོ་གཾ ལ་བྷཱ་མ་ཧཾ;

བྷོ་གེ མེ ཨཱུ་ན་ཏཱ ན་ཏྠི, བུ་དྡྷ་པཱུ་ཛཱ་ཡི་དཾ ཕ་ལཾ.

༧༤. ‘‘དུ་ཝེ བྷ་ཝེ སཾ་ས་རཱ་མི, དེ་ཝ་ཏྟེ ཨ་ཐ མཱ་ནུ་སེ;

ཨ་ཉྙཾ ག་ཏིཾ ན ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༧༥. ‘‘དུ་ཝེ ཀུ་ལེ པ་ཛཱ་ཡཱ་མི [ཡ་ཏྠ པ་ཙྪཱ པ་ཛཱ་ཡཱ་མི (སཱི.)], ཁ་ཏྟི་ཡེ ཙཱ་པི བྲཱ་ཧྨ་ཎེ;

ནཱི་ཙེ ཀུ་ལེ ན ཛཱ་ཡཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༧༦. ‘‘ཧ་ཏྠི་ཡཱ་ནཾ ཨ་སྶ་ཡཱ་ནཾ, སི་ཝི་ཀཾ ས་ནྡ་མཱ་ནི་ཀཾ;